Jeremías 42:10 - Li Santil hu

¹⁰ Cui texcana̱k saꞌ li naꞌajej aꞌin ut texcua̱nk saꞌ xya̱lal, la̱in texintenkꞌa ut incꞌaꞌ tinba̱nu raylal e̱re. Texincanab chi cua̱nc saꞌ li naꞌajej aꞌin ut incꞌaꞌ texinqꞌue chi isi̱c. Narahoꞌ inchꞌo̱l xban li raylal li xinba̱nu e̱re.

Q'eqchi Bible

¹⁰ «Wi laa'ex texkanaaq sa' li na'ajej a'in, laa'in tinwaklesi eech'ool ut ink'a' texinrahob'tesi; texink'ojob' sa' leena'aj ut ink'a' chik texinjuk', xb'aan naq naraho'k linch'ool chirix li rahilal xinb'aanu eere.

Jeremías 42:10 ပူးပေါင်းရင်းမြစ်များ

Ezequiel 36:36

Ut chixjunileb li xni̱nkal ru tenamit li cuanqueb chixjun sutam teꞌxqꞌue retal nak la̱in li Ka̱cuaꞌ quinyi̱ban reheb li tenamit li juqꞌuinbil. Quinqꞌue cuiꞌchic chixjunil li cuan chi saꞌ. La̱in li Ka̱cuaꞌ ninyehoc re aꞌin ut la̱in ninba̱nu li cꞌaꞌru ninye.

Jeremías 31:28

Chanru nak xebinqꞌue saꞌ raylal ut xeꞌcuisi saꞌ lix naꞌajeb, ut xinrahobtesiheb ut xebinsach, joꞌcan ajcuiꞌ nak tebincuaclesi cuiꞌchic ut tintenkꞌaheb chixyi̱banquil lix tenamiteb re nak teꞌcua̱nk aran.

Jeremías 24:6

La̱in tin-ilok reheb ut tincꞌameb cuiꞌchic chak arin saꞌ lix naꞌajeb. Tintenkꞌaheb ut incꞌaꞌ tinsacheb. Tebinqꞌue cuiꞌchic saꞌ lix naꞌajeb ut incꞌaꞌ chic tincuisiheb.

Joel 2:13

Cheyotꞌ e̱chꞌo̱l chiru li Dios ut me̱pej chic le̱ rakꞌ. Jalomak ban e̱cꞌaꞌux ut patzꞌomak e̱cuybal chiru li Ka̱cuaꞌ le̱ Dios xban nak aꞌan na-uxta̱nan u ut nequexra. Aꞌan incꞌaꞌ najoskꞌoꞌ saꞌ junpa̱t. Kꞌaxal nim ban xcuyum ut narahoꞌ saꞌ xchꞌo̱l nak naxqꞌue li tojbal ma̱c saꞌ e̱be̱n.

Amós 7:6

Ut quixjal cuiꞌchic xcꞌaꞌux li Ka̱cuaꞌ ut quixye chi joꞌcaꞌin: —Chi moco aꞌin tinba̱nu. Incꞌaꞌ tinsacheb, chan li Ka̱cuaꞌ Dios.

Jeremías 33:7

Tebinsukꞌisi cuiꞌchic saꞌ lix tenamiteb laj Judá li queꞌcꞌameꞌ chi pre̱xil joꞌ eb ajcuiꞌ laj Israel. Tebinqꞌue cuiꞌchic chi cua̱nc saꞌ lix tenamiteb joꞌ nak queꞌcuan junxil.

Jonás 4:2

Joꞌcan nak quitijoc chiru li Dios ut quixye re: —At Ka̱cuaꞌ, ¿ma ma̱cuaꞌ ta biꞌ aꞌin quincꞌoxla nak toj cuanquin chak saꞌ lin tenamit? Joꞌcan nak quine̱lelic raj cha̱cuu ut co̱in raj Tarsis. Ninnau nak la̱at jun Dios nim a̱cuyum. Nacat-uxta̱nan u ut nacattokꞌoban u. Elajic nacatjoskꞌoꞌ ut incꞌaꞌ nacaba̱nu li raylal li nacacꞌoxla xba̱nunquil.

Jonás 3:10

Li Dios quiril nak queꞌxjal xcꞌaꞌuxeb ut queꞌxcanab xba̱nunquil li ma̱usilal li queꞌxba̱nu. Joꞌcan nak li Dios quixjal xcꞌaꞌux ut incꞌaꞌ quixqꞌue li raylal saꞌ xbe̱neb li quixcꞌoxla xba̱nunquil reheb.

Amós 7:3

Ut li Ka̱cuaꞌ quixjal xcꞌaꞌux. —Incꞌaꞌ texinsach, chan.

Oseas 11:8

¿Chanru nak texincanab e̱junes, la̱ex ralal xcꞌajol laj Efraín? ¿Chanru nak texinkꞌaxtesi saꞌ rukꞌeb li xicꞌ nequeꞌiloc e̱re, la̱ex aj Israel? ¿Ma ta̱ru̱k ta biꞌ texinsach joꞌ xinba̱nu riqꞌuineb laj Adma ut riqꞌuineb laj Zeboim? La̱in cꞌajoꞌ nak nequexinra. Joꞌcan nak nayotꞌeꞌ inchꞌo̱l e̱ban.

Éxodo 32:14

Ut li Ka̱cuaꞌ Dios quixjal xcꞌaꞌux ut incꞌaꞌ quixsacheb lix tenamit.

Hechos 15:16

Ut chirix aꞌin la̱in tincha̱lk ut tincuaclesi cuiꞌchic lix tenamit laj David, li tꞌanenak anakcuan. Tinyi̱b cuiꞌchic li tzꞌac li sutsu cuiꞌ ut tinyi̱b cuiꞌchic li juqꞌuinbil. Tinqꞌueheb cuiꞌchic xcuanquil laj Israel,

Jeremías 26:19

¿Ma quicamsi̱c ta biꞌ laj Miqueas xban li rey? ¿Ma quicamsi̱c ta biꞌ xbaneb laj Judá? Quixxucua ban ru li Ka̱cuaꞌ laj Ezequías ut quixtzꞌa̱ma chiru li Dios nak ta̱ruxta̱na ruheb li tenamit. Ut li Ka̱cuaꞌ quixjal xcꞌaꞌux ut incꞌaꞌ quixtakla li raylal saꞌ xbe̱neb. ¿Ma takabok ta biꞌ raylal saꞌ kabe̱n la̱o riqꞌuin xcamsinquil li cui̱nk aꞌin? chanqueb.

Salmos 106:45

Quijulticoꞌ re li contrato li quixba̱nu riqꞌuineb ut xban nak kꞌaxal nim li ruxta̱n, quixjal xcꞌaꞌux ut quixtenkꞌaheb cuiꞌchic.

Salmos 102:16

Nak li Ka̱cuaꞌ tixyi̱b cuiꞌchic lix tenamit Sión, tixcꞌutbesi lix lokꞌal chiruheb.

Salmos 69:35

Chilokꞌoni̱k taxak li Ka̱cuaꞌ Dios xban nak aꞌan ta̱colok re li tenamit Sión. Aꞌan ta̱yi̱ba̱nk cuiꞌchic reheb li tenamit li cuanqueb Judá. Ut li ralal xcꞌajol teꞌre̱chani cuiꞌchic ut teꞌcua̱nk aran.

Salmos 37:3

Cauhak taxak e̱chꞌo̱l riqꞌuin li Ka̱cuaꞌ ut cheba̱nuhak li us. Chexcua̱nk saꞌ ti̱quilal saꞌ li naꞌajej cuanquex cuiꞌ.

2 Samuel 24:16

Oc raj re chixsachbal ru li tenamit Jerusalén lix ángel li Dios, abanan quiyotꞌeꞌ xchꞌo̱l li Dios chirilbal li raylal yo̱queb chixcꞌulbal. Ut li Dios quixye re li ángel li yo̱ chi camsi̱nc reheb: —Tzꞌakal li xaba̱nu. Ma̱rahobtesiheb chic, chan. Saꞌ li ho̱nal aꞌan lix ángel li Dios cuan chire li naꞌajej li narisi cuiꞌ rix li trigo laj Arauna laj jebuseo.

Jueces 2:18

Nak li Ka̱cuaꞌ naxxakab junak aj rakol a̱tin, aꞌan ajcuiꞌ natenkꞌan re. Ut aꞌan ajcuiꞌ nacoloc reheb laj Israel saꞌ rukꞌeb li xicꞌ nequeꞌiloc reheb joꞌ najtil yoꞌyo laj rakol a̱tin. Li Ka̱cuaꞌ quiril xtokꞌoba̱l ruheb nak yo̱queb chi ya̱bac xban li raylal li yo̱queb chixcꞌulbal saꞌ rukꞌeb li xicꞌ nequeꞌiloc reheb.

Deuteronomio 32:36

Li Ka̱cuaꞌ ta̱rakok a̱tin saꞌ xbe̱neb lix tenamit. Abanan, xban nak naxraheb ta̱ril xtokꞌoba̱l ruheb nak tixqꞌue retal nak ma̱cꞌaꞌ chic xmetzꞌe̱uheb. Ta̱ruxta̱na ruheb nak ta̱ril nak ma̱cꞌaꞌeb xmetzꞌe̱uheb li nequeꞌcꞌanjelac chiru.

Jeremías 27:11

Abanan la̱in tincanabeb chi cua̱nc saꞌ xnaꞌajeb li tenamit li nequeꞌxcubsi ribeb ut nequeꞌcꞌanjelac chiru lix reyeb laj Babilonia. Tincanabeb chi cua̱nc saꞌ xnaꞌajeb re nak teꞌxtrabaji lix chꞌochꞌeb. La̱in li Ka̱cuaꞌ ninyehoc re aꞌin, chan li Dios.

Jeremías 43:4

Joꞌcan nak laj Johanán li ralal laj Carea, ut chixjunileb li nequeꞌtaklan saꞌ xbe̱neb li soldado, joꞌ eb ajcuiꞌ chixjunileb li tenamit queꞌxkꞌet li ra̱tin li Ka̱cuaꞌ ut incꞌaꞌ queꞌcana saꞌ li naꞌajej Judá.

Jonás 3:4

Nak qui-oc laj Jonás saꞌ li tenamit quixtiquib xyebal li cꞌaꞌru quiyeheꞌ re xban li Dios. Quixnumsi li jun cutan xbeninquil li tenamit ut yo̱ chixyebal reheb: —Joꞌcaꞌin saꞌ caꞌcꞌa̱l cutan li tenamit Nínive ta̱sachekꞌ ru xban li Dios, chan.