Jeremías 41:5 - Li Santil hu

⁵ queꞌcuulac Mizpa ca̱cꞌa̱l chi cui̱nk li queꞌchal chak Siquem, Silo, ut Samaria. Jobil lix macheb ut pejel li rakꞌeb ut setinbil lix tibeleb retalil lix rahil xchꞌo̱leb. Queꞌxcꞌam li ru li trigo ut li pom re teꞌmayejak saꞌ li templo.

Q'eqchi Bible

⁵ ke'wulak kaak'aal chi winq aj Sikem, aj Siló ut aj Samaria. Job'il chaq li xmacheb', q'ichilkeb' li raq' ut k'ajo' xtiq'ilaleb'. Ke'xk'am chaq li ru eb' li awimq ut li k'ajpom re xyeechi'inkil sa' rochoch li Yos.

Jeremías 41:5 ပူးပေါင်းရင်းမြစ်များ

1 Reyes 16:24

Laj Omri quixlokꞌ riqꞌuin laj Semer li tzu̱l li cuan Samaria. Quixlokꞌ chi jun ciento riqꞌuin o̱b roxcꞌa̱l (145) libras li plata. Ut saꞌ li naꞌajej aꞌan quixyi̱b jun li tenamit chi cha̱bil. Samaria quixqꞌue chokꞌ xcꞌabaꞌ li tenamit aꞌan. Quixqꞌue li xcꞌabaꞌ aꞌan xban nak aj Semer xcꞌabaꞌ laj e̱chal re li naꞌajej junxil.

2 Reyes 25:9

Nak quicuulac laj Nabuzaradán Jerusalén quixcꞌat lix templo li Ka̱cuaꞌ ut quixcꞌat ajcuiꞌ li rochoch li rey. Ut quixcꞌat ajcuiꞌ li rochocheb chixjunileb li cuanqueb xcuanquil. Chixjunileb li cab li cuanqueb Jerusalén quilajxcꞌat.

Josué 18:1

Chixjunileb laj Israel queꞌxchꞌutub ribeb aran Silo ut queꞌxyi̱b li tabernáculo re teꞌxchꞌutub ribeb chixlokꞌoninquil li Dios. Aꞌin quicꞌulman nak ac xeꞌre̱chani li naꞌajej aꞌan.

Deuteronomio 14:1

La̱ex ralal xcꞌajol li Ka̱cuaꞌ le̱ Dios. Joꞌcan nak incꞌaꞌ te̱set le̱ tibel xban xrahil e̱chꞌo̱l chirix junak camenak, chi moco te̱jo le̱ rismal li cuan saꞌ xbe̱n le̱ pe̱quem.

1 Reyes 12:1

Co̱ laj Roboam Siquem xban nak aran co̱eb chixjunileb laj Israel re teꞌxxakab chokꞌ rey.

Jueces 9:1

Laj Abimelec, li ralal laj Jerobaal, quicuulac Siquem chi a̱tinac riqꞌuineb li ras lix naꞌ ut riqꞌuineb chixjunileb li cuanqueb saꞌ rochoch lix yucuaꞌ lix naꞌ. Ut quixye reheb:

Génesis 33:18

Nak qui-el Sucot, laj Jacob quixyi̱b lix muheba̱l chire li tenamit Siquem. Ut quicuulac toj Canaán chi sa saꞌ xchꞌo̱l chalen nak qui-el chak saꞌ li tenamit Padan-aram.

Isaías 15:2

Eb li cuanqueb saꞌ li tenamit Dibón teꞌxic chi ya̱bac saꞌ li artal li cuan saꞌ xbe̱n bol. Eb li cuanqueb Moab rahak saꞌ xchꞌo̱leb ut teꞌya̱bak chirixeb li tenamit Nebo ut Medeba. Teꞌxbes lix jolomeb ut teꞌxjo lix macheb xban xrahil xchꞌo̱leb.

1 Reyes 16:29

Ac yo̱ cuakxaklaju xcaꞌcꞌa̱l (38) chihab roquic chokꞌ rey laj Asa saꞌ li naꞌajej Judá nak laj Acab li ralal laj Omri qui-oc chokꞌ rey aran Israel.

1 Reyes 12:25

Ut laj Jeroboam quixtakla xyi̱banquil chi cha̱bil li tenamit Siquem li cuan saꞌ li tzu̱l aran Efraín ut quicana chi cua̱nc aran. Ut quixyi̱b ajcuiꞌ chi cha̱bil li tenamit Penuel.

1 Samuel 1:7

Rajlal chihab nak nequeꞌxic chi lokꞌoni̱nc saꞌ li rochoch li Dios, lix Penina rajlal naxqꞌue chi rahocꞌ xchꞌo̱l lix Ana. Joꞌcan nak lix Ana naya̱bac ut incꞌaꞌ chic nacuaꞌac xban xrahil xchꞌo̱l.

Jeremías 7:14

Joꞌcan nak tinba̱nu re lin templo joꞌ quinba̱nu re li naꞌajej Silo. Tinba̱nu aꞌan re lin templo li cau cuiꞌ e̱chꞌo̱l, li quinqꞌue re le̱ xeꞌto̱nil yucuaꞌ ut e̱re ajcuiꞌ la̱ex.

Jeremías 7:12

Ayukex anakcuan Silo saꞌ li naꞌajej li quinsicꞌ chak ru junxil re tinlokꞌoni̱k cuiꞌ. Qꞌuehomak retal cꞌaꞌru quinba̱nu re xban li ma̱c li queꞌxba̱nu lin tenamit Israel.

Salmos 102:14

Eb li nequeꞌcꞌanjelac cha̱cuu nequeꞌxra li tenamit Sión usta juqꞌuinbil chic. Nequeꞌril xtokꞌoba̱l ru usta poꞌinbil chixjunil.

2 Samuel 10:4

Joꞌcan nak laj Hanún quixchapeb li cui̱nk ut quixtakla xjobal yijach lix macheb ut queꞌxset li rakꞌeb toj chiru li raꞌeb. Quixchakꞌrabiheb ut quixtaklaheb cuiꞌchic saꞌ xnaꞌajeb.

Josué 24:32

Eb laj Israel queꞌxcꞌam chak lix bakel laj José nak queꞌel chak Egipto ut queꞌxmuk aran Siquem saꞌ li chꞌochꞌ li quixlokꞌ laj Jacob junxil riqꞌuineb li ralal laj Hamor. Laj Hamor, aꞌan lix yucuaꞌ laj Siquem. Jun ciento chi tumin plata quixtoj cuiꞌ laj Jacob ut li naꞌajej aꞌan quicana chokꞌ xnaꞌajeb li ralal xcꞌajol laj José.

Génesis 34:2

Laj Hamor, aj heveo, aꞌan li acuabej re li tenamit aꞌan. Li ralal laj Hamor, aꞌan laj Siquem. Nak laj Siquem quiril lix Dina, quixchap ut quixpuersi ru re nak ta̱cua̱nk riqꞌuin.

Génesis 37:12

Saꞌ jun li cutan eb li ras laj José queꞌco̱eb Siquem chixberesinquileb lix queto̱mk lix yucuaꞌeb.

Jueces 18:31

Ut li yi̱banbil dios, li quixyi̱b laj Micaía, quicuan saꞌ xya̱nkeb laj Dan joꞌ najtil quicuan li rochoch li Ka̱cuaꞌ Dios aran Silo.

Salmos 78:60

Ut quixtzꞌekta̱na ajcuiꞌ li tabernáculo li quixakaba̱c aran Silo, li naꞌajej li quiqꞌueheꞌ cuiꞌ xlokꞌal xbaneb laj Israel.

Jeremías 16:6

Chixjunileb li cuanqueb saꞌ li naꞌajej aꞌin teꞌca̱mk, joꞌ li cuanqueb xcuanquil, joꞌ li ma̱cꞌaꞌeb xcuanquil. Ma̱ ani ta̱mukuk reheb, ut ma̱ ani ta̱rahokꞌ xchꞌo̱l chirixeb. Incꞌaꞌ teꞌxjo li rismal xjolomeb, chi moco teꞌxset xtibeleb xban xrahil xchꞌo̱leb.

Jeremías 41:4

Joꞌ cuulajak chic nak toj ma̱jiꞌ na-abi̱c resil lix camic laj Gedalías,

Jeremías 47:5

Eb li cuanqueb Gaza teꞌxbes li rismal xjolomeb xban xrahil xchꞌo̱leb. Eb laj Ascalón incꞌaꞌ chic teꞌecꞌa̱nk. ¿Jokꞌe te̱canab xsetbal le̱ tibel retalil xrahil e̱chꞌo̱l?

Jeremías 48:37

Chixjunileb queꞌxbes li rismal xjolomeb ut queꞌrisi lix macheb. Chixjunileb queꞌxset li rukꞌeb ut queꞌrocsi li tꞌicr li kꞌes ru retalil li rahil chꞌo̱lej li cuanqueb cuiꞌ.

Joel 2:13

Cheyotꞌ e̱chꞌo̱l chiru li Dios ut me̱pej chic le̱ rakꞌ. Jalomak ban e̱cꞌaꞌux ut patzꞌomak e̱cuybal chiru li Ka̱cuaꞌ le̱ Dios xban nak aꞌan na-uxta̱nan u ut nequexra. Aꞌan incꞌaꞌ najoskꞌoꞌ saꞌ junpa̱t. Kꞌaxal nim ban xcuyum ut narahoꞌ saꞌ xchꞌo̱l nak naxqꞌue li tojbal ma̱c saꞌ e̱be̱n.

1 Crónicas 19:4

Joꞌcan nak laj Hanún quixchapeb lix takl laj David ut quixtakla xjobal lix macheb ut queꞌxjach saꞌ xyi li rakꞌeb. Quicuulac toj chiru li raꞌeb. Quixtaklaheb cuiꞌchic saꞌ lix tenamiteb.