Jeremías 41:1 - Li Santil hu

¹ Laj Ismael, aꞌan li ralal laj Netanías. Ut laj Netanías, aꞌan li ralal laj Elisama. Laj Ismael, aꞌan xcomoneb li ralal xcꞌajol li rey ut xcomoneb ajcuiꞌ li nequeꞌtenkꞌan re li rey. Saꞌ li xcuuk po re li chihab aꞌan, laj Ismael co̱ Mizpa chi a̱tinac riqꞌuin laj Gedalías. Laje̱b li cui̱nk quixcꞌameb chirix. Yo̱queb chi cuaꞌac saꞌ comonil aran Mizpa.

Q'eqchi Bible

¹ Sa' xwuq li po laj Ismael, ralal laj Natanías ut ri laj Elisamá, xkomon li awab'ej, koho rochb'een lajeeb' chi winq chi rula'aninkil laj Kedalías, aran Mispá. Ut naq yookeb' chi wa'ak sa' komonil,

Jeremías 41:1 ပူးပေါင်းရင်းမြစ်များ

Jeremías 40:8

Joꞌcan nak queꞌco̱eb Mizpa chirilbal laj Gedalías. Aꞌaneb aꞌin li queꞌco̱eb: laj Ismael li ralal laj Netanías; laj Johanán ut Jonatán, li cuib chi ralal laj Carea; laj Seraías li ralal laj Tanhumet; eb li ralal laj Efai li netofatita; ut Jezanías li ralal jun laj maacateo. Ut eb lix soldados cuanqueb rochbeneb.

Jeremías 40:6

Joꞌcan nak laj Jeremías co̱ Mizpa chi cua̱nc saꞌ rochoch laj Gedalías li ralal laj Ahicam. Quicuan aran saꞌ xya̱nkeb li rech tenamitil li joꞌ qꞌuial chic queꞌcana saꞌ li naꞌajej aꞌan.

Salmos 41:9

Li tzꞌakal cuami̱g xinixtzꞌekta̱na ajcuiꞌ, li tzꞌakal cuami̱g li cꞌojcꞌo raj inchꞌo̱l riqꞌuin. Xinixtzꞌekta̱na li cuami̱g li quicuaꞌac cuochben.

San Juan 13:18

Incꞌaꞌ yo̱quin chi a̱tinac che̱rix che̱junilex. La̱in ninnau chanru le̱ naꞌleb xban nak la̱in xinsicꞌoc e̱ru. Abanan tento nak ta̱tzꞌaklok ru li tzꞌi̱banbil saꞌ li Santil Hu li naxye chi joꞌcaꞌin: Li jun li nacuaꞌac cuochben, aꞌan li ta̱tzꞌekta̱na̱nk cue.

Ezequiel 17:13

Ut quixcꞌam ajcuiꞌ jun reheb li ralal li rey li cuan xcuanquil ut quixba̱nu li contrato riqꞌuin. Quixpuersi ru chixba̱nunquil li juramento nak tixba̱nu li cꞌaꞌru quixye saꞌ li contrato. Ut quixcꞌameb ajcuiꞌ chirix li cui̱nk li cauheb rib li cuanqueb Jerusalén.

Jeremías 36:20

Eb li cuanqueb xcuanquil queꞌxcanab li hu saꞌ lix naꞌaj laj Elisama laj tzꞌi̱b. Co̱eb saꞌ li naꞌajej cuan cuiꞌ li rey ut queꞌxye re chixjunil.

Jeremías 36:12

Nak quirabi li cꞌaꞌru quixye laj Baruc, laj Micaías co̱ saꞌ rochoch li rey saꞌ li naꞌajej li nequeꞌcuan cuiꞌ laj tzꞌi̱b. Nabaleb li cuanqueb xcuanquil chꞌutchꞌu̱queb aran. Cuanqueb laj Elisama laj tzꞌi̱b, laj Delaía li ralal laj Semaías, laj Elnatán li ralal laj Acbor, laj Gemarías li ralal laj Safán, laj Sedequías li ralal laj Ananías, ut cuanqueb chic nabaleb li cuanqueb xcuanquil.

Proverbios 27:4

Li joskꞌil naqꞌuehoc chꞌaꞌajquilal. Li joskꞌil nasachoc. Abanan li cakali̱nc, aꞌan li kꞌaxal cuiꞌchic ra naxba̱nu.

Proverbios 13:10

Eb li nequeꞌxnimobresi rib junes chꞌaꞌajquilal nachal saꞌ xbe̱neb. Abanan eb li cuanqueb xnaꞌleb nequeꞌrabi li naꞌleb li naqꞌueheꞌ reheb.

Salmos 109:5

La̱in ninba̱nu usilal reheb, abanan eb aꞌan nequeꞌxba̱nu ma̱usilal cue. La̱in ninraheb, abanan eb aꞌan xicꞌ niquineꞌril.

2 Crónicas 22:10

Nak lix Atalía lix naꞌ laj Ocozías quirabi resil nak quicamsi̱c laj Ocozías, quixtakla xcamsinquil chixjunileb li ralal xcꞌajol laj Ocozías, lix reyeb laj Judá.

2 Reyes 25:25

Laj Ismael aꞌan li ralal laj Netanías li ralal laj Elisama xcomoneb lix reyeb laj Judá. Saꞌ li xcuuk li po, laj Ismael rochben laje̱b chi cui̱nk queꞌcuulac ut queꞌxcamsi laj Gedalías. Ut queꞌxcamsiheb ajcuiꞌ laj Judá ut eb laj Babilonia li cuanqueb rochben aran Mizpa.

2 Reyes 11:1

Nak lix Atalía lix naꞌ laj Ocozías quirabi resil nak quicamsi̱c laj Ocozías, quixtakla xcamsinquil chixjunileb li ralal xcꞌajol li rey Ocozías, lix yum.

2 Samuel 3:27

Nak laj Abner quicuulac Hebrón, laj Joab quixcꞌam chi mukmu saꞌ li oqueba̱l re ta̱a̱tinak riqꞌuin xjunes. Ut quixcuj lix chꞌi̱chꞌ saꞌ xcꞌatk xsaꞌ ut quixcamsi. Quixcamsi re tixtoj rix li ma̱c li quixba̱nu nak quixcamsi laj Asael li ri̱tzꞌin laj Joab.

Jeremías 39:14

Queꞌxtakla risinquil laj Jeremías saꞌ li neba̱l re li tzꞌalam ut queꞌxkꞌaxtesi saꞌ rukꞌ laj Gedalías li ralal laj Ahicam ut ri laj Safán, re tixcꞌam saꞌ rochoch. Joꞌcan nak laj Jeremías quicana saꞌ lix tenamit.

Jeremías 40:5

Cui ta̱cuaj cana̱c saꞌ li naꞌajej aꞌin, sukꞌin riqꞌuin laj Gedalías li ralal laj Ahicam. Laj Ahicam, aꞌan li ralal laj Safán. Lix reyeb laj Babilonia quixxakab laj Gedalías chi takla̱nc saꞌ xbe̱neb li tenamit li cuanqueb Judá. Chatcua̱nk saꞌ rochoch aꞌan saꞌ xya̱nkeb la̱ cuech tenamitil malaj ut tatxic bar ta̱cuaj, chan. Ut quixqꞌue xma̱tan ut xtzacae̱mk ut quixchakꞌrabi.

Jeremías 40:13

Ut laj Johanán li ralal laj Carea rochbeneb chixjunileb li nequeꞌtaklan saꞌ xbe̱neb li soldado li queꞌcana saꞌ cꞌaleba̱l, queꞌco̱eb Mizpa chi a̱tinac riqꞌuin laj Gedalías.

2 Reyes 25:22

Laj Nabucodonosor quixxakab chokꞌ gobernador aran Judá laj Gedalías li ralal laj Ahicam. Lix yucuaꞌ laj Ahicam, aꞌan laj Safán. Ut laj Gedalías, aꞌan chic li quicuan xcuanquil saꞌ xbe̱neb li queꞌcana Judá.

Jeremías 40:7

Cuanqueb li nequeꞌtaklan saꞌ xbe̱neb li soldados aj Judá li incꞌaꞌ queꞌxkꞌaxtesi ribeb rubel xcuanquileb laj Babilonia. Queꞌrabi resil nak lix reyeb laj Babilonia quixxakab laj Gedalías chi takla̱nc saꞌ li naꞌajej aꞌan ut quixcanabeb saꞌ rukꞌ chixjunileb li incꞌaꞌ queꞌcꞌameꞌ Babilonia joꞌ cui̱nk, joꞌ ixk, joꞌ cocꞌal ut li nebaꞌeb saꞌ li tenamit aꞌan.