Jeremías 40:9 - Li Santil hu

⁹ Ut laj Gedalías li ralal laj Ahicam li ralal laj Safán quixba̱nu li juramento riqꞌuineb li soldados ut riqꞌuineb li nequeꞌtaklan saꞌ xbe̱neb. Ut quixye reheb: —Mexxucuac chi cꞌanjelac chiruheb laj Babilonia. Cana̱kex saꞌ li naꞌajej aꞌin ut cꞌanjelankex chiru lix reyeb laj Babilonia re nak us tex-e̱lk riqꞌuin li cꞌaꞌru te̱ba̱nu.

Q'eqchi Bible

⁹ Laj Kedalías, ralal laj Ajikán ut ri laj Safán, kixye reheb' sa' jurament: “Mexxiwak chi k'anjelak chiruheb' laj Kaldeha. Kanaaqex sa' li tenamit, k'anjelanqex chiru li awab'ej re Babilonia, ut us wanqex.

Jeremías 40:9 ပူးပေါင်းရင်းမြစ်များ

Jeremías 27:11

Abanan la̱in tincanabeb chi cua̱nc saꞌ xnaꞌajeb li tenamit li nequeꞌxcubsi ribeb ut nequeꞌcꞌanjelac chiru lix reyeb laj Babilonia. Tincanabeb chi cua̱nc saꞌ xnaꞌajeb re nak teꞌxtrabaji lix chꞌochꞌeb. La̱in li Ka̱cuaꞌ ninyehoc re aꞌin, chan li Dios.

2 Reyes 25:24

Ut laj Gedalías quixba̱nu jun li juramento riqꞌuineb ut quixye reheb: —Mexxucuac chi cana̱c joꞌ aj cꞌanjel chiruheb laj Babilonia. Texcana̱k saꞌ li naꞌajej aꞌin ut cꞌanjelankex chiru li rey Nabucodonosor ut aꞌan tixba̱nu usilal e̱re, chan laj Gedalías reheb.

Salmos 128:2

Us tat-e̱lk riqꞌuin li cꞌaꞌru ta̱ba̱nu. Ut ta̱sahokꞌ saꞌ a̱chꞌo̱l xban nak osobtesinbilakat xban li Ka̱cuaꞌ.

Salmos 37:3

Cauhak taxak e̱chꞌo̱l riqꞌuin li Ka̱cuaꞌ ut cheba̱nuhak li us. Chexcua̱nk saꞌ ti̱quilal saꞌ li naꞌajej cuanquex cuiꞌ.

Génesis 49:15

Li bu̱r nacuulac chiru li hila̱nc ut naxsicꞌ li cha̱bil naꞌajej re ta̱hila̱nk cuiꞌ. Abanan naxqꞌue rib re nak ta̱ri̱ka li cꞌaꞌak re ru chꞌaꞌaj ri̱kanquil. Joꞌcan ajcuiꞌ la̱at, usta ta̱cua̱nk la̱ cha̱bil naꞌaj, la̱at joꞌ eb ajcuiꞌ la̱ cualal a̱cꞌajol te̱qꞌue e̱rib chi trabajic chi cau joꞌ eb li lokꞌbil mo̱s.

Lamentaciones 1:1

Tokꞌob xak ru li tenamit Jerusalén. Ma̱cꞌaꞌ chic cuan chi saꞌ. Nimla tenamit nak quicuan, abanan anakcuan chanchan aj chic jun xma̱lcaꞌan xcana. Junxil li tenamit Jerusalén kꞌaxal nim saꞌ xya̱nkeb chixjunileb li tenamit ut aꞌan nataklan saꞌ xbe̱neb. Abanan anakcuan aꞌan chic li natakla̱c.

Lamentaciones 5:9

Eb laj camsinel cuanqueb yalak bar. Xiu xiu nak nocoxic chixsicꞌbal katzacae̱mk xban nak incꞌaꞌ nakanau ma tosukꞌi̱k chak malaj ut incꞌaꞌ.