Jeremías 40:8 - Li Santil hu

⁸ Joꞌcan nak queꞌco̱eb Mizpa chirilbal laj Gedalías. Aꞌaneb aꞌin li queꞌco̱eb: laj Ismael li ralal laj Netanías; laj Johanán ut Jonatán, li cuib chi ralal laj Carea; laj Seraías li ralal laj Tanhumet; eb li ralal laj Efai li netofatita; ut Jezanías li ralal jun laj maacateo. Ut eb lix soldados cuanqueb rochbeneb.

Q'eqchi Bible

⁸ jo'kan naq koheb' toj Mispá chi rilb'al laj Kedalías. A'aneb' a'in li xk'ab'a'eb': laj Ismael, ralal laj Natanías; laj Jwan ut laj Jonatán, ralaleb' laj Kareha; laj Seraías, ralal laj Tanjumet; eb' li ralal laj Efay, Netofá xtenamit; ut laj Jasanías, ralal jun li winq aj Mahaká, ut chixjunileb' li wankeb' rochb'een.

Jeremías 40:8 ပူးပေါင်းရင်းမြစ်များ

Jeremías 42:1

Chixjunileb li nequeꞌtaklan saꞌ xbe̱neb li soldado queꞌcuulac chi a̱tinac riqꞌuin laj Jeremías. Saꞌ xya̱nkeb aꞌan cuanqueb laj Johanán li ralal laj Carea, ut laj Jezanías li ralal laj Osaías joꞌ eb ajcuiꞌ chixjunileb li tenamit, joꞌ li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil.

Deuteronomio 3:14

Laj Jair, xcomoneb li ralal xcꞌajol laj Manasés quire̱chani chixjunil li naꞌajej Argob nacuulac toj saꞌ li nuba̱l re li naꞌajej Gesur ut Maaca. Ut quixqꞌue chokꞌ xcꞌabaꞌ Basán-havot-jair joꞌ lix cꞌabaꞌ aꞌan. Aꞌan lix cꞌabaꞌ toj chalen anakcuan.

Jeremías 43:2

Nak ac xrakeꞌ chi a̱tinac laj Jeremías, laj Azarías li ralal laj Osaías ut laj Johanán li ralal laj Carea, rochbeneb li cui̱nk li kꞌetkꞌeteb, queꞌxye re laj Jeremías: —Ticꞌtiꞌ li nacaye. Li Ka̱cuaꞌ li kaDios incꞌaꞌ quixye aꞌan. Incꞌaꞌ xatxtakla chixyebal ke nak incꞌaꞌ toxic chi cua̱nc Egipto.

Jeremías 42:8

Ut laj Jeremías quixbok laj Johanán li ralal laj Carea riqꞌuin. Ut quixbokeb ajcuiꞌ li nequeꞌtaklan saꞌ xbe̱neb li soldado ut eb li tenamit li cuanqueb rochben, joꞌ li cuanqueb xcuanquil, joꞌ eb ajcuiꞌ li ma̱cꞌaꞌeb xcuanquil.

Jeremías 40:6

Joꞌcan nak laj Jeremías co̱ Mizpa chi cua̱nc saꞌ rochoch laj Gedalías li ralal laj Ahicam. Quicuan aran saꞌ xya̱nkeb li rech tenamitil li joꞌ qꞌuial chic queꞌcana saꞌ li naꞌajej aꞌan.

Nehemías 7:26

Eb li cui̱nk li cuanqueb Belén ut eb li cuanqueb saꞌ li naꞌajej Netofa, aꞌaneb jun ciento riqꞌuin cuakxakib roꞌcꞌa̱l (188).

Esdras 2:22

Li ralal xcꞌajol laj Netofa, aꞌan cuaklaju roxcꞌa̱l (56).

2 Samuel 10:8

Eb li ralal xcꞌajol laj Amón queꞌco̱eb chi pletic ut queꞌxxakab ribeb saꞌ li oqueba̱l re li tenamit. Ut eb li soldados aj Siria li queꞌcuan saꞌ eb li tenamit Soba ut Rehob rochbeneb lix soldados laj Maaca ut eb li re Is-tob cuanqueb saꞌ cꞌaleba̱l.

2 Samuel 10:6

Eb li ralal xcꞌajol laj Amón queꞌxqꞌue retal nak xicꞌ chic teꞌilekꞌ xban laj David. Joꞌcan nak queꞌxtoj junmay mil chi soldados re Siria li queꞌcuan saꞌ li cuib chi tenamit Bet-rehob ut Soba. Queꞌxtoj ajcuiꞌ lix reyeb laj Maaca rochben jun mil chi soldados. Joꞌcan ajcuiꞌ cablaju mil chi soldados re Is-tob.

Josué 12:5

Aꞌan quitaklan saꞌ xbe̱neb li naꞌajej aꞌin. Quiticla chak cuan cuiꞌ li tzu̱l Hermón. Nacuulac cuan cuiꞌ li naꞌajej Salca, ut chixjunil li naꞌajej Basán. Ut nacuulac saꞌ li nuba̱l re li naꞌajej Gesur ut Maaca ut yijach re li naꞌajej Galaad li nataklan cuiꞌ laj Sehón li rey re Hesbón.

Jeremías 43:5

Laj Johanán li ralal laj Carea ut eb li nequeꞌtaklan saꞌ xbe̱neb li soldado, queꞌxcꞌam chirixeb laj Judá li incꞌaꞌ quisacheꞌ ruheb. Aꞌaneb li queꞌjeqꞌui̱c yalak bar junxil ut queꞌsukꞌi chi cua̱nc Judá.

Jeremías 40:11

Ut chixjunileb laj judío li cuanqueb Moab, Amón, Edom ut saꞌ eb li jalaneb tenamit, queꞌrabi nak lix reyeb laj Babilonia quixqꞌue xlese̱nseb nak eb laj judío teꞌcana̱k saꞌ lix tenamiteb ut queꞌrabi nak laj Gedalías quixakaba̱c chi takla̱nc saꞌ xbe̱neb.

Jeremías 38:26

Cui teꞌxye a̱cue chi joꞌcan, la̱at ta̱ye reheb nak yo̱cat chixtzꞌa̱manquil chicuu nak incꞌaꞌ chic tatintakla saꞌ rochoch laj Jonatán re nak incꞌaꞌ tatcamsi̱k aran, chaꞌakat.—

Jeremías 37:20

Anakcuan ut china̱cuabi, at rey. Chaba̱nu taxak li tintzꞌa̱ma cha̱cuu. Mina̱takla chic saꞌ li rochoch laj Jonatán laj tzꞌi̱b. Ma̱re anchal tinca̱mk aran, chan laj Jeremías.

Jeremías 37:15

Cꞌajoꞌ nak queꞌjoskꞌoꞌ saꞌ xbe̱n laj Jeremías. Queꞌxtakla xsacꞌbal ut queꞌxqꞌue chi pre̱xil saꞌ li rochoch laj Jonatán laj tzꞌi̱b li queꞌxyi̱b chokꞌ tzꞌalam.

Esdras 2:2

Ut li nequeꞌcꞌamoc be saꞌ xya̱nkeb, aꞌaneb laj Zorobabel, laj Jesúa, laj Nehemías, laj Seraías, laj Reelaías, laj Mardoqueo, laj Bilsán, laj Mispar, laj Bigvai, laj Rehum, ut laj Baana. Aꞌaneb aꞌin lix qꞌuialeb li cui̱nk aj Israel.

1 Crónicas 11:30

laj Maharai ut laj Heled li ralal laj Baana, Netofa xtenamiteb;

1 Crónicas 2:54

Laj Salma, aꞌan lix xeꞌto̱nil yucuaꞌeb laj Belén, eb laj netofatitas, eb laj Atrot-bet-joab ut yi jacheb laj manahetitas ut eb laj zoraítas.

1 Crónicas 2:48

Lix Maaca, li quicuan chokꞌ xconcubina laj Caleb, quicuan cuib lix yum. Aꞌaneb laj Seber ut laj Tirhana.

2 Reyes 25:25

Laj Ismael aꞌan li ralal laj Netanías li ralal laj Elisama xcomoneb lix reyeb laj Judá. Saꞌ li xcuuk li po, laj Ismael rochben laje̱b chi cui̱nk queꞌcuulac ut queꞌxcamsi laj Gedalías. Ut queꞌxcamsiheb ajcuiꞌ laj Judá ut eb laj Babilonia li cuanqueb rochben aran Mizpa.

2 Reyes 25:23

Eb li cuanqueb xcuanquil saꞌ xbe̱neb li soldado aj Israel queꞌrabi resil nak laj Gedalías, aꞌan chic li gobernador ut co̱eb Mizpa chi a̱tinac riqꞌuin. Aꞌaneb laj Ismael li ralal laj Netanías; laj Johanán li ralal laj Carea; laj Seraías li ralal laj Tanhumet, Netofa xtenamit; ut laj Jaazanías li ralal jun li cui̱nk Maaca xtenamit. Ut co̱eb ajcuiꞌ li cui̱nk li cuanqueb rochbeneb.

2 Samuel 23:34

laj Elifelet li ralal laj Ahasbai, li ralal laj Maaca; laj Eliam li ralal laj Ahitofel, Gilón xtenamit;

Jeremías 40:13

Ut laj Johanán li ralal laj Carea rochbeneb chixjunileb li nequeꞌtaklan saꞌ xbe̱neb li soldado li queꞌcana saꞌ cꞌaleba̱l, queꞌco̱eb Mizpa chi a̱tinac riqꞌuin laj Gedalías.

Jeremías 40:14

Ut queꞌxye re: —¿Ma incꞌaꞌ nacanau nak laj Baalis, lix reyeb li ralal xcꞌajol laj Amón, xtakla chak laj Ismael li ralal laj Netanías cha̱camsinquil? chanqueb. Abanan laj Gedalías incꞌaꞌ quixpa̱b li cꞌaꞌru queꞌxye.

Jeremías 40:15

Ut laj Johanán quia̱tinac riqꞌuin laj Gedalías nak xjunes. Ut quixye re: —China̱canab chixcamsinquil laj Ismael. Ma̱ ani ta̱naꞌok re ani xcamsin re. ¿Cꞌaꞌut nak takacanab laj Ismael re nak tatxcamsi la̱at? Cui tatxcamsi, teꞌxjeqꞌui cuiꞌchic ribeb chixjunileb laj judío li xachꞌutubeb cha̱jun sutam ut teꞌosokꞌ chixjunileb laj Judá li joꞌ qꞌuial chic xeꞌcana, chan.

Jeremías 41:1

Laj Ismael, aꞌan li ralal laj Netanías. Ut laj Netanías, aꞌan li ralal laj Elisama. Laj Ismael, aꞌan xcomoneb li ralal xcꞌajol li rey ut xcomoneb ajcuiꞌ li nequeꞌtenkꞌan re li rey. Saꞌ li xcuuk po re li chihab aꞌan, laj Ismael co̱ Mizpa chi a̱tinac riqꞌuin laj Gedalías. Laje̱b li cui̱nk quixcꞌameb chirix. Yo̱queb chi cuaꞌac saꞌ comonil aran Mizpa.

Jeremías 41:2

Nak yo̱queb chi cuaꞌac, laj Ismael ut li laje̱b chi cui̱nk li cuanqueb rochben, queꞌcuacli ut queꞌxcamsi chi chꞌi̱chꞌ laj Gedalías li ralal laj Ahicam, li ralal laj Safán. Laj Gedalías, aꞌan li quixakaba̱c xban lix reyeb laj Babilonia chi takla̱nc saꞌ li naꞌajej Judá.

Jeremías 41:11

Laj Johanán li ralal laj Carea ut chixjunileb li cuanqueb xcuanquil saꞌ xbe̱neb li soldado queꞌxnau li incꞌaꞌ us li quixba̱nu laj Ismael li ralal laj Netanías.