Jeremías 40:11 - Li Santil hu

¹¹ Ut chixjunileb laj judío li cuanqueb Moab, Amón, Edom ut saꞌ eb li jalaneb tenamit, queꞌrabi nak lix reyeb laj Babilonia quixqꞌue xlese̱nseb nak eb laj judío teꞌcana̱k saꞌ lix tenamiteb ut queꞌrabi nak laj Gedalías quixakaba̱c chi takla̱nc saꞌ xbe̱neb.

Q'eqchi Bible

¹¹ Jo'kaneb' ajwi' eb' laj Judiiy li wankeb' chaq Mohab, Amón, Edom ut sa'atqeb' chixjunil li tenamit ke'xnaw naq li awab'ej re Babilonia kixkanab'eb' laj Judiiy chi wank sa' li xna'ajeb'; ke'xnaw ajwi' naq laj Kedalías kixaqab'aak chi xjolominkileb'.

Jeremías 40:11 ပူးပေါင်းရင်းမြစ်များ

Isaías 16:4

Choe̱canab chi cua̱nc e̱riqꞌuin. Choe̱col chiruheb li nequeꞌraj kasachbal, chanqueb. Eb aꞌan teꞌsachekꞌ ruheb ut ma̱ anihakeb chic li nequeꞌrahobtesin ke.

Ezequiel 35:15

La̱ex quisahoꞌ saꞌ e̱chꞌo̱l nak li naꞌajej Israel xcana chi ma̱cꞌaꞌ chic cuan chi saꞌ. Joꞌcan nak tincanab li tzu̱l Seir chi ma̱cꞌaꞌ chic cuan chi saꞌ, joꞌ ajcuiꞌ chixjunil li naꞌajej Edom. Ut riqꞌuin aꞌan teꞌxqꞌue retal nak la̱in li Ka̱cuaꞌ.

Ezequiel 35:5

La̱ex li junelic xicꞌ xex-iloc reheb lin tenamit Israel ut xecanabeb chi camsi̱c nak yo̱queb chi cꞌuluc raylal xban li ma̱c queꞌxba̱nu.

Ezequiel 25:12

Li nimajcual Dios naxye: —Eb laj Edom queꞌxqꞌue re̱kaj reheb laj Judá nak queꞌnumta saꞌ xbe̱neb junxil. Xban li raylal queꞌxba̱nu reheb laj Judá numtajenak lix ma̱queb.

Ezequiel 25:8

Aꞌan aꞌin li naxye li nimajcual Dios: —Eb laj Moab ut eb laj Seir queꞌxye nak eb li tenamit Judá juntakꞌe̱t riqꞌuineb li jun chꞌol chic tenamit.

Ezequiel 25:6

Joꞌcaꞌin naxye li nimajcual Dios: —La̱ex xepokꞌpokꞌi le̱ rukꞌ ut xexpiscꞌoc xban xsahil e̱chꞌo̱l xban li raylal li queꞌxcꞌul laj Israel.

Ezequiel 25:2

—At ralal cui̱nk, ilon cuanqueb cuiꞌ li ralal xcꞌajol laj Amón ut ta̱ye resil li raylal li ta̱cha̱lk saꞌ xbe̱neb.

Ezequiel 5:12

Jun jachal le̱ tenamit teꞌca̱mk xban caki yajel ut cueꞌej. Ut li jun jachal chic teꞌcamsi̱k chi chꞌi̱chꞌ chirix le̱ tenamit. Ut li jun jachal chic tebinjeqꞌui ru saꞌ jalan tenamit. Chanchan cutbileb saꞌ ikꞌ tinba̱nu reheb nak tincua̱linaheb chi chꞌi̱chꞌ.

Ezequiel 5:3

Ut ta̱chap ajcuiꞌ caꞌchꞌinak la̱ cuismal ut ta̱bacꞌ chire la̱ cuakꞌ.

Jeremías 24:9

Chixjunileb aꞌan nimla raylal tintakla saꞌ xbe̱neb. Cꞌajoꞌ xuta̱nalil teꞌxcꞌul chiruheb chixjunileb li tenamit saꞌ ruchichꞌochꞌ. Teꞌhobekꞌ ut teꞌseꞌe̱k xbaneb chixjunileb li tenamit ut teꞌmajecua̱k saꞌ eb li naꞌajej li tebinjeqꞌui cuiꞌ ruheb.

1 Samuel 12:12

Nak queqꞌue retal nak laj Nahas lix reyeb laj Amón oc re chi pletic e̱riqꞌuin, la̱ex xetzꞌekta̱na li Ka̱cuaꞌ Dios ut aꞌan raj li tzꞌakal le̱ rey. Ut xeye, “Takaj junak karey re ta̱takla̱nk saꞌ kabe̱n,” chanquex.

1 Samuel 11:1

Laj Nahas, lix reyeb laj Amón, quixcauresiheb lix soldado ut queꞌco̱eb Jabes re Galaad re teꞌpletik riqꞌuineb. Eb li cui̱nk li cuanqueb Jabes re Galaad queꞌxye re: —Ba̱nu jun li contrato kiqꞌuin ut la̱o takacanab kib rubel a̱cuanquil, chanqueb.

Números 25:1

Eb laj Israel queꞌcana chi cua̱nc aran Sitim. Nak cuanqueb aran eb li cui̱nk queꞌxtiquib ma̱cobc riqꞌuineb li ixk aj Moab.

Números 22:1

Ut queꞌel saꞌ li naꞌajej aꞌan eb laj Israel ut queꞌco̱eb. Queꞌcuulac saꞌ li ru takꞌa re Moab ut queꞌxyi̱b lix muheba̱leb nachꞌ riqꞌuin li nimaꞌ Jordán saꞌ xcaꞌyaba̱l li tenamit Jericó.

Génesis 36:8

Joꞌcan nak laj Esaú co̱ chi cua̱nc saꞌ li naꞌajej li tzu̱l ru Seir xcꞌabaꞌ. Nayeman ajcuiꞌ aj Edom re laj Esaú.

Números 25:2

Eb li ixk aꞌan nequeꞌxbok li cui̱nk aj Israel saꞌ lix ninkꞌeheb nak nequeꞌmayejac chiru lix dioseb. Ut eb laj Israel queꞌxlokꞌoni li jalanil dios Baal-peor ut queꞌxcuaꞌ li tzacae̱mk li mayejanbil chiruheb li yi̱banbil dios.

Isaías 11:14

Teꞌxjunaji ribeb ut teꞌxic chi pletic riqꞌuineb laj filisteo li cuanqueb saꞌ li oeste ut teꞌnumta̱k saꞌ xbe̱neb li cuanqueb saꞌ li este. Teꞌnumta̱k saꞌ xbe̱neb li cuanqueb Edom ut Moab. Ut eb li cuanqueb aran Amón teꞌabi̱nk chiruheb.

Jeremías 9:26

Tinqꞌueheb chixtojbal xma̱queb laj Egipto, eb laj Judá, eb laj Edom, ut eb laj Amón joꞌ eb ajcuiꞌ laj Moab. Tinqꞌueheb chixtojbal xma̱queb li cuanqueb saꞌ najtil tenamit ut saꞌ li chaki chꞌochꞌ. Incꞌaꞌ queꞌxcꞌul li circuncisión chixjunileb aꞌan. Joꞌcan eb ajcuiꞌ laj Israel. Incꞌaꞌ ti̱queb xchꞌo̱l xban nak incꞌaꞌ queꞌxjal xcꞌaꞌuxeb.—

Jeremías 41:10

Ut laj Ismael quixtakla xchapbal chixjunileb li cristian li cuanqueb Mizpa, joꞌ eb ajcuiꞌ lix rabin li rey, li queꞌcanaba̱c saꞌ rukꞌ laj Gedalías re ta̱rileb. Laj Ismael quixchapeb ut quixqꞌueheb chi pre̱xil ut qui-oc xcꞌambaleb saꞌ xtenamiteb laj Amón.

Jeremías 43:5

Laj Johanán li ralal laj Carea ut eb li nequeꞌtaklan saꞌ xbe̱neb li soldado, queꞌxcꞌam chirixeb laj Judá li incꞌaꞌ quisacheꞌ ruheb. Aꞌaneb li queꞌjeqꞌui̱c yalak bar junxil ut queꞌsukꞌi chi cua̱nc Judá.

Ezequiel 34:6

Eb lin carner yo̱queb chixbeninquil ribeb yalak bar saꞌ eb li tzu̱l ut saꞌ eb li xbe̱n bol. Ut saꞌ chixjunil li ruchichꞌochꞌ queꞌjeqꞌui̱c ruheb. Ut ma̱ ani quisicꞌoc reheb ut ma̱ ani quipatzꞌoc reheb.

Jeremías 43:6

Queꞌxcꞌameb chixjunileb li cui̱nk, eb li ixk ut eb li cocꞌal, joꞌ eb ajcuiꞌ lix rabin li rey. Aꞌaneb li queꞌqꞌueheꞌ rubel xcuanquil laj Gedalías li ralal laj Ahicam xban laj Nabuzaradán li nataklan saꞌ xbe̱neb li soldado. Ut queꞌxcꞌam ajcuiꞌ li profeta Jeremías ut laj Baruc li ralal laj Nerías.