Jeremías 40:1 - Li Santil hu

¹ Li Ka̱cuaꞌ quia̱tinac cuiꞌchic riqꞌuin laj Jeremías nak ac x-achꞌaba̱c aran Ramá xban laj Nabuzaradán li nataklan saꞌ xbe̱neb li soldado. Bacꞌbo riqꞌuin cadena nak queꞌxtau saꞌ xya̱nkeb chixjunileb laj Jerusalén ut eb laj Judá li yo̱queb chi cꞌamecꞌ chi pre̱xil aran Babilonia.

Q'eqchi Bible

¹ Naq laj Jeremías ki'isiik sa' tz'alam xb'aan laj Nabusaradán, xjolomileb' laj k'aak'alenel, aran Ramá, li Qaawa' ki'aatinak rik'in. B'ak'b'o chi kareen naq ke'xtaw li propeet sa' xyanqeb' chixjunileb' laj Jerusalén ut eb' laj Judá li yookeb' xk'amb'al Babilonia.

Jeremías 40:1 ပူးပေါင်းရင်းမြစ်များ

Efesios 6:20

Taklanbilin xban li Dios chixyebal li resilal aꞌan. Ut xban xyebal resil li colba-ib nak cuanquin chi pre̱xil anakcuan. Chextijok chicuix re nak tinchꞌolob xya̱lal li colba-ib chi cau inchꞌo̱l joꞌ qꞌuebil cue xba̱nunquil xban li Dios.

Hechos 21:13

Abanan laj Pablo quichakꞌoc ut quixye ke: —¿Cꞌaꞌut nak yo̱quex chi ya̱bac ut chixqꞌuebal xrahil inchꞌo̱l? La̱in cau inchꞌo̱l, moco caꞌaj cuiꞌ ta re tinbaqꞌuekꞌ. Re aj ban cuiꞌ nak tincamsi̱k aran Jerusalén saꞌ xcꞌabaꞌ li Ka̱cuaꞌ Jesús, chan.

Jeremías 31:15

Aꞌan aꞌin li quixye li Ka̱cuaꞌ: —Qui-abi̱c li ya̱bac saꞌ li tenamit Ramá xban li nimla rahil chꞌo̱lej, ut li yotꞌba chꞌo̱lej li queꞌxcꞌul. Aꞌaneb li ralal xcꞌajol lix Raquel li yo̱queb chi ya̱bac chirixeb lix cocꞌal. Ut incꞌaꞌ chic nacꞌojla xchꞌo̱leb xban nak ac camenakeb chic li ralal xcꞌajoleb.

Josué 18:25

Quiqꞌueheꞌ ajcuiꞌ reheb li tenamit Gabaón, Ramá, Beerot,

Hechos 28:20

Aꞌan aj e nak xintakla e̱bokbal. Xcuaj rilbal e̱ru ut xcuaj a̱tinac e̱riqꞌuin. Saꞌ xcꞌabaꞌ li jun li nakayoꞌoni la̱o aj Israel nak bacꞌbo̱quin anakcuan riqꞌuin li cadena aꞌin, chan reheb.

Salmos 107:16

Li Ka̱cuaꞌ aꞌan li quijoroc re li oqueba̱l yi̱banbil riqꞌuin bronce ut hierro re xcolbaleb lix tenamit chiruheb li queꞌnumta saꞌ xbe̱neb.

Salmos 68:6

Li Dios naxqꞌue xnaꞌajeb li ma̱ ani cuan reheb. Ut narisiheb saꞌ tzꞌalam li chapcho̱queb ut naxqꞌue xsahileb xchꞌo̱l. Abanan li kꞌetkꞌeteb naxqꞌueheb saꞌ jun li naꞌajej ma̱cꞌaꞌ na-el chiru.

1 Samuel 7:17

Ut chirix aꞌan nasukꞌi Ramá xban nak aran cuan li rochoch. Toj aran narakoc chak a̱tin saꞌ xbe̱neb li tenamit Israel. Ut quixyi̱b jun li artal re xlokꞌoninquil li Ka̱cuaꞌ saꞌ li tenamit aꞌan.

Jeremías 39:9

Tojoꞌnak laj Nabuzaradán li nataklan saꞌ xbe̱neb chixjunileb li soldado, quixchapeb ut quixcꞌameb chi pre̱xil aran Babilonia chixjunileb li cristian li queꞌcana saꞌ li tenamit. Ut quixcꞌameb ajcuiꞌ li queꞌxkꞌaxtesi ribeb rubeleb xcuanquil.

Ezequiel 33:21

Nak yo̱ cablaju chihab kacꞌambal chi pre̱xil aran Babilonia, saꞌ li o̱b xbe li xlaje po, quicuulac cuiqꞌuin jun li cui̱nk quie̱lelic Jerusalén. Li cui̱nk aꞌan quixye cue nak li tenamit Jerusalén ac x-e̱chani̱c xbaneb li xicꞌ nequeꞌiloc re.

2 Crónicas 16:1

Nak yo̱ cuaklaju xcaꞌcꞌa̱l chihab roquic laj Asa chokꞌ xreyeb laj Judá, laj Baasa lix reyeb laj Israel co̱ chi pletic riqꞌuineb laj Judá. Ut laj Baasa quixyi̱b chi cha̱bil li tenamit Ramá re nak ma̱ ani ta̱ru̱k ta̱oc ut ma̱ ani ta̱ru̱k ta̱e̱lk aran Judá cuan cuiꞌ li rey Asa.

Jeremías 42:7

Ac xnumeꞌ chic laje̱b cutan nak li Ka̱cuaꞌ quia̱tinac riqꞌuin laj Jeremías.