Jeremías 4:4 - Li Santil hu

⁴ La̱ex aj Judá ut la̱ex aj Jerusalén, isihomak li yibru naꞌleb li cuan saꞌ le̱ chꞌo̱l ut kꞌaxtesihomak e̱rib chi tzꞌakal saꞌ cuukꞌ la̱in li Ka̱cuaꞌ le̱ Dios. Chanchan nak na-uxman li circuncisión. Cui incꞌaꞌ te̱ba̱nu li cꞌaꞌru ninye, la̱in tinjoskꞌokꞌ e̱riqꞌuin xban li ma̱usilal li nequeba̱nu. Ut incꞌaꞌ ta̱numekꞌ lin joskꞌil saꞌ e̱be̱n. Chanchanak li xam li incꞌaꞌ nachup, chan li Ka̱cuaꞌ.

Q'eqchi Bible

⁴ Ex poyanam aj Judá ut aj Jerusalén, q'axtesihomaq eerib' re li Qaawa' Yos, ut k'ehomaq sa' leech'ool li reetalil linSumwank. Mare anchal taachalq injosq'il jo' li xam ut taa'ok chi sachok, chi maajun chik taaramoq re, xb'aan li k'iila maa'usilal nekeb'aanu.

Jeremías 4:4 ပူးပေါင်းရင်းမြစ်များ

Deuteronomio 10:16

Joꞌcan ut chalen anakcuan isihomak saꞌ le̱ ra̱m chixjunil li incꞌaꞌ us. Chanchan nak te̱ba̱nu li circuncisión. Cheba̱nu ban li cꞌaꞌru naraj li Ka̱cuaꞌ ut me̱cacuubresi chic le̱ chꞌo̱l.

Colosenses 2:11

Xban nak xepa̱b li Jesucristo, junajex chic riqꞌuin ut chanchan nak xecꞌul li circuncisión, aban ma̱cuaꞌ joꞌ li circuncisión nequeꞌxba̱nu laj judío. Li xecꞌul la̱ex, aꞌan nak li Jesucristo quirisi saꞌ le̱ chꞌo̱l lix rahinquil ru li ma̱usilal.

Deuteronomio 30:6

Chanchan nak te̱ba̱nu li circuncisión nak li Ka̱cuaꞌ ta̱risi saꞌ le̱ ra̱m li incꞌaꞌ us, joꞌ tixba̱nu reheb le̱ ralal e̱cꞌajol re nak te̱ra li Ka̱cuaꞌ le̱ Dios chi anchal e̱chꞌo̱l ut chi anchal le̱ ra̱m ut ta̱cua̱nk le̱ yuꞌam chi junelic.

Jeremías 9:26

Tinqꞌueheb chixtojbal xma̱queb laj Egipto, eb laj Judá, eb laj Edom, ut eb laj Amón joꞌ eb ajcuiꞌ laj Moab. Tinqꞌueheb chixtojbal xma̱queb li cuanqueb saꞌ najtil tenamit ut saꞌ li chaki chꞌochꞌ. Incꞌaꞌ queꞌxcꞌul li circuncisión chixjunileb aꞌan. Joꞌcan eb ajcuiꞌ laj Israel. Incꞌaꞌ ti̱queb xchꞌo̱l xban nak incꞌaꞌ queꞌxjal xcꞌaꞌuxeb.—

Jeremías 21:12

—La̱ex li nequex-oc chokꞌ xreyeb laj Judá, abihomak li oc re chixyebal li Ka̱cuaꞌ. Rajlal cutan textakla̱nk saꞌ ti̱quilal. Checolak li ani yo̱queb chi rahobtesi̱c xbaneb li incꞌaꞌ useb xnaꞌleb. Cui incꞌaꞌ te̱ba̱nu li us ta̱cha̱lk injoskꞌil saꞌ e̱be̱n. Chanchanak li xam li incꞌaꞌ naru xchupbal xban li ma̱usilal xeba̱nu.

Amós 5:6

—Sicꞌomakin ban la̱in, chan li Ka̱cuaꞌ, ut ta̱cua̱nk le̱ yuꞌam chi tzꞌakal, xban nak cui incꞌaꞌ tine̱sicꞌ, tinrakok a̱tin saꞌ e̱be̱n. Chanchan xam tintakla chak nak tinrakok a̱tin saꞌ e̱be̱n la̱ex laj Israel. Chixjunileb teꞌcꞌatekꞌ xban li xam ut ma̱ ani junak saꞌ xya̱nkeb laj Bet-el ta̱ru̱k ta̱chupuk re li xam, chan li Dios.

Sofonías 2:2

Checꞌoxla rix li cꞌaꞌru te̱ba̱nu nak toj ma̱jiꞌ nequecꞌul li raylal li tenebanbil saꞌ e̱be̱n xban nak saꞌ junpa̱t ta̱numekꞌ li cutan joꞌ nak nacꞌameꞌ lix mokoj li trigo xban li ikꞌ. Checꞌoxla rix li cꞌaꞌru te̱ba̱nu nak toj ma̱jiꞌ nachal lix joskꞌil li Dios saꞌ e̱be̱n. Checꞌoxla rix cꞌaꞌru te̱ba̱nu nak toj ma̱jiꞌ nacuulac xkꞌehil nak li Dios tixcꞌutbesi lix joskꞌil che̱ru.

Ezequiel 20:33

La̱in li yoꞌyo̱quil Dios ninye e̱re nak relic chi ya̱l la̱in tintakla̱nk chi cau saꞌ e̱be̱n la̱ex ut saꞌ joskꞌil.

Ezequiel 24:13

La̱ex aj Jerusalén chanchanex li ucꞌal xban nak xemux e̱rib. La̱in xinyal risinquil le̱ ma̱usilal, abanan incꞌaꞌ x-el xban nak muxbil e̱ru. Le̱ ma̱usilal ta̱e̱lk nak la̱in tincuisi lin joskꞌil saꞌ e̱be̱n nak texinqꞌue chixtojbal e̱ma̱c.

Lamentaciones 4:11

Quirisi xjoskꞌil li Ka̱cuaꞌ saꞌ xbe̱neb li cuanqueb Jerusalén. Quixtakla xam saꞌ li tenamit ut quilajeꞌsacheꞌ chixjunil. Joꞌ ajcuiꞌ lix cimiento li cab, queꞌosoꞌ xban xam.

Ezequiel 24:8

La̱in xincanab lix quiqꞌueleb chiru li pec bar ta̱cꞌutu̱nk cuiꞌ. Aran yo̱k chi kꞌoko̱nc ut yo̱k chixtzꞌa̱manquil nak teꞌqꞌuehekꞌ chixtojbal xma̱queb li queꞌcamsin reheb.

Ezequiel 16:38

Tatinqꞌue chixtojbal a̱ma̱c joꞌ nequeꞌxcꞌul li nequeꞌxmux ru lix sumlajiqueb ut joꞌ li nequeꞌcamsin. Ut xban nak xicꞌ nacuil li cꞌaꞌru caba̱nu yo̱ injoskꞌil saꞌ a̱be̱n. Tatincanab chi camsi̱c re xtojbal rix la̱ ma̱c.

Ezequiel 8:18

Xban nak cꞌajoꞌ lin joskꞌil saꞌ xbe̱neb, la̱in tinqꞌueheb chixtojbal lix ma̱queb. La̱in incꞌaꞌ tintokꞌoba ruheb chi moco tincuuxta̱naheb ru. Usta nequeꞌxjap reheb chixya̱banquil lin cꞌabaꞌ, abanan la̱in incꞌaꞌ chic tincuabi lix tijeb.

Ezequiel 6:12

Ut cuanqueb chak chi najt teꞌca̱mk xban caki yajel ut eb li cuanqueb chi nachꞌ teꞌca̱mk saꞌ li ple̱t. Ut li joꞌ qꞌuial chic teꞌcana̱k teꞌca̱mk xban cueꞌej. Joꞌcaꞌin nak tincuisi lin joskꞌil saꞌ xbe̱neb.

Jeremías 36:7

Ma̱re teꞌtijok chiru li Dios ut teꞌxtzꞌa̱ma xcuybal xma̱c chiru ut teꞌxcanab xba̱nunquil li ma̱usilal xban nak li Ka̱cuaꞌ cꞌajoꞌ lix joskꞌil saꞌ xbe̱neb ut xye nak kꞌaxal ra tixba̱nu reheb li tenamit, chan laj Jeremías.

Jeremías 23:19

Lix joskꞌil li Ka̱cuaꞌ chanchan li ca̱k-sut-ikꞌ. Nak li Ka̱cuaꞌ ta̱risi xjoskꞌil saꞌ xbe̱neb li nequeꞌxba̱nu li ma̱usilal, chanchanak li ca̱k-sut-ikꞌ nak ta̱cha̱lk saꞌ xbe̱neb.

Jeremías 21:5

La̱in tinpletik e̱riqꞌuin riqꞌuin lin cuanquil ut riqꞌuin lin metzꞌe̱u xban nak xeqꞌue injoskꞌil. Cau tinpletik e̱riqꞌuin xban nak xnumta lin joskꞌil saꞌ e̱be̱n.

Isaías 51:17

Chi-ajk e̱ru la̱ex aj Jerusalén ut cheqꞌuehak retal. La̱ex xecꞌul li raylal xban li ma̱c xeba̱nu nak xeqꞌue xjoskꞌil li Dios. Chanchan nak xerucꞌ xsaꞌ li secꞌ toj retal xechoy ut chanchan nak xexcaltesi̱c xban.

Levítico 26:28

ta̱numta̱k lin joskꞌil saꞌ e̱be̱n. Cuukub sut chic li raylal li tinqꞌue saꞌ e̱be̱n.

Ezequiel 21:17

La̱in tinpokꞌpokꞌi li cuukꞌ ut ta̱cube̱k lin joskꞌil. La̱in li nimajcual Dios ninyehoc re aꞌin.

Ezequiel 18:31

Canabomak chixjunil le̱ kꞌetba a̱tin li xexma̱cob cuiꞌ. Jalomak e̱cꞌaꞌux ut acꞌak chic le̱ yuꞌam. ¿Cꞌaꞌut nak te̱qꞌue e̱rib chi ca̱mc xban le̱ ma̱c, ex aj Israel?

Deuteronomio 32:22

Cꞌajoꞌ nak queꞌxqꞌue injoskꞌil. Lin joskꞌil chanchan li xam yo̱ chixcꞌatbal chixjunil toj saꞌ xchamal li ruchichꞌochꞌ. Chanchan nak tixcꞌat li ruchichꞌochꞌ ut li acui̱mk li cuan chiru. Tixcꞌat lix to̱n li tzu̱l.

Romanos 2:25

Relic chi ya̱l li circuncisión cuan xya̱lal cui nacapa̱b li chakꞌrab li quiqꞌueheꞌ re laj Moisés xban li Dios. Aban cui nacakꞌet lix chakꞌrab ma̱cꞌaꞌ na-oc cuiꞌ nak xacꞌul li circuncisión.

Levítico 26:41

Ut la̱ex te̱qꞌue retal nak xma̱c aꞌan nak quebintakla saꞌ xtenamiteb li xicꞌ nequeꞌiloc e̱re. Nak te̱cubsi e̱rib ut te̱cꞌu̱luban saꞌ e̱be̱n lix tojbal rix le̱ ma̱c,

Isaías 10:17

Li Ka̱cuaꞌ Dios li nacutanobresin re lix cꞌaꞌuxeb laj Israel tixsacheb ru. Li Dios Santo tixsacheb ru li tenamit aꞌan chiru jun cutan joꞌ nak li xam naxcꞌat li qꞌuix ut li pim.

Isaías 30:33

Ac junxil cauresinbil chak li naꞌajej Tofet li ta̱cꞌatekꞌ cuiꞌ lix reyeb laj Asiria. Li naꞌajej aꞌan nim ru ut cꞌajoꞌ xchamal. Nabal li siꞌ ac tusbil saꞌ li naꞌajej aꞌan. Li Ka̱cuaꞌ nak ta̱musikꞌak tixloch xxamlel ut tixcꞌat riqꞌuin azufre.

Jeremías 9:25

Li Ka̱cuaꞌ quixye: —Ta̱cuulak xkꞌehil nak la̱in tinqꞌueheb chixtojbal xma̱queb li tenamit li moco ti̱queb ta xchꞌo̱l usta queꞌxcꞌul li circuncisión, usta incꞌaꞌ.

Jeremías 44:22

Li Dios incꞌaꞌ chic quixcuy rilbal li ma̱c ut li ma̱usilal xeba̱nu. Incꞌaꞌ chic quixcuy rilbal lix yibal ru le̱ naꞌleb. Joꞌcan nak quixsach ru le̱ naꞌaj. Ma̱cꞌaꞌ chic cuan chi saꞌ anakcuan ut majecuanbil chic.

Ezequiel 44:7

Quemux ru lin templo nak xecanabeb chi oc saꞌ lin templo li jalaneb xtenamit, li incꞌaꞌ niquineꞌxpa̱b ut incꞌaꞌ queꞌxcꞌul li circuncisión. Ut xemayeja li caxlan cua ut lix quiqꞌuel li xul ut lix xe̱bul. Xban li ma̱usilal queba̱nu, querisi xcuanquil li contrato li quinba̱nu e̱riqꞌuin.

2 Crónicas 34:25

Eb aꞌan quineꞌxtzꞌekta̱na nak queꞌxcꞌat xmayejeb chiru li jalanil dios. Queꞌxchikꞌ injoskꞌil riqꞌuin li incꞌaꞌ us queꞌxba̱nu. Incꞌaꞌ tincanabeb chi joꞌcan. Toj tincuisi injoskꞌil saꞌ xbe̱neb li tenamit aꞌin.

Jeremías 15:14

La̱in texinqꞌue chi cꞌanjelac chiruheb li xicꞌ nequeꞌiloc e̱re saꞌ jalan tenamit li incꞌaꞌ quenau. La̱in yo̱ injoskꞌil saꞌ e̱be̱n. Chanchan jun li xam li incꞌaꞌ ta̱chupk, chan li Dios.