Jeremías 4:31 - Li Santil hu

³¹ La̱in xcuabi nak yo̱queb chi ya̱bac laj Jerusalén. Chanchan nak naxjap re li ixk nak oc re chi qꞌuira̱c riqꞌuin li xbe̱n xcꞌulaꞌal. Incꞌaꞌ chic nequeꞌxcuy musikꞌac. Nequeꞌxyeꞌ li rukꞌeb nak yo̱queb chixtzꞌa̱manquil xtenkꞌanquileb. “Tokꞌob ku. Incꞌaꞌ nakacuy saꞌ rukꞌeb li nequeꞌraj kacamsinquil,” chanqueb.

Q'eqchi Bible

³¹ Toja' naq xwab'i xyaab' xkux jun li ixq, chanchan naq toj xb'enwa ok re chi alank. A'an pe' li xyaab' xkux li xrab'in li tenamit Sión; naxjiq' xch'ool chi yaab'ak, naxye' li ruq' ut naxye: «Toq'ob' wu, oso'k we xb'aaneb' laj kamsinel poyanam!»”.

Jeremías 4:31 ပူးပေါင်းရင်းမြစ်များ

Lamentaciones 1:17

Eb li cuanqueb Sión yo̱queb chixtzꞌa̱manquil xtenkꞌanquil. Abanan ma̱ ani natenkꞌan reheb. Li Ka̱cuaꞌ quixye nak eb li cuanqueb chi nachꞌ xicꞌ chic teꞌrileb li ralal xcꞌajol laj Jacob. Eb li cuanqueb Jerusalén tzꞌekta̱nanbileb xbaneb li xicꞌ nequeꞌiloc reheb.

Isaías 1:15

Incꞌaꞌ chic nacuaj rilbal nak te̱taksi le̱ rukꞌ chi tijoc. Usta qꞌuila sut nequextijoc, abanan la̱in incꞌaꞌ chic tincuabi xban nak la̱ex aj camsinel.

Jeremías 13:21

Li Ka̱cuaꞌ quixye: —La̱ex aj Jerusalén, ¿cꞌaꞌru te̱ye nak texcana̱k rubel xcuanquileb li tenamit li xecꞌojob e̱chꞌo̱l saꞌ xbe̱neb xban nak xecꞌoxla nak e̱rami̱gueb? Kꞌaxal ra te̱cꞌul joꞌ naxcꞌul li ixk li oc re chi qꞌuira̱c.

1 Ts 5:3

Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb.

1 Corintios 9:16

La̱in incꞌaꞌ ninnimobresi cuib xban nak ninchꞌolob xya̱lal li colba-ib. Taklanbilin chi cꞌanjelac xban li Dios. Kꞌaxal ra raj chokꞌ cue cui ta incꞌaꞌ ninjultica resil.

San Mateo 21:5

Ye reheb li tenamit aj Sión: —Cueꞌ chak le̱ Rey xchal e̱riqꞌuin. Tu̱lan ut cꞌojcꞌo chak chirix jun li bu̱r. Chirix jun chꞌina ral bu̱r xcomon li nequeꞌi̱kan yo̱ chak chi cha̱lc.— (Zac. 9:9; Isa. 62:11)

Miqueas 7:1

Tokꞌob xak cuu. Chanchanin jun li cui̱nk li naxsicꞌ li ru li acui̱mk saꞌ sakꞌehil abanan ma̱cꞌaꞌ chic ru. Ac sicꞌbil. Xinsicꞌ li ru li uva abanan ac sicꞌbil ajcuiꞌ ut la̱in aꞌ raj li xbe̱n ru xcuaj, abanan incꞌaꞌ chic xintau.

Oseas 13:13

Li raylal li teꞌxcꞌul chanchan li raylal naxcꞌul li ixk nak ac qꞌuira̱c re. Chanchaneb jun li cꞌulaꞌal xcuulac xkꞌehil xyoꞌlajic abanan incꞌaꞌ nayoꞌla saꞌ xya̱lal. Eb laj Efraín teꞌcolekꞌ raj, abanan xban xma̱cꞌaꞌileb xnaꞌleb, incꞌaꞌ nequeꞌraj xcanabanquil li ma̱usilal.

Lamentaciones 2:21

Eb li camenak nequeꞌtꞌanaxin saꞌ eb li be, joꞌ cocꞌal, joꞌ ti̱xeb. Eb li sa̱j cui̱nk ut eb li tukꞌ ixk xelajeꞌcamsi̱c. Xban a̱joskꞌil, at Ka̱cuaꞌ, cacanabeb chi camsi̱c ut incꞌaꞌ cacuil xtokꞌoba̱l ruheb.

Lamentaciones 1:20

At Ka̱cuaꞌ, at kaDios, chaqꞌue taxak retal li raylal li yo̱co chixcꞌulbal. Ta̱qꞌue taxak retal lix rahil li kachꞌo̱l. Cꞌajoꞌ nak nayotꞌeꞌ li kachꞌo̱l xban li ma̱c xkaba̱nu. Saꞌ eb li be yo̱queb chi camsi̱c li kalal kacꞌajol ut yo̱queb ajcuiꞌ chi ca̱mc saꞌ li kochoch.

Jeremías 50:43

Lix reyeb laj Babilonia quirabi resil li ple̱t li xchal saꞌ xbe̱neb. Ma̱cꞌaꞌ chic xmetzꞌe̱u quicana xban xcꞌaꞌux. Cꞌajoꞌ xrahil saꞌ xchꞌo̱l. Chanchan li raylal li naxcꞌul li ixk nak oc re chi qꞌuira̱c.

Jeremías 49:24

Incꞌaꞌ chic cauheb xchꞌo̱l laj Damasco. Yo̱queb chi e̱lelic xban xxiuheb. Cꞌajoꞌ li raylal yo̱queb chixcꞌulbal. Chanchaneb jun li ixk oc re chi qꞌuira̱c.

Jeremías 49:22

Qꞌuehomak retal. Eb li xicꞌ nequeꞌiloc reheb laj Bosra yo̱queb chi cha̱lc chixsachbal ruheb. Chanchaneb li tꞌiu nak naxic chixchapbal lix tib. Saꞌ eb li cutan aꞌan eb li soldado aj Edom sicsotkeb. Chanchanakeb jun li ixk li yo̱ chi cꞌuluc raylal.

Jeremías 48:41

Eb li tenamit teꞌchapekꞌ joꞌ eb ajcuiꞌ li cab li nequeꞌxcol cuiꞌ ribeb. Saꞌ eb li cutan aꞌan eb li soldado aj Moab sicsotkeb. Chanchanakeb jun li ixk li yo̱ chi cꞌuluc raylal.

Jeremías 45:2

—At Baruc, joꞌcaꞌin yo̱ chixyebal a̱cue li Ka̱cuaꞌ lix Dioseb laj Israel:

Jeremías 30:6

Cꞌoxlahomak junpa̱tak. ¿Ma naru ta biꞌ nayoꞌla junak xcꞌulaꞌal li cui̱nk? ¿Cꞌaꞌut nak yo̱queb chi xucuac li cui̱nk ut yo̱queb chi ya̱bac? Sakquirin aj chic nequeꞌiloc xbaneb xxiu. Chanchaneb chic li ixk li oqueb re chi qꞌuira̱c.

Jeremías 22:23

La̱ex li cuanquex saꞌ le̱ rochoch li xeyi̱b riqꞌuin li chacalteꞌ li xchal Líbano, cꞌajoꞌ nak texya̱bak xban li raylal te̱cꞌul. Li raylal li te̱cꞌul chanchan li raylal li naxcꞌul li ixk li oc re chi qꞌuira̱c.

Jeremías 18:21

Anakcuan ta̱takla taxak li cueꞌej saꞌ xbe̱neb li ralal xcꞌajoleb. Cheꞌcamsi̱k ta riqꞌuin chꞌi̱chꞌ. Eb li ixakilbej cheꞌcana̱k chi ma̱cꞌaꞌak chic lix cocꞌaleb ut chi ma̱cꞌaꞌak chic lix be̱lomeb. Eb li be̱lomej cheꞌca̱mk ut eb li toj sa̱jeb cheꞌcamsi̱k saꞌ li ple̱t.

Jeremías 15:18

¿Cꞌaꞌut nak junelic ra cuanquin? ¿Cꞌaꞌut nak incꞌaꞌ narakeꞌ li raylal li yo̱quin chixcꞌulbal? ¿Ma chi ti̱c ma̱cꞌaꞌ xbanol? ¿Ma incꞌaꞌ ta̱ru̱k tina̱tenkꞌa? La̱in ninnau nak la̱at ma̱cuaꞌat joꞌ jun li haꞌ li na-osoꞌ.—

Jeremías 14:18

Nak ninxic saꞌ cꞌaleba̱l nequeꞌcuil li queꞌcamsi̱c saꞌ li ple̱t. Ut saꞌ eb li tenamit, nequeꞌcuil li yo̱queb chi ca̱mc xban cueꞌej. Eb li profeta ut eb laj tij xeꞌcꞌameꞌ saꞌ jun tenamit li incꞌaꞌ xeꞌxnau ru,” chaꞌakat.—

Jeremías 10:19

Laj Jeremías quixye ajcuiꞌ: —Tokꞌob xak ku. Kꞌaxal ra yo̱co chixcꞌulbal. Ma̱cꞌaꞌ xbanol li karaylal. La̱o xkaye nak tento takacuy xcꞌulbal li raylal.

Jeremías 6:2

La̱in tinsach ru li tenamit Sión li cꞌajoꞌ xchakꞌal ru.

Isaías 42:14

Li Ka̱cuaꞌ quixye: —La̱in ma̱cꞌaꞌ xinye. Najt xincuy cuib ut ma̱cꞌaꞌ xinba̱nu. Abanan anakcuan tinjap cue joꞌ nak naxjap re jun li ixk li oc re chi qꞌuira̱c. Jun xxiquic nak tinsacheb ru li xicꞌ nequeꞌiloc cue.

Isaías 21:3

Cꞌajoꞌ lin xiu ut ra cuanquin xban li cꞌaꞌru quicuil saꞌ li visión. Chanchan li raylal li naxcꞌul li ixk li oc re chi qꞌuira̱c. Nayotꞌeꞌ inchꞌo̱l xban li cꞌaꞌru quicuabi ut sachso innaꞌleb xban li cꞌaꞌru quicuil.

Isaías 13:8

Nabal li raylal ta̱cha̱lk saꞌ xbe̱neb ut yo̱keb xxiu. Cꞌajoꞌ li raylal li teꞌxcꞌul. Chanchanak li raylal li naxcꞌul li ixk li oc re chi qꞌuira̱c. Teꞌxcaꞌya ribeb ut teꞌsach xchꞌo̱leb chi rilbal li cꞌaꞌru teꞌxcꞌul li jun chꞌol chic ut teꞌxuta̱nak.

Isaías 6:5

Tojoꞌnak quinye la̱in: —Tokꞌob xak cuu. La̱in jun cui̱nk aj ma̱c ut incꞌaꞌ us li na-el saꞌ xtzꞌu̱mal cue. Ut saꞌ xya̱nkeb li tenamit aj ma̱c cuanquin. Anakcuan tinca̱mk xban nak riqꞌuin xnakꞌ cuu xcuil ru li Rey, li Ka̱cuaꞌ li nimajcual Dios.—

Salmos 120:5

Kꞌaxal ra chokꞌ cue nak cuanquin saꞌ li tenamit Mesec saꞌ xya̱nkeb li ralal xcꞌajol laj Cedar.

Li xHu LAJ JOB 10:1

La̱in xintitzꞌ chi cua̱nc saꞌ ruchichꞌochꞌ. Oc cue chi jitoc chiru li Dios. Oc cue chixyebal li joꞌ qꞌuial nacuaj xban nak kꞌaxal ra saꞌ inchꞌo̱l.

Génesis 27:46

Joꞌcan nak lix Rebeca co̱ chi a̱tinac riqꞌuin laj Isaac ut quixye re: —La̱in xintitzꞌ xbaneb li rixakil laj Esaú. Eb aꞌan aj hitita. Cui laj Jacob naxcꞌam junak li ixk aj hitita chokꞌ rixakil, ¿cꞌaꞌru aj e nak cua̱nkin arin? Us raj nak tinca̱mk, chan lix Rebeca re laj Isaac.

Isaías 26:17

Chanchano li yaj aj ixk li oc re chi qꞌuira̱c. Japjo re xban li raylal. Joꞌcan yo̱co chixcꞌulbal la̱o, at Ka̱cuaꞌ.

Miqueas 4:9

¿Cꞌaꞌut nak yo̱quex chixjapbal e̱re anakcuan, la̱ex aj Israel? ¿Ma xban nak xchapeꞌ le̱ rey malaj ut xban nak xcamsi̱c laj qꞌuehol e̱naꞌleb? Le̱ raylal chanchan xraylal li ixk li qꞌuira̱c re.

Miqueas 4:10

Chexya̱bak ut chirahokꞌ saꞌ e̱chꞌo̱l la̱ex li cuanquex Sión joꞌ jun li ixk li oc re chi qꞌuira̱c. Chiyotꞌekꞌ e̱chꞌo̱l xban nak anakcuan tento nak tex-e̱lk saꞌ le̱ tenamit ut texxic chi cua̱nc saꞌ cꞌaleba̱l. Texcꞌamekꞌ aran Babilonia, abanan texcolekꞌ xban nak li Ka̱cuaꞌ ta̱isi̱nk e̱re saꞌ rukꞌeb li xicꞌ nequeꞌiloc e̱re.