Jeremías 4:30 - Li Santil hu

³⁰ La̱ex aj Jerusalén, raylal ta̱cha̱lk saꞌ e̱be̱n. ¿Cꞌaꞌut nak nequetikib e̱rib riqꞌuin li caki akꞌ? ¿Cꞌaꞌut nak nequerocsi li oro chokꞌ xsahob e̱ru? ¿Cꞌaꞌut nak nequebon li xnakꞌ e̱ru? Ma̱cꞌaꞌ rajbal nak nequeyi̱b e̱rib chi chꞌinaꞌus. Eb li queꞌrahoc e̱re xextzꞌekta̱na ut teꞌraj e̱camsinquil.

Q'eqchi Bible

³⁰ Ut laa'at li xatk'uluk rahilal, k'aru taab'aanu? Us ta taatiqib' aawib' rik'in chaab'il t'ikr, us ta taak'e xsahob' aawu rik'in chaab'il oor ut taab'onatq eb' li rixeb' laawu, maak'a' chik aj e naq taach'ina'usi aawib': xate'xtz'eqtaana li neke'rahink aawu, a' chik laakamik neke'xsik'.

Jeremías 4:30 ပူးပေါင်းရင်းမြစ်များ

2 Reyes 9:30

Chirix chic aꞌan laj Jehú quisukꞌi Jezreel ut lix Jezabel quirabi resil. Quixbon li ru ut quixyi̱b chi us li rismal ut quixxakab rib chi iloc saꞌ ventana.

Lamentaciones 1:19

Kajap ke chixbokbaleb li nequeꞌrahoc ke, abanan xoeꞌxbalakꞌi. Eb laj tij ut eb li nequeꞌcꞌamoc be chiku yo̱queb chi ca̱mc saꞌ li tenamit. Yo̱queb raj chixsicꞌbal lix tzacae̱mkeb re nak incꞌaꞌ teꞌca̱mk.

Lamentaciones 1:2

Cꞌajoꞌ nak nequeꞌya̱bac chiru kꞌojyi̱n li cuanqueb Jerusalén. Li xyaꞌal ruheb natꞌululnac saꞌ xnakꞌ ruheb. Saꞌ xya̱nkeb chixjunileb li nequeꞌrahoc reheb, ma̱ ani naru nacꞌojoban re xchꞌo̱leb. Xeꞌtzꞌekta̱na̱c xbaneb li rami̱gueb nak queꞌcuan ut xicꞌ chic nequeꞌileꞌ.

Isaías 10:3

Ut la̱ex, ¿cꞌaꞌru te̱ba̱nu nak ta̱cha̱lk li rakba a̱tin saꞌ e̱be̱n? ¿Cꞌaꞌru te̱ba̱nu nak junak tenamit ta̱cha̱lk chak chi najt chixsachbal e̱ru? ¿Ani aj iqꞌuin te̱patzꞌ e̱tenkꞌanquil? Ut, ¿bar te̱canab le̱ biomal?

Ezequiel 28:13

Chanchan cuancat saꞌ li naꞌajej Edén saꞌ xnaꞌaj li racui̱mk li Dios. Re xqꞌuebal a̱chꞌinaꞌusal cuan li terto̱quil pec joꞌ li cornerina, li topacio, li jaspe, li crisólito, li berilo, li ónice joꞌ ajcuiꞌ li zafiro ut li carbunclo, li esmeralda, joꞌ ajcuiꞌ li oro. Ac cauresinbileb li pandero ut li xo̱lb re li cutan nak cat-oc saꞌ la̱ cuanquil.

Jeremías 13:21

Li Ka̱cuaꞌ quixye: —La̱ex aj Jerusalén, ¿cꞌaꞌru te̱ye nak texcana̱k rubel xcuanquileb li tenamit li xecꞌojob e̱chꞌo̱l saꞌ xbe̱neb xban nak xecꞌoxla nak e̱rami̱gueb? Kꞌaxal ra te̱cꞌul joꞌ naxcꞌul li ixk li oc re chi qꞌuira̱c.

Isaías 20:6

Saꞌ eb li cutan aꞌan eb laj Filistea li cuanqueb chire li palau teꞌxye, “Qꞌuehomak retal cꞌaꞌru queꞌxcꞌul eb li tenamit li xkacꞌojob kachꞌo̱l saꞌ xbe̱neb. Saꞌ kachꞌo̱l la̱o nak eb aꞌan toeꞌxcol chiru lix reyeb laj Asiria. ¿Ani ta̱ru̱k ta̱colok ke anakcuan?” chaꞌakeb.—

Apocalipsis 17:13

Eb aꞌin junajak xcꞌaꞌuxeb ut teꞌxqꞌue lix cacuilal ut lix cuanquilal re li joskꞌ aj xul.

Apocalipsis 17:4

Li ixk tikibanbil riqꞌuin rakꞌ púrpura ut cak. Lix sahob ru li rakꞌ yi̱banbil riqꞌuin oro ut terto̱quil pec ut riqꞌuin perla. Cuan chak riqꞌuin jun li secꞌ oro nujenak riqꞌuin li ma̱usilal ut li yumbe̱tac coꞌbe̱tac.

Apocalipsis 17:2

Chixjunileb li rey li cuanqueb saꞌ ruchichꞌochꞌ nequeꞌcuulac saꞌ li tenamit aꞌan chixba̱nunquil li ma̱usilal. Chanchan nak ac xeꞌcaltesi̱c xban li ma̱usilal yo̱queb chixba̱nunquil, chan li ángel.

Hebreos 2:3

Cui eb aꞌan queꞌxcꞌul xtojbal xma̱c, ¿chan put ru nak tocolekꞌ la̱o chiru li tojba ma̱c cui nakatzꞌekta̱na li lokꞌlaj colba-ib li quixyechiꞌi ke li Ka̱cuaꞌ Jesucristo? Li Jesucristo quixyechiꞌi ke li kacolbal kꞌaxal lokꞌ. Ut chirix aꞌan, eb li queꞌabin re li ra̱tin, aꞌan eb ajcuiꞌ queꞌchꞌoloban lix ya̱lal chiku.

Ezequiel 28:9

Nak teꞌcha̱lk cha̱camsinquil, ¿ma toj ta̱ye ta biꞌ nak la̱at dios? La̱at moco diosat ta. Yal cui̱nkat saꞌ rukꞌeb li teꞌcamsi̱nk a̱cue.

Lamentaciones 4:17

Xkasicꞌ katenkꞌanquil toj retal nak incꞌaꞌ chic xkacuy. Yo̱co chiroybeninquil nak teꞌcha̱lk chikatenkꞌanquil. Abanan li tenamit li yo̱co chiroybeninquil incꞌaꞌ xru chikatenkꞌanquil.

Jeremías 5:31

Eb li profeta ticꞌtiꞌ nequeꞌxye. Ut eb laj tij nequeꞌxba̱nu joꞌ nequeꞌraj eb li profeta. Ut eb lin tenamit joꞌcan queꞌcuulac chiru. Abanan ¿cꞌaꞌru teꞌxba̱nu nak ta̱cuulak xkꞌehil li rakba a̱tin? chan li Ka̱cuaꞌ.

Isaías 33:14

Eb li nequeꞌxba̱nu li ma̱usilal li cuanqueb Sión cꞌajoꞌ nak nequeꞌxucuac. Nequeꞌsicsot xbaneb xxiu ut nequeꞌxye: —¿Ani ta biꞌ ta̱ru̱k ta̱colekꞌ chiru li xam li lochlo chi junelic? ¿Ani ta biꞌ ta̱ru̱k ta̱colekꞌ chiru li Ka̱cuaꞌ nak ta̱rakok a̱tin saꞌ kabe̱n? chanqueb.

Proverbios 6:25

Me̱ra ruheb li ixk aꞌan yal xban lix chꞌinaꞌusaleb. Ut me̱qꞌue e̱rib chixbalakꞌiheb yal xban li riloba̱leb.

Proverbios 7:10

Ut li ixk qui-el chak chixcꞌulbal li al. Li xtikibanquil joꞌ nak nequeꞌxtikib ribeb li ixk li nequeꞌxcꞌayi ribeb. Ut se̱b xchꞌo̱l chi kꞌunbesi̱nc.

Jeremías 22:23

La̱ex li cuanquex saꞌ le̱ rochoch li xeyi̱b riqꞌuin li chacalteꞌ li xchal Líbano, cꞌajoꞌ nak texya̱bak xban li raylal te̱cꞌul. Li raylal li te̱cꞌul chanchan li raylal li naxcꞌul li ixk li oc re chi qꞌuira̱c.

Jeremías 30:14

Xextzꞌekta̱na̱c xbaneb li tenamit li xeꞌoquen che̱rix. Incꞌaꞌ chic nequexcꞌoxlaheb. Xban le̱ ma̱usilal ut xban ajcuiꞌ nak numtajenak li ma̱c xeba̱nu, la̱in xexinqꞌue saꞌ raylal joꞌ nequeꞌxba̱nu li xicꞌ nequeꞌiloc e̱re.

Abdías 1:7

Eb li xni̱nkal ru tenamit li queꞌtenkꞌan e̱re junxil, xicꞌ chic texril ut aꞌaneb ajcuiꞌ teꞌisi̱nk e̱re saꞌ le̱ tenamit. Le̱ rami̱g li nequeꞌcuaꞌac e̱riqꞌuin, xicꞌ chic texril. Cꞌojcꞌo raj e̱chꞌo̱l riqꞌuineb, abanan aꞌaneb ajcuiꞌ teꞌqꞌuehok li raꞌal re nak texchapekꞌ chi incꞌaꞌ te̱qꞌue retal.