Jeremías 4:28 - Li Santil hu

²⁸ Ta̱rahokꞌ xchꞌo̱l li ruchichꞌochꞌ ut ta̱kꞌojyi̱nokꞌ ru li choxa. Li Ka̱cuaꞌ quixye nak ta̱cꞌulma̱nk chi joꞌcan ut aꞌan incꞌaꞌ tixjal xcꞌaꞌux.

Q'eqchi Bible

²⁸ Taaraho'q xch'ool li ruuchich'och' ut li choxa taa'aak'ab'o'q ru. Xin'aatinak, ut ink'a' tinjal ru li aatin xinye; jo'kan xink'uub' xb'aanunkil, ut ink'a' traho'q linch'ool.

Jeremías 4:28 ပူးပေါင်းရင်းမြစ်များ

Números 23:19

Li Dios moco cui̱nk ta. Li Dios incꞌaꞌ naticꞌtiꞌic chi moco naxjal xcꞌaꞌux. Junelic naxba̱nu li cꞌaꞌru naxye. Ut junelic naxba̱nu li cꞌaꞌru naxyechiꞌi.

Oseas 4:3

Xban li ma̱usilal li nequeꞌxba̱nu, li chꞌochꞌ ta̱chakik ut ma̱cꞌaꞌ chic ta̱e̱lk chiru. Chixjunil li cuan chiru ta̱ca̱mk. Chixjunil li xul saꞌ qꞌuicheꞌ joꞌqueb ajcuiꞌ li nequeꞌrupupic chiru choxa telajeꞌca̱mk ut telajeꞌca̱mk ajcuiꞌ li car li nequeꞌcuan saꞌ li palau.

Jeremías 12:4

¿Joꞌ najtil chic ta̱cua̱nk li kachꞌochꞌ chi ma̱cꞌaꞌ cuan chi saꞌ? ¿Joꞌ najtil chic ta̱cana̱k li pachꞌayaꞌ chi chaki? ¿Ma ma̱cuaꞌ ta biꞌ xban lix ma̱usilaleb li tenamit nak queꞌsacheꞌ ru li xul li nequeꞌrupupic joꞌ eb ajcuiꞌ li queto̱mk? Eb aꞌan yo̱queb chixyebal: “Li Dios incꞌaꞌ ta̱ril chanru nak to-osokꞌ,” chanqueb.—

Isaías 50:3

La̱in ninqꞌue chi kꞌojyi̱nocꞌ ru li choxa. Ut nacꞌutun nak ra saꞌ xchꞌo̱l. Chanchan jun li naxqꞌue kꞌeki tꞌicr chirix xban xrahil xchꞌo̱l.—

Isaías 5:30

Japjo̱k reheb li soldado nak teꞌoc chi pletic. Chanchan nak na-ecꞌan ru li palau. Li ani ta̱ilok re li tenamit aꞌan tixqꞌue retal nak junes raylal ut rahil chꞌo̱lej cuan aran. Chanchan nak ta̱kꞌojyi̱nokꞌ ru li cutan xban li chok.

Apocalipsis 6:12

Ut quicuil nak li Jun li chanchan carner quixte li xcuak sello ut quicuan jun li nimla hi̱c. Li sakꞌe quikꞌojyi̱noꞌ ru. Chanchan li kꞌeki tꞌicr li nequeꞌrocsi li raheb saꞌ xchꞌo̱l. Ut li po quicakoꞌ joꞌ li quicꞌ.

Hebreos 7:21

Abanan ma̱cuaꞌ riqꞌuin juramento nak queꞌxakaba̱c chokꞌ aj tij li ralal xcꞌajol laj Leví. Aꞌut li Ka̱cuaꞌ Jesucristo xakabanbil chokꞌ aj tij xban li Dios riqꞌuin juramento. Tzꞌi̱banbil saꞌ li Santil Hu chi joꞌcaꞌin: Li Dios quia̱tinac riqꞌuin li Ralal ut quixye re: Saꞌ incꞌabaꞌ la̱in tinye a̱cue: La̱at laj tij chi junelic joꞌ nak quicuan laj Melquisedec, chan. Li Dios incꞌaꞌ tixjal lix cꞌaꞌux xban nak quixpatzꞌ lix lokꞌlaj cꞌabaꞌ. (Sal. 110:4)

Efesios 1:11

La̱o aj judío sicꞌbil ku xban li Dios chokꞌ ralal xcꞌajol saꞌ xcꞌabaꞌ li Cristo. Aꞌin qui-uxman xban nak joꞌcan quiraj li Dios ut xban nak aꞌan yal re saꞌ xbe̱n chixjunil.

Efesios 1:9

Ut quixcꞌutbesi chiku li naꞌleb li mukmu nak quicuan chak junxil, aꞌ li qui-ala saꞌ xchꞌo̱l xba̱nunquil nak quixtakla chak li Jesucristo.

San Lucas 23:44

Tuktu cuaꞌleb quikꞌojyi̱noꞌ saꞌ chixjunil li ruchichꞌochꞌ ut toj saꞌ oxib o̱r re ecuu quicutanoꞌ cuiꞌchic.

San Marcos 15:33

Tuktu li cuaꞌleb nak quikꞌojyi̱noꞌ saꞌ chixjunil li ruchichꞌochꞌ ut oxib o̱r re ecuu quicutanoꞌ cuiꞌchic.

San Mateo 27:45

Tuktu cuaꞌleb nak quikꞌojyi̱noꞌ saꞌ chixjunil li ruchichꞌochꞌ ut toj saꞌ oxib o̱r re ecuu quicutanoꞌ cuiꞌchic.

Joel 1:10

Ra saꞌ xchꞌo̱l li chꞌochꞌ xban nak ma̱cꞌaꞌ chic cuan chiru. Xeꞌchakic li trigo ut xeꞌchakic lix cheꞌel li uvas, ut ma̱cꞌaꞌ chic li aceite xban nak xeꞌchakic lix cheꞌel li olivo.

Oseas 13:14

¿Ma tebincol ta biꞌ chiru li ca̱mc saꞌ e̱chꞌo̱l? ¿Ma ta̱ru̱k ta biꞌ tebincol chiru xcuanquil li ca̱mc cui incꞌaꞌ nequeꞌraj eb aꞌan? Lix cuanquil li ca̱mc tenebanbil saꞌ xbe̱neb. La̱in tinqꞌuehok li ca̱mc saꞌ xbe̱neb. Incꞌaꞌ chic teꞌcuil xtokꞌoba̱l ruheb.

Ezequiel 24:14

La̱in li Ka̱cuaꞌ xinyehoc re aꞌin. Xcuulac xkꞌehil nak texinqꞌue chixtojbal e̱ma̱c. Incꞌaꞌ tincuy e̱ma̱c ut incꞌaꞌ tincuil xtokꞌoba̱l e̱ru. La̱in incꞌaꞌ tinjal incꞌaꞌux. Ta̱rakekꞌ a̱tin saꞌ e̱be̱n aꞌ yal chanru le̱ yehom e̱ba̱nuhom, chan li nimajcual Dios.

Jeremías 30:24

Lix joskꞌil li Dios incꞌaꞌ ta̱numekꞌ toj retal tixba̱nu chixjunil li naraj xba̱nunquil. Saꞌ eb li cutan teꞌcha̱lk te̱tau ru li naꞌleb aꞌin.

Jeremías 23:20

Lix joskꞌil li Ka̱cuaꞌ incꞌaꞌ ta̱numekꞌ toj tixba̱nu li cꞌaꞌru quixcꞌoxla xba̱nunquil. Saꞌ eb li cutan ta̱cha̱lk te̱tau ru lix ya̱lal chi tzꞌakal.

Jeremías 23:10

Saꞌ li naꞌajej aꞌin nabaleb li nequeꞌxmux ru xsumlajiqueb. Eb li tenamit yalyo̱queb xkꞌe chixba̱nunquil li ma̱usilal. Xban nak li cuanqueb saꞌ xcuanquil nequeꞌxba̱nu li cꞌaꞌru nequeꞌraj xjuneseb, joꞌcan nak li Ka̱cuaꞌ quixtzꞌekta̱na li chꞌochꞌ. Chaki chic li chꞌochꞌ ut chaki chic li pachꞌayaꞌ.

Jeremías 14:2

Quixye: —Eb laj Judá yo̱queb chi ya̱bac xban li raylal li yo̱queb chixcꞌulbal. Kꞌaxal ra yo̱queb chixcꞌulbal lix tenamiteb. Chunchu̱queb li cristian saꞌ chꞌochꞌ xban xrahil xchꞌo̱leb. Ut eb laj Jerusalén yo̱queb chi ya̱bac xban li raylal li yo̱queb chixcꞌulbal.

Jeremías 12:11

Ma̱cꞌaꞌ chic na-oc cuiꞌ queꞌxcanab li naꞌajej. Ma̱cꞌaꞌ chic cuan chi saꞌ. Chanchan li chaki chꞌochꞌ quicana ut ma̱ ani na-oc xcꞌaꞌux chirilbal.

Jeremías 7:16

Li Ka̱cuaꞌ quixye re laj Jeremías: —Mattijoc chirixeb li tenamit aꞌin chi moco tat-oque̱nk chirixeb chicuu. Ma̱tzꞌa̱ma chicuu nak tintenkꞌaheb xban nak la̱in incꞌaꞌ tincuabi la̱ tij.

Isaías 34:4

Chixjunil li cꞌaꞌru cuan chiru li choxa telajeꞌosokꞌ ut ta̱sachekꞌ li choxa. Chanchanak chic li hu naxboti rib. Telajeꞌtꞌanekꞌ chixjunileb li chahim joꞌ nak natꞌaneꞌ lix xak lix cheꞌel li uvas malaj ut lix xak lix cheꞌel li higo.

Isaías 24:4

Ta̱chakik li ruchichꞌochꞌ ut ta̱osokꞌ. Chixjunil li cuan saꞌ ruchichꞌochꞌ ta̱sachk. Ut ta̱sachekꞌ ajcuiꞌ ruheb li xni̱nkal tenamit.

1 Samuel 15:29

Li Ka̱cuaꞌ Dios, aꞌan lix lokꞌaleb laj Israel. Aꞌan incꞌaꞌ naticꞌtiꞌic, chi moco naxjal xcꞌaꞌux. Li Dios, aꞌan ma̱cuaꞌ yal cui̱nk re nak tixjal xcꞌaꞌux, chan.

Jeremías 51:12

Taksihomak li bandera retalil nak te̱tiquib pletic riqꞌuineb li cuanqueb saꞌ xbe̱neb li tzꞌac li sutsu cuiꞌ li tenamit. Qꞌuehomak xtzꞌakobeb li soldado ut qꞌuehomakeb saꞌ xnaꞌaj li nequeꞌqꞌuehoc etal. Taklahomakeb chi pletic. Li Ka̱cuaꞌ tixba̱nu li cꞌaꞌru naraj xba̱nunquil joꞌ quixye nak tixba̱nu reheb laj Babilonia.

Lamentaciones 2:17

Li Ka̱cuaꞌ xba̱nu e̱re li cꞌaꞌru quixye chak junxil. Incꞌaꞌ xril xtokꞌoba̱l e̱ru. Xsach ban e̱ru. Incꞌaꞌ chic xcuy e̱ma̱c. Xqꞌueheb xcuanquil li xicꞌ nequeꞌiloc e̱re re teꞌnumta̱k saꞌ e̱be̱n, ut xexqꞌue chi seꞌe̱c.

Zacarías 8:14

Quixye ajcuiꞌ li Ka̱cuaꞌ li nimajcual Dios: —La̱in quincꞌoxla xqꞌuebaleb chixtojbal lix ma̱queb le̱ xeꞌto̱nil yucuaꞌ nak queꞌxchikꞌ injoskꞌil ut incꞌaꞌ quinjal incꞌaꞌux riqꞌuin li quincꞌoxla xba̱nunquil.