Jeremías 4:27 - Li Santil hu

²⁷ Li Ka̱cuaꞌ quixye nak tixsach ru lix chꞌochꞌeb. Abanan incꞌaꞌ tixsach ruheb chi junaj cua.

Q'eqchi Bible

²⁷ Jo'ka'in kixye li Qaawa': “Chixjunil li ruuchich'och' taasachmanq, ab'an moko taa'oso'q ta chixjunil.

Jeremías 4:27 ပူးပေါင်းရင်းမြစ်များ

Jeremías 46:28

Mexxucuac la̱ex li ralal xcꞌajol laj Jacob laj cꞌanjel chicuu. La̱in tincua̱nk e̱riqꞌuin. La̱in tinsach ruheb chixjunileb li xni̱nkal ru tenamit li texinjeqꞌui cuiꞌ, abanan la̱in incꞌaꞌ texinsach chi junaj cua. Tento nak texinqꞌue chixtojbal e̱ma̱c, abanan saꞌ ti̱quilal tinba̱nu, chan li Ka̱cuaꞌ.

Jeremías 5:18

Abanan saꞌ eb li cutan aꞌan la̱in incꞌaꞌ tinsach e̱ru chi junaj cua.

Jeremías 5:10

Cha̱lkeb li xicꞌ nequeꞌiloc re lin tenamit ut cheꞌxsachak ru lin tenamit li chanchan li acui̱mk uvas. Abanan incꞌaꞌ teꞌxsach ru chi junaj cua. Caꞌaj cuiꞌ li incꞌaꞌ useb xnaꞌleb teꞌrisiheb saꞌ xya̱nkeb xban nak eb aꞌan ma̱cuaꞌ cueheb.

Jeremías 30:11

La̱in cua̱nkin e̱riqꞌuin ut la̱in tincolok e̱re. Usta tinsacheb ru chi junaj cua li tenamit li xexinjeqꞌui cuiꞌ, abanan la̱in incꞌaꞌ tinsach e̱ru chi junaj cua. La̱in tinkꞌusuk e̱re, abanan tinba̱nu saꞌ ti̱quilal. Incꞌaꞌ texincanab chi incꞌaꞌ te̱toj rix le̱ ma̱c.

Ezequiel 11:13

Ut nak la̱in yo̱quin chixyebal resil li raylal li ta̱cha̱lk saꞌ xbe̱neb, laj Pelatías li ralal laj Benaía quicam. Ut la̱in quinhupub cuib saꞌ chꞌochꞌ ut quinjap cue ut quinye: —At nimajcual Dios, ¿ma ta̱sacheb ru chi junaj cua eb li ralal xcꞌajol laj Israel li joꞌ qꞌuial chic queꞌcoleꞌ?—

Levítico 26:44

Usta xetzꞌekta̱na lin chakꞌrab ut usta cuanquex saꞌ xtenamiteb li xicꞌ nequeꞌiloc e̱re, abanan la̱in incꞌaꞌ texintzꞌekta̱na, chi moco texsachk saꞌ inchꞌo̱l. Incꞌaꞌ tinsach e̱ru xban nak toj cuan saꞌ inchꞌo̱l li contrato quinba̱nu riqꞌuineb le̱ xeꞌto̱nil yucuaꞌ. La̱in li Ka̱cuaꞌ le̱ Dios.

Ezequiel 33:28

La̱in tinsach ru li naꞌajej ut ma̱cꞌaꞌ chic ta̱cua̱nk chi saꞌ. Tinsach lix cuanquileb li queꞌxkꞌetkꞌeti cuiꞌ ribeb. Ma̱cꞌaꞌ chic tincanab saꞌ eb li tzu̱l li cuanqueb Israel toj retal nak ma̱ ani ta̱numekꞌ aran.

Ezequiel 6:14

La̱in tinsach ru lix naꞌajeb li teꞌcua̱nk cuiꞌ. Ma̱cꞌaꞌ chic cua̱nk chi saꞌ. Li naꞌajej chanchanak chic li chaki chꞌochꞌ naticla chak saꞌ li sur ut nacuulac cuan cuiꞌ li naꞌajej Diblat re nak eb laj Israel teꞌxqꞌue retal nak la̱in li Ka̱cuaꞌ.—

Jeremías 18:16

Joꞌcan nak lix naꞌajeb ta̱cana̱k joꞌ chaki chꞌochꞌ. Junelic ta̱hobekꞌ. Chixjunileb li tenamit li teꞌnumekꞌ aran teꞌxsach xchꞌo̱leb chirilbal ut teꞌrecꞌasi lix jolomeb.

Jeremías 7:34

La̱in tincuisi li sahil chꞌo̱lej saꞌ eb li tenamit li cuanqueb Judá joꞌ ajcuiꞌ saꞌ li tenamit Jerusalén. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱leb. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk chic sumla̱c. Eb li tenamit teꞌcana̱k chi ma̱cꞌaꞌ chic cuan chi saꞌ joꞌ li chaki chꞌochꞌ.—

Jeremías 4:7

Yo̱ chi cha̱lc li ta̱sachok re le̱ tenamit. Chanchan jun li cakcoj ac x-el saꞌ xnaꞌaj. Laj sachonel ta̱cha̱lk chixsachbal li naꞌajej Judá. Eb li tenamit teꞌsachekꞌ ruheb ut ma̱cꞌaꞌ chic cristian ta̱cana̱k chi saꞌ.

Isaías 24:1

Li Ka̱cuaꞌ tixpoꞌ ru li ruchichꞌochꞌ. Ta̱cana̱k chi ma̱cꞌaꞌ cuan chiru. Ut tixchaꞌchaꞌiheb li tenamit yalak bar.

2 Crónicas 36:21

Joꞌcaꞌin quicꞌulman re nak ta̱tzꞌaklok ru chixjunil li quicꞌutbesi̱c chiru li profeta Jeremías xban li Ka̱cuaꞌ Dios nak quixye: —Li chꞌochꞌ quicana chi ma̱cꞌaꞌ chic cuan chiru. Chi joꞌcan quihilan li chꞌochꞌ chiru laje̱b xca̱cꞌa̱l chihab xban nak eb laj Israel incꞌaꞌ queꞌxqꞌue chi hila̱nc li chꞌochꞌ rajlal saꞌ li xcuuk li chihab.—

Nehemías 9:31

La̱at kꞌaxal nim la̱ cuuxta̱n. Joꞌcan nak incꞌaꞌ casach ruheb chi junaj cua, chi moco catzꞌekta̱naheb. La̱at kꞌaxal nim la̱ rahom ut kꞌaxal nim la̱ cuusilal.

Jeremías 4:20

Tojeꞌ ajcuiꞌ xkacꞌul jun li raylal ut xchal jun chic saꞌ kabe̱n. Xsacheꞌ ru chixjunil li kanaꞌaj. Saꞌ junpa̱t xeꞌsacheꞌ ruheb li kamuheba̱l. Ut eb li tꞌicr xeꞌpejeꞌ.

Jeremías 9:11

Li Ka̱cuaꞌ quixye: —La̱in tinsach ru li tenamit Jerusalén. Jucꞌbil chic ta̱cana̱k chixjunil. Ta̱cana̱k chokꞌ xnaꞌajeb laj xoj. Chanchan chaki chꞌochꞌ teꞌcana̱k eb li tenamit li cuanqueb Judá. Ma̱ ani chic ta̱ru̱k ta̱cua̱nk saꞌ li naꞌajej aꞌan, chan li Ka̱cuaꞌ.

Jeremías 25:11

Chixjunil li naꞌajej aꞌin ta̱osokꞌ ut ta̱cana̱k chi ma̱cꞌaꞌ chic cuan chi saꞌ. Xucuajel rilbal li cꞌaꞌru tixcꞌul. Ut eb li tenamit teꞌcꞌanjelak chiru lix reyeb laj Babilonia chiru laje̱b xca̱cꞌa̱l (70) chihab.

Jeremías 44:6

Joꞌcan nak quinumta lin joskꞌil saꞌ xbe̱neb ut quicuisi injoskꞌil saꞌ xbe̱neb li tenamit li cuanqueb Judá ut saꞌ eb li be li cuanqueb Jerusalén. La̱in quinsach ruheb ut ma̱cꞌaꞌ cuan saꞌ eb li tenamit toj chalen anakcuan.

Ezequiel 20:17

Usta ac xeꞌxba̱nu chixjunil aꞌan, abanan la̱in quincuyeb xma̱c. Quicuil xtokꞌoba̱l ruheb ut incꞌaꞌ quinsach ruheb saꞌ li chaki chꞌochꞌ.

Levítico 26:31

La̱in tinjuqꞌuiheb le̱ tenamit ut tinsacheb chi junaj cua eb li naꞌajej li nequexlokꞌonin cuiꞌ. Ut incꞌaꞌ chic tincꞌul le̱ sununquil ban li nequecꞌat chicuu.

Isaías 17:6

Incꞌaꞌ chic qꞌui li cristian li teꞌcolekꞌ Israel. Chanchan li cheꞌ olivo nak nachikꞌeꞌ. Natꞌaneꞌ chixjunil li ru. Cuib oxib aj chic nacana saꞌ li ruꞌuj malaj ut saꞌ eb li rukꞌ. La̱in li Ka̱cuaꞌ, lix Dioseb laj Israel, ninyehoc re aꞌin.—

Lamentaciones 2:7

Quixtzꞌekta̱na lix artal li Ka̱cuaꞌ ut quixtzꞌekta̱na ajcuiꞌ li templo. Quixcanabeb saꞌ rukꞌeb li xicꞌ nequeꞌiloc re, re nak teꞌxjuqꞌui li rochoch li rey. Ut japjo̱queb re saꞌ li templo. Chanchan nak yo̱queb chi ninkꞌei̱c.

Sofonías 1:18

Chi moco lix plata chi moco lix oro ta̱ru̱k ta̱colok reheb chiru lix joskꞌil li Dios saꞌ li cutan aꞌan. Lix joskꞌil li Dios chanchan li xam nak tixsach chixjunil li ruchichꞌochꞌ. Chixjunileb li cuanqueb saꞌ ruchichꞌochꞌ teꞌosokꞌ chiru junpa̱t.