Jeremías 4:26 - Li Santil hu

²⁶ Ut li cha̱bil chꞌochꞌ quisukꞌi chaki chꞌochꞌ. Poꞌbileb chic li tenamit xban xjoskꞌil li Ka̱cuaꞌ.

Q'eqchi Bible

²⁶ Kin'ilok wi' chik ut kiwil naq joxk' aj chik ru li chaab'il ch'och', juk'b'ileb' chik chixjunileb' li tenamit xb'aan li Qaawa', xb'aan xxamlel li xjosq'il.

Jeremías 4:26 ပူးပေါင်းရင်းမြစ်များ

Salmos 107:34

Ut li chꞌochꞌ li cha̱bil na-el li acui̱mk chiru, naxsukꞌisi chi ma̱cꞌaꞌ chic na-el chiru. Naxba̱nu chi joꞌcan xban li ma̱usilal li nequeꞌxba̱nu li tenamit.

Miqueas 3:12

Joꞌcan utan xban li ma̱usilal li yo̱quex chixba̱nunquil, li naꞌajej Sión ta̱becma̱nk chokꞌ xnaꞌaj li acui̱mk. E̱ma̱c la̱ex nak ta̱juqꞌuekꞌ li ni̱nki cab li cuanqueb Jerusalén. Ut li tzu̱l li cuan cuiꞌ li templo ta̱cana̱k joꞌ li tzu̱l qꞌuicheꞌ ru.

Jeremías 12:4

¿Joꞌ najtil chic ta̱cua̱nk li kachꞌochꞌ chi ma̱cꞌaꞌ cuan chi saꞌ? ¿Joꞌ najtil chic ta̱cana̱k li pachꞌayaꞌ chi chaki? ¿Ma ma̱cuaꞌ ta biꞌ xban lix ma̱usilaleb li tenamit nak queꞌsacheꞌ ru li xul li nequeꞌrupupic joꞌ eb ajcuiꞌ li queto̱mk? Eb aꞌan yo̱queb chixyebal: “Li Dios incꞌaꞌ ta̱ril chanru nak to-osokꞌ,” chanqueb.—

Salmos 76:7

At Ka̱cuaꞌ Dios, la̱at kꞌaxal xiu xiu a̱cuu. ¿Ani ta cuiꞌ tixcuy xakli̱c cha̱cuu nak nachal a̱joskꞌil?

Jeremías 9:10

Laj Jeremías quixye: —La̱in tinya̱bak chirix li cꞌaꞌru quixcꞌul li tzu̱l ut li pachꞌayaꞌ. Xeꞌcana chi ma̱cꞌaꞌ chic cuan chiru ut ma̱ ani chic nanumeꞌ aran. Incꞌaꞌ chic nequeꞌabi̱c chi ya̱bac li cuacax. Queꞌe̱lelic li xul li nequeꞌrupupic chiru choxa. Ut queꞌe̱lelic ajcuiꞌ chixjunileb li joskꞌ aj xul, chan.

Jeremías 12:13

Eb lin tenamit teꞌrau li trigo, abanan saꞌ lix chꞌochꞌ ta̱e̱lk li qꞌuix. Teꞌxtacuasi ribeb chi cꞌanjelac, abanan ma̱cꞌaꞌak rajbal lix cꞌanjeleb. Incꞌaꞌ tinqꞌue chi e̱lc li racui̱mkeb xban nak la̱in yo̱ injoskꞌil saꞌ xbe̱neb, chan li Ka̱cuaꞌ.

Levítico 26:31

La̱in tinjuqꞌuiheb le̱ tenamit ut tinsacheb chi junaj cua eb li naꞌajej li nequexlokꞌonin cuiꞌ. Ut incꞌaꞌ chic tincꞌul le̱ sununquil ban li nequecꞌat chicuu.

Jeremías 7:34

La̱in tincuisi li sahil chꞌo̱lej saꞌ eb li tenamit li cuanqueb Judá joꞌ ajcuiꞌ saꞌ li tenamit Jerusalén. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱leb. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk chic sumla̱c. Eb li tenamit teꞌcana̱k chi ma̱cꞌaꞌ chic cuan chi saꞌ joꞌ li chaki chꞌochꞌ.—

Jeremías 25:11

Chixjunil li naꞌajej aꞌin ta̱osokꞌ ut ta̱cana̱k chi ma̱cꞌaꞌ chic cuan chi saꞌ. Xucuajel rilbal li cꞌaꞌru tixcꞌul. Ut eb li tenamit teꞌcꞌanjelak chiru lix reyeb laj Babilonia chiru laje̱b xca̱cꞌa̱l (70) chihab.

Lamentaciones 2:7

Quixtzꞌekta̱na lix artal li Ka̱cuaꞌ ut quixtzꞌekta̱na ajcuiꞌ li templo. Quixcanabeb saꞌ rukꞌeb li xicꞌ nequeꞌiloc re, re nak teꞌxjuqꞌui li rochoch li rey. Ut japjo̱queb re saꞌ li templo. Chanchan nak yo̱queb chi ninkꞌei̱c.

Sofonías 1:18

Chi moco lix plata chi moco lix oro ta̱ru̱k ta̱colok reheb chiru lix joskꞌil li Dios saꞌ li cutan aꞌan. Lix joskꞌil li Dios chanchan li xam nak tixsach chixjunil li ruchichꞌochꞌ. Chixjunileb li cuanqueb saꞌ ruchichꞌochꞌ teꞌosokꞌ chiru junpa̱t.