Jeremías 4:24 - Li Santil hu

²⁴ Quin-iloc saꞌ eb li tzu̱l ut quinqꞌue retal nak yo̱queb chi ecꞌa̱nc saꞌ xnaꞌajeb. Eb li cocꞌ bol yo̱queb chi tꞌanecꞌ.

Q'eqchi Bible

²⁴ Kiwil eb' li k'iche' ut kink'e reetal naq neke'heetank sa' li xna'ajeb'; chixjunileb' li tzuul neke'chiq'lok sa' xna'ajeb'.

Jeremías 4:24 ပူးပေါင်းရင်းမြစ်များ

Ezequiel 38:20

Nak tixqꞌue li hi̱c, eb li car, ut eb li xul li nequeꞌrupupic ut chixjunileb li joskꞌ aj xul ut eb li nequeꞌxquelo rib saꞌ chꞌochꞌ, joꞌ eb ajcuiꞌ li cristian sicsotkeb xbaneb xxiu chicuu. Telajeꞌtꞌanekꞌ li tzu̱l ut li u̱l ut eb li tzꞌac teꞌjorekꞌ ut teꞌtꞌanekꞌ saꞌ chꞌochꞌ.

Jeremías 10:10

Abanan li Ka̱cuaꞌ, aꞌan li tzꞌakal Dios. Aꞌan li yoꞌyo̱quil Dios ut li tzꞌakal Rey chi junelic kꞌe cutan. Nak yo̱ xjoskꞌil li Ka̱cuaꞌ, li ruchichꞌochꞌ na-ecꞌan saꞌ xnaꞌaj. Ut eb li xni̱nkal ru tenamit incꞌaꞌ teꞌxcuy rilbal lix joskꞌil.

Isaías 5:25

Joꞌcan nak li Ka̱cuaꞌ Dios xjoskꞌoꞌ saꞌ e̱be̱n la̱ex lix tenamit ut xqꞌueheb chixtojbal lix ma̱queb. Eb li tzu̱l xeꞌecꞌan saꞌ xnaꞌajeb ut eb li camenak nequeꞌtꞌanaxin saꞌ eb li be. Abanan li Ka̱cuaꞌ toj ma̱jiꞌ na-el xjoskꞌil. Toj yo̱ xjoskꞌil saꞌ xbe̱neb.

Miqueas 1:4

Ut nak ta̱be̱k saꞌ xbe̱neb li tzu̱l, telajeꞌhaꞌokꞌ li tzu̱l xban. Chanchan nak nahaꞌoꞌ li cera xban li xam. Nak teꞌhaꞌokꞌ li tzu̱l, teꞌhoyekꞌ. Chanchanak li haꞌ li na-el chak saꞌ tzu̱l.

Salmos 97:4

Nak naxtakla li ca̱k chi repoc, naxcutanobresi li ruchichꞌochꞌ ut li ruchichꞌochꞌ na-ecꞌan saꞌ xnaꞌaj.

Salmos 18:7

Nak quixcꞌut lix joskꞌil li Dios quixqꞌue jun li hi̱c saꞌ ruchichꞌochꞌ. Li tzu̱l quilajeꞌecꞌan saꞌ lix naꞌajeb. Li Dios quirecꞌasiheb li tzu̱l xban lix joskꞌil.

1 Reyes 19:11

Ut li Ka̱cuaꞌ quixye re: —Elen saꞌ li ochoch pec ut xaklin saꞌ xbe̱n li tzu̱l arin chicuu, chan. Saꞌ ajcuiꞌ li ho̱nal aꞌan quinumeꞌ li Ka̱cuaꞌ ut quinumeꞌ ajcuiꞌ jun cacuil ikꞌ re xcꞌutbesinquil lix cuanquil. Kꞌaxal cau quinumeꞌ li ikꞌ toj retal quilajjacheꞌ li tzu̱l ut eb li pec quilajeꞌjoreꞌ. Abanan li Dios toj ma̱jiꞌ naa̱tinac riqꞌuin laj Elías. Nak ac xnumeꞌ li ikꞌ, quixqꞌue hi̱c, abanan toj ma̱jiꞌ naa̱tinac li Ka̱cuaꞌ riqꞌuin laj Elías.

Habacuc 3:10

Ut quicuil ajcuiꞌ nak xban la̱ cuanquilal, li tzu̱l queꞌxucuac cha̱cuu ut quilajeꞌecꞌan saꞌ xnaꞌajeb. Quicuan li butꞌ saꞌ ruchichꞌochꞌ ut cau yo̱ chi ecꞌa̱nc xya̱b li haꞌ nak yo̱ xcutlenquil lix cau ok.

Habacuc 3:6

Quixakli li Ka̱cuaꞌ ut quirakoc a̱tin saꞌ xbe̱neb li cuanqueb saꞌ ruchichꞌochꞌ. Yal quirileb li tenamit ut nequeꞌsicsot queꞌcana. Eb li tzu̱l li cuanqueb chak chalen saꞌ xticlajic li ruchichꞌochꞌ quilajeꞌecꞌan. Quilajeꞌtꞌaneꞌ li najter tzu̱l. Aban li cꞌaꞌru naxba̱nu li Ka̱cuaꞌ incꞌaꞌ najala. Cuan ban chi junelic.

Jeremías 8:16

Yo̱queb chak chi cha̱lc li xicꞌ nequeꞌiloc ke. Toj saꞌ li naꞌajej Dan na-abi̱c xya̱b saꞌ ruꞌujeb lix cacua̱yeb. Chixjunileb li tenamit nequeꞌsicsot xban xxiuheb nak nequeꞌrabi nak nequeꞌxjap re li cacua̱y. Cha̱lqueb re chixsachbal li kanaꞌaj ut chixjunil li cuan chi saꞌ. Xeꞌchal chixsachbal li tenamit joꞌ ajcuiꞌ chixjunileb li cristian, chanqueb.

Salmos 77:18

Lix ya̱b li ca̱k qui-abi̱c saꞌ li ikꞌ. Quisakenoꞌ li ruchichꞌochꞌ xban li rakꞌ li ca̱k ut qui-ecꞌan saꞌ xnaꞌaj xban li hi̱c.

Apocalipsis 6:14

Ut quisach li choxa nak quicuil. Chanchan jun li hu nak quixboti rib. Chixjunil li tzu̱l joꞌ ajcuiꞌ li chꞌochꞌ li sutsu saꞌ haꞌ quilajeꞌecꞌan saꞌ xnaꞌajeb.

Éxodo 19:18

Ut quikꞌojyi̱noꞌ saꞌ li tzu̱l Sinaí xban li sib xban nak li Ka̱cuaꞌ Dios quicuulac aran riqꞌuin xam. Li sib nakꞌujujnac joꞌ xsibel junak nimla horno. Ut li tzu̱l yo̱ chi ecꞌa̱nc saꞌ xnaꞌaj.

Jeremías 9:10

Laj Jeremías quixye: —La̱in tinya̱bak chirix li cꞌaꞌru quixcꞌul li tzu̱l ut li pachꞌayaꞌ. Xeꞌcana chi ma̱cꞌaꞌ chic cuan chiru ut ma̱ ani chic nanumeꞌ aran. Incꞌaꞌ chic nequeꞌabi̱c chi ya̱bac li cuacax. Queꞌe̱lelic li xul li nequeꞌrupupic chiru choxa. Ut queꞌe̱lelic ajcuiꞌ chixjunileb li joskꞌ aj xul, chan.

Isaías 13:13

La̱in tincuecꞌasi li choxa ut tincuecꞌasi ajcuiꞌ li ruchichꞌochꞌ saꞌ xnaꞌaj saꞌ li cutan nak la̱in li nimajcual Dios tincuisi lin joskꞌil saꞌ xbe̱neb li cuanqueb Babilonia.

Isaías 24:20

Ta̱ecꞌa̱nk li ruchichꞌochꞌ. Chanchanak jun li calajenak. Malaj ut chanchanak jun li cab li na-ecꞌasi̱c xban ikꞌ. Li ma̱c li quiba̱nu̱c xnumta saꞌ xbe̱n. Incꞌaꞌ chic ta̱ru̱k ta̱cuacli̱k.