Jeremías 4:22 - Li Santil hu

²² Li Ka̱cuaꞌ quixye: —Ma̱cꞌaꞌeb xnaꞌleb lin tenamit. Incꞌaꞌ nequeꞌxnau cuu. Chanchaneb li cocꞌal li ma̱cꞌaꞌeb xnaꞌleb. Chanchaneb li cocꞌal li incꞌaꞌ nequeꞌxtau xya̱lal. Cuanqueb xnaꞌleb chixba̱nunquil li ma̱usilal, abanan incꞌaꞌ nequeꞌraj xba̱nunquil li us, chan.

Q'eqchi Bible

²² “Maak'a' xna'leb' lintenamit, ink'a' naxnaw wu -chan li Qaawa'-. Jipeb' ut maak'a' xk'a'uxeb'. K'ajo' xna'leb'eb' chi b'aanunk maa'usilal, ab'an maak'a' neke'xnaw chirix li chaab'ilal”.

Jeremías 4:22 ပူးပေါင်းရင်းမြစ်များ

1 Corintios 14:20

Ex inherma̱n, chanchanakex li cꞌulaꞌal xban nak eb li cꞌulaꞌal incꞌaꞌ nequeꞌxba̱nu li ma̱usilal. Abanan mexcꞌoxlac joꞌ nequeꞌcꞌoxlac li cocꞌal. Tzꞌakalak ban re ru le̱ cꞌaꞌux xban nak moco cocꞌalex ta chic.

Romanos 16:19

Chixjunileb nequeꞌnaꞌoc re nak la̱ex cau e̱chꞌo̱l saꞌ le̱ pa̱ba̱l. Joꞌcan nak nasahoꞌ inchꞌo̱l e̱riqꞌuin. Aban nacuaj nak te̱qꞌue e̱chꞌo̱l chixba̱nunquil li us ut me̱ba̱nu li incꞌaꞌ us.

Jeremías 5:21

Abihomak la̱ex li ma̱cꞌaꞌ e̱naꞌleb, la̱ex li cau e̱chꞌo̱l. La̱ex li cuan xnakꞌ e̱ru ut incꞌaꞌ nequex-iloc, la̱ex li cuan e̱xic ut incꞌaꞌ nequex-abin.

Romanos 3:11

Ma̱ ani nataꞌoc ru lix ya̱lal. Ma̱ ani naraj xsicꞌbal li Dios. (Sal. 14:2)

Oseas 4:6

Teꞌsachekꞌ lin tenamit saꞌ e̱ma̱c la̱ex xban nak incꞌaꞌ xecꞌut lix ya̱lal chiruheb. Xban nak la̱ex xetzꞌekta̱na lin chakꞌrab li xinqꞌue e̱re, joꞌcan ajcuiꞌ nak texintzꞌekta̱na la̱in ut texcuisi saꞌ le̱ cꞌanjel. Incꞌaꞌ chic teꞌcꞌanjelak chokꞌ aj tij le̱ ralal e̱cꞌajol.

Romanos 1:22

Eb aꞌan nequeꞌxye nak cuanqueb xnaꞌleb abanan ma̱cꞌaꞌeb xnaꞌleb.

Oseas 5:4

Xban le̱ ma̱usilal incꞌaꞌ chic nequecꞌoxla sukꞌi̱c cuiqꞌuin la̱in le̱ Dios. Nequeqꞌue ban e̱chꞌo̱l chixlokꞌoninquil li yi̱banquil dios. Joꞌcan nak incꞌaꞌ naru te̱nau cuu nak la̱in li Ka̱cuaꞌ.

San Juan 16:3

Teꞌxba̱nu li raylal aꞌin e̱re xban nak incꞌaꞌ nequeꞌxnau ru lin Yucuaꞌ chi moco nequeꞌxnau cuu la̱in.

Miqueas 2:1

Raylal ta̱cha̱lk saꞌ xbe̱neb li nequeꞌxcꞌoxla saꞌ lix cuariba̱l chanru teꞌxba̱nu li ma̱usilal. Nequeꞌxcꞌu̱b ru li xi̱qꞌuilal ut nak nasake̱u, nequeꞌxba̱nu li cꞌaꞌru nequeꞌxcꞌoxla xba̱nunquil xban nak cuanqueb xcuanquil.

Deuteronomio 32:28

Eb laj Israel ma̱cꞌaꞌeb xnaꞌleb ut incꞌaꞌ nequeꞌxtau xya̱lal.

Romanos 1:28

Xban nak incꞌaꞌ nequeꞌxcꞌoxla li Dios, joꞌcan nak queꞌtzꞌekta̱na̱c xban li Dios saꞌ li tzꞌekbe̱tal aj naꞌleb chixba̱nunquil li moco uxc ta naraj.

Jeremías 13:23

Junak cui̱nk li kꞌek xtibel incꞌaꞌ naru ta̱sakokꞌ xtibel, chi moco naru ta̱jala̱k rix li chꞌohix. Joꞌcan ajcuiꞌ la̱ex. Incꞌaꞌ naru te̱ba̱nu li us xban nak ac cꞌaynakex chixba̱nunquil li ma̱usilal.

Isaías 27:11

Eb li rukꞌ li cheꞌ queꞌchakic ut queꞌtokeꞌ. Ut eb li ixk nequeꞌxsicꞌ chokꞌ xsiꞌeb. Eb li tenamit incꞌaꞌ nequeꞌxtau xya̱lal. Joꞌcan nak li Ka̱cuaꞌ, li quiyoꞌobtesin reheb incꞌaꞌ quiril xtokꞌoba̱l ruheb. Incꞌaꞌ quiruxta̱naheb ru.

Jeremías 10:8

Eb li nequeꞌlokꞌonin re li dios cheꞌ to̱nteb ut ma̱cꞌaꞌ nequeꞌoc cuiꞌ xban nak nequeꞌxpatzꞌ xnaꞌleb riqꞌuineb li yi̱banbil dios.

Isaías 1:3

Li bo̱yx naxnau ru laj e̱chal re ut li bu̱r naxnau bar qꞌuebil xnaꞌaj xban laj e̱chal re. Abanan lin tenamit Israel incꞌaꞌ nequeꞌxnau cuu chi moco nequeꞌxtau ru lix ya̱lal.

Jeremías 5:4

La̱in quinye nak aꞌaneb li nebaꞌ li incꞌaꞌ queꞌxtzol ribeb. Incꞌaꞌ nequeꞌxtau ru li cꞌaꞌru naraj li Dios, chi moco nequeꞌxnau nak tento teꞌxba̱nu li cꞌaꞌru quixye.

San Lucas 16:8

Ut li patrón quisach xchꞌo̱l chirilbal nak kꞌaxal cuan xnaꞌleb li merto̱m li incꞌaꞌ us xnaꞌleb. Eb li incꞌaꞌ nequeꞌxnau lix ya̱lal kꞌaxal se̱beb xchꞌo̱l chixcꞌoxlanquil chanru tixtenkꞌa rib, usta incꞌaꞌ us tixba̱nu reheb li ras ri̱tzꞌin. Kꞌaxal se̱beb xchꞌo̱l chiruheb li ralal xcꞌajol li Dios.

Oseas 4:1

Abihomak ra̱tin li Ka̱cuaꞌ, ex ralal xcꞌajol laj Israel, xban nak yo̱ xjoskꞌil saꞌ e̱be̱n la̱ex li cuanquex saꞌ li naꞌajej aꞌin. Joꞌcaꞌin yo̱ chixyebal li Ka̱cuaꞌ Dios: —Ma̱ ani ti̱c xchꞌo̱l ut ma̱ ani na-uxta̱nan u ut ma̱ ani naqꞌuehoc retal nak La̱in li Ka̱cuaꞌ Dios.

Deuteronomio 32:6

¿Ma joꞌcaꞌin nak te̱qꞌue re̱kaj li usilal li naxba̱nu li Ka̱cuaꞌ? Incꞌaꞌ us le̱ naꞌleb. Incꞌaꞌ nequetau xya̱lal. ¿Ma ma̱cuaꞌ ta biꞌ aꞌan li Ka̱cuaꞌ le̱ Dios li quiqꞌuehoc e̱yuꞌam? Aꞌan quiyoꞌobtesin e̱re ut quexxakab saꞌ le̱ naꞌaj.

2 Samuel 13:3

Cuan jun li rami̱g laj Amnón. Li rami̱g, aꞌan laj Jonadab, li ralal laj Simea. Ut laj Simea, aꞌan li ras laj David. Laj Jonadab se̱b xchꞌo̱l chixba̱nunquil li incꞌaꞌ us.

Salmos 36:3

Junes saꞌ yibru a̱tin nequeꞌa̱tinac ut aj ticꞌtiꞌeb. Incꞌaꞌ chic us lix naꞌlebeb. Junes ma̱usilal chic nequeꞌxba̱nu.

Salmos 53:4

Li incꞌaꞌ useb xnaꞌleb incꞌaꞌ nequeꞌxtau xya̱lal. Nequeꞌxba̱nu raylal re lin tenamit ut riqꞌuin aꞌan nequeꞌcuaꞌac. Ut incꞌaꞌ niquineꞌxcꞌoxla, chan li Dios.

Salmos 82:5

La̱ex incꞌaꞌ nequetau xya̱lal. Incꞌaꞌ us yo̱quex. Chanchan cuanquex saꞌ kꞌojyi̱n xban nak incꞌaꞌ nequetau xya̱lal. Chixjunileb li cuanqueb saꞌ ruchichꞌochꞌ nequeꞌxucuac xban nak la̱ex incꞌaꞌ nequexrakoc a̱tin saꞌ xya̱lal.

Jeremías 2:8

Eb laj tij incꞌaꞌ queꞌxcꞌoxla insicꞌbal. Eb li nequeꞌxcꞌut li chakꞌrab chiruheb li tenamit incꞌaꞌ queꞌxqꞌue inlokꞌal. Eb li nequeꞌtaklan saꞌ xbe̱neb laj Israel queꞌxkꞌet li cua̱tin. Ut eb li profetas queꞌa̱tinac saꞌ xcꞌabaꞌ li yi̱banbil dios Baal, ut queꞌxlokꞌoniheb li jalanil dios li ma̱cꞌaꞌ nequeꞌoc cuiꞌ.

Jeremías 4:21

¿Joꞌ najtil chic tento nak tincuileb nak yo̱keb chi pletic? ¿Joꞌ najtil chic tincuabi li xya̱beb li trompeta?

Jeremías 9:3

Li Ka̱cuaꞌ quixye: —Junelic se̱beb xchꞌo̱l chi ticꞌtiꞌic lin tenamit. Chanchaneb li nequeꞌcutuc riqꞌuin tzimaj. Nequeꞌxqꞌue xcuanquil li ticꞌtiꞌ ut incꞌaꞌ nequeꞌxqꞌue xcuanquil li ya̱l. Numtajenak li ma̱usilal nequeꞌxba̱nu ut incꞌaꞌ nequeꞌraj xqꞌuebal inlokꞌal, la̱in li Ka̱cuaꞌ.

Ezequiel 16:30

La̱in li nimajcual Dios ninye: —La̱at moco tuktu ta a̱chꞌo̱l. Xaba̱nu chixjunil li ma̱usilal aꞌin joꞌ jun li ixk naxcꞌayi rib, ut incꞌaꞌ nacanau xuta̱nac.

Amós 3:10

Joꞌcaꞌin quixye li Ka̱cuaꞌ: —Incꞌaꞌ nequeꞌxnau xba̱nunquil li ti̱quilal. Nujenak lix palacio riqꞌuin li cꞌaꞌak re ru nequeꞌrelkꞌa riqꞌuin pletic ut numtajenak li ma̱usilal nequeꞌxba̱nu.

Génesis 39:16

Ut li ixk quixxoc li rakꞌ laj José re nak tixcꞌut chiru lix be̱lom nak ta̱cuulak saꞌ cab.

Salmos 36:4

Nak yo̱queb chi hila̱nc yo̱queb ajcuiꞌ xcꞌoxlanquil cꞌaꞌru chi ma̱usilalil teꞌxba̱nu. Ma̱cꞌaꞌ usilal riqꞌuineb. Ti̱c incꞌaꞌ nequeꞌxcanab xba̱nunquil li ma̱usilal.

Proverbios 28:5

Eb li incꞌaꞌ useb xnaꞌleb incꞌaꞌ nequeꞌxtau ru cꞌaꞌru li ti̱quilal. Abanan eb li nequeꞌxpa̱b li Ka̱cuaꞌ nequeꞌxtau ru cꞌaꞌru li ti̱quilal.

Jeremías 9:2

Cui cuan ta inmuheba̱l saꞌ li chaki chꞌochꞌ bar ta̱ru̱k tincua̱nk cuiꞌ, tine̱lk raj saꞌ xya̱nkeb lin tenamit xban nak moco cha̱bileb ta. Chixjunileb nequeꞌbalakꞌic ut nequeꞌxlokꞌoni li jalanil dios, chan laj Jeremías.

Jeremías 9:5

Eb li rami̱gueb rib nequeꞌxbalakꞌi ribeb chi ribileb rib. Ut ma̱ ani naxye li ya̱l. Queꞌcꞌay chi ticꞌtiꞌic ut incꞌaꞌ nequeꞌxcanab xba̱nunquil li ma̱usilal.

Miqueas 7:3

Se̱beb xchꞌo̱l chixba̱nunquil li incꞌaꞌ us. Li nataklan saꞌ xbe̱neb li tenamit naraj nak ta̱qꞌuehekꞌ xtumin. Ut laj rakol a̱tin natumina̱c ru nak narakoc a̱tin. Li ani cuan xcuanquil naxye reheb cꞌaꞌru naraj ut chixjunileb nequeꞌxcꞌu̱b ru chanru nak teꞌxba̱nu li incꞌaꞌ us.