Jeremías 4:20 - Li Santil hu

²⁰ Tojeꞌ ajcuiꞌ xkacꞌul jun li raylal ut xchal jun chic saꞌ kabe̱n. Xsacheꞌ ru chixjunil li kanaꞌaj. Saꞌ junpa̱t xeꞌsacheꞌ ruheb li kamuheba̱l. Ut eb li tꞌicr xeꞌpejeꞌ.

Q'eqchi Bible

²⁰ Sa' riiqaj rib' xchalk li rahilal sa' inb'een, ut chixjunil li tenamit xjuk'mank. Sa' junpaat xe'juk'e'k li qochoch ut xookanaak chi maak'a' chik qamuheb'aal.

Jeremías 4:20 ပူးပေါင်းရင်းမြစ်များ

Salmos 42:7

Nak nacuabi lix cau ok li haꞌ nak nocoxnumekꞌ saꞌ lix ni̱nkal ru takꞌa, chanchan aꞌan li raylal yo̱quin chixcꞌulbal. Chanchan nak li rok haꞌ qꞌuebil a̱ban yo̱ chi numecꞌ saꞌ inbe̱n nak nacuecꞌa.

2 Ts 1:9

Lix tojbal rixeb lix ma̱c li tixqꞌue, aꞌan li sachc chi junelic nak teꞌisi̱k chiru li Ka̱cuaꞌ Jesucristo ut chiru lix nimal xlokꞌal ut lix cuanquilal.

San Mateo 10:28

Mexxucuac chiruheb laj camsinel xban nak li a̱mej incꞌaꞌ naru teꞌxcamsi. Aꞌ li te̱xucua ru, aꞌan li Ka̱cuaꞌ li cuan xcuanquil chixcamsinquil li tibelej ut chixtaklanquil li a̱mej saꞌ xbalba.

Joel 1:15

Tokꞌob xak ku xban nak cuulac re xcutanquil nak li Ka̱cuaꞌ li nimajcual Dios ta̱rakok a̱tin saꞌ kabe̱n. Aꞌan ta̱cha̱lk chixsachbal ru li tenamit.

Ezequiel 14:21

Aꞌan aꞌin li naxye li nimajcual Dios: Kꞌaxal ra cuiꞌchic chokꞌ reheb laj Jerusalén nak la̱in tinrakok a̱tin saꞌ xbe̱neb riqꞌuin li ca̱hib chi raylal. La̱in tintakla li ple̱t, li cueꞌej, li joskꞌ aj xul, ut li caki yajel re nak teꞌcamsi̱k li cristian ut eb li xul.

Lamentaciones 3:47

Kꞌaxal ra xkacꞌul. Xsacheꞌ ru li katenamit. Ut yo̱ kaxiu.—

Jeremías 17:18

Ta̱cꞌuteb taxak xxuta̱neb li yo̱queb chinsicꞌbal re teꞌxba̱nu raylal cue. Ut incꞌaꞌ taxak ta̱cꞌut inxuta̱n la̱in. Yo̱k ta xxiuheb teꞌcana̱k. Abanan la̱in incꞌaꞌ ta̱qꞌue chi sachc inchꞌo̱l. Nabal taxak li raylal ta̱takla saꞌ xbe̱neb toj retal teꞌosokꞌ.

Isaías 33:20

Ilomak li tenamit Sión li noconinkꞌei̱c cuiꞌ. Te̱ril li tenamit Jerusalén. Tuktu̱k chic ru chixjunil. Chanchanak jun li nimla muheba̱l tꞌicr li incꞌaꞌ chic ta̱jalma̱nk xnaꞌaj. Incꞌaꞌ chic ta̱isi̱k li cheꞌ li nachapoc re saꞌ chꞌochꞌ, chi moco ta̱tꞌupekꞌ li cꞌa̱m li nachapoc re.

Isaías 13:6

Japomak e̱re chi ya̱bac xban li raylal li te̱cꞌul xban nak cuulac re xkꞌehil nak li Ka̱cuaꞌ Dios tixsach e̱ru.

Levítico 26:24

la̱in tinjoskꞌokꞌ e̱riqꞌuin ut cuukub sut chic li raylal li tintakla saꞌ e̱be̱n re xtojbal rix le̱ ma̱c.

Levítico 26:21

Ut cui toj yo̱kex ajcuiꞌ xkꞌetkꞌetinquil e̱rib chicuu ut incꞌaꞌ te̱ba̱nu li cꞌaꞌru ninye, la̱in texinqꞌue cuiꞌchic cuukub sut chixtojbal e̱ma̱c.

Levítico 26:18

Abanan cui toj incꞌaꞌ ajcuiꞌ tex-abi̱nk chicuu nak acak xecꞌul chixjunil li raylal aꞌin, la̱in tinqꞌue xtzꞌakob lix tojbal rix le̱ ma̱c. Cuukub sut chic te̱toj rix le̱ ma̱c.

Éxodo 33:5

Ac xyehom li Dios re laj Moisés nak tixye li a̱tin aꞌin reheb li tenamit. —Ye reheb laj Israel, chan, nak kꞌaxal cauheb xchꞌo̱l. Cui tincuochbeniheb junpa̱tak naru tinsacheb chi junaj cua. Incꞌaꞌ chic teꞌrocsi lix sahob ru li rakꞌeb re nak tinnau ma yo̱queb chinpa̱banquil, chan li Dios.

Habacuc 3:7

Quicuil nak queꞌxcꞌul li raylal li cuanqueb saꞌ li naꞌajej Cusán. Ut nequeꞌsicsot xbaneb xxiu li cuanqueb Madián.

Jeremías 4:6

Cꞌutumakeb li be li naxic Sión. Tex-e̱lelik chi junpa̱t re te̱col e̱rib xban nak saꞌ li norte ta̱cha̱lk chak li raylal li tixqꞌue li Ka̱cuaꞌ saꞌ e̱be̱n. Ta̱sachekꞌ ru chixjunil.

Isaías 54:2

Chenimobresiheb le̱ muheba̱l li nequexcuan cuiꞌ. Nimak rok le̱ cꞌa̱m li nachapoc re li muheba̱l ut qꞌuehomakeb xcacuub li cheꞌ li nequeꞌchapoc re li cꞌa̱m saꞌ chꞌochꞌ.

Isaías 47:9

Abanan kꞌaxal ra te̱cꞌul. Saꞌ junpa̱t ta̱cha̱lk li raylal saꞌ e̱be̱n. Chiru jun cutan ta̱sachekꞌ le̱ cuanquil. Chanchanakex chic junak li ixk li xcam xbe̱lom malaj ut joꞌ junak li xcam ralal xcꞌajol. Usta la̱ex aj kꞌe ut usta nequenau tu̱lac, abanan incꞌaꞌ ta̱ru̱k te̱col e̱rib.

Salmos 72:19

Lokꞌoninbil taxak xcꞌabaꞌ chi junelic kꞌe cutan. Ut chixjunileb taxak li cuanqueb saꞌ ruchichꞌochꞌ teꞌxqꞌue xlokꞌal. Joꞌcan taxak.

Números 16:45

—Isihomak e̱rib saꞌ xya̱nkeb laj Israel re nak ta̱ru̱k tinsach ruheb chi junaj cua, chan. Ut queꞌxhupub ribeb saꞌ chꞌochꞌ.

Números 16:21

—Elenkex saꞌ xya̱nkeb li tenamit aꞌin re nak tinsach ruheb chixjunileb saꞌ junpa̱t, chan.

Levítico 26:28

ta̱numta̱k lin joskꞌil saꞌ e̱be̱n. Cuukub sut chic li raylal li tinqꞌue saꞌ e̱be̱n.

Isaías 15:5

La̱in tincuil xtokꞌoba̱l ruheb laj Moab. Eb li cristian teꞌe̱lelik toj saꞌ eb li tenamit Zoar, ut Eglat-selisiya. Yo̱keb chi ya̱bac nak teꞌtakekꞌ saꞌ li tzu̱l Luhit ut japjo̱keb re xban xrahil xchꞌo̱leb nak teꞌe̱lelik toj Horonaim.

Jeremías 4:21

¿Joꞌ najtil chic tento nak tincuileb nak yo̱keb chi pletic? ¿Joꞌ najtil chic tincuabi li xya̱beb li trompeta?

Jeremías 4:27

Li Ka̱cuaꞌ quixye nak tixsach ru lix chꞌochꞌeb. Abanan incꞌaꞌ tixsach ruheb chi junaj cua.

Jeremías 12:11

Ma̱cꞌaꞌ chic na-oc cuiꞌ queꞌxcanab li naꞌajej. Ma̱cꞌaꞌ chic cuan chi saꞌ. Chanchan li chaki chꞌochꞌ quicana ut ma̱ ani na-oc xcꞌaꞌux chirilbal.

Jeremías 9:18

Eb li tenamit queꞌxye: —Cha̱lkeb chi junpa̱t chi ya̱bac chirix li cꞌaꞌru yo̱co chixcꞌulbal. Ut ocako chi ya̱bac. Choya̱bak toj retal ta̱tꞌuluk li xyaꞌal ku.