Jeremías 4:19 - Li Santil hu

¹⁹ Kꞌaxal ra cuanquin. Incꞌaꞌ chic nincuy. Cau na-ecꞌan li cua̱m. Chanchan e̱lc re saꞌ xnaꞌaj. Incꞌaꞌ naru tincana̱k chi incꞌaꞌ tina̱tinak xban nak yo̱quin chirabinquil xya̱b li trompetas retalil nak ticla̱c re li ple̱t.

Q'eqchi Bible

¹⁹ Jwal nayot'e'k linch'ool ut q'axal namayok li waanm, ka'aj chik maa na'elk linch'ool sa' li xna'aj. Ink'a' ninkanab' xjapb'al we chi aatinak xb'aan naq yookin chi rab'inkil xyaab'eb' li pur li yo chi b'oqok re xik chi yalok.

Jeremías 4:19 ပူးပေါင်းရင်းမြစ်များ

Habacuc 3:16

Nak quicuil li cꞌaꞌru talajcꞌulma̱nk, cꞌajoꞌ nak quiyotꞌeꞌ inchꞌo̱l. Incꞌaꞌ chic quiru quina̱tinac. Nequeꞌsicsot li cuok xban inxiu ut ma̱cꞌaꞌ chic inmetzꞌe̱u quincana. Abanan tincuoybeni li cutan nak ta̱cꞌulma̱nk li raylal aꞌan. Ma̱cꞌaꞌ incꞌaꞌux xban nak ninnau nak li Ka̱cuaꞌ tixsach ruheb li xicꞌ nequeꞌiloc ke.

Isaías 22:4

Joꞌcan nak la̱in ninye: —Canabomakin injunes. Oc cue chi ya̱bac xban xrahil inchꞌo̱l. Ut ma̱ ani tixbay rib chixcꞌojobanquil inchꞌo̱l xban nak lin tenamit teꞌsachekꞌ ru.—

Isaías 16:11

Narahoꞌ inchꞌo̱l xban li raylal li queꞌxcꞌul laj Moab. Nayotꞌeꞌ inchꞌo̱l xban li raylal li queꞌxcꞌul laj Kir-hareset.

Jeremías 9:10

Laj Jeremías quixye: —La̱in tinya̱bak chirix li cꞌaꞌru quixcꞌul li tzu̱l ut li pachꞌayaꞌ. Xeꞌcana chi ma̱cꞌaꞌ chic cuan chiru ut ma̱ ani chic nanumeꞌ aran. Incꞌaꞌ chic nequeꞌabi̱c chi ya̱bac li cuacax. Queꞌe̱lelic li xul li nequeꞌrupupic chiru choxa. Ut queꞌe̱lelic ajcuiꞌ chixjunileb li joskꞌ aj xul, chan.

Jeremías 9:1

Us raj cui lin jolom joꞌ jun li yuꞌam haꞌ ut li xnakꞌ cuu joꞌ li haꞌ li nabe̱c rok. Tinya̱bak raj chi kꞌek chi cutan chirixeb li cuech tenamitil li queꞌcamsi̱c.

Isaías 21:3

Cꞌajoꞌ lin xiu ut ra cuanquin xban li cꞌaꞌru quicuil saꞌ li visión. Chanchan li raylal li naxcꞌul li ixk li oc re chi qꞌuira̱c. Nayotꞌeꞌ inchꞌo̱l xban li cꞌaꞌru quicuabi ut sachso innaꞌleb xban li cꞌaꞌru quicuil.

Gálatas 4:19

Ex inherma̱n, chanchanex incocꞌal nak nequexcuil. Cꞌajoꞌ nak nayotꞌeꞌ inchꞌo̱l saꞌ e̱cꞌabaꞌ la̱ex. Chanchan li raylal li naxcꞌul li ixk li cua̱nc re xcꞌulaꞌal. Cꞌajoꞌ narahoꞌ inchꞌo̱l nak toj ma̱jiꞌ nequekꞌaxtesi e̱rib chi tzꞌakal rubel rok rukꞌ li Cristo.

Daniel 8:27

Ut la̱in laj Daniel sachso inchꞌo̱l quincana ut quinyajer cuib oxib cutan. Ut nak ac usin chic, quin-oc cuiꞌchic chi cꞌanjelac chiru li rey. Abanan toj yo̱ ajcuiꞌ incꞌaꞌux chirix li quicꞌutbesi̱c chicuu xban nak incꞌaꞌ quintau ru lix ya̱lal.

Daniel 7:15

Laj Daniel quixye: —La̱in quisach inchꞌo̱l ut qui-oc incꞌaꞌux xban li cꞌaꞌru quicuil.

Isaías 15:5

La̱in tincuil xtokꞌoba̱l ruheb laj Moab. Eb li cristian teꞌe̱lelik toj saꞌ eb li tenamit Zoar, ut Eglat-selisiya. Yo̱keb chi ya̱bac nak teꞌtakekꞌ saꞌ li tzu̱l Luhit ut japjo̱keb re xban xrahil xchꞌo̱leb nak teꞌe̱lelik toj Horonaim.

Salmos 116:7

Chicacuu̱k ta inchꞌo̱l xban nak li Dios quiruxta̱na cuu.

Romanos 10:1

Ex inherma̱n, relic chi ya̱l nacuaj nak eb laj Israel teꞌcolekꞌ. Aꞌan li nintzꞌa̱ma junelic chiru li Dios.

Amós 3:6

Cui ta̱ecꞌa̱nk li trompeta saꞌ tenamit, ¿ma incꞌaꞌ ta biꞌ teꞌxucuak li tenamit chirabinquil? Ut, ¿ma ta̱cha̱lk ta biꞌ li raylal saꞌ xbe̱n junak li tenamit cui li Dios incꞌaꞌ tixcanabeb re teꞌxcꞌul?

Daniel 7:28

Caꞌaj cuiꞌ aꞌan li quicuil saꞌ lin matcꞌ. La̱in cꞌajoꞌ nak quisach inchꞌo̱l ut qui-oc incꞌaꞌux. Sakquirin quincuulac xban inxiu abanan quincꞌu̱la saꞌ inchꞌo̱l li quicuil saꞌ lin matcꞌ ut ma̱ ani aj e quinserakꞌi li cꞌaꞌru quicuil, chan laj Daniel.

Lamentaciones 2:11

Incꞌaꞌ chic sa nin-iloc xban li ya̱bac ninba̱nu. Nayotꞌeꞌ li cua̱m xban xrahil inchꞌo̱l xban nak queꞌsacheꞌ ruheb lin tenamit. Ut li cocꞌal nequeꞌcam saꞌ be xban xtzꞌocajiqueb.

Lamentaciones 1:16

Xban li raylal li yo̱co chixcꞌulbal, nocoya̱bac. Natꞌuluc xyaꞌal ku. Ma̱ ani nacꞌojoban kachꞌo̱l ut ma̱ ani naru naqꞌuehoc xcacuil kachꞌo̱l. Ut eb li kalal kacꞌajol xeꞌcana chi ma̱cꞌaꞌ chic cuan reheb xban nak eb li xicꞌ nequeꞌiloc ke xeꞌnumta saꞌ kabe̱n.

Jeremías 23:9

Laj Jeremías quixye: —Xban li cꞌaꞌru nequeꞌxba̱nu li profetas, la̱in nayotꞌeꞌ inchꞌo̱l chiru li Ka̱cuaꞌ. Ut xban lix santil a̱tin, ninsicsot. Chanchan tincala̱k. Chanchan nak xcuucꞌ nabal li vino.

Jeremías 20:9

Abanan nak ninye nak incꞌaꞌ chic tatincꞌoxla, at inDios, ut incꞌaꞌ chic tina̱tinak saꞌ a̱cꞌabaꞌ, junelic cuan saꞌ cua̱m la̱ cua̱tin. Chanchan jun li xam nacꞌatoc chak toj saꞌ inbakel. Nacuaj raj incꞌaꞌ tinye, abanan incꞌaꞌ nincuy.

Jeremías 13:17

Abanan cui incꞌaꞌ nequex-abin chiru, la̱in tinya̱bak chi mukmu xban le̱ kꞌetkꞌetil. Cau tinya̱bak toj retal nak ta̱tꞌuluk li xyaꞌal cuu xban nak lix tenamit li Dios teꞌchapekꞌ ut teꞌcꞌamekꞌ xbaneb li jalan tenamit.

Jeremías 4:21

¿Joꞌ najtil chic tento nak tincuileb nak yo̱keb chi pletic? ¿Joꞌ najtil chic tincuabi li xya̱beb li trompeta?

Jeremías 4:5

Laj Jeremías quixye: —Ya̱basihomak li trompeta yalak bar saꞌ li naꞌajej aꞌin. Japomak e̱re chi cau ut te̱ye reheb li tenamit Judá ut Jerusalén nak teꞌxic saꞌ eb li tenamit li ac cauresinbileb re teꞌxcol cuiꞌ ribeb.

Salmos 146:1

Lokꞌoninbil taxak li nimajcual Dios. La̱in tinqꞌue xlokꞌal li Ka̱cuaꞌ chi anchal inchꞌo̱l.

Salmos 119:136

Cꞌajoꞌ nak ninya̱bac xban nak incꞌaꞌ nequeꞌxqꞌue xcuanquil la̱ cua̱tin.

Salmos 119:53

Cꞌajoꞌ nak nachal injoskꞌil saꞌ xbe̱neb li incꞌaꞌ useb xnaꞌleb xban nak nequeꞌxkꞌet la̱ cua̱tin.

Salmos 103:1

Tinqꞌue xlokꞌal li Ka̱cuaꞌ chi anchal inchꞌo̱l. Chi anchal li cua̱m tinqꞌue xlokꞌal. Tinnima lix santil cꞌabaꞌ.

Salmos 16:2

La̱in ninye re li Ka̱cuaꞌ Dios, la̱at inDios. Ma̱ ani chic junak cha̱bil cuiqꞌuin. Caꞌaj cuiꞌ la̱at.

Jueces 5:21

Quilajeꞌcꞌameꞌ xban haꞌ nak quibutꞌir li nimaꞌ Cisón, li junelic cau rok. La̱in tinpletik. Incꞌaꞌ ta̱chꞌina̱nk inchꞌo̱l, chan lix Débora.

Números 10:9

Te̱ya̱basiheb li trompetas nak texxic chi pletic saꞌ le̱ chꞌochꞌ riqꞌuineb li xicꞌ nequeꞌiloc e̱re li yo̱queb chi rahobtesi̱nc e̱re. Cui te̱ba̱nu chi joꞌcan, texjulticokꞌ re li Dios ut aꞌan ta̱colok e̱re chiruheb.

Génesis 49:6

Mixjunaji taxak rib li cua̱m riqꞌuin li camsi̱nc li queba̱nu chak la̱ex nak numtajenak e̱joskꞌil. Joꞌcan nak xecamsiheb li cui̱nk ut quilajeꞌxyoqꞌui ajcuiꞌ li richꞌ mul li rokeb li bo̱yx re nak incꞌaꞌ chic teꞌxcuy be̱c.

1 Corintios 14:8

Ut nak ta̱ya̱basi̱k li trompeta re xbokbaleb li soldado, cui incꞌaꞌ chꞌolchꞌo ru lix ya̱b, ¿ma teꞌxcauresi ta biꞌ rib chi xic chi pletic?

Jeremías 6:24

Eb li cuanqueb Jerusalén nequeꞌxye: —Xkabi resil nak kꞌaxal ra nequeꞌxba̱nu li yo̱queb chi cha̱lc. Yo̱ kaxiu ut ma̱cꞌaꞌ chic kametzꞌe̱u. Kꞌaxal ra cuanco joꞌ jun li ixk oc re chi qꞌuira̱c.

Jeremías 8:21

Xyotꞌeꞌ inchꞌo̱l xban nak xyotꞌeꞌ xchꞌo̱leb lin tenamit. Kꞌaxal ra saꞌ inchꞌo̱l. Yo̱ chi sachc innaꞌleb xban li raylal.

Jeremías 42:14

Cui te̱ye nak texxic chi cua̱nc Egipto bar nequecꞌoxla nak incꞌaꞌ ta̱cua̱nk li pletic chi moco te̱rabi xya̱b li trompeta, chi moco te̱cꞌul cueꞌej,

Jeremías 49:2

Ta̱cuulak xkꞌehil nak eb laj Amón li cuanqueb saꞌ li tenamit Rabá teꞌrabi nak eb li tenamit teꞌxjap reheb chi pletic. Ut li tenamit juqꞌuinbil chic ta̱cana̱k. Eb li tenamit li cuanqueb chi xjun sutam teꞌcꞌatekꞌ. Ut eb laj Israel teꞌre̱chani cuiꞌchic li naꞌajej li quimakꞌeꞌ chiruheb xbaneb laj Amón, chan li Ka̱cuaꞌ.

Jeremías 50:22

Yo̱ chi abi̱c li choki̱nc nak yo̱queb chi pletic. Yo̱ chi abi̱c resil li nimla raylal li yo̱queb chixcꞌulbal.

Daniel 4:19

Tojoꞌnak laj Daniel, li nayeman Beltsasar re, quisach xchꞌo̱l ut caꞌchꞌin chic ma̱ jun o̱r mem quicana ut yo̱ chi cꞌoxlac. Li rey quixye re: —At Beltsasar, matcꞌoxlac chirix lin matcꞌ chi moco tatxucuak xban li naxye, chan. Laj Daniel quichakꞌoc ut quixye: —Ka̱cuaꞌ, li cꞌaꞌru naxye la̱ matcꞌ, us raj cui chirixeb ta li xicꞌ nequeꞌiloc a̱cue ut ma̱cuaꞌ raj cha̱cuix la̱at.

2 Reyes 4:19

Nak cuan rochben lix yucuaꞌ saꞌ junpa̱t quixjap re ut quixye: —¡Ra injolom! ¡Ra injolom! chan. Ut li yucuaꞌbej quixye re lix mo̱s: —Cꞌam li chꞌina al riqꞌuin lix naꞌ, chan.

2 Reyes 8:11

Li profeta Eliseo quixlema saꞌ ru laj Hazael ut laj Hazael chꞌiꞌchꞌiꞌ quirecꞌa. Laj Eliseo qui-oc chi ya̱bac.

Isaías 21:4

Ninsicsot xban inxiu ut nachꞌinan inchꞌo̱l. Nak sa saꞌ inchꞌo̱l ninsahoꞌ nak na-oc li kꞌojyi̱n. Abanan anakcuan nak yo̱ inxiu incꞌaꞌ nacuaj nak ta̱oc li kꞌojyi̱n.

Jeremías 8:18

Laj Jeremías quixye: —At Ka̱cuaꞌ, cꞌajoꞌ xrahil inchꞌo̱l. Incꞌaꞌ chic nincuy.

Lamentaciones 1:20

At Ka̱cuaꞌ, at kaDios, chaqꞌue taxak retal li raylal li yo̱co chixcꞌulbal. Ta̱qꞌue taxak retal lix rahil li kachꞌo̱l. Cꞌajoꞌ nak nayotꞌeꞌ li kachꞌo̱l xban li ma̱c xkaba̱nu. Saꞌ eb li be yo̱queb chi camsi̱c li kalal kacꞌajol ut yo̱queb ajcuiꞌ chi ca̱mc saꞌ li kochoch.