Jeremías 4:15 - Li Santil hu

¹⁵ Yo̱ chi cuulac resil li raylal li ta̱cꞌulma̱nk toj saꞌ lix naꞌajeb li ralal xcꞌajol laj Dan ut toj saꞌ lix naꞌajeb li ralal xcꞌajol laj Efraín, li naꞌajej li tzu̱l ru.

Q'eqchi Bible

¹⁵ Ab'i li xyaab' kuxej li nachalk chaq toj Dan: a'an naxye resil li rahilal yo chaq chi chalk sa' xteepal Efraín:

Jeremías 4:15 ပူးပေါင်းရင်းမြစ်များ

Jeremías 8:16

Yo̱queb chak chi cha̱lc li xicꞌ nequeꞌiloc ke. Toj saꞌ li naꞌajej Dan na-abi̱c xya̱b saꞌ ruꞌujeb lix cacua̱yeb. Chixjunileb li tenamit nequeꞌsicsot xban xxiuheb nak nequeꞌrabi nak nequeꞌxjap re li cacua̱y. Cha̱lqueb re chixsachbal li kanaꞌaj ut chixjunil li cuan chi saꞌ. Xeꞌchal chixsachbal li tenamit joꞌ ajcuiꞌ chixjunileb li cristian, chanqueb.

Jeremías 6:1

La̱ex, li ralal xcꞌajol laj Benjamín, elenkex saꞌ li tenamit Jerusalén re xcolbal e̱rib. Ya̱basihomak le̱ trompeta aran Tecoa. Cꞌu̱bumak junak li xam saꞌ li naꞌajej Bet-haquerem chokꞌ retalil li nimla raylal ut li sachecꞌ li yo̱ chak chi cha̱lc saꞌ li norte.

Jueces 20:1

Quilajeꞌxchꞌutub ribeb chixjunileb li cui̱nk aj Israel saꞌ li naꞌajej cuan cuiꞌ li tabernáculo aran Mizpa. Eb aꞌan queꞌchal chak saꞌ eb li naꞌajej li naticla chak Dan ut nacuulac Beerseba ut toj Galaad.

Jueces 18:29

Queꞌxjal xcꞌabaꞌ li tenamit aꞌan. Incꞌaꞌ chic queꞌxye “Lais” re. “Dan” chic queꞌxqꞌue chokꞌ xcꞌabaꞌ xban nak aj Dan xcꞌabaꞌ lix xeꞌto̱nil xyucuaꞌeb. Laj Dan, aꞌan li ralal laj Jacob.

Josué 20:7

Ut eb laj Israel queꞌxsicꞌ ruheb li tenamit aꞌin: Cedes li cuan aran Galilea saꞌ li tzu̱l ru saꞌ lix naꞌajeb li ralal xcꞌajol laj Neftalí: li tenamit Siquem li tzu̱l ru li cuan saꞌ lix naꞌajeb li ralal xcꞌajol laj Efraín: ut li tenamit Quiriat-arba li nequeꞌxye ajcuiꞌ Hebrón re. Li tenamit aꞌan cuan saꞌ li naꞌajej tzu̱l ru saꞌ lix naꞌajeb li ralal xcꞌajol laj Judá.

Josué 17:15

Laj Josué quichakꞌoc ut quixye reheb: —Cui la̱ex nabalex, ayukex saꞌ li qꞌuicheꞌ ut te̱cꞌale ru. Saꞌ li naꞌajej aꞌan cuanqueb laj ferezeo ut eb laj refaíta. Ayukex aran xban nak li naꞌajej aꞌin incꞌaꞌ chic natzꞌakloc chokꞌ e̱re, chan.

Isaías 52:7

Cꞌajoꞌ xlokꞌal li rokeb li tenamit nak yo̱keb chi xic saꞌ eb li tzu̱l chixyebal resil li cha̱bil esilal. Nequeꞌxye resil li tuktu̱quil usilal ut li cha̱bilal. Ut nequeꞌxye ajcuiꞌ resil li colba-ib. Nequeꞌxye reheb li cuanqueb Sión, “Li Ka̱cuaꞌ le̱ Dios, aꞌan li Rey”.

Jeremías 10:22

Abihomak. Qꞌuehomak retal li esilal li yo̱ chak chi cha̱lc. Cꞌajoꞌ li choki̱nc saꞌ li nimla tenamit li cuan saꞌ li norte. Teꞌxsach ru chixjunileb li tenamit li cuanqueb Judá. Ta̱cana̱k chi ma̱cꞌaꞌ chic cuan chi saꞌ. Ta̱cana̱k chokꞌ xnaꞌaj laj xoj, chan laj Jeremías.