Jeremías 4:14 - Li Santil hu

¹⁴ La̱ex aj Jerusalén, canabomak xba̱nunquil li ma̱usilal re nak naru texcolekꞌ. ¿Joꞌ najtil chic toj yo̱kex xcꞌoxlanquil xba̱nunquil li ma̱usilal?

Q'eqchi Bible

¹⁴ At Jerusalén, ch'ajob'resi ru laach'ool re naq tatkole'q. Jo' najtil chik twanq li maa'usilal sa' laawaanm?

Jeremías 4:14 ပူးပေါင်းရင်းမြစ်များ

Santiago 4:8

Cauhak e̱chꞌo̱l riqꞌuin li Dios ut li Dios ta̱tenkꞌa̱nk e̱re. La̱ex aj ma̱c, jalomak e̱cꞌaꞌux. Me̱ba̱nu chic li ma̱usilal. Joꞌcan ajcuiꞌ la̱ex li yal cuib e̱chꞌo̱l saꞌ le̱ pa̱ba̱l, yotꞌomak e̱chꞌo̱l ut jalomak e̱cꞌaꞌux re nak li Dios tixti̱cobresi le̱ chꞌo̱l.

Hechos 8:22

Cui ta̱yotꞌ a̱chꞌo̱l ta̱jal a̱cꞌaꞌux ut ta̱canab xba̱nunquil li ma̱usilal aꞌin ut cui ta̱tzꞌa̱ma a̱cuybal chiru li Dios, ma̱re chan nak tixcuy a̱ma̱c riqꞌuin li xacꞌoxla.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

1 Corintios 3:20

Ut tzꞌi̱banbil ajcuiꞌ saꞌ li Santil Hu li naxye: Li Dios naxnau nak ma̱cꞌaꞌ na-oc cuiꞌ lix cꞌaꞌuxeb li nequeꞌxye nak cuanqueb xnaꞌleb xjuneseb rib. (Sal. 94:11)

Romanos 1:21

Nequeꞌxnau nak cuan li Dios, aban incꞌaꞌ queꞌxqꞌue xlokꞌal chi moco queꞌbantioxin chiru. Caꞌaj cuiꞌ li joꞌ ma̱joꞌil naꞌleb nequeꞌxcꞌoxla ut xban aꞌan nak quikꞌojyi̱noꞌ ru lix cꞌaꞌuxeb.

San Lucas 11:39

Li Jesús quixye re: —La̱ex aj fariseo nequechꞌaj li rix le̱ secꞌ ut le̱ plato; abanan tzꞌaj lix saꞌ. La̱ex chanchanex li secꞌ li tzꞌaj xsaꞌ xban nak numtajenak le̱ ma̱usilal ut li elkꞌac nequeba̱nu.

Jeremías 13:27

La̱in xinqꞌue retal li ma̱usilal nequeba̱nu. La̱in xcuil nak nequelokꞌoniheb li jalanil dios saꞌ eb li tzu̱l ut saꞌ eb li ru takꞌa. Chanchanex li nequeꞌxmux ru xsumlajiqueb. Ta̱cha̱lk li raylal saꞌ e̱be̱n la̱ex li cuanquex Jerusalén. La̱ex incꞌaꞌ nequecanab xba̱nunquil li ma̱usilal. ¿Joꞌ najtil chic texcua̱nk saꞌ li ma̱usilal? chan li Dios.

Proverbios 1:22

La̱ex, li ma̱cꞌaꞌ e̱naꞌleb, ¿jokꞌe te̱canab xba̱nunquil li to̱ntil naꞌleb li ma̱cꞌaꞌ na-oc cuiꞌ? Ut la̱ex li nequekꞌetkꞌeti e̱rib, ¿jokꞌe te̱canab xtzꞌekta̱nanquil li cha̱bil naꞌleb?

Salmos 66:18

Cui ta la̱in xinxoc li ma̱c saꞌ lin chꞌo̱l, incꞌaꞌ raj xinrabi li Dios.

San Mateo 12:33

Joꞌcan ajcuiꞌ cui cha̱bil junak cheꞌ, cha̱bil ajcuiꞌ li ru. Cui incꞌaꞌ us li cheꞌ, li ru incꞌaꞌ ajcuiꞌ us. Ut riqꞌuin li naru̱chin, nanaꞌli ru li cheꞌ.

Ezequiel 18:31

Canabomak chixjunil le̱ kꞌetba a̱tin li xexma̱cob cuiꞌ. Jalomak e̱cꞌaꞌux ut acꞌak chic le̱ yuꞌam. ¿Cꞌaꞌut nak te̱qꞌue e̱rib chi ca̱mc xban le̱ ma̱c, ex aj Israel?

Salmos 119:113

La̱in ninra la̱ chakꞌrab ut xicꞌ nequeꞌcuil laj caꞌ pacꞌal u.

Salmos 51:2

Chacuisiheb taxak lin ma̱usilal ut chati̱cobresi taxak lin chꞌo̱l re nak ma̱cꞌaꞌak chic inma̱c.

Jeremías 2:22

Usta te̱chꞌaj e̱rib riqꞌuin lejía, malaj ut riqꞌuin nabal li xabo̱n, abanan le̱ ma̱c junelic cua̱nk chicuu. Incꞌaꞌ chic ta̱e̱lk.

Jeremías 6:19

Abihomak la̱ex li cuanquex saꞌ ruchichꞌochꞌ. La̱in tinqꞌue li raylal saꞌ xbe̱neb lin tenamit xban li ma̱usilal queꞌxba̱nu. Incꞌaꞌ queꞌabin chicuu, ut queꞌxkꞌet li chakꞌrab quinqꞌue reheb.

Jeremías 17:1

Li Ka̱cuaꞌ quixye: —La̱ex aj Judá, tzꞌi̱banbil retalil le̱ ma̱c. Chanchan nak juchꞌbil riqꞌuin chꞌi̱chꞌ. Chanchan nak tzꞌi̱banbil retalil chiru le̱ ra̱m riqꞌuin jun li terto̱quil pec diamante. Ut chanchan nak tzꞌi̱banbil ajcuiꞌ retalil chiru li xucub li cuan saꞌ xxuc li artal.

Zacarías 8:17

Ma̱ jun ta e̱re tixcꞌoxla xba̱nunquil raylal re li ras ri̱tzꞌin. Ut incꞌaꞌ te̱patzꞌ incꞌabaꞌ yal riqꞌuin ticꞌtiꞌ, xban nak aꞌan xicꞌ nacuil la̱in, chan li nimajcual Dios.

Jeremías 18:11

Joꞌcan nak ta̱ye reheb li cuanqueb Judá ut reheb li cuanqueb Jerusalén nak joꞌcaꞌin naxye li Ka̱cuaꞌ: La̱in oc cue chixqꞌuebal li raylal saꞌ e̱be̱n. Yo̱quin chixcꞌu̱banquil ru cꞌaꞌru tinba̱nu re e̱sachbal. Joꞌcan nak canabomak le̱ ma̱usilal. Jalomak e̱cꞌaꞌux ut yi̱bomak le̱ yuꞌam.

San Juan 13:9

Laj Simón Pedro quixye: —Ka̱cuaꞌ, ma̱cuaꞌ caꞌaj cuiꞌ li cuok ta̱chꞌaj. Ta̱chꞌaj aj ban cuiꞌ li cuukꞌ ut lin jolom, chan.