Jeremías 4:13 - Li Santil hu

¹³ Qꞌuehomak retal. Eb li xicꞌ nequeꞌiloc re li tenamit chanchanakeb li chok nak teꞌcha̱lk. Eb li carruaje teꞌcha̱lk joꞌ li ca̱k-sut-ikꞌ. Eb li cacua̱y kꞌaxal cau teꞌa̱linak chiru li tꞌiu li narupupic chi junpa̱t. Tokꞌob xak ku xban nak osocꞌ ke.

Q'eqchi Bible

¹³ Ilomaq, eb' li xik' neke'ilok re li tenamit yookeb' chi chalk jo'eb' li choql; li xkaareb' a'an chanchaneb' li kaqsut-iq' chi chalk, ut eb' li kawaay neke'aanilak chi kaw chanchan xseeb'aleb' li t'iw. Q'axal toq'ob'aal qu xb'aan naq oso'k qe.

Jeremías 4:13 ပူးပေါင်းရင်းမြစ်များ

Isaías 19:1

Aꞌan aꞌin li resil li cꞌaꞌru tixcꞌul li tenamit Egipto. Li Ka̱cuaꞌ ta̱cha̱lk Egipto saꞌ junpa̱t saꞌ jun li chok. Li Dios tixqꞌueheb chi ecꞌa̱nc saꞌ xnaꞌajeb lix dioseb laj Egipto. Cꞌajoꞌ nak ta̱oc xxiuheb laj Egipto.

Isaías 66:15

Qꞌuehomak retal. Li Ka̱cuaꞌ ta̱cha̱lk riqꞌuin xam. Ut lix carruaje chanchanakeb li ikꞌ li naxsuti rib. Saꞌ junpa̱t ta̱risi xjoskꞌil riqꞌuin xam saꞌ xbe̱neb li incꞌaꞌ useb xnaꞌleb.

Habacuc 1:8

Kꞌaxal se̱bakeb lix cacua̱yeb chiruheb li hix. Tzꞌakalakeb aj camsinel chiru laj xoj li nequeꞌbe̱c chiru kꞌojyi̱n. Kꞌaxal cuiꞌchic teꞌta̱mk li nequeꞌxic chirix cacua̱y chi camsi̱nc. Chi najt teꞌcha̱lk chak chirix cacua̱y li teꞌcha̱lk chi pletic. Nak teꞌxic saꞌ a̱nil chi pletic, chanchanakeb li cꞌuch nak naxic chi junpa̱t chixchapbal lix tib.

Lamentaciones 4:19

Eb li xicꞌ nequeꞌiloc ke kꞌaxal cau nequeꞌa̱linac chiru li cꞌuch li narupupic chiru choxa. Coeꞌra̱lina toj saꞌ eb li tzu̱l ut coeꞌxram saꞌ eb li chaki chꞌochꞌ.

Isaías 5:28

Lix tzimajeb kꞌesak ruꞌuj ut cauresinbilakeb. Ut li rixiꞌijeb lix cacua̱y cauhakeb joꞌ li pec. Ut lix ruedil lix carruajes nak nequeꞌsuri rib chanchan li ikꞌ li naxsuti rib.

Nahum 1:3

Li Ka̱cuaꞌ kꞌaxal nim xcuanquil ut kꞌaxal nim xcuyum. Ut naxqꞌue chixtojbal xma̱c li ani cuan xma̱c. Li Ka̱cuaꞌ kꞌaxal nim xcuanquil saꞌ xbe̱n li ca̱k-sut-ikꞌ ut li chok. Kꞌaxal nim xcuanquil chixba̱nunquil li cꞌaꞌru naraj aꞌan.

Isaías 13:5

Najt xeꞌchal chak li soldados. Li Ka̱cuaꞌ yo̱ chi cha̱lc rochbeneb re tixsacheb ru li cuanqueb Babilonia xban nak yo̱ xjoskꞌil saꞌ xbe̱neb.

Deuteronomio 28:49

Li Ka̱cuaꞌ tixcꞌameb chak chi najt eb li jalan xtenamit. La̱ex incꞌaꞌ te̱tau ru li ra̱tinoba̱leb. Chanchanakeb li xul tꞌiu nak teꞌcha̱lk chi junpa̱t chixsachbal e̱ru.

Jeremías 4:31

La̱in xcuabi nak yo̱queb chi ya̱bac laj Jerusalén. Chanchan nak naxjap re li ixk nak oc re chi qꞌuira̱c riqꞌuin li xbe̱n xcꞌulaꞌal. Incꞌaꞌ chic nequeꞌxcuy musikꞌac. Nequeꞌxyeꞌ li rukꞌeb nak yo̱queb chixtzꞌa̱manquil xtenkꞌanquileb. “Tokꞌob ku. Incꞌaꞌ nakacuy saꞌ rukꞌeb li nequeꞌraj kacamsinquil,” chanqueb.

Apocalipsis 1:7

Qꞌuehomak retal. Aꞌan ta̱cha̱lk chak saꞌ li chok ut chixjunileb teꞌilok re. Teꞌril ajcuiꞌ eb li queꞌcamsin re. Chixjunileb li cuanqueb saꞌ ruchichꞌochꞌ teꞌyotꞌekꞌ xchꞌo̱l ut teꞌya̱bak xban li raylal li teꞌxcꞌul. Joꞌcan taxak chicꞌulma̱nk.

San Mateo 24:30

Tojoꞌnak ta̱cꞌutu̱nk saꞌ choxa li cuetalil la̱in li Cꞌajolbej. Ut teꞌyotꞌekꞌ ut teꞌya̱bak chixjunileb li cuanqueb saꞌ ruchichꞌochꞌ. Ut teꞌril cuu la̱in li Cꞌajolbej nak yo̱kin chak chi cha̱lc saꞌ li chok riqꞌuin lix nimal incuanquil ut inlokꞌal.

Oseas 8:1

Ya̱basi li trompeta xban nak yo̱queb chi cha̱lc chi pletic li xicꞌ nequeꞌiloc reheb lin tenamit. Chanchaneb li cꞌuch nak yo̱queb chi cha̱lc. Xban nak lin tenamit xeꞌxtzꞌekta̱na li contrato quinba̱nu riqꞌuineb, joꞌcan nak teꞌxcꞌul li raylal. Xeꞌxtzꞌekta̱na li chakꞌrab xinqꞌue reheb.

Daniel 7:4

Li xbe̱n chanchan jun li cakcoj ut cuan xxicꞌ chanchan xxicꞌ li cꞌuch. Ut yo̱quin chirilbal nak qui-isi̱c lix xicꞌ. Ut li xul quixakaba̱c saꞌ li chꞌochꞌ. Chanchan jun li cui̱nk xakxo. Ut quiqꞌueheꞌ xnaꞌleb joꞌ xnaꞌleb cui̱nk.

Jeremías 10:19

Laj Jeremías quixye ajcuiꞌ: —Tokꞌob xak ku. Kꞌaxal ra yo̱co chixcꞌulbal. Ma̱cꞌaꞌ xbanol li karaylal. La̱o xkaye nak tento takacuy xcꞌulbal li raylal.

2 Samuel 1:23

Laj Saúl ut laj Jonatán kꞌaxal cha̱bileb ut raro̱queb. Laj Saúl ut laj Jonatán incꞌaꞌ queꞌxcanab ribeb nak toj yoꞌyo̱queb. Chi moco nak queꞌcam queꞌxcanab ribeb. Kꞌaxal se̱beb joꞌ li xul tꞌiu xcꞌabaꞌ. Ut kꞌaxal cauheb rib joꞌ li cakcoj.

Isaías 3:8

Relic chi ya̱l nak li tenamit Jerusalén xsacheꞌ ru ut li tenamit Judá jucꞌbil chic xban nak incꞌaꞌ us lix yehom xba̱nuhomeb ut xban nak xeꞌxkꞌetkꞌeti ribeb chiru li Ka̱cuaꞌ. Ut riqꞌuin aꞌan xeꞌxchikꞌ xjoskꞌil li Dios.

Jeremías 4:12

Chanchanak jun li cacuil ikꞌ li nasachoc. Joꞌcan tixba̱nu li Ka̱cuaꞌ nak ta̱rakok a̱tin saꞌ xbe̱neb li tenamit.

Jeremías 9:19

Toj aran Sión na-abi̱c li ya̱bac xban nak xo-osoꞌ. Numtajenak li kaxuta̱n xban nak tento nak takacanab li kanaꞌaj. Ut eb li kochoch juqꞌuinbil chic, chanqueb.

Jeremías 49:22

Qꞌuehomak retal. Eb li xicꞌ nequeꞌiloc reheb laj Bosra yo̱queb chi cha̱lc chixsachbal ruheb. Chanchaneb li tꞌiu nak naxic chixchapbal lix tib. Saꞌ eb li cutan aꞌan eb li soldado aj Edom sicsotkeb. Chanchanakeb jun li ixk li yo̱ chi cꞌuluc raylal.

Ezequiel 26:10

Nak eb laj Babilonia teꞌoc saꞌ le̱ tenamit, teꞌxcuaclesi nabal li poks ut incꞌaꞌ chic texcꞌutu̱nk. Ut li tzꞌac li sutsu cuiꞌ le̱ tenamit ta̱ecꞌa̱nk saꞌ xnaꞌaj xban xya̱b rokeb lix cacua̱y ut eb lix carruaje nak teꞌoc saꞌ le̱ tenamit joꞌ nak nequeꞌoc saꞌ jun tenamit ac poꞌbil.

Ezequiel 38:9

Chanchan nak nachal li ca̱k-sut-ikꞌ ut chanchan nak ta̱muku̱nk li tenamit saꞌ li chok nak tatxic chi pletic riqꞌuineb li tenamit a̱cuochben la̱ qꞌuila soldado.

Daniel 11:40

Nak acak cuulac re rosoꞌjic lix cuanquil li rey li cuan saꞌ li norte, li rey li cuan saꞌ li sur ta̱xic chi pletic riqꞌuin. Chanchan xmetzꞌe̱u li ca̱k-sut-ikꞌ nak eb li soldado li teꞌcha̱lk saꞌ li norte teꞌoc chi pletic. Riqꞌuin xnimal xcuanquileb teꞌpletik riqꞌuin lix cacua̱y ut lix carruaje ut lix jucub. Chanchan li butꞌ nak naxhel rib saꞌ li chꞌochꞌ nak teꞌnumta̱k saꞌ xbe̱neb nabal chi tenamit.

Miqueas 2:4

Ut saꞌ eb li cutan aꞌan, eb li xicꞌ nequeꞌiloc e̱re texhob ut texretzꞌu ut teꞌxbicha li bich li nequebicha la̱ex yal re e̱hobbal: La̱o xo-osoꞌ. Xkasach chixjunil. Li Ka̱cuaꞌ quixmakꞌ chiku li kachꞌochꞌ ut quixjeqꞌui reheb li queꞌchapoc ke, chaꞌkeb e̱re.

Jeremías 6:23

Ac cuan chak lix chꞌi̱chꞌeb saꞌ rukꞌeb ut lix tzimaj. Kꞌaxal joskꞌeb. Ma̱ ani nequeꞌril xtokꞌoba̱l ruheb. Yo̱queb chi cha̱lc chirix cacua̱y chi pletic riqꞌuineb laj Jerusalén. Nak nequeꞌxjap re chanchan nak na-ecꞌan ru li palau.—

Jeremías 46:18

La̱in li Ka̱cuaꞌ li nimajcual Dios. La̱in li tzꞌakal rey. La̱in li yoꞌyo̱quil Dios. Li jun li ta̱cha̱lk chi pletic e̱riqꞌuin chanchan li tzu̱l Tabor li najt xteram saꞌ xya̱nkeb li tzu̱l. Chanchan li tzu̱l Carmel li cuan chire li palau.

Jeremías 48:40

Joꞌcaꞌin naxye li Ka̱cuaꞌ: —Qꞌuehomak retal. Eb li xicꞌ nequeꞌiloc reheb laj Moab yo̱queb chi cha̱lc chixsachbal ruheb. Chanchaneb li tꞌiu nak naxic chixchapbal lix tib.

Zacarías 6:1

Quicꞌutbesi̱c jun chic li visión chicuu. Quicuil ca̱hib li carruaje re pletic yo̱queb chak chi e̱lc saꞌ xya̱nk cuib li tzu̱l kꞌan chꞌi̱chꞌ nak quicuil.