Jeremías 4:12 - Li Santil hu

¹² Chanchanak jun li cacuil ikꞌ li nasachoc. Joꞌcan tixba̱nu li Ka̱cuaꞌ nak ta̱rakok a̱tin saꞌ xbe̱neb li tenamit.

Q'eqchi Bible

¹² a'an b'an jun kawil iq' li taachalq chi xb'aanunkil li nintaqla wi', xb'aan naq ok we chi raqok aatin sa' xb'eeneb' a'an”.

Jeremías 4:12 ပူးပေါင်းရင်းမြစ်များ

Jeremías 1:16

Aꞌan aꞌin li tojba ma̱c li tinqꞌue saꞌ xbe̱neb lin tenamit xban li ma̱usilal queꞌxba̱nu. Quineꞌxtzꞌekta̱na ut queꞌxcꞌat lix pomeb re xlokꞌoninquileb li jalanil dios ut queꞌxlokꞌoniheb li jalam u̱ch li queꞌxyi̱b riqꞌuin rukꞌeb.

Ezequiel 5:8

Joꞌcan nak la̱in li Ka̱cuaꞌ ninye e̱re: —La̱in yo̱ injoskꞌil saꞌ e̱be̱n la̱ex aj Jerusalén. Texinqꞌue chixtojbal e̱ma̱c chiruheb li xni̱nkal tenamit.

Salmos 11:6

Li Dios tixtakla nabal li raylal saꞌ xbe̱neb li incꞌaꞌ useb xnaꞌleb. Cꞌatbilakeb riqꞌuin xam ut azufre nak teꞌosokꞌ.

Jeremías 4:11

Ta̱cuulak xkꞌehil nak ta̱yehekꞌ reheb li tenamit aꞌin ut reheb laj Jerusalén chi joꞌcaꞌin: Chanchan jun li tikcual ikꞌ li ta̱cha̱lk saꞌ li chaki chꞌochꞌ. Ma̱cuaꞌ li kꞌunil ikꞌ li narisi rix li trigo.

Jeremías 4:13

Qꞌuehomak retal. Eb li xicꞌ nequeꞌiloc re li tenamit chanchanakeb li chok nak teꞌcha̱lk. Eb li carruaje teꞌcha̱lk joꞌ li ca̱k-sut-ikꞌ. Eb li cacua̱y kꞌaxal cau teꞌa̱linak chiru li tꞌiu li narupupic chi junpa̱t. Tokꞌob xak ku xban nak osocꞌ ke.

Jeremías 51:1

Joꞌcaꞌin naxye li Ka̱cuaꞌ: —La̱in tintakla junak li tenamit chi pletic riqꞌuineb laj Babilonia ut riqꞌuineb ajcuiꞌ li cuanqueb aran li nequeꞌxkꞌetkꞌeti ribeb chicuu. Eb li tintakla chanchanakeb li ikꞌ li nasachoc nak teꞌxic chi pletic.

Oseas 13:15

Usta kꞌaxal nabal cꞌaꞌru reheb li ralal xcꞌajol laj Efraín chiruheb laj Israel li rech tenamitil, aban la̱in tincuisi chiruheb chixjunil li cꞌaꞌru cuan reheb. Nak nachal li ikꞌ saꞌ releb sakꞌe cuan cuiꞌ li chaki chꞌochꞌ, nachakic li yuꞌam haꞌ xban li ikꞌ ut nachakic ajcuiꞌ li acui̱mk. Joꞌcan ajcuiꞌ tinba̱nu la̱in riqꞌuineb. Tinsach chixjunil li cꞌaꞌru cuan reheb.

Habacuc 1:11

Chanchan nak nanumeꞌ li ca̱k-sut-ikꞌ nak teꞌxsach li tenamit. Teꞌxcꞌoxla nak riqꞌuin xcuanquil lix dioseb teꞌxba̱nu aꞌan, chan li Ka̱cuaꞌ.