Jeremías 4:10 - Li Santil hu

¹⁰ Laj Jeremías quixye: —At Ka̱cuaꞌ, at nimajcual Dios, relic chi ya̱l la̱at xabalakꞌiheb li tenamit. Xaye nak ta̱cua̱nk li tuktu̱quil usilal, abanan ca̱mc yo̱ chi cha̱lc saꞌ kabe̱n.

Q'eqchi Bible

¹⁰ Ut laa'in kinye: “At Qaawa', k'ajo' naq xab'alaq'iheb' laj Jerusalén rik'in xyeeb'al naq te'wanq sa' tuqtuukilal, ut anaqwan a' chik li kamk xteneb'aak sa' xb'eeneb'!”.

Jeremías 4:10 ပူးပေါင်းရင်းမြစ်များ

Jeremías 5:12

Eb aꞌan queꞌxye: —Moco ya̱l ta nak li Dios quixye aꞌan. Li Ka̱cuaꞌ ma̱cꞌaꞌ tixba̱nu ke. La̱o ma̱cꞌaꞌ takacꞌul, chi moco li ca̱mc chi moco li cueꞌej.

Isaías 37:35

La̱in tin-ilok re li tenamit ut la̱in ajcuiꞌ tincolok re. Tinba̱nu aꞌin saꞌ incꞌabaꞌ la̱in ut saꞌ xcꞌabaꞌ laj David li quicꞌanjelac chicuu” chan li Ka̱cuaꞌ.—

Romanos 1:28

Xban nak incꞌaꞌ nequeꞌxcꞌoxla li Dios, joꞌcan nak queꞌtzꞌekta̱na̱c xban li Dios saꞌ li tzꞌekbe̱tal aj naꞌleb chixba̱nunquil li moco uxc ta naraj.

Romanos 1:26

Li Dios quixtzꞌekta̱naheb saꞌ lix xuta̱nalil naꞌleb xban lix ma̱usilaleb. Ut eb li ixk incꞌaꞌ chic queꞌraj cua̱nc riqꞌuineb lix be̱lom. Riqꞌuin ban chic li rech ixkilal queꞌxba̱nu li moco uxc ta naraj.

Romanos 1:24

Joꞌcan nak li Dios quixtzꞌekta̱naheb saꞌ xyibal ru lix ma̱usilaleb toj retal nequeꞌxcꞌut xxuta̱neb chi ribileb rib xban nak nequeꞌxba̱nu li joꞌ ma̱joꞌil naꞌleb.

Ezequiel 11:13

Ut nak la̱in yo̱quin chixyebal resil li raylal li ta̱cha̱lk saꞌ xbe̱neb, laj Pelatías li ralal laj Benaía quicam. Ut la̱in quinhupub cuib saꞌ chꞌochꞌ ut quinjap cue ut quinye: —At nimajcual Dios, ¿ma ta̱sacheb ru chi junaj cua eb li ralal xcꞌajol laj Israel li joꞌ qꞌuial chic queꞌcoleꞌ?—

Lamentaciones 2:21

Eb li camenak nequeꞌtꞌanaxin saꞌ eb li be, joꞌ cocꞌal, joꞌ ti̱xeb. Eb li sa̱j cui̱nk ut eb li tukꞌ ixk xelajeꞌcamsi̱c. Xban a̱joskꞌil, at Ka̱cuaꞌ, cacanabeb chi camsi̱c ut incꞌaꞌ cacuil xtokꞌoba̱l ruheb.

Jeremías 32:17

—At Ka̱cuaꞌ, at nimajcual Dios, kꞌaxal nim la̱ cuanquil. La̱at catyi̱ban re li choxa ut li ruchichꞌochꞌ riqꞌuin xnimal a̱cuanquil. Ma̱cꞌaꞌ chꞌaꞌaj cha̱cuu la̱at.

Jeremías 23:17

Rajlal nequeꞌxye reheb li xicꞌ nequeꞌiloc cue, “Li Ka̱cuaꞌ xye nak texcua̱nk saꞌ tuktu̱quil usilal”. Ut nequeꞌxye ajcuiꞌ reheb li nequeꞌxqꞌue xchꞌo̱l chixba̱nunquil li cꞌaꞌru nequeꞌraj xjuneseb, “Ba̱nuhomak li cꞌaꞌru nequeraj. Ma̱cꞌaꞌ te̱cꞌul”, chanqueb.

Jeremías 8:11

Chiruheb aꞌan moco nim ta li raylal li yo̱ chixcꞌulbal lin tenamit. Eb aꞌan nequeꞌxye nak ma̱cꞌaꞌ raylal. Nequeꞌxye nak cuan li tuktu̱quil usilal. Abanan ma̱cꞌaꞌ tuktu̱quil usilal.

Jeremías 6:14

Chiruheb aꞌan moco nim ta li raylal li yo̱ chixcꞌulbal lin tenamit. Eb aꞌan nequeꞌxye nak ma̱cꞌaꞌ raylal. Nequeꞌxye nak cuan li tuktu̱quil usilal. Abanan ma̱cꞌaꞌ tuktu̱quil usilal.

Jeremías 4:18

La̱ex aj Judá, yo̱quex chixcꞌulbal li raylal aꞌin xban li ma̱usilal xeba̱nu. Xban le̱ ma̱c nak yo̱quex chixcꞌulbal li raylal aꞌin ut nayotꞌeꞌ e̱chꞌo̱l xban.

Jeremías 1:6

Ut la̱in quinchakꞌoc ut quinye: —At inDios, ¿cꞌaꞌru tinba̱nu? La̱in incꞌaꞌ ninnau a̱tinac xban nak toj sa̱jin, chanquin.

Isaías 63:17

At Ka̱cuaꞌ, ¿cꞌaꞌut nak nocoa̱canab chixba̱nunquil li incꞌaꞌ us? ¿Cꞌaꞌut nak xacacuubresi kachꞌo̱l re nak incꞌaꞌ chic takaqꞌue a̱lokꞌal? Tatsukꞌi̱k ta cuiꞌchic kiqꞌuin, at Ka̱cuaꞌ, xban nak nacaraheb li nequeꞌcꞌanjelac cha̱cuu. Tatsukꞌi̱k taxak kiqꞌuin saꞌ xcꞌabaꞌeb lix te̱paleb laj Israel.

Isaías 30:10

Nequeꞌxye reheb li profeta: —Micꞌuteꞌ chic li visión che̱ru. Me̱ye chic ke cꞌaꞌru us takaba̱nu. Ye ban ke li chꞌinaꞌus rabinquil, usta moco ya̱l ta.

Éxodo 9:14

Ut anakcuan tintakla cuiꞌchic jun raylal saꞌ a̱be̱n joꞌ ajcuiꞌ saꞌ xbe̱neb la̱ mo̱s ut saꞌ xbe̱neb ajcuiꞌ chixjunil li tenamit re nak chi joꞌcan ta̱nau nak ma̱ ani chic junak Dios saꞌ ruchichꞌochꞌ joꞌ la̱in.

Éxodo 5:22

Tojoꞌnak laj Moisés quia̱tinac cuiꞌchic riqꞌuin li Ka̱cuaꞌ Dios ut quixye re: —Ka̱cuaꞌ, ¿cꞌaꞌut nak yo̱cat chixqꞌuebal saꞌ raylal li tenamit aꞌin? ¿Cꞌaꞌru aj e nak xina̱takla chak arin?