Jeremías 4:1 - Li Santil hu

¹ Li Ka̱cuaꞌ quixye reheb: —La̱ex aj Israel, cui te̱raj sukꞌi̱c cuiqꞌuin tento te̱canab xlokꞌoninquil li yi̱banbil dios li cꞌajoꞌ xyibal ru. Ut incꞌaꞌ chic te̱cꞌoxla incanabanquil.

Q'eqchi Bible

¹ “Wi taawaj sutq'iik chaq, a Israel, -chan li Qaawa'- wik'in laa'in tento tatsutq'iiq chaq. Wi taakanab' xloq'oninkil li jalanil yos li k'ajo' xyib'al ru ut ink'a' chik tat-eleliq chiwu,

Jeremías 4:1 ပူးပေါင်းရင်းမြစ်များ

Joel 2:12

—Anakcuan yotꞌomak e̱chꞌo̱l, chan li Ka̱cuaꞌ. Chexya̱bak ut cheba̱nu e̱-ayu̱n. Sukꞌinkex cuiꞌchic cuiqꞌuin chi anchal e̱chꞌo̱l, chan.

Jeremías 3:22

La̱ex cualal incꞌajol li xekꞌetkꞌeti e̱rib, jalomak e̱cꞌaꞌux. La̱in texinqꞌuirtesi, chan li Ka̱cuaꞌ. Ut eb laj Israel queꞌxye: —La̱o tosukꞌi̱k a̱cuiqꞌuin xban nak la̱at li Ka̱cuaꞌ. La̱at li kaDios.

Ezequiel 43:9

Anakcuan teꞌxjucꞌ chi jun aj cua lix jalam u̱ch lix reyeb. Incꞌaꞌ chic teꞌxlokꞌoni. Ut la̱in tincua̱nk riqꞌuineb chi junelic kꞌe cutan.

Jeremías 25:5

Eb li profetas queꞌxye e̱re, “Canabomak xba̱nunquil li ma̱usilal. Me̱ba̱nu chic li incꞌaꞌ us re nak naru texcua̱nk saꞌ li naꞌajej li quiqꞌueheꞌ e̱re la̱ex ut reheb ajcuiꞌ le̱ xeꞌto̱nil yucuaꞌ chi junelic xban li Ka̱cuaꞌ.

Jeremías 3:12

Ayu ut ta̱ye reheb li tenamit li cuanqueb saꞌ li norte: Joꞌcaꞌin xye e̱re li Ka̱cuaꞌ Dios. Sukꞌinkex cuiqꞌuin, la̱ex aj Israel, usta xine̱tzꞌekta̱na. Incꞌaꞌ chic tincꞌut lin joskꞌil che̱ru. Texincꞌul ban saꞌ usilal xban nak la̱in nin-uxta̱nan u ut nim lin cuyum.

Jeremías 3:1

Li Ka̱cuaꞌ quixye: —Cui junak cui̱nk naxjach rib riqꞌuin li rixakil ut li ixk nasumla riqꞌuin jalan chic cui̱nk, ¿ma ta̱sukꞌi̱k cuiꞌchic li xbe̱n cui̱nk riqꞌuin li ixk? Aꞌan nimla ma̱c chiruheb li tenamit. Abanan la̱ex aj Israel, chanchanex li ixk li nequeꞌxcꞌayi ribeb xban nak xelokꞌoniheb li jalanil dios. Ut anakcuan te̱raj cuiꞌchic sukꞌi̱c cuiqꞌuin, chan.

Génesis 35:2

Laj Jacob quixye reheb li ralal xcꞌajol joꞌ eb ajcuiꞌ li cuanqueb rubel xtakl: —Isihomak chixjunileb li jalanil dios li cuanqueb e̱riqꞌuin. Tex-ati̱nk ut texjalok chokꞌ retalil nak te̱canab xba̱nunquil li ma̱usilal.

Oseas 14:1

La̱ex aj Israel, sukꞌinkex cuiꞌchic riqꞌuin li Ka̱cuaꞌ le̱ Dios. La̱ex yo̱quex chixcꞌulbal li raylal xban li ma̱c xeba̱nu.

Oseas 2:2

Ex cualal incꞌajol, chekꞌusak le̱ naꞌ. Yehomak re xcanabak xba̱nunquil li yibru naꞌleb xban nak aꞌan ma̱cuaꞌ chic cuixakil ut la̱in ma̱cuaꞌin chic xbe̱lom. Xcanabak xcꞌayinquil rib ut xcanabak xmuxbal ru lix sumlajic.

2 Crónicas 33:8

Ut incꞌaꞌ tinqꞌueheb laj Israel chi isi̱c saꞌ li naꞌajej aꞌin li quinqꞌue reheb lix xeꞌto̱nil yucuaꞌeb. Abanan tento nak teꞌxba̱nu chixjunil li chakꞌrab ut lix taklanquileb joꞌ quinye re laj Moisés, chan li Dios.

2 Crónicas 15:8

Ut quicacuuc xchꞌo̱l li rey Asa nak quirabi li cꞌaꞌru quixye li profeta Azarías li ralal laj Obed. Quirisi chixjunileb li jalam u̱ch saꞌ li naꞌajej Judá joꞌ ajcuiꞌ saꞌ lix naꞌajeb li ralal xcꞌajol laj Benjamín, joꞌ ajcuiꞌ saꞌ eb li tenamit li quire̱chani saꞌ li naꞌajej li tzu̱l ru li cuan saꞌ lix naꞌajeb li ralal xcꞌajol laj Efraín. Ut quixyi̱b cuiꞌchic li artal li cuan saꞌ li neba̱l chiru lix templo li Dios.

2 Reyes 23:24

Ut laj Josías quirisiheb ajcuiꞌ laj tu̱l ut eb laj kꞌe li cuanqueb Jerusalén ut saꞌ chixjunil li naꞌajej Judá. Quirisiheb ajcuiꞌ li yi̱banbil dios saꞌ eb li junju̱nk chi cab, joꞌ ajcuiꞌ li jalam u̱ch ut chixjunil li cꞌaꞌak re ru li quicꞌanjelac re xlokꞌoninquil li jalanil dios. Quixba̱nu chi joꞌcan re nak ta̱tzꞌaklok ru xba̱nunquil chixjunil li chakꞌrab li tzꞌi̱banbil saꞌ li hu li quixtau laj Hilcías laj tij saꞌ lix templo li Ka̱cuaꞌ.

2 Reyes 23:13

Ut quixtakla ajcuiꞌ xpoꞌbal eb li artal li quixyi̱b laj Salomón lix reyeb laj Israel. Eb li artal aꞌan queꞌcuan saꞌ li este re Jerusalén ut saꞌ li sur re li tzu̱l Olivos. Eb li artal aꞌan queꞌyi̱ba̱c re xlokꞌoninquileb li jalanil dios li kꞌaxal yibeb ru. Aꞌaneb lix Astoret lix dioseb laj Sidón, laj Quemos lix dioseb laj Moab ut laj Milcom lix dioseb li ralal xcꞌajol laj Amón.

1 Samuel 7:3

Ut laj Samuel quixye reheb laj Israel: —Cui la̱ex texsukꞌi̱k cuiꞌchic riqꞌuin li Ka̱cuaꞌ chi anchal e̱chꞌo̱l, tento nak te̱tzꞌekta̱na chi junaj cua chixjunileb li jalanil dios li cuanqueb saꞌ e̱ya̱nk joꞌ ajcuiꞌ li yi̱banbil dios xAstarot ut kꞌaxtesihomak e̱rib re li Ka̱cuaꞌ. Junes aꞌan chic te̱lokꞌoni. Ut li Ka̱cuaꞌ ta̱colok e̱re saꞌ rukꞌeb laj filisteo, chan.

Jueces 10:16

Ut queꞌrisi eb li jalanil dios saꞌ xya̱nkeb ut queꞌxlokꞌoni li Ka̱cuaꞌ. Ut li Dios quirahoꞌ xchꞌo̱l chirilbal li raylal li cuanqueb cuiꞌ.

Oseas 7:16

Niquineꞌxtzꞌekta̱na ut nequeꞌxic riqꞌuin li jalanil dios. Chanchaneb li yocos aj tzimaj ma̱cꞌaꞌ na-oc cuiꞌ. Joꞌcan nak teꞌcamsi̱k riqꞌuin chꞌi̱chꞌ li nequeꞌcꞌamoc be saꞌ xya̱nkeb yal xban nak nequeꞌxnimobresi ribeb riqꞌuin li cꞌaꞌru nequeꞌxye. Ut xban aꞌan teꞌseꞌe̱k xbaneb laj Egipto.

Ezequiel 18:13

Naxpatzꞌ nabal li ral li tumin li naxqꞌue chi toꞌ. ¿Ma ta̱cana̱k ta biꞌ chi yoꞌyo li alalbej aꞌan? Incꞌaꞌ. Aꞌan ta̱camsi̱k xban li ma̱usilal li quixba̱nu ut xcꞌulub nak ta̱camsi̱k.

Ezequiel 11:18

Nak ac cua̱nkeb chic saꞌ lix naꞌajeb, teꞌrisi li yi̱banbil dios saꞌ xya̱nkeb ut incꞌaꞌ chic teꞌxba̱nu li yibru naꞌleb re xlokꞌoninquil li jalanil dios.

Jeremías 36:3

Ma̱re teꞌxcanab xba̱nunquil li ma̱usilal eb laj Judá nak teꞌrabi nak ta̱cha̱lk raylal saꞌ xbe̱neb, li nincꞌoxla xtaklanquil. Cui teꞌxjal xcꞌaꞌuxeb ut teꞌxcanab xba̱nunquil li ma̱usilal, la̱in tincuy tinsach lix ma̱queb ut lix ma̱usilal, chan li Ka̱cuaꞌ.

Jeremías 35:15

Nabal sut quintakla lin profetas e̱riqꞌuin. Queꞌxye e̱re nak che̱junilex te̱jal le̱ cꞌaꞌux ut te̱canab xba̱nunquil li ma̱usilal. Queꞌxye e̱re nak incꞌaꞌ te̱lokꞌoniheb li jalanil dios, chi moco texcꞌanjelak chiruheb. Cui te̱ba̱nu chi joꞌcan texcua̱nk saꞌ li naꞌajej li quinqꞌue reheb le̱ xeꞌto̱nil yucuaꞌ ut e̱re ajcuiꞌ la̱ex, chanqueb. Abanan, la̱ex incꞌaꞌ xex-abin chicuu.

Jeremías 24:9

Chixjunileb aꞌan nimla raylal tintakla saꞌ xbe̱neb. Cꞌajoꞌ xuta̱nalil teꞌxcꞌul chiruheb chixjunileb li tenamit saꞌ ruchichꞌochꞌ. Teꞌhobekꞌ ut teꞌseꞌe̱k xbaneb chixjunileb li tenamit ut teꞌmajecua̱k saꞌ eb li naꞌajej li tebinjeqꞌui cuiꞌ ruheb.

Jeremías 15:4

Chixjunileb li tenamit saꞌ ruchichꞌochꞌ ta̱sachk xchꞌo̱leb xban li cꞌaꞌru quixba̱nu aran Jerusalén laj Manasés li ralal laj Ezequías nak quicuan chokꞌ xreyeb laj Judá.

Jeremías 4:4

La̱ex aj Judá ut la̱ex aj Jerusalén, isihomak li yibru naꞌleb li cuan saꞌ le̱ chꞌo̱l ut kꞌaxtesihomak e̱rib chi tzꞌakal saꞌ cuukꞌ la̱in li Ka̱cuaꞌ le̱ Dios. Chanchan nak na-uxman li circuncisión. Cui incꞌaꞌ te̱ba̱nu li cꞌaꞌru ninye, la̱in tinjoskꞌokꞌ e̱riqꞌuin xban li ma̱usilal li nequeba̱nu. Ut incꞌaꞌ ta̱numekꞌ lin joskꞌil saꞌ e̱be̱n. Chanchanak li xam li incꞌaꞌ nachup, chan li Ka̱cuaꞌ.

Jeremías 3:14

Jalomak e̱cꞌaꞌux, ex cualal incꞌajol, li xekꞌetkꞌeti e̱rib chicuu xban nak la̱in le̱ Dios. Ut la̱in tinsicꞌ ru junak saꞌ li junju̱nk chi tenamit ut tinsicꞌ ajcuiꞌ ruheb cuibak saꞌ li junju̱nk xte̱paleb laj Israel re tincꞌameb aran Sión.

Isaías 31:6

La̱ex aj Israel, xexma̱cob chicuu ut xekꞌet li cua̱tin. Abanan sukꞌinkex cuiqꞌuin.

Josué 24:14

Laj Josué quixye ajcuiꞌ reheb laj Israel: —Anakcuan ut chexucua ru li Ka̱cuaꞌ ut chexcꞌanjelak chiru chi anchal le̱ chꞌo̱l ut chi tzꞌakal re ru. Isihomakeb saꞌ e̱ya̱nk li yi̱banbil dios li queꞌxlokꞌoni le̱ xeꞌto̱nil yucuaꞌ nak cuanqueb aran jun pacꞌal li nimaꞌ Éufrates ut nak cuanqueb aran Egipto. Chexcꞌanjelak ban chiru li Ka̱cuaꞌ chi anchal e̱chꞌo̱l.

Deuteronomio 27:15

Tzꞌekta̱nanbil li ani tixyi̱b lix jalanil dios ut xjalam u̱ch riqꞌuin chꞌi̱chꞌ ut riqꞌuin cheꞌ usta tixqꞌue saꞌ junak naꞌajej mukmu re tixlokꞌoni xban nak li Ka̱cuaꞌ xicꞌ naril aꞌan. Ut chixjunileb li tenamit teꞌchakꞌok ut teꞌxye: Joꞌcan taxak.

Deuteronomio 4:30

Mokon chic nak ac xecꞌul chixjunil li raylal aꞌin, cui la̱ex texsukꞌi̱k riqꞌuin li Ka̱cuaꞌ le̱ Dios ut te̱ba̱nu li cꞌaꞌru naxye, aꞌan ta̱ruxta̱na e̱ru.

Jeremías 7:3

Joꞌcaꞌin xye e̱re li nimajcual Dios, lix Dioseb laj Israel: “Jalomak le̱ cꞌaꞌux ut jalomak le̱ naꞌleb re nak naru texincanab chi cua̱nc saꞌ li naꞌajej aꞌin.

Jeremías 7:5

Jalomak le̱ cꞌaꞌux ut canabomak xba̱nunquil li incꞌaꞌ us, ut cua̱nkex saꞌ ti̱quilal riqꞌuineb le̱ ras e̱ri̱tzꞌin.

Jeremías 7:7

Cui te̱canab xba̱nunquil li ma̱usilal, texincanab chi cua̱nc saꞌ li naꞌajej aꞌin li quinqꞌue chi junaj cua reheb le̱ xeꞌto̱nil yucuaꞌ.

Jeremías 15:19

Ut li Ka̱cuaꞌ quixye cue: —Cui ta̱yotꞌekꞌ a̱chꞌo̱l ut ta̱jal a̱cꞌaꞌux, la̱in tatincꞌul cuiꞌchic ut la̱at tatcꞌanjelak chicuu. Mat-a̱tinac yal chi ma̱cꞌaꞌ rajbal. Cui la̱at tat-a̱tinak saꞌ incꞌabaꞌ, la̱atak lin profeta. Ut eb li tenamit aꞌin teꞌsukꞌi̱k a̱cuiqꞌuin. Incꞌaꞌ tento nak la̱at ta̱ba̱nu li cꞌaꞌru teꞌraj eb aꞌan.

Jeremías 18:11

Joꞌcan nak ta̱ye reheb li cuanqueb Judá ut reheb li cuanqueb Jerusalén nak joꞌcaꞌin naxye li Ka̱cuaꞌ: La̱in oc cue chixqꞌuebal li raylal saꞌ e̱be̱n. Yo̱quin chixcꞌu̱banquil ru cꞌaꞌru tinba̱nu re e̱sachbal. Joꞌcan nak canabomak le̱ ma̱usilal. Jalomak e̱cꞌaꞌux ut yi̱bomak le̱ yuꞌam.

Zacarías 1:4

Me̱ba̱nu joꞌ queꞌxba̱nu le̱ xeꞌto̱nil yucuaꞌ. Eb li profeta li queꞌcꞌanjelac chak junxil queꞌa̱tinac chak riqꞌuineb ut queꞌxye reheb, “Joꞌcaꞌin xye li Ka̱cuaꞌ Dios. Jalomak e̱cꞌaꞌux ut canabomak xba̱nunquil li ma̱usilal,” chanqueb. Abanan eb aꞌan incꞌaꞌ queꞌraj rabinquil li cꞌaꞌru quinye reheb, chan li Ka̱cuaꞌ.

2 Crónicas 34:33

Ut li rey Josías quixtakla xsachbal chixjunileb li jalanil dios li cuanqueb saꞌ chixjunileb lix naꞌajeb laj Israel. Quixye reheb nak tento teꞌcꞌanjelak chiru li Dios chixjunileb laj Israel. Ut incꞌaꞌ queꞌxcanab xlokꞌoninquil li Ka̱cuaꞌ li queꞌxlokꞌoni lix xeꞌto̱nil yucuaꞌ joꞌ najtil yoꞌyo laj Josías.