Jeremías 39:7 - Li Santil hu

⁷ Chirix aꞌan queꞌrisi li xnakꞌ ru laj Sedequías ut queꞌxbacꞌ riqꞌuin cadena re teꞌxcꞌam Babilonia.

Q'eqchi Bible

⁷ Ut laj Sedekías ki'isiik xsa'eb' li ru ut kik'ame'k Babilonia chi b'ak'b'o rik'in wiib' kareen q'anch'iich'.

Jeremías 39:7 ပူးပေါင်းရင်းမြစ်များ

Ezequiel 12:13

La̱in li Ka̱cuaꞌ tinqꞌue lin raꞌal re nak ta̱chapekꞌ. La̱in tincꞌam toj Babilonia saꞌ lix naꞌajeb laj Caldea, abanan aꞌan incꞌaꞌ ta̱ril li naꞌajej. Aran ta̱ca̱mk.

Jeremías 52:11

Queꞌrisi lix nakꞌ ru xcabichal laj Sedequías. Queꞌxbacꞌ riqꞌuin cadena ut queꞌxcꞌam toj Babilonia ut queꞌxqꞌue saꞌ tzꞌalam. Ut aran quicuan toj retal quicam.

2 Reyes 25:7

Ut chiru laj Sedequías queꞌxchꞌic chi chꞌi̱chꞌ saꞌ cuxeb li ralal. Chirix aꞌan queꞌrisi lix nakꞌ ru xcabichal laj Sedequías, queꞌxbacꞌ riqꞌuin cadena ut queꞌxcꞌam toj Babilonia.

Jueces 16:21

Eb laj filisteo queꞌxchap laj Sansón. Queꞌrisi li xnakꞌ ru ut queꞌxcꞌam aran Gaza ut queꞌxqꞌue saꞌ tzꞌalam. Queꞌxbacꞌ riqꞌuin cadena ut queꞌxqꞌue aꞌan chi trabajic chi cau saꞌ li molino li cuan saꞌ li tzꞌalam.

Salmos 119:8

La̱in tincuaj xba̱nunquil li cꞌaꞌru naxye saꞌ la̱ chakꞌrab, abanan incꞌaꞌ taxak tina̱canab injunes.

Jeremías 20:4

Li Ka̱cuaꞌ quixye, “Xinba̱nu chi joꞌcan xban nak la̱in tinba̱nu nak la̱at ajcuiꞌ tatxucuak chirilbal li cꞌaꞌru ta̱ba̱nu ut teꞌxucuak ajcuiꞌ eb la̱ cuami̱g. Eb aꞌan teꞌcamsi̱k chi chꞌi̱chꞌ xbaneb li xicꞌ nequeꞌiloc reheb. Chixjunileb laj Judá tebinkꞌaxtesi saꞌ rukꞌeb lix reyeb laj Babilonia ut teꞌcꞌamekꞌ chi pre̱xil Babilonia malaj ut teꞌcamsi̱k chi chꞌi̱chꞌ.

Jeremías 34:3

At rey, la̱at incꞌaꞌ tatru̱k chi e̱lelic chiru lix reyeb laj Babilonia. Tatchapekꞌ ut tatqꞌuehekꞌ saꞌ rukꞌ. Ta̱cuil ru li rey Nabucodonosor ut tex-a̱tinak chi ribil e̱rib. Ut tatcꞌamekꞌ toj Babilonia.

Jeremías 44:30

Aꞌan aꞌin li retalil li tinqꞌue. La̱in tinkꞌaxtesi laj faraón Hofra xcꞌabaꞌ, lix reyeb laj Egipto, saꞌ rukꞌeb li xicꞌ nequeꞌiloc re, li teꞌajok xcamsinquil. Tinba̱nu riqꞌuin laj Hofra joꞌ quinba̱nu riqꞌuin laj Sedequías lix reyeb laj Judá nak quinkꞌaxtesi saꞌ rukꞌ laj Nabucodonosor lix reyeb laj Babilonia nak yo̱ chixsicꞌbal re tixcamsi, chan li Ka̱cuaꞌ.