Jeremías 39:5 - Li Santil hu

⁵ Abanan eb lix soldado laj Babilonia queꞌxta̱keheb toj retal coxeꞌxtauheb saꞌ li ru takꞌa li cuan nachꞌ riqꞌuin li tenamit Jericó. Queꞌxchap laj Sedequías ut queꞌxcꞌam riqꞌuin laj Nabucodonosor lix reyeb laj Babilonia saꞌ li tenamit Ribla saꞌ li naꞌajej Hamat. Ut aran queꞌxrak a̱tin saꞌ xbe̱n.

Q'eqchi Bible

⁵ Ab'an eb' laj puub' aj Kaldeha ke'raanilasiheb' ut koxe'xtaw laj Sedesías sa' xtaq'ahil Jerikó. Ke'xchap ut ke'xk'am rik'in laj Nabukodonosor toj Riblá, sa' xteepal Jamat. Aran laj Nabukodonosor kixraq aatin sa' xb'een.

Jeremías 39:5 ပူးပေါင်းရင်းမြစ်များ

2 Reyes 23:33

Li rey Necao quixchap laj Joacaz ut quixqꞌue chi pre̱xil aran Ribla li cuan saꞌ xcue̱nt Hamat. Quixba̱nu chi joꞌcan re nak laj Joacaz incꞌaꞌ chic ta̱takla̱nk aran Jerusalén. Ut laj Necao quixpuersiheb laj Judá chi xtojbal numenak cuuklaju xca̱cꞌa̱l quintal (72) li plata ut caꞌchꞌin chic ma̱ oxib arroba li oro.

Josué 5:10

Nak yo̱queb chi hila̱nc aran Gilgal saꞌ li ru takꞌa nachꞌ riqꞌuin li tenamit Jericó, queꞌxba̱nu li ninkꞌe Pascua chiru li ecuu saꞌ li ca̱laju xbe li po.

Jeremías 38:23

Chixjunileb la̱ cuixakil ut eb la̱ cocꞌal teꞌkꞌaxtesi̱k saꞌ rukꞌeb laj Babilonia. Ut la̱at incꞌaꞌ tatru̱k chi e̱lelic chiruheb. Tatchapekꞌ ban xban lix reyeb laj Babilonia ut li tenamit aꞌin ta̱cꞌatekꞌ, chan laj Jeremías.

Jeremías 38:18

Abanan cui incꞌaꞌ nacakꞌaxtesi a̱cuib saꞌ rukꞌeb laj Babilonia, li tenamit aꞌin ta̱kꞌaxtesi̱k saꞌ rukꞌeb ut teꞌxcꞌat li tenamit ut la̱at moco tatcolekꞌ ta saꞌ rukꞌeb,” chan.

Josué 4:13

Caꞌcꞌa̱l mil (40,000) na chi cui̱nk li ac cauresinbileb re teꞌxic chi pletic. Queꞌco̱eb saꞌ li ru takꞌa Jericó. Ut li Ka̱cuaꞌ cuan riqꞌuineb.

Lamentaciones 4:20

Queꞌxchap li karey, li sicꞌbil ru xban li Ka̱cuaꞌ, li cꞌojcꞌo cuiꞌ kachꞌo̱l. Saꞌ kachꞌo̱l la̱o nak cua̱nk li rey aꞌan, eb li jalan tenamit incꞌaꞌ toeꞌxchꞌiꞌchꞌiꞌi.

Lamentaciones 1:3

Eb li ralal xcꞌajol laj Judá xeꞌchapeꞌ ut xeꞌcꞌameꞌ saꞌ jalan tenamit xbaneb li xicꞌ nequeꞌiloc reheb ut yo̱queb chi rahobtesi̱c. Ma̱ bar chic naru nequeꞌhilan. Eb li xicꞌ nequeꞌiloc reheb xeꞌnumta saꞌ xbe̱neb ut incꞌaꞌ chic naru nequeꞌe̱lelic chiruheb.

Jeremías 4:12

Chanchanak jun li cacuil ikꞌ li nasachoc. Joꞌcan tixba̱nu li Ka̱cuaꞌ nak ta̱rakok a̱tin saꞌ xbe̱neb li tenamit.

2 Crónicas 33:11

Joꞌcan nak li Ka̱cuaꞌ quixqꞌueheb li nequeꞌtaklan saꞌ xbe̱neb lix soldados lix reyeb laj Asiria chi numta̱c saꞌ xbe̱neb laj Judá. Queꞌxchap laj Manasés. Queꞌxbacꞌ riqꞌuin chꞌi̱chꞌ li rukꞌ ut li rok ut queꞌxcꞌam aran Babilonia.

2 Reyes 25:6

Nak ac xeꞌxchap li rey Sedequías queꞌxcꞌam aran Ribla riqꞌuin lix reyeb laj Babilonia. Ut aran quirakeꞌ a̱tin saꞌ xbe̱n.

2 Reyes 17:24

Lix reyeb laj Asiria quixcꞌameb laj Babilonia aran Israel. Quixcꞌameb laj Cuta, eb laj Ava ut eb laj Hamat, joꞌ eb ajcuiꞌ laj Sefarvaim. Quixqꞌueheb chi cua̱nc saꞌ eb li tenamit li cuanqueb saꞌ xcue̱nt Samaria saꞌ lix naꞌajeb laj Israel.

2 Samuel 8:9

Ut laj Toi, lix reyeb li cuanqueb saꞌ li tenamit Hamat, quirabi resil nak laj David quinumta saꞌ xbe̱neb chixjunileb lix soldados laj Hadad-ezer.

Jueces 3:3

Aꞌaneb aꞌin li tenamit li queꞌcanaba̱c saꞌ li naꞌajej Canaán: eb li o̱b chi rey li queꞌtaklan saꞌ xbe̱neb laj filisteo, chixjunileb laj cananeo, eb laj Sidón, ut eb laj heveo li queꞌcuan saꞌ eb li tzu̱l re Líbano, li naticla saꞌ li tzu̱l Baal-hermón toj saꞌ li naꞌajej Hamat.

Josué 13:5

ut lix naꞌajeb laj giblita, ut chixjunil li naꞌajej Líbano li cuan saꞌ li este li nacuulac toj saꞌ li tenamit Baal-gad li cuan saꞌ li tzu̱l Hermón saꞌ li oqueba̱l re li tenamit Hamat.

Números 13:21

Eb li cui̱nk li queꞌco̱eb chixqꞌuebal retal li naꞌajej queꞌxtiquib chak xqꞌuebal retal saꞌ li chaki chꞌochꞌ Zin. Ut queꞌcuulac toj saꞌ li tenamit Rehob, li cuan nachꞌ riqꞌuin Hamat.

Jeremías 21:7

Abanan la̱at, at rey, ut eb li nequeꞌtenkꞌan a̱cue, texinkꞌaxtesi saꞌ rukꞌ laj Nabucodonosor. Joꞌ qꞌuial chic li tenamit li incꞌaꞌ teꞌca̱mk xban li ple̱t malaj xban li caki yajel malaj xban li cueꞌej, tebinkꞌaxtesi ajcuiꞌ saꞌ rukꞌeb li xicꞌ nequeꞌiloc e̱re li teꞌraj e̱camsinquil. Eb aꞌan incꞌaꞌ teꞌril xtokꞌoba̱l e̱ru, chi moco teꞌxcuy e̱ma̱c. Texcamsi̱k ban chi chꞌi̱chꞌ.”

Jeremías 24:8

Eb laj Judá li queꞌcana saꞌ li naꞌajej aꞌin rochben li rey Sedequías joꞌqueb ajcuiꞌ laj cꞌamol be saꞌ xya̱nkeb, joꞌ eb ajcuiꞌ li cuanqueb Egipto, tinjuntakꞌe̱ta riqꞌuin li higos li kꞌaxal yibru li incꞌaꞌ naru xtzacanquil.

Jeremías 44:30

Aꞌan aꞌin li retalil li tinqꞌue. La̱in tinkꞌaxtesi laj faraón Hofra xcꞌabaꞌ, lix reyeb laj Egipto, saꞌ rukꞌeb li xicꞌ nequeꞌiloc re, li teꞌajok xcamsinquil. Tinba̱nu riqꞌuin laj Hofra joꞌ quinba̱nu riqꞌuin laj Sedequías lix reyeb laj Judá nak quinkꞌaxtesi saꞌ rukꞌ laj Nabucodonosor lix reyeb laj Babilonia nak yo̱ chixsicꞌbal re tixcamsi, chan li Ka̱cuaꞌ.

Jeremías 49:23

Joꞌcaꞌin quixye li Ka̱cuaꞌ chirixeb laj Damasco: —Queꞌsach xchꞌo̱leb li cuanqueb aran Hamat ut eb li cuanqueb Arfad xban nak queꞌrabi resil li raylal li ta̱cha̱lk. Incꞌaꞌ chic cꞌojcꞌo xchꞌo̱leb. Chanchaneb li palau li yo̱ chi ecꞌa̱nc ru.

Ezequiel 23:24

Teꞌcha̱lk chi pletic e̱riqꞌuin ut teꞌcha̱lk nabaleb li soldado rochbeneb. Cua̱nk xcarruajeb ut cua̱nkeb xcꞌanjeleba̱l re pletic. Cua̱nkeb xchꞌi̱chꞌ re xcolbal re xchꞌo̱leb ut cua̱nkeb xpunit chꞌi̱chꞌ. Teꞌxsut le̱ tenamit. Xban nak yo̱ injoskꞌil saꞌ e̱be̱n, la̱in texinkꞌaxtesi saꞌ rukꞌeb ut eb aꞌan teꞌrakok a̱tin saꞌ e̱be̱n joꞌ naxye saꞌ lix chakꞌrabeb.

Habacuc 1:7

Cauheb rib ut xucuajel rilbaleb li tenamit aꞌan. Eb aꞌan incꞌaꞌ nequeꞌxqꞌue xcuanquil li chakꞌrab. Caꞌaj cuiꞌ li nequeꞌraj xba̱nunquil eb aꞌan nequeꞌxqꞌue xcuanquil.

Isaías 22:3

Chixjunileb li nequeꞌtaklan saꞌ e̱ya̱nk xeꞌe̱lelic chiruheb li tzimaj. Abanan xeꞌchapeꞌ xbaneb li xicꞌ nequeꞌiloc reheb. Queꞌchapeꞌ usta najt queꞌco̱eb nak queꞌe̱lelic.