Jeremías 39:3 - Li Santil hu

³ Chixjunileb li nequeꞌtenkꞌan re lix reyeb laj Babilonia queꞌchal ut queꞌxyi̱b lix muheba̱leb saꞌ li oqueba̱l re li tenamit li cuan saꞌ xyi. Saꞌ xya̱nkeb aꞌan cuanqueb laj Nergal-sarezer, ut laj Samgar-nebo, laj Sarsequim li nim xcuanquil saꞌ li rakleb a̱tin ut laj Nergal-sarezer jun chic, li nim xcuanquil. Ut cuanqueb ajcuiꞌ chixjunileb li nequeꞌtenkꞌan re lix reyeb laj Babilonia.

Q'eqchi Bible

³ ut chixjunileb' li xninqal ru winq re laj Nabukodonosor ke'ok ut koxe'kanaaq chire li Nimla Okeb'aal. A'aneb' laj Nerkal-Saréser, laj Sankar-Nebo, laj Sarsekín, xnimal ru aj jolominel, laj Nerkal-Saréser jun chik, nim ajwi' xwankil, ut chixjunileb' li xkomoneb' li xninqaleb' ru winq re li awab'ej re Babilonia.

Jeremías 39:3 ပူးပေါင်းရင်းမြစ်များ

Jeremías 38:17

Ut laj Jeremías quixye re laj Sedequías: —Joꞌcaꞌin quixye li Ka̱cuaꞌ li nimajcual Dios, lix Dioseb laj Israel. “Cui ta̱kꞌaxtesi a̱cuib saꞌ rukꞌeb li nequeꞌtenkꞌan re lix reyeb laj Babilonia, la̱at incꞌaꞌ tatcamsi̱k, ut li tenamit aꞌin incꞌaꞌ ta̱cꞌatekꞌ. La̱at joꞌ eb ajcuiꞌ la̱ cualal a̱cꞌajol incꞌaꞌ texcamsi̱k.

Jeremías 21:4

Li Ka̱cuaꞌ lix Dioseb laj Israel xye chi joꞌcaꞌin, “La̱in tinqꞌueheb chi oc saꞌ le̱ tenamit laj Babilonia li yo̱queb chixsutbal le̱ tenamit. Li chꞌi̱chꞌ li cuan saꞌ e̱rukꞌ re texpletik cuiꞌ riqꞌuineb laj Babilonia ma̱cꞌaꞌ ta̱oc cuiꞌ che̱ru. La̱ex incꞌaꞌ texru̱k chixsumenquileb.

Jeremías 39:13

Joꞌcan nak laj Nabuzaradán quixcꞌam chirix laj Nabusazbán ut laj Nergal-sarezer, li ni̱nkeb xcuanquil saꞌ li rakleb a̱tin. Ut quixcꞌameb ajcuiꞌ chixjunileb li nequeꞌtenkꞌan re lix reyeb laj Babilonia.

Jeremías 1:15

La̱in tinbokeb chixjunileb li tenamit li cuanqueb saꞌ li norte. Eb lix reyeb teꞌxxakab lix muheba̱leb saꞌ li oqueba̱l re li tenamit Jerusalén ut teꞌxsut rix li tenamit. Ut teꞌxsut ajcuiꞌ rixeb li jun chꞌol chic tenamit li cuanqueb Judá.

2 Reyes 17:30

Eb li queꞌchal Babilonia queꞌxyi̱b xjalam u̱ch laj Sucot-benot. Eb li queꞌchal Cuta queꞌxyi̱b xjalam u̱ch laj Nergal. Ut eb li queꞌchal Hamat queꞌxyi̱b xjalam u̱ch laj Asima.

Ezequiel 26:10

Nak eb laj Babilonia teꞌoc saꞌ le̱ tenamit, teꞌxcuaclesi nabal li poks ut incꞌaꞌ chic texcꞌutu̱nk. Ut li tzꞌac li sutsu cuiꞌ le̱ tenamit ta̱ecꞌa̱nk saꞌ xnaꞌaj xban xya̱b rokeb lix cacua̱y ut eb lix carruaje nak teꞌoc saꞌ le̱ tenamit joꞌ nak nequeꞌoc saꞌ jun tenamit ac poꞌbil.