Jeremías 39:2 - Li Santil hu

² Saꞌ li bele̱b xbe li xca̱ po nak yo̱ junlaju chihab roquic chokꞌ rey laj Sedequías, nak eb laj Babilonia queꞌxtꞌan li tzꞌac li sutsu cuiꞌ Jerusalén.

Q'eqchi Bible

² Ak b'eleeb' kutan xb'e li xka po re li xjunlaju chihab' rokik laj Sedesías cho'q awab'ej, eb' laj Kaldeha ke'xte jun li okeb'aal sa' li xsuttz'akil li tenamit,

Jeremías 39:2 ပူးပေါင်းရင်းမြစ်များ

Sofonías 1:10

Quixye ajcuiꞌ li Ka̱cuaꞌ: —Saꞌ eb li cutan aꞌan japjo̱keb re chixtzꞌa̱manquil xtenkꞌanquileb laj Judá joꞌqueb ajcuiꞌ li cuanqueb Jerusalén. Ut ta̱abima̱nk lix ya̱b lix cuxeb toj cuan cuiꞌ li oqueba̱l li nequeꞌcꞌayin cuiꞌ car. Ta̱abi̱k ajcuiꞌ lix ya̱b xcuxeb toj saꞌ lix cab oqueba̱l. Ut teꞌrabi nak yo̱keb chak chi cha̱lc saꞌ li tzu̱l li xicꞌ nequeꞌiloc reheb.

Ezequiel 33:21

Nak yo̱ cablaju chihab kacꞌambal chi pre̱xil aran Babilonia, saꞌ li o̱b xbe li xlaje po, quicuulac cuiqꞌuin jun li cui̱nk quie̱lelic Jerusalén. Li cui̱nk aꞌan quixye cue nak li tenamit Jerusalén ac x-e̱chani̱c xbaneb li xicꞌ nequeꞌiloc re.

Jeremías 5:10

Cha̱lkeb li xicꞌ nequeꞌiloc re lin tenamit ut cheꞌxsachak ru lin tenamit li chanchan li acui̱mk uvas. Abanan incꞌaꞌ teꞌxsach ru chi junaj cua. Caꞌaj cuiꞌ li incꞌaꞌ useb xnaꞌleb teꞌrisiheb saꞌ xya̱nkeb xban nak eb aꞌan ma̱cuaꞌ cueheb.

Jeremías 1:3

Quia̱tinac cuiꞌchic li Ka̱cuaꞌ riqꞌuin laj Jeremías nak laj Joacim ralal laj Josías quicuan chokꞌ xreyeb laj Judá. Ut quia̱tinac ajcuiꞌ riqꞌuin nabal sut chalen toj saꞌ li junlaju chihab roquic chokꞌ xreyeb laj Judá laj Sedequías ralal laj Josías. Saꞌ roꞌ li po saꞌ ajcuiꞌ li chihab aꞌan, eb laj Jerusalén queꞌchapeꞌ xbaneb laj Babilonia ut queꞌcꞌameꞌ chi pre̱xil.

Jeremías 32:1

Nak yo̱ xlaje chihab roquic chokꞌ xreyeb laj Judá laj Sedequías, li Ka̱cuaꞌ quia̱tinac cuiꞌchic riqꞌuin laj Jeremías. Aꞌin quicꞌulman nak yo̱ cuakxaklaju chihab roquic chokꞌ rey laj Nabucodonosor aran Babilonia.

Jeremías 34:22

La̱in tintaklaheb cuiꞌchic laj Babilonia saꞌ li tenamit aꞌin chi pletic e̱riqꞌuin. Teꞌnumta̱k saꞌ e̱be̱n ut teꞌxcꞌat li tenamit. La̱in tinsach ruheb li tenamit li cuanqueb Judá re nak ma̱ ani chic ta̱ru̱k ta̱cua̱nk aran, chan li Dios.

Jeremías 37:8

Me̱cꞌojob e̱chꞌo̱l xban nak eb laj Babilonia cha̱lqueb cuiꞌchic re saꞌ li tenamit aꞌin chi pletic ut teꞌre̱chani li tenamit ut teꞌxcꞌat.

Ezequiel 4:3

Ut ta̱xakab jun li perpo̱quil chꞌi̱chꞌ cha̱cuu, joꞌ jun li tzꞌac yo̱ chi ramoc re cha̱cuu li xan li tzꞌi̱banbil cuiꞌ retalil li tenamit. Ta̱ba̱nu a̱cuib nak oc a̱cue chi pletic riqꞌuin li tenamit. Aꞌin ta̱ba̱nu chokꞌ retalil li cꞌaꞌru teꞌxcꞌul eb li ralal xcꞌajol laj Israel.

Ezequiel 5:2

Jun jachal la̱ cuismal ta̱cꞌat saꞌ xyi li tenamit nak ac xrakeꞌ li ple̱t. Ut li jun jachal chic ta̱seti chi chꞌi̱chꞌ chixjun sutam li tenamit. Ut li jun jachal chic ta̱cut saꞌ ikꞌ ut ta̱cꞌamekꞌ yalak bar. Ut la̱in tincua̱linaheb li tenamit riqꞌuin chꞌi̱chꞌ.

Zacarías 8:19

—Li ayu̱n li nequeba̱nu rajlal chihab saꞌ xca̱ li po, saꞌ roꞌ li po, saꞌ xcuuk li po ut saꞌ xlaje li po ta̱sukꞌisi̱k chokꞌ ninkꞌe re sahil chꞌo̱lejil chokꞌ e̱re la̱ex li ralal xcꞌajol laj Judá. Joꞌcan nak qꞌuehomak e̱chꞌo̱l chi cua̱nc saꞌ xya̱lal ut saꞌ tuktu̱quil usilal, chan li Ka̱cuaꞌ.