Jeremías 39:16 - Li Santil hu

¹⁶ —Tatxic riqꞌuin laj Ebed-melec laj Etiopía ut ta̱ye re nak li Ka̱cuaꞌ li nimajcual Dios, lix Dioseb laj Israel, naxye chi joꞌcaꞌin: La̱in tinba̱nu re li tenamit aꞌin li cꞌaꞌru quinye. Raylal tinqꞌue saꞌ xbe̱n. Ma̱cuaꞌ usilal. Ut la̱at ta̱cuil nak ta̱cꞌulma̱nk aꞌin.

Q'eqchi Bible

¹⁶ “Ohat ut ye re laj Ebedmélek, aj Etiopía: «Jo'ka'in xye li Nimajwal Yos, xYos laj Israel: Ok we chi xb'aanunkil li xinye chirix li tenamit a'in, re xrahob'tesinkil ut maawa' re rusilankil ru. Ut laa'at taawil rik'ineb' laawu sa' li kutan a'an.

Jeremías 39:16 ပူးပေါင်းရင်းမြစ်များ

Daniel 9:12

La̱at xaba̱nu joꞌ caye chak chikix ut chirixeb li nequeꞌtaklan saꞌ kabe̱n. Xoa̱qꞌue chixtojbal li kama̱c ut xaqꞌueheb ajcuiꞌ chixtojbal lix ma̱queb li nequeꞌtaklan saꞌ kabe̱n. Numtajenak li raylal xkacꞌul. Ma̱ jun sut quicꞌulman saꞌ ruchichꞌochꞌ joꞌ xcꞌul li tenamit Jerusalén.

Zacarías 1:6

Abanan li a̱tin li quinye quicꞌulman joꞌ quinye. Quicꞌulman joꞌ quinye reheb lin profeta re teꞌxye reheb li tenamit. Queꞌxcꞌul li raylal le̱ xeꞌto̱nil yucuaꞌ joꞌ quinye. Joꞌcan nak queꞌyotꞌeꞌ xchꞌo̱l ut queꞌxjal xcꞌaꞌuxeb. Queꞌxye, “Xkacꞌul ajcuiꞌ li cꞌaꞌru quixye chak saꞌ kabe̱n li Ka̱cuaꞌ li nimajcual Dios joꞌ kacꞌulub xcꞌulbal xban li kayehom kaba̱nuhom,” chanqueb.—

San Mateo 24:35

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk chixjunil li cꞌaꞌak re ru xinye.

Jeremías 36:31

Texinqꞌue chixtojbal le̱ ma̱c che̱junilex, la̱at ut eb la̱ cualal a̱cꞌajol, joꞌqueb ajcuiꞌ li nequeꞌcꞌanjelac cha̱cuu. Teꞌtzꞌako̱nk ajcuiꞌ laj Jerusalén ut eb laj Judá riqꞌuin li raylal li xinye nak te̱cꞌul xban nak incꞌaꞌ xepa̱b li cꞌaꞌru xinye e̱re, chan li Dios re laj Joacim.

Jeremías 35:17

Joꞌcan nak la̱in li Ka̱cuaꞌ li nimajcual Dios, lix Dioseb laj Israel, ninye chi joꞌcaꞌin: La̱in tintakla li raylal saꞌ xbe̱neb laj Judá ut chixjunileb li cuanqueb Jerusalén joꞌ quinye reheb. Nabal li raylal tintakla saꞌ xbe̱neb. Xina̱tinac riqꞌuineb, abanan incꞌaꞌ xeꞌabin chicuu. Xinbokeb chi cha̱lc cuiqꞌuin ut incꞌaꞌ queꞌraj cha̱lc cuiqꞌuin, chan.

Jeremías 34:22

La̱in tintaklaheb cuiꞌchic laj Babilonia saꞌ li tenamit aꞌin chi pletic e̱riqꞌuin. Teꞌnumta̱k saꞌ e̱be̱n ut teꞌxcꞌat li tenamit. La̱in tinsach ruheb li tenamit li cuanqueb Judá re nak ma̱ ani chic ta̱ru̱k ta̱cua̱nk aran, chan li Dios.

Jeremías 26:20

Quicuan chic jun profeta li quia̱tinac saꞌ xcꞌabaꞌ li Ka̱cuaꞌ. Aꞌan laj Urías li ralal laj Semaías. Quiriat-jearim xtenamit. Laj Urías quixye ajcuiꞌ resil li raylal li tixcꞌul li tenamit aꞌin ut li naꞌajej aꞌin. Quixye li a̱tin li quixye laj Jeremías.

Jeremías 26:18

Queꞌxye reheb: —Nak laj Ezequías cuan chokꞌ xreyeb laj Judá, laj Miqueas re Moreset quia̱tinac riqꞌuineb laj Judá ut quixye reheb chi joꞌcaꞌin: Li Ka̱cuaꞌ li nimajcual Dios quixye nak li tenamit Sión ta̱sachekꞌ ru. Li tenamit Jerusalén ta̱cana̱k joꞌ jun li chꞌochꞌ becbil riqꞌuin li chꞌi̱chꞌ arado. Ut li tzu̱l li cuan cuiꞌ li templo ta̱sukꞌisi̱k chokꞌ qꞌuicheꞌ, chan laj Miqueas.

Jeremías 26:15

Aban chenauhak chi tzꞌakal cui tine̱camsi te̱bok chak nabal li raylal saꞌ e̱be̱n ut saꞌ xbe̱n li tenamit aꞌin ut saꞌ xbe̱neb li cuanqueb arin xban nak la̱in ma̱cꞌaꞌ inma̱c. Relic chi ya̱l nak li a̱tin li xinye e̱re li Ka̱cuaꞌ quitaklan chak cue chixyebal, chan laj Jeremías.

Jeremías 5:14

Joꞌcan nak li Ka̱cuaꞌ quixye chi joꞌcaꞌin: —Xban nak queꞌxye chi joꞌcan, joꞌcan nak la̱in tinba̱nu re nak li ta̱ye chanchanak li xam ut eb li tenamit aꞌin chanchanakeb li siꞌ li ta̱cꞌatekꞌ xban li xam.

Salmos 92:11

La̱in tincuil nak tatnumta̱k saꞌ xbe̱neb li xicꞌ nequeꞌiloc cue. Ut tincuabi nak yo̱queb chi ya̱bac xban li raylal li teꞌxcꞌul li incꞌaꞌ useb xnaꞌleb.

2 Crónicas 36:21

Joꞌcaꞌin quicꞌulman re nak ta̱tzꞌaklok ru chixjunil li quicꞌutbesi̱c chiru li profeta Jeremías xban li Ka̱cuaꞌ Dios nak quixye: —Li chꞌochꞌ quicana chi ma̱cꞌaꞌ chic cuan chiru. Chi joꞌcan quihilan li chꞌochꞌ chiru laje̱b xca̱cꞌa̱l chihab xban nak eb laj Israel incꞌaꞌ queꞌxqꞌue chi hila̱nc li chꞌochꞌ rajlal saꞌ li xcuuk li chihab.—

Jeremías 44:27

La̱in tinba̱nu̱nk re nak incꞌaꞌ us tex-e̱lk. Ta̱sachekꞌ e̱ru. Eb laj judío li cuanqueb Egipto teꞌca̱mk. Teꞌcamsi̱k riqꞌuin chꞌi̱chꞌ saꞌ li ple̱t malaj ut xban cueꞌej.

Amós 9:4

Ut cui ta teꞌchapekꞌ ut teꞌcꞌamekꞌ xbaneb li xicꞌ nequeꞌiloc reheb, tintakla xcamsinquileb riqꞌuin chꞌi̱chꞌ. La̱in tebinsach ut incꞌaꞌ tincoleb, chan li Ka̱cuaꞌ.

Jeremías 40:3

Ut anakcuan xcꞌulman joꞌ quixye li Ka̱cuaꞌ. Chixjunil li raylal aꞌin xcꞌulman xban nak la̱ex xexma̱cob chiru li Ka̱cuaꞌ ut incꞌaꞌ xeba̱nu li cꞌaꞌru quixye e̱re.