Jeremías 39:14 - Li Santil hu

¹⁴ Queꞌxtakla risinquil laj Jeremías saꞌ li neba̱l re li tzꞌalam ut queꞌxkꞌaxtesi saꞌ rukꞌ laj Gedalías li ralal laj Ahicam ut ri laj Safán, re tixcꞌam saꞌ rochoch. Joꞌcan nak laj Jeremías quicana saꞌ lix tenamit.

Q'eqchi Bible

¹⁴ ke'xtaqla risinkil laj Jeremías chiru xneb'aalil li rochocheb' laj k'aak'alenel ut ke'xq'axtesi re laj Kodolías, ralal laj Ajikán, ri laj Safán, re naq taak'ame'q wi' chik sa' li rochoch. Jo'kan naq li propeet kikanaak sa' xyanqeb' li wankeb' Jerusalén.

Jeremías 39:14 ပူးပေါင်းရင်းမြစ်များ

Jeremías 38:28

Ut laj Jeremías quicana chi pre̱xil saꞌ li neba̱l re li tzꞌalam toj quicuulac xkꞌehil nak li tenamit Jerusalén quichapeꞌ xbaneb laj Babilonia.

Jeremías 26:24

Laj Ahicam li ralal laj Safán qui-oquen chirix laj Jeremías. Joꞌcan nak incꞌaꞌ quikꞌaxtesi̱c saꞌ rukꞌeb li tenamit re teꞌxcamsi.

2 Reyes 22:12

Ut quixtaklaheb laj Hilcías laj tij ut laj Ahicam li ralal laj Safán, ut laj Acbor li ralal laj Micaías ut laj Safán laj tzꞌi̱b joꞌ ajcuiꞌ laj Asaías laj cꞌanjel chiru li rey.

Jeremías 40:1

Li Ka̱cuaꞌ quia̱tinac cuiꞌchic riqꞌuin laj Jeremías nak ac x-achꞌaba̱c aran Ramá xban laj Nabuzaradán li nataklan saꞌ xbe̱neb li soldado. Bacꞌbo riqꞌuin cadena nak queꞌxtau saꞌ xya̱nkeb chixjunileb laj Jerusalén ut eb laj Judá li yo̱queb chi cꞌamecꞌ chi pre̱xil aran Babilonia.

Jeremías 39:15

Nak laj Jeremías toj cuan chi pre̱xil saꞌ li neba̱l re li tzꞌalam li Ka̱cuaꞌ quia̱tinac riqꞌuin ut quixye re:

Jeremías 38:13

Ut riqꞌuin li cꞌa̱m queꞌxquelo laj Jeremías ut queꞌrisi saꞌ li jul. Ut queꞌxcanab laj Jeremías saꞌ li neba̱l re li tzꞌalam.

Jeremías 37:21

Ut li rey Sedequías quixtakla xqꞌuebal chi pre̱xil laj Jeremías saꞌ li neba̱l re li cab, li nequeꞌcuan cuiꞌ li nequeꞌcꞌacꞌalen. Ut aran quicana. Rajlal cutan queꞌxqꞌue junju̱nk xcaxlan cua li queꞌxyi̱b laj yi̱bom caxlan cua toj retal qui-osoꞌ saꞌ li tenamit.

Salmos 105:19

Li Dios quixyal rix laj José riqꞌuin li raylal li quixcꞌul toj quicuulac xkꞌehil nak quicꞌulman chixjunil li cꞌaꞌru quixye laj José.

2 Reyes 22:14

Laj Hilcías laj tij, rochbeneb laj Ahicam, laj Acbor, laj Safán ut laj Asaías queꞌco̱eb riqꞌuin lix Hulda chi patzꞌoc. Lix Hulda, aꞌan jun xprofeta li Dios. Aꞌan rixakil laj Salum. Laj Salum, aꞌan li ralal laj Ticva. Laj Ticva, aꞌan li ralal laj Harhas. Laj Salum, aꞌan li na-iloc re li akꞌej li nacꞌanjelac saꞌ li templo. Lix Hulda cuan rochoch Jerusalén saꞌ li naꞌajej li quiyi̱ba̱c mokon. Eb li cui̱nk queꞌa̱tinac riqꞌuin.

2 Crónicas 34:20

Quixtakla xyebal reheb laj Hilcías ut laj Ahicam li ralal laj Safán, laj Abdón li ralal laj Micaía, ut laj Safán laj tzꞌi̱b joꞌ ajcuiꞌ laj Asaías li nacꞌanjelac chiru li rey.

Jeremías 32:2

Lix soldado laj Nabucodonosor yo̱queb chi pletic riqꞌuineb laj Jerusalén. Ut laj Jeremías cuan chi pre̱xil saꞌ li neba̱l re li cab li nequeꞌcuan cuiꞌ eb li nequeꞌcꞌacꞌalen re lix palacio lix reyeb laj Judá.

Jeremías 39:13

Joꞌcan nak laj Nabuzaradán quixcꞌam chirix laj Nabusazbán ut laj Nergal-sarezer, li ni̱nkeb xcuanquil saꞌ li rakleb a̱tin. Ut quixcꞌameb ajcuiꞌ chixjunileb li nequeꞌtenkꞌan re lix reyeb laj Babilonia.

Jeremías 40:5

Cui ta̱cuaj cana̱c saꞌ li naꞌajej aꞌin, sukꞌin riqꞌuin laj Gedalías li ralal laj Ahicam. Laj Ahicam, aꞌan li ralal laj Safán. Lix reyeb laj Babilonia quixxakab laj Gedalías chi takla̱nc saꞌ xbe̱neb li tenamit li cuanqueb Judá. Chatcua̱nk saꞌ rochoch aꞌan saꞌ xya̱nkeb la̱ cuech tenamitil malaj ut tatxic bar ta̱cuaj, chan. Ut quixqꞌue xma̱tan ut xtzacae̱mk ut quixchakꞌrabi.

Jeremías 40:6

Joꞌcan nak laj Jeremías co̱ Mizpa chi cua̱nc saꞌ rochoch laj Gedalías li ralal laj Ahicam. Quicuan aran saꞌ xya̱nkeb li rech tenamitil li joꞌ qꞌuial chic queꞌcana saꞌ li naꞌajej aꞌan.

Jeremías 41:1

Laj Ismael, aꞌan li ralal laj Netanías. Ut laj Netanías, aꞌan li ralal laj Elisama. Laj Ismael, aꞌan xcomoneb li ralal xcꞌajol li rey ut xcomoneb ajcuiꞌ li nequeꞌtenkꞌan re li rey. Saꞌ li xcuuk po re li chihab aꞌan, laj Ismael co̱ Mizpa chi a̱tinac riqꞌuin laj Gedalías. Laje̱b li cui̱nk quixcꞌameb chirix. Yo̱queb chi cuaꞌac saꞌ comonil aran Mizpa.

Jeremías 26:22

Li rey Joacim quixtakla Egipto laj Elnatán li ralal laj Acbor. Cuanqueb chic cuib oxib li cui̱nk li queꞌtakla̱c rochben laj Elnatán.

Jeremías 40:7

Cuanqueb li nequeꞌtaklan saꞌ xbe̱neb li soldados aj Judá li incꞌaꞌ queꞌxkꞌaxtesi ribeb rubel xcuanquileb laj Babilonia. Queꞌrabi resil nak lix reyeb laj Babilonia quixxakab laj Gedalías chi takla̱nc saꞌ li naꞌajej aꞌan ut quixcanabeb saꞌ rukꞌ chixjunileb li incꞌaꞌ queꞌcꞌameꞌ Babilonia joꞌ cui̱nk, joꞌ ixk, joꞌ cocꞌal ut li nebaꞌeb saꞌ li tenamit aꞌan.