Jeremías 38:6 - Li Santil hu

⁶ Joꞌcan nak queꞌxchap laj Jeremías ut riqꞌuin cꞌa̱m queꞌxcubsi saꞌ xjulel lix haꞌ laj Malquías li ralal laj Hamelec. Li jul aꞌan cuan saꞌ li neba̱l re li tzꞌalam. Ma̱cꞌaꞌ haꞌ chi saꞌ. Junes sulul xsaꞌ. Ut laj Jeremías quisubun saꞌ li sulul.

Q'eqchi Bible

⁶ Tikto eb' a'an ke'xchap laj Jeremías ut ke'xk'e sa' li xjulel xha' laj Malkías, ralal li awab'ej, li wank chiru xneb'aalil li rochocheb' laj k'aak'alenel. Ke'xkub'si laj Jeremías rik'in k'aam sa' li xjulel li ha'. Aran maak'a' chik ha', junes sulul aj chik wank chisa'; jo'kan naq laj Jeremías kisob'e'k sa' li sulul.

Jeremías 38:6 ပူးပေါင်းရင်းမြစ်များ

Jeremías 37:21

Ut li rey Sedequías quixtakla xqꞌuebal chi pre̱xil laj Jeremías saꞌ li neba̱l re li cab, li nequeꞌcuan cuiꞌ li nequeꞌcꞌacꞌalen. Ut aran quicana. Rajlal cutan queꞌxqꞌue junju̱nk xcaxlan cua li queꞌxyi̱b laj yi̱bom caxlan cua toj retal qui-osoꞌ saꞌ li tenamit.

Jeremías 38:22

Chixjunileb li ixk li cuanqueb saꞌ la̱ cuochoch teꞌisi̱k saꞌ li cab ut teꞌkꞌaxtesi̱k saꞌ rukꞌeb li nequeꞌtenkꞌan re lix reyeb laj Babilonia. Ut eb li ixk teꞌxye a̱cue, “Xateꞌxbalakꞌi ut xeꞌnumta saꞌ a̱be̱n li cacꞌojob a̱chꞌo̱l saꞌ xbe̱neb. Anakcuan xachꞌic a̱cuib saꞌ chꞌaꞌajquil. Chanchan nak xachꞌic la̱ cuok saꞌ sulul. Xateꞌxcanab a̱junes la̱ cuami̱g.”

Jeremías 37:16

Laj Jeremías quiqꞌueheꞌ saꞌ jun li jul saꞌ tzꞌalam ut najt quicuan aran.

Salmos 69:2

Chanchan yo̱quin chi subu̱nc saꞌ lix sa̱b haꞌ ut ma̱ bar chic nintau xnaꞌaj li cuok. Chanchan cuanquin saꞌ xchamal li haꞌ ut yo̱ chincꞌambal lix cacuil rok li nimaꞌ.

Hechos 16:24

Ut nak quiyeheꞌ chi joꞌcan, queꞌcꞌameꞌ ut queꞌqꞌueheꞌ saꞌ tzꞌalam saꞌ jun li naꞌajej li cuan toj chi saꞌ ut queꞌnatꞌeꞌ li rok saꞌ cheꞌ.

Zacarías 9:11

Joꞌcaꞌin quixye li Ka̱cuaꞌ: —La̱ex aj Jerusalén, xeqꞌue xcuanquil li contrato riqꞌuin xquiqꞌuel li xul li xemayeja. Joꞌcaꞌin nak la̱in texincol chiru li raylal. Chanchan nak texcuisi saꞌ jun li chamal jul li ma̱cꞌaꞌ haꞌ chi saꞌ.

Salmos 109:5

La̱in ninba̱nu usilal reheb, abanan eb aꞌan nequeꞌxba̱nu ma̱usilal cue. La̱in ninraheb, abanan eb aꞌan xicꞌ niquineꞌril.

Salmos 40:2

Aꞌan qui-isin cue saꞌ li raylal cuanquin cuiꞌ. Chanchan nak yo̱quin chi subu̱nc saꞌ lix sa̱b haꞌ ut osocꞌ cue. Ut li Ka̱cuaꞌ qui-isin cue. Nak quinixcol chanchan nak quinixqꞌue saꞌ jun li sako̱nac re nak ma̱cꞌaꞌ tincꞌul.

Génesis 37:24

Queꞌxchap laj José ut queꞌxcut chi saꞌ li chaki jul.

Hebreos 10:36

La̱ex tento te̱cuy li cꞌaꞌru na-ux e̱re re nak te̱ba̱nu li naraj li Dios. Ut riqꞌuin aꞌan te̱cꞌul li yechiꞌinbil e̱re xban li Dios.

Jeremías 36:26

Li rey quixtaklaheb laj Jerameel li ralal laj Hamelec, ut laj Seraías li ralal laj Azriel, ut laj Selemías li ralal laj Abdeel chixchapbaleb laj Baruc laj tzꞌi̱b ut li profeta Jeremías re nak teꞌxqꞌue chi pre̱xil. Abanan li Ka̱cuaꞌ quixtenkꞌaheb re teꞌxmuk rib chiruheb.

Jeremías 32:2

Lix soldado laj Nabucodonosor yo̱queb chi pletic riqꞌuineb laj Jerusalén. Ut laj Jeremías cuan chi pre̱xil saꞌ li neba̱l re li cab li nequeꞌcuan cuiꞌ eb li nequeꞌcꞌacꞌalen re lix palacio lix reyeb laj Judá.

Jeremías 38:13

Ut riqꞌuin li cꞌa̱m queꞌxquelo laj Jeremías ut queꞌrisi saꞌ li jul. Ut queꞌxcanab laj Jeremías saꞌ li neba̱l re li tzꞌalam.

Daniel 6:16

Joꞌcan nak li rey quixtakla xcꞌambal chak laj Daniel ut quixye re: —Aꞌ taxak li Ka̱cuaꞌ la̱ Dios li nacacꞌanjela ru junelic, aꞌan taxak chicolok a̱cue saꞌ rukꞌeb li cakcoj, chan re. Ut queꞌxcut laj Daniel saꞌ xya̱nkeb li cakcoj.