Jeremías 38:4 - Li Santil hu

⁴ Ut eb li cuanqueb xcuanquil queꞌxye re li rey: —Tento ta̱ca̱mk li cui̱nk aꞌin xban li ra̱tin naxye. Yo̱ chi chꞌina̱nc xchꞌo̱leb li soldado li joꞌ qꞌuial toj cuanqueb saꞌ li tenamit. Ut yo̱ ajcuiꞌ chi chꞌina̱nc xchꞌo̱leb li tenamit xban. Li cui̱nk aꞌin incꞌaꞌ naxsicꞌ li us chokꞌ re li tenamit. Naxsicꞌ ban li incꞌaꞌ us chokꞌ reheb.—

Q'eqchi Bible

⁴ Toja' naq eb' li xjolomileb' li tenamit ke'xye re li awab'ej: “Tento xkamsinkil li winq a'an, xb'aan naq, rik'ineb' li aatin naxye, naxch'ina xch'ooleb' laj puub' li toj wankeb' sa' li tenamit, ut naxch'ina ajwi' xch'ooleb' chixjunil li poyanam. Li winq a'in ink'a' naxsik' li usilal cho'q re li tenamit, a' b'an li rahilal naxsik'”.

Jeremías 38:4 ပူးပေါင်းရင်းမြစ်များ

Jeremías 26:11

Ut eb laj tij ut eb li profetas queꞌa̱tinac riqꞌuineb li tenamit joꞌ eb ajcuiꞌ li cuanqueb xcuanquil ut queꞌxye reheb: —Xcꞌulub ca̱mc li cui̱nk aꞌin xban nak xye nak li katenamit tixcꞌul raylal. La̱ex xerabi riqꞌuin e̱xic li cꞌaꞌru quixye, chanqueb.

Hechos 16:20

Nak queꞌxxakab chiru laj rakol a̱tin, queꞌxye: —Eb li cui̱nk aꞌin, aꞌaneb aj judío ut yo̱queb chikachꞌiꞌchꞌiꞌinquil saꞌ li katenamit.

Amós 7:10

Ut laj Amasías laj tij li nacuan aran Bet-el, quixtakla resil riqꞌuin laj Jeroboam lix reyeb laj Israel ut quixye re li rey Jeroboam chi joꞌcaꞌin: —Cꞌajoꞌ yo̱ chixyebal cha̱cuix laj Amós reheb li tenamit Israel. Li tenamit incꞌaꞌ chic nequeꞌxcuy rabinquil li naxye.

Jeremías 29:7

Chexcua̱nk saꞌ xya̱lal re nak us teꞌe̱lk li tenamit li xeꞌchapoc e̱re. Chetzꞌa̱ma li rusilal li Dios saꞌ xbe̱n li naꞌajej aꞌin xban nak cui us na-el li naꞌajej, us ajcuiꞌ tex-e̱lk la̱ex.

Nehemías 6:9

Chixjunil li cꞌaꞌru xeꞌxba̱nu ke, aꞌan yal re kaseꞌbesinquil. Eb aꞌan xeꞌxcꞌoxla nak ta̱chꞌina̱nk kachꞌo̱l ut takacanab xba̱nunquil li cꞌanjel ut incꞌaꞌ takachoy xyi̱banquil li tzꞌac. Joꞌcan nak quintijoc ut quinye: —At kaDios, chaqꞌue taxak xcacuilal kachꞌo̱l re takachoy li cꞌanjel.—

1 Reyes 21:20

Nak laj Elías quicuulac aran, laj Acab quixye re: —At Elías, la̱at li xicꞌ nacat-iloc cue. Xina̱tau chixba̱nunquil li incꞌaꞌ us, chan. Ut laj Elías quixye re: —Ya̱l. Xatintau chixba̱nunquil li incꞌaꞌ us xban nak la̱at cꞌaynakat chixba̱nunquil li ma̱usilal chiru li Ka̱cuaꞌ.

Éxodo 5:4

Tojoꞌnak lix reyeb laj Egipto quichakꞌoc ut quixye reheb: —At Moisés, ut at Aarón, ¿Cꞌaꞌut nak yo̱quex xbaybaleb li cristian saꞌ lix trabaj? La̱ex ba̱nuhomak le̱ trabaj.—

Hechos 28:22

Takaj rabinquil cꞌaꞌru nacacꞌoxla chirix aꞌan xban nak kabiom nak yalak bar xicꞌ nequeꞌrabi li tijleb chirix li Jesús, chanqueb.

Hechos 24:5

La̱o xkaqꞌue retal nak li cui̱nk aꞌin kꞌaxal yibru xnaꞌleb. Naxtiquib ra xi̱cꞌ saꞌ xya̱nkeb chixjunileb laj judío saꞌ chixjunil li ruchichꞌochꞌ. Ut aꞌan najolomin re li jun chꞌu̱tal aj Nazareno nequeꞌxye re.

Hechos 17:6

Queꞌril nak incꞌaꞌ queꞌxtau laj Pablo ut laj Silas. Queꞌxchap laj Jasón rochben cuib oxibeb laj pa̱banel ut queꞌxcꞌam chiruheb li nequeꞌtaklan saꞌ li tenamit. Japjo̱queb re chixyebal: —Eb li cui̱nk aꞌin, yo̱queb chixpoꞌbal xchꞌo̱leb li tenamit saꞌ chixjunil li ruchichꞌochꞌ ut anakcuan xeꞌchal arin chixpoꞌbal xchꞌo̱leb li katenamit.

San Lucas 23:2

Queꞌoc chixjitbal ut queꞌxye: —Xkaqꞌue retal nak li cui̱nk aꞌin yo̱ chixpoꞌbal xchꞌo̱leb li katenamit. Nocoxkꞌus riqꞌuin xqꞌuebal li katoj re li acuabej. Ut naxye nak aꞌan li Cristo laj Colonel li yechiꞌinbil xban li Dios. Naxye nak aꞌan rey, chanqueb.

Ezequiel 22:27

Eb li nequeꞌtaklan saꞌ li tenamit chanchaneb chic laj xoj li yo̱queb chixtꞌupbal lix tibeb. Nequeꞌxcamsiheb li ras ri̱tzꞌin xban xsicꞌbal xbiomaleb.

Esdras 4:12

Chanauhak taxak at rey, nak eb laj judío li queꞌel chak saꞌ li tenamit cuancat cuiꞌ, queꞌcꞌulun arin Jerusalén. Yo̱queb cuiꞌchic chixyi̱banquil li tenamit aꞌin laj kꞌetol a̱tin li incꞌaꞌ useb xnaꞌleb. Yo̱queb chixyi̱banquil li cimiento ut li tzꞌac.

2 Crónicas 24:21

Abanan eb li tenamit queꞌxcꞌu̱b ru cꞌaꞌru teꞌxba̱nu re laj Zacarías. Ut li rey quixtaklaheb li tenamit chixcutbal chi pec toj retal queꞌxcamsi saꞌ li neba̱l re lix templo li Ka̱cuaꞌ.

Jeremías 11:21

Aꞌut eb li cui̱nk li cuanqueb Anatot li queꞌraj incamsinquil, queꞌxye cue nak incꞌaꞌ chic tina̱tinak saꞌ xcꞌabaꞌ li Ka̱cuaꞌ re nak incꞌaꞌ tineꞌxcamsi, chan laj Jeremías.

Jeremías 18:23

At Ka̱cuaꞌ, la̱at nacanau nak xeꞌxcꞌu̱b ru incamsinquil. Ma̱cuy xma̱queb ut misach taxak saꞌ a̱chꞌo̱l li ma̱usilal xeꞌxba̱nu. Teꞌsachekꞌ taxak ruheb. Chaqꞌueheb ta chixtojbal lix ma̱queb nak yo̱ a̱joskꞌil saꞌ xbe̱neb, chan laj Jeremías.

Jeremías 38:16

Ut li rey Sedequías quixba̱nu li juramento saꞌ mukmu riqꞌuin laj Jeremías, ut quixye re: —Saꞌ xcꞌabaꞌ li yoꞌyo̱quil Dios, li naqꞌuehoc kayuꞌam, la̱in incꞌaꞌ tatincamsi, chi moco tatinkꞌaxtesi saꞌ rukꞌeb li cui̱nk li teꞌajok a̱camsinquil, chan.

Jeremías 38:25

Cui eb li nequeꞌtenkꞌan cue teꞌxnau nak xina̱tinac a̱cuiqꞌuin, ma̱re teꞌcha̱lk a̱cuiqꞌuin ut teꞌxye a̱cue, “Ye ke cꞌaꞌru xaye re li rey ut cꞌaꞌru xye a̱cue. Ma̱muk lix ya̱lal chiku. La̱o incꞌaꞌ tatkacamsi,” ma̱re chaꞌakeb a̱cue.

Jeremías 43:3

Laj Baruc li ralal laj Nerías yo̱ chi tacchiꞌi̱nc a̱cue re nak toa̱kꞌaxtesi saꞌ rukꞌeb laj Babilonia re nak toeꞌxcamsi malaj ut toeꞌxcꞌam chi pre̱xil aran Babilonia, chanqueb.