Jeremías 38:21 - Li Santil hu

²¹ Abanan cui incꞌaꞌ ta̱kꞌaxtesi a̱cuib saꞌ rukꞌeb, aꞌan aꞌin li ta̱cꞌul joꞌ quicꞌuteꞌ chicuu xban li Ka̱cuaꞌ:

Q'eqchi Bible

²¹ Ab'an wi ink'a' taaq'axtesi aawib', a'an a'in li xk'utb'esi chiwu li Qaawa':

Jeremías 38:21 ပူးပေါင်းရင်းမြစ်များ

Ezequiel 2:7

Ta̱ye li cua̱tin reheb, usta teꞌrabi usta incꞌaꞌ, xban nak li tenamit aꞌan aj kꞌetoleb a̱tin.

Hebreos 12:25

Me̱tzꞌekta̱na li ra̱tin li Dios joꞌ queꞌxba̱nu eb laj Israel. Eb aꞌan incꞌaꞌ queꞌxcuy rabinquil xchakꞌrab li Dios ut queꞌxtzꞌekta̱na li ra̱tin nak quichꞌoloba̱c chak xya̱lal chiruheb aran saꞌ li tzu̱l. Ut quirakeꞌ a̱tin saꞌ xbe̱neb. Cui incꞌaꞌ queꞌcoleꞌ eb aꞌan, ¿ma tojaꞌ ta chic la̱o tocolekꞌ cui takatzꞌekta̱na li Dios li naa̱tinac chak toj saꞌ choxa?

Hechos 18:6

Abanan eb aꞌan incꞌaꞌ queꞌcuulac chiru li yo̱ chixyebal laj Pablo. Queꞌoc chi majecua̱nc. Joꞌcan nak laj Pablo quixchikꞌchikꞌi li rakꞌ ut quixye reheb: —Cui la̱ex incꞌaꞌ texcolekꞌ, aꞌ yal e̱re. Saꞌ e̱be̱n la̱ex cuan li ma̱c. La̱in ma̱cꞌaꞌ inma̱c xban nak ac xinye e̱re lix ya̱lal. Chalen anakcuan la̱in tinchꞌolob xya̱lal reheb li ma̱cuaꞌeb aj judío, chan.

Jeremías 26:15

Aban chenauhak chi tzꞌakal cui tine̱camsi te̱bok chak nabal li raylal saꞌ e̱be̱n ut saꞌ xbe̱n li tenamit aꞌin ut saꞌ xbe̱neb li cuanqueb arin xban nak la̱in ma̱cꞌaꞌ inma̱c. Relic chi ya̱l nak li a̱tin li xinye e̱re li Ka̱cuaꞌ quitaklan chak cue chixyebal, chan laj Jeremías.

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Li xHu LAJ JOB 34:33

¿Ma yo̱cat chixcꞌoxlanquil nak li Dios tixqꞌue a̱kꞌajca̱munquil joꞌ nacacuaj la̱at, usta ac xatzꞌekta̱na? La̱at nacanau cꞌaꞌru ta̱ba̱nu. Ma̱cuaꞌ la̱in. Ye ke li cꞌaꞌru ta̱cuaj xba̱nunquil.

Li xHu LAJ JOB 23:13

Aꞌan naxba̱nu li cꞌaꞌru naraj. Ma̱ ani naru nayehoc re nak incꞌaꞌ tixba̱nu.

Números 24:13

Xinye reheb: Usta tixqꞌue cue li rochoch laj Balac nujenak riqꞌuin plata ut oro, abanan ma̱cꞌaꞌ tinba̱nu injunes usta cha̱bil usta incꞌaꞌ. Incꞌaꞌ tinkꞌet li ra̱tin li Dios. Caꞌaj cuiꞌ li cꞌaꞌru tixcꞌut chicuu li Ka̱cuaꞌ tinye.

Éxodo 16:28

Li Ka̱cuaꞌ Dios quixye re laj Moisés: —¿Cꞌaꞌut nak incꞌaꞌ nequeꞌabin chicuu?

Jeremías 38:20

Laj Jeremías quixye re laj Sedequías: —Incꞌaꞌ tateꞌxkꞌaxtesi saꞌ rukꞌeb laj judío. Ba̱nu li cꞌaꞌru xye li Ka̱cuaꞌ. Cui ta̱ba̱nu li cꞌaꞌru yo̱quin chixyebal a̱cue, us tat-e̱lk. Ut incꞌaꞌ tatcamsi̱k.

Jeremías 38:22

Chixjunileb li ixk li cuanqueb saꞌ la̱ cuochoch teꞌisi̱k saꞌ li cab ut teꞌkꞌaxtesi̱k saꞌ rukꞌeb li nequeꞌtenkꞌan re lix reyeb laj Babilonia. Ut eb li ixk teꞌxye a̱cue, “Xateꞌxbalakꞌi ut xeꞌnumta saꞌ a̱be̱n li cacꞌojob a̱chꞌo̱l saꞌ xbe̱neb. Anakcuan xachꞌic a̱cuib saꞌ chꞌaꞌajquil. Chanchan nak xachꞌic la̱ cuok saꞌ sulul. Xateꞌxcanab a̱junes la̱ cuami̱g.”

2 Crónicas 36:12

Quixba̱nu li incꞌaꞌ us chiru li Ka̱cuaꞌ lix Dios. Ut incꞌaꞌ quixcubsi rib chiru li profeta Jeremías li nayehoc re li cꞌaꞌru naxye li Ka̱cuaꞌ.