Jeremías 38:2 - Li Santil hu

² Queꞌrabi nak laj Jeremías quixye reheb li tenamit: —Chixjunileb li teꞌcana̱k saꞌ li tenamit teꞌca̱mk xban cueꞌej malaj ut saꞌ li ple̱t, malaj ut xban li caki yajel. Abanan eb li teꞌe̱lk ut teꞌxkꞌaxtesi ribeb rubel xcuanquil laj Babilonia incꞌaꞌ teꞌcamsi̱k. Teꞌcana̱k ban chi yoꞌyo.

Q'eqchi Bible

² “Jo'ka'in xye li Qaawa': «Li ani taakanaaq sa' li tenamit a'in taakamsiiq chi q'esnal ch'iich', malaj taakamq xb'aan li we'ej malaj ut xb'aan li raxkamk. Ab'an li taa'elq ut tixq'axtesi rib' sa' ruq'eb' laj Kaldeha, a'an tixkol li xyu'am ut us taa'elq».

Jeremías 38:2 ပူးပေါင်းရင်းမြစ်များ

Jeremías 39:18

La̱in tincolok a̱cue re nak incꞌaꞌ tatcamsi̱k saꞌ li ple̱t. La̱at tatcana̱k chi yoꞌyo xban nak cacꞌojob a̱chꞌo̱l cuiqꞌuin, chan li Ka̱cuaꞌ.

Jeremías 45:5

Ma̱cꞌaꞌ aj e nak ta̱sicꞌ a̱cuanquil. Ma̱ba̱nu aꞌan xban nak la̱in tintakla li raylal saꞌ xbe̱neb chixjunileb li cristian. Ut la̱at, yalak bar tatxic la̱in tatincol. Incꞌaꞌ tatcamsi̱k, chan li Dios.

Jeremías 34:17

Joꞌcan nak la̱in li Ka̱cuaꞌ ninye e̱re chi joꞌcaꞌin: La̱ex incꞌaꞌ xex-abin chicuu. Incꞌaꞌ xerachꞌab le̱ mo̱s, le̱ rech tenamitil. Joꞌcan nak la̱in texincanab e̱junes re nak texcamsi̱k saꞌ li ple̱t malaj ut texca̱mk xban cueꞌej malaj ut xban caki yajel. Xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.

Ezequiel 14:21

Aꞌan aꞌin li naxye li nimajcual Dios: Kꞌaxal ra cuiꞌchic chokꞌ reheb laj Jerusalén nak la̱in tinrakok a̱tin saꞌ xbe̱neb riqꞌuin li ca̱hib chi raylal. La̱in tintakla li ple̱t, li cueꞌej, li joskꞌ aj xul, ut li caki yajel re nak teꞌcamsi̱k li cristian ut eb li xul.

Jeremías 42:17

Relic chi ya̱l chixjunileb li teꞌxic chi cua̱nc Egipto teꞌcamsi̱k saꞌ li ple̱t, malaj ut xban cueꞌej malaj ut xban li caki yajel. Ma̱ jun ta̱colekꞌ chiru li raylal li tintakla saꞌ xbe̱neb, chan li Dios.

Ezequiel 7:15

Chirix le̱ tenamit cua̱nk li ple̱t ut saꞌ li tenamit cua̱nk li caki yajel ut cueꞌej. Eb li cua̱nkeb chak saꞌ cꞌaleba̱l teꞌcamsi̱k saꞌ li ple̱t ut li cua̱nkeb saꞌ li tenamit teꞌca̱mk xban li caki yajel ut li cueꞌej.

Ezequiel 6:11

Ut li Ka̱cuaꞌ quixye cue: —Ya̱ban ut tenle la̱ cuukꞌ ut tenle la̱ cuok saꞌ chꞌochꞌ xban li ma̱usilal li quilajeꞌxba̱nu eb laj Israel. Ut jap a̱cue xban xrahil a̱chꞌo̱l xban nak cuan laj Israel teꞌca̱mk saꞌ li ple̱t, cuan li teꞌca̱mk xban cueꞌej ut cuan ajcuiꞌ li teꞌca̱mk xban yajel.

Jeremías 44:13

La̱in tinqꞌueheb chixtojbal lix ma̱queb li xeꞌco̱eb chi cua̱nc Egipto. Tintakla li ple̱t, li cueꞌej ut li caki yajel saꞌ xbe̱neb joꞌ quinba̱nu reheb laj Jerusalén.

Jeremías 42:22

Joꞌcan nak anakcuan chenauhak nak relic chi ya̱l la̱ex texca̱mk saꞌ li ple̱t malaj ut xban cueꞌej, malaj ut xban caki yajel. Texca̱mk saꞌ li naꞌajej li xic cuiꞌ e̱re chi cua̱nc, chan laj Jeremías.

Jeremías 29:18

Junelic tintakla li ple̱t, li cueꞌej ut li caki yajel saꞌ xbe̱neb. Chixjunileb li cuanqueb saꞌ ruchichꞌochꞌ teꞌsachk xchꞌo̱l chirilbaleb. Teꞌhobekꞌ ut teꞌseꞌe̱k. Yalak bar tebintakla, teꞌetzꞌu̱k ut teꞌmajecua̱k.

Jeremías 27:13

¿Cꞌaꞌru aj e nak ta̱qꞌue a̱cuib chi camsi̱c ut ta̱qꞌueheb ajcuiꞌ la̱ tenamit chi ca̱mc saꞌ li ple̱t malaj ut xban cueꞌej malaj ut xban caki yajel? Li Ka̱cuaꞌ quixye nak joꞌcan te̱cꞌul cui incꞌaꞌ texcꞌanjelak chiru lix reyeb laj Babilonia.

Jeremías 24:8

Eb laj Judá li queꞌcana saꞌ li naꞌajej aꞌin rochben li rey Sedequías joꞌqueb ajcuiꞌ laj cꞌamol be saꞌ xya̱nkeb, joꞌ eb ajcuiꞌ li cuanqueb Egipto, tinjuntakꞌe̱ta riqꞌuin li higos li kꞌaxal yibru li incꞌaꞌ naru xtzacanquil.

Jeremías 21:4

Li Ka̱cuaꞌ lix Dioseb laj Israel xye chi joꞌcaꞌin, “La̱in tinqꞌueheb chi oc saꞌ le̱ tenamit laj Babilonia li yo̱queb chixsutbal le̱ tenamit. Li chꞌi̱chꞌ li cuan saꞌ e̱rukꞌ re texpletik cuiꞌ riqꞌuineb laj Babilonia ma̱cꞌaꞌ ta̱oc cuiꞌ che̱ru. La̱ex incꞌaꞌ texru̱k chixsumenquileb.

Jeremías 27:11

Abanan la̱in tincanabeb chi cua̱nc saꞌ xnaꞌajeb li tenamit li nequeꞌxcubsi ribeb ut nequeꞌcꞌanjelac chiru lix reyeb laj Babilonia. Tincanabeb chi cua̱nc saꞌ xnaꞌajeb re nak teꞌxtrabaji lix chꞌochꞌeb. La̱in li Ka̱cuaꞌ ninyehoc re aꞌin, chan li Dios.

Jeremías 29:16

Cheqꞌuehak retal li cꞌaꞌru naxye li Ka̱cuaꞌ chirix li rey li quicꞌojla saꞌ xnaꞌaj li rey David ut chirixeb li cuanqueb saꞌ li tenamit aꞌin, le̱ rech tenamitil li incꞌaꞌ queꞌcꞌameꞌ chi pre̱xil e̱rochben.