Jeremías 38:19 - Li Santil hu

¹⁹ Li rey Sedequías quixye re laj Jeremías: —La̱in yo̱ inxiu xbaneb laj judío li xeꞌxkꞌaxtesi ribeb saꞌ xya̱nkeb laj Babilonia. Ma̱re anchal eb laj Babilonia tineꞌxkꞌaxtesi saꞌ rukꞌeb laj judío ut eb aꞌan tineꞌxrahobtesi, chan.

Q'eqchi Bible

¹⁹ Kichaq'ok laj Sedesías, li awab'ej, ut kixye: “Ninxiwak xb'aaneb' laj Judiiy li xe'q'axonk sa' xyanqeb' laj Kaldeha. Mare anchal tinq'axtesiiq sa' ruq'eb' ut tine'xrahob'tesi”.

Jeremías 38:19 ပူးပေါင်းရင်းမြစ်များ

San Juan 12:42

Cuanqueb nabaleb laj judío queꞌxpa̱b nak li Jesús, aꞌan li Mesías. Saꞌ xya̱nkeb aꞌan cuanqueb junju̱nk li nequeꞌtaklan. Abanan incꞌaꞌ queꞌxye resil nak queꞌpa̱ban xban nak queꞌxucuac xbaneb laj fariseo. Incꞌaꞌ queꞌraj nak teꞌisi̱k saꞌ li cab li nequeꞌxchꞌutub cuiꞌ ribeb laj judío.

Jeremías 38:22

Chixjunileb li ixk li cuanqueb saꞌ la̱ cuochoch teꞌisi̱k saꞌ li cab ut teꞌkꞌaxtesi̱k saꞌ rukꞌeb li nequeꞌtenkꞌan re lix reyeb laj Babilonia. Ut eb li ixk teꞌxye a̱cue, “Xateꞌxbalakꞌi ut xeꞌnumta saꞌ a̱be̱n li cacꞌojob a̱chꞌo̱l saꞌ xbe̱neb. Anakcuan xachꞌic a̱cuib saꞌ chꞌaꞌajquil. Chanchan nak xachꞌic la̱ cuok saꞌ sulul. Xateꞌxcanab a̱junes la̱ cuami̱g.”

Isaías 57:11

Li Ka̱cuaꞌ quixye e̱re: —¿Cꞌaꞌut nak nequexxucuac xbaneb li yi̱banbil dios ut nequelokꞌoniheb? ¿Cꞌaꞌut nak xecanab inlokꞌoninquil xbaneb ut ninsach saꞌ e̱chꞌo̱l? Usta incꞌaꞌ xine̱lokꞌoni, aban chalen chak junxil yo̱quin chixcuybal. Joꞌcan nak incꞌaꞌ niquine̱xucua.

Jeremías 39:9

Tojoꞌnak laj Nabuzaradán li nataklan saꞌ xbe̱neb chixjunileb li soldado, quixchapeb ut quixcꞌameb chi pre̱xil aran Babilonia chixjunileb li cristian li queꞌcana saꞌ li tenamit. Ut quixcꞌameb ajcuiꞌ li queꞌxkꞌaxtesi ribeb rubeleb xcuanquil.

1 Samuel 31:4

Laj Saúl quixye re li cui̱nk li nacꞌamoc re lix chꞌi̱chꞌ re pletic: —Chap chak la̱ chꞌi̱chꞌ ut tina̱camsi. Incꞌaꞌ nacuaj nak eb laj filisteo tineꞌxseꞌe nak tineꞌxcamsi. Eb li cristian aꞌan incꞌaꞌ nequeꞌxpa̱b li Dios, chan. Abanan li cui̱nk incꞌaꞌ quiraj xban nak ta̱xucuak. Joꞌcan nak laj Saúl quixchap lix chꞌi̱chꞌ ut quixcut rib saꞌ xbe̱n.

Proverbios 29:25

Li xxucuanquil ru li cui̱nk, aꞌan chanchan jun li raꞌal. Abanan li ani cꞌojcꞌo xchꞌo̱l riqꞌuin li Dios, aꞌan ta̱colekꞌ.

1 Samuel 15:24

Tojoꞌnak laj Saúl quixye re laj Samuel: —La̱in xinma̱cob. Xinkꞌet li ra̱tin li Dios ut xinkꞌet ajcuiꞌ la̱ cua̱tin la̱at. Xban nak xinxucuac chiruheb li tenamit, joꞌcan nak xinba̱nu li cꞌaꞌru xeꞌxye. Ba̱nu usilal, chacuy inma̱c.

Jueces 16:25

Cꞌajoꞌ nak queꞌsahoꞌ saꞌ xchꞌo̱leb li tenamit ut queꞌxye: —Cꞌamomak chak laj Sansón. Aꞌan tixqꞌue xsahil kachꞌo̱l, chanqueb. Ut queꞌrisi laj Sansón saꞌ tzꞌalam ut queꞌoc chixseꞌenquil ut chixhobbal. Ut queꞌxxakab saꞌ xyi cuib li rokechal li nimla cab.

Jueces 9:54

Laj Abimelec quixbok saꞌ junpa̱t li cui̱nk li nacꞌamoc re lix chꞌi̱chꞌ ut quixye re: —Isi chak la̱ chꞌi̱chꞌ ut tina̱camsi re nak ma̱ ani ta̱yehok re nak ixk xcamsin cue, chan. Ut li cui̱nk quixnumsi lix chꞌi̱chꞌ saꞌ xsaꞌ. Joꞌcaꞌin nak quicam laj Abimelec.

Jeremías 38:5

Laj Sedequías quixye reheb: —Ba̱nuhomak re laj Jeremías li cꞌaꞌru te̱raj xba̱nunquil. La̱in ma̱cꞌaꞌ naru ninye, chan.

Li xHu LAJ JOB 31:34

La̱in incꞌaꞌ xinxucuac xban li cꞌaꞌru teꞌxye li cristian. Ma̱ jun sut xintzꞌap cuib saꞌ cuochoch chi ma̱cꞌaꞌ xinye yal xban inxiu nak tineꞌxtzꞌekta̱na.

2 Crónicas 30:10

Eb li takl queꞌco̱eb saꞌ li junju̱nk chi tenamit saꞌ eb li naꞌajej li cuanqueb cuiꞌ li ralal xcꞌajol laj Efraín ut laj Manasés. Queꞌcuulac toj saꞌ li naꞌajej li cuanqueb cuiꞌ li ralal xcꞌajol laj Zabulón. Eb li tenamit incꞌaꞌ queꞌabin chiruheb. Yo̱queb chixhobbal ut yo̱queb chixseꞌenquil.

Nehemías 4:1

Cꞌajoꞌ nak quichal xjoskꞌil laj Sanbalat nak quirabi nak yo̱co cuiꞌchic chixyi̱banquil li tzꞌac ut xban xjoskꞌil qui-oc chikahobbal la̱o aj judío.

Jeremías 20:7

Laj Jeremías quixye: —At Ka̱cuaꞌ, la̱at xina̱balakꞌi ut la̱in xincanab cuib re tina̱balakꞌi. La̱at kꞌaxal cau a̱cuib chicuu la̱in. Joꞌcan nak xatnumta saꞌ inbe̱n. Rajlal cutan niquineꞌxhob li tenamit ut chixjunileb niquineꞌxseꞌe.