Jeremías 38:14 - Li Santil hu

¹⁴ Chirix chic aꞌan li rey Sedequías quixtakla xcꞌambal li profeta Jeremías ut quirocsi saꞌ li rox oqueba̱l re li templo. Ut quixye li rey re laj Jeremías: —Cuan cꞌaꞌru tinpatzꞌ a̱cue. Ut nintzꞌa̱ma cha̱cuu nak ta̱ye xya̱lal cue, chan.

Q'eqchi Bible

¹⁴ Chirix chik a'an laj Sedesías, li awab'ej, kixtaqla xb'oqb'al laj Jeremías, li propeet, re taa'aatinaq rik'in sa' li rox okeb'aal re li rochoch li Qaawa'; ut aran kixye re: “Wank k'aru tinpatz' aawe, ut nintz'aama chawu naq mik'a' aamuq chiwu”, chan re.

Jeremías 38:14 ပူးပေါင်းရင်းမြစ်များ

Jeremías 37:17

Mokon chic li rey Sedequías quixtakla xcꞌambal. Nak quicꞌameꞌ saꞌ li palacio, li rey Sedequías quia̱tinac riqꞌuin xjunes. Quixpatzꞌ re: —¿Ma cuan junak esilal xtakla chak chokꞌ cue li Ka̱cuaꞌ? chan. Ut laj Jeremías quixye re: —Li Ka̱cuaꞌ xye nak la̱at tatkꞌaxtesi̱k saꞌ rukꞌ lix reyeb laj Babilonia, chan.

1 Reyes 22:16

Li rey quixye re: —¿Jarub sut tinye a̱cue nak tat-a̱tinak saꞌ xcꞌabaꞌ li Ka̱cuaꞌ Dios junelic ta̱ye li ya̱l? chan.

Jeremías 42:20

Incꞌaꞌ us xeba̱nu nak xetzꞌa̱ma chicuu nak tintijok che̱rix chiru li Ka̱cuaꞌ li kaDios. Xeye cue, “Chattijok chiru li Ka̱cuaꞌ li kaDios chikix la̱o ut ta̱ye ke chixjunil li tixye a̱cue. La̱o takaba̱nu li cꞌaꞌru tixye,” chanquex.

2 Crónicas 18:15

Li rey quixye re: —¿Jarub sut tinye a̱cue nak tat-a̱tinak saꞌ xcꞌabaꞌ li Ka̱cuaꞌ Dios junelic ta̱ye li ya̱l? chan.

2 Reyes 16:18

Ut quirisi ajcuiꞌ lix naꞌaj lix cꞌojariba̱l li rey ut quixtzꞌap li oqueba̱l re li templo li qui-oc cuiꞌ li rey. Quixba̱nu chi joꞌcan re nak ta̱sahokꞌ saꞌ xchꞌo̱l lix reyeb laj Asiria.

1 Reyes 10:5

Ut quixqꞌue ajcuiꞌ retal li tzacae̱mk li nequeꞌxtzaca joꞌ ajcuiꞌ lix naꞌajeb li nequeꞌcꞌanjelac chiru laj Salomón. Quixqꞌue ajcuiꞌ retal li rakꞌeb li nequeꞌtaklan, joꞌ ajcuiꞌ li rakꞌeb li nequeꞌcꞌanjelac. Ut quixqꞌue ajcuiꞌ retal li cꞌatbil mayej li naxqꞌue saꞌ lix templo li Ka̱cuaꞌ. Riqꞌuin chixjunil li quiril, quisach xchꞌo̱l.

Jeremías 15:11

At Ka̱cuaꞌ, chincꞌulak li cꞌaꞌru nequeꞌxye saꞌ inbe̱n, cui incꞌaꞌ xin-oquen chirixeb li xicꞌ nequeꞌiloc cue nak cuanqueb saꞌ ra xi̱cꞌ ut cui incꞌaꞌ xintzꞌa̱ma usilal cha̱cuu saꞌ xbe̱neb nak cuanqueb saꞌ raylal.

2 Samuel 14:18

Li rey David quixye re li ixk: —Nacuaj patzꞌoc a̱cue ut nacuaj nak ta̱sume chi tzꞌakal li cꞌaꞌru tinpatzꞌ a̱cue, chan. Ut li ixk quixye: —Us. Patzꞌ li cꞌaꞌru ta̱cuaj, chan.