Jeremías 38:12 - Li Santil hu

¹² Ut laj Ebed-melec laj Etiopía quixye re laj Jeremías: —Qꞌue chak li kꞌel tꞌicr aꞌan saꞌ la̱ tel re nak incꞌaꞌ tatxtacuasi li cꞌa̱m nak tatkisi saꞌ li jul, chan. Ut laj Jeremías quixba̱nu joꞌ quiyeheꞌ re.

Q'eqchi Bible

¹² “K'eheb' li t'ikr a'an sa' laatel, re naq ink'a' tatxk'at li k'aam”, chankeb' re. Jo'ka'in kixb'aanu laj Jeremías.

Jeremías 38:12 ပူးပေါင်းရင်းမြစ်များ

Efesios 4:32

Cha̱bilakex che̱ribil e̱rib. Cheruxta̱na e̱ru chi ribil e̱rib. Ut checuyak e̱ma̱c chi ribil e̱rib joꞌ nak li Dios quixcuy e̱ma̱c saꞌ xcꞌabaꞌ li Cristo.

Romanos 12:10

Cherahak e̱rib chi ribil e̱rib chi anchal e̱chꞌo̱l xban nak e̱comon e̱rib saꞌ le̱ pa̱ba̱l. Ut che-oxlokꞌi e̱rib chi ribil e̱rib.

Romanos 12:15

Chisahokꞌ saꞌ e̱chꞌo̱l riqꞌuineb li saheb saꞌ xchꞌo̱l. Ut chiyotꞌekꞌ ajcuiꞌ e̱chꞌo̱l riqꞌuineb li nequeꞌyotꞌeꞌ xchꞌo̱l xban li raylal li yo̱queb chixcꞌulbal.

Jeremías 38:7

Quicuan jun li cui̱nk aj Etiopía, aj Ebed-melec xcꞌabaꞌ. Aꞌan li eunuco li nacꞌanjelac saꞌ rochoch li rey. Quirabi resil nak laj Jeremías quiqꞌueheꞌ saꞌ jul. Nak li rey chunchu chire li oqueba̱l re laj Benjamín,

Jeremías 38:11

Quixcꞌameb li cui̱nk laj Ebed-melec ut qui-oc saꞌ rochoch li rey. Quinumeꞌ rubel li naꞌajej li naxocman cuiꞌ li cꞌaꞌru terto xtzꞌak. Ut quixxoc chak li kꞌel tꞌicr ut quixbacꞌ riqꞌuin cꞌa̱m ut quixcubsi saꞌ li jul re laj Jeremías.

Jeremías 38:13

Ut riqꞌuin li cꞌa̱m queꞌxquelo laj Jeremías ut queꞌrisi saꞌ li jul. Ut queꞌxcanab laj Jeremías saꞌ li neba̱l re li tzꞌalam.