Jeremías 37:7 - Li Santil hu

⁷ —Aꞌan aꞌin li naxye li Ka̱cuaꞌ lix Dioseb laj Israel. Ye re laj Sedequías lix reyeb laj Judá li xtaklan chak e̱re chi a̱tinac cuiqꞌuin, nak eb lix soldado laj Egipto yo̱queb chi cha̱lc chixtenkꞌanquil, aban teꞌsukꞌi̱k cuiꞌchic Egipto saꞌ xtenamiteb.

Q'eqchi Bible

⁷ “Jo'ka'in xye li Qaawa', xYos laj Israel: Yehomaq re li awab'ej re Judá, li xtaqlank chaq eere chi patz'ok wik'in, naq eb' li xsoldaad laj Parahón, li xe'chalk raj chetenq'ankil, xe'sutq'iik wi' chik Ejiipt.

Jeremías 37:7 ပူးပေါင်းရင်းမြစ်များ

Lamentaciones 4:17

Xkasicꞌ katenkꞌanquil toj retal nak incꞌaꞌ chic xkacuy. Yo̱co chiroybeninquil nak teꞌcha̱lk chikatenkꞌanquil. Abanan li tenamit li yo̱co chiroybeninquil incꞌaꞌ xru chikatenkꞌanquil.

Ezequiel 17:17

Lix reyeb laj Egipto ma̱cꞌaꞌ tixba̱nu re xtenkꞌanquileb usta tixtakla nabal li soldado chi pletic. Incꞌaꞌ teꞌxcuy nak eb laj Babilonia teꞌxyi̱b lix takleba̱l chixjun sutam li tenamit re teꞌoc Jerusalén chixcamsinquileb nabaleb laj Judá.

Jeremías 37:3

Li rey Sedequías quixtakla laj Jucal li ralal laj Selemías riqꞌuin li profeta Jeremías rochben laj Sofonías laj tij li ralal laj Maasías. Ut queꞌxye re laj Jeremías: —Chattijok chikix chiru li Ka̱cuaꞌ li kaDios, chanqueb.

Jeremías 21:2

—Ba̱nu usilal, tattijok chiru li Ka̱cuaꞌ ut ta̱patzꞌ re cꞌaꞌru us takaba̱nu xban nak laj Nabucodonosor lix reyeb laj Babilonia yo̱ chi pletic kiqꞌuin. Ma̱re li Ka̱cuaꞌ tixba̱nu junak milagro re nak laj Nabucodonosor tixcanab pletic kiqꞌuin, chanqueb.

2 Reyes 22:18

Joꞌcaꞌin te̱ye re lix reyeb laj Judá li xtaklan chak e̱re chixsicꞌbal cꞌaꞌru nacuaj. Aꞌan aꞌin li naxye li Ka̱cuaꞌ lix Dios eb laj Israel, “La̱at xaqꞌue xcuanquil li tzꞌi̱banbil saꞌ li hu.

Ezequiel 29:16

Incꞌaꞌ chic teꞌxcꞌojob xchꞌo̱leb laj Israel riqꞌuin li tenamit Egipto. Nak eb laj Israel teꞌril li tenamit Egipto, ta̱nak saꞌ xchꞌo̱leb chanru nak queꞌma̱cob nak queꞌxcꞌojob xchꞌo̱leb saꞌ xbe̱neb. Ut riqꞌuin aꞌan teꞌxqꞌue retal nak la̱in li nimajcual Dios.—

Jeremías 2:36

¿Cꞌaꞌut nak xejal e̱naꞌleb nak xepatzꞌ e̱tenkꞌanquil riqꞌuineb li jalaneb xtenamit? Ta̱cꞌutekꞌ e̱xuta̱n xbaneb laj Egipto joꞌ nak xcꞌuteꞌ e̱xuta̱n xbaneb laj Asiria.

Proverbios 21:30

Chiru li Ka̱cuaꞌ ma̱cꞌaꞌ na-oc cuiꞌ li naꞌleb re li ruchichꞌochꞌ.

Jeremías 2:18

¿Cꞌaꞌut nak te̱raj xic chixpatzꞌbal e̱tenkꞌanquil aran Egipto? ¿Ma textenkꞌa ta biꞌ li nimaꞌ Nilo? Ut, ¿cꞌaꞌut nak te̱raj xic xpatzꞌbal e̱tenkꞌanquil aran Asiria? ¿Ma naru ta biꞌ texcol li nimaꞌ Éufrates?

Jeremías 2:37

Cꞌajoꞌak le̱ xuta̱n nak tex-e̱lk chak riqꞌuineb laj Egipto xban nak incꞌaꞌ textenkꞌa. La̱in li Ka̱cuaꞌ xintzꞌekta̱naheb laj Egipto li nequecꞌojob cuiꞌ e̱chꞌo̱l. Incꞌaꞌ us tex-e̱lk riqꞌuineb aꞌan.—

Jeremías 21:1

Laj Sedequías lix reyeb laj Judá quixtakla laj Pasur li ralal laj Malquías riqꞌuin laj Jeremías. Ut quixtakla ajcuiꞌ laj Sofonías laj tij ralal laj Maasías re teꞌxye re laj Jeremías chi joꞌcaꞌin:

Jeremías 37:5

Eb lix soldado lix reyeb laj Babilonia ac queꞌxsut li tenamit Jerusalén. Abanan queꞌe̱lelic nak queꞌrabi resil nak eb lix soldado laj faraón queꞌel aran Egipto ut yo̱queb chi xic Jerusalén chi pletic riqꞌuineb.

Jeremías 37:6

Ut li Ka̱cuaꞌ quia̱tinac riqꞌuin laj Jeremías ut quixye re:

Lamentaciones 1:7

Nak cuanqueb saꞌ raylal ut xjuneseb, nequeꞌjulticoꞌ reheb laj Jerusalén chanru nak quicuan nabal xbiomaleb junxil. Najulticoꞌ reheb chanru nak xeꞌtꞌaneꞌ saꞌ rukꞌeb li xicꞌ nequeꞌiloc reheb ut ma̱ ani quitenkꞌan reheb. Eb li xicꞌ nequeꞌiloc reheb queꞌsahoꞌ saꞌ xchꞌo̱leb ut yo̱queb chixhobbal laj Jerusalén nak yo̱queb chixcꞌulbal li raylal.

Ezequiel 30:22

La̱in li nimajcual Dios ninye: Yo̱ injoskꞌil saꞌ xbe̱n laj faraón lix reyeb laj Egipto. La̱in tincuisi chi junaj cua lix cuanquil. Chanchan nak tintok li rukꞌ xcabichal ut incꞌaꞌ chic ta̱ru̱k tixchap lix chꞌi̱chꞌ.

2 Reyes 24:7

Ma̱ bar chic quiraj xic chi pletic lix reyeb laj Egipto xban nak lix reyeb laj Babilonia ac quire̱chani chixjunil li naꞌajej nak quipletic chak riqꞌuineb. Naticla cuan cuiꞌ li nimaꞌ re Egipto ut nacuulac toj saꞌ li nimaꞌ Éufrates.

Isaías 30:7

Relic chi ya̱l nak ma̱cꞌaꞌ na-oc cuiꞌ li teꞌxba̱nu eb laj Egipto. Moco naru ta teꞌxtenkꞌaheb laj Israel. Joꞌcan nak ninye: —Eb laj Egipto nequeꞌxnimobresi ribeb, abanan ma̱cꞌaꞌ naru nequeꞌxba̱nu.—

Isaías 36:6

La̱at nacacꞌoxla nak eb laj Egipto teꞌtenkꞌa̱nk a̱cue. Cui la̱at ta̱cꞌojob a̱chꞌo̱l saꞌ xbe̱neb laj Egipto chanchan nak ta̱qꞌue jun li caxlan aj chokꞌ a̱xukꞌ. Li caxlan aj ta̱tokekꞌ ut tixhop la̱ cuukꞌ. Joꞌcan nak incꞌaꞌ naru ta̱cꞌojob a̱chꞌo̱l saꞌ xbe̱neb aꞌan.”