Jeremías 37:21 - Li Santil hu

²¹ Ut li rey Sedequías quixtakla xqꞌuebal chi pre̱xil laj Jeremías saꞌ li neba̱l re li cab, li nequeꞌcuan cuiꞌ li nequeꞌcꞌacꞌalen. Ut aran quicana. Rajlal cutan queꞌxqꞌue junju̱nk xcaxlan cua li queꞌxyi̱b laj yi̱bom caxlan cua toj retal qui-osoꞌ saꞌ li tenamit.

Q'eqchi Bible

²¹ Toja' naq laj Sedesías, li awab'ej, kixye naq laj Jeremías taakanaaq sa' tz'alam, chiru xneb'aalil li rochocheb' laj k'aak'alenel, ut chik'eemanq junaq xwa rajlal kutan, xkomon eb' li neke'yiib'aak sa' li B'e reheb' laj yiib'ahom wa. Ut a'an tz'aqal ki'uxmank toj reetal kilajk li wa sa' li tenamit. Jo'ka'in naq kikanaak laj Jeremías chi tz'apam, chiru li xneb'aalil li rochocheb' laj k'aak'alenel.

Jeremías 37:21 ပူးပေါင်းရင်းမြစ်များ

Jeremías 38:28

Ut laj Jeremías quicana chi pre̱xil saꞌ li neba̱l re li tzꞌalam toj quicuulac xkꞌehil nak li tenamit Jerusalén quichapeꞌ xbaneb laj Babilonia.

Jeremías 38:13

Ut riqꞌuin li cꞌa̱m queꞌxquelo laj Jeremías ut queꞌrisi saꞌ li jul. Ut queꞌxcanab laj Jeremías saꞌ li neba̱l re li tzꞌalam.

Jeremías 52:6

Saꞌ li bele̱b xbe li xca̱ po re li chihab aꞌan, quinumta li cueꞌej saꞌ li tenamit Jerusalén ut ma̱cꞌaꞌ chic xtzacae̱mkeb.

Jeremías 38:9

—At rey, yibru xeꞌxba̱nu eb li cui̱nk aꞌin nak xeꞌxcut li profeta Jeremías saꞌ jul. Aran naru nacam xban xtzꞌocajic xban nak ma̱cꞌaꞌ chic cua saꞌ li tenamit, chan.

Jeremías 32:2

Lix soldado laj Nabucodonosor yo̱queb chi pletic riqꞌuineb laj Jerusalén. Ut laj Jeremías cuan chi pre̱xil saꞌ li neba̱l re li cab li nequeꞌcuan cuiꞌ eb li nequeꞌcꞌacꞌalen re lix palacio lix reyeb laj Judá.

Isaías 33:16

Li ani naxba̱nu li us, aꞌan ta̱colekꞌ. Ma̱cꞌaꞌ tixcꞌul. Chanchan nak cuan saꞌ jun naꞌajej najt xteram li nequeꞌxcol cuiꞌ ribeb li tenamit. Ut junelic ta̱cua̱nk xcua rucꞌa.

2 Reyes 25:3

Saꞌ li bele̱b xbe li xca̱ po re li chihab quinumta li cueꞌej saꞌ xbe̱neb li cuanqueb Jerusalén. Ut ma̱cꞌaꞌ chic xtzacae̱mkeb.

Li xHu LAJ JOB 5:20

Nak yo̱k li cueꞌej, aꞌan ta̱colok a̱cue chiru li ca̱mc. Ut nak yo̱k li pletic, aꞌan ta̱colok a̱cue re nak incꞌaꞌ tateꞌxcamsi.

2 Timoteo 2:9

Saꞌ xcꞌabaꞌ li evangelio yo̱quin chixcꞌulbal li raylal aꞌin, ut bacꞌbo̱quin chi cadena. Chanchan na-ux re junak kꞌaxal nim xma̱c. Usta bacꞌbo̱quin, abanan li resil li evangelio ta̱yema̱nk yalak bar xban nak li ra̱tin li Dios incꞌaꞌ naru xmukbal.

2 Timoteo 1:8

Joꞌcan ut nak matxuta̱nac chixchꞌolobanquil resil li Ka̱cuaꞌ Jesucristo chi moco tatxuta̱na̱k inban la̱in xban nak cuanquin chi pre̱xil xban xyebal resil li Ka̱cuaꞌ. Chaqꞌue ban a̱cuib chi tzꞌako̱nc riqꞌuin li raylal nacꞌulman saꞌ xcꞌabaꞌ li evangelio. Ut li Dios ta̱qꞌuehok a̱cuanquil chixcuybal.

Efesios 6:20

Taklanbilin xban li Dios chixyebal li resilal aꞌan. Ut xban xyebal resil li colba-ib nak cuanquin chi pre̱xil anakcuan. Chextijok chicuix re nak tinchꞌolob xya̱lal li colba-ib chi cau inchꞌo̱l joꞌ qꞌuebil cue xba̱nunquil xban li Dios.

Efesios 4:1

La̱in cuanquin chi pre̱xil xban xyebal resil li Ka̱cuaꞌ Jesucristo. La̱in xintijoc che̱rix ut anakcuan nintzꞌa̱ma che̱ru nak cha̱bilak le̱ yuꞌam joꞌ xcꞌulubeb li ralal xcꞌajol li Dios.

Hechos 28:30

Cuib chihab quicuan aran Roma laj Pablo saꞌ li cab li quixtoꞌoni. Ut quixcꞌuleb chi sa saꞌ xchꞌo̱l chixjunileb li queꞌcuulac riqꞌuin.

Hechos 28:16

Nak cocuulac Roma, li capitán quixkꞌaxtesiheb li pre̱x re li coronel. Ut laj Pablo quicanaba̱c chi cua̱nc xjunes rochben jun li soldado li na-iloc re.

Hechos 24:27

Xban nak quiraj nak us ta̱cana̱k riqꞌuineb laj judío, joꞌcan nak quixcanab chi pre̱xil laj Pablo. Nak ac xnumeꞌ cuib chihab, laj Félix qui-el chokꞌ acuabej ut qui-oc laj Porcio Festo chokꞌ re̱kaj.

Hechos 12:5

Joꞌcan nak laj Pedro ilbil chi us xbaneb li soldado re nak incꞌaꞌ ta̱e̱lelik. Abanan eb laj pa̱banel cau yo̱queb chi tijoc chirix.

San Mateo 6:33

Li cꞌaꞌru li te̱sicꞌ xbe̱n cua, aꞌan lix nimajcual cuanquilal li Dios ut lix ti̱quilal, ut chixjunil li cꞌaꞌak re ru aꞌin talajqꞌuehekꞌ e̱re chokꞌ xtzꞌakob.

Lamentaciones 5:10

Li katibel xkꞌekoꞌ. Chanchan li horno. Ut yo̱ katik xban katzꞌocajic.

Jeremías 32:8

Ut joꞌcan quicꞌulman. Laj Hanameel, li ralal li cuican quichal cuiqꞌuin nak cuanquin chi pre̱xil saꞌ li neba̱l re li cab li nequeꞌcuan cuiꞌ eb li nequeꞌcꞌacꞌalen ut quixye cue: —Lokꞌ chokꞌ a̱cue li chꞌochꞌ li cuan Anatot li cuan saꞌ xcue̱nt lix naꞌajeb li ralal xcꞌajol laj Benjamín. Naru ta̱lokꞌ xban nak la̱at cuechꞌalal, chan. Ut la̱in xinqꞌue retal nak li Dios ta̱raj nak tinlokꞌ.

Proverbios 21:1

Joꞌ nak li Ka̱cuaꞌ naxberesi li nimaꞌ, joꞌcan ajcuiꞌ nak naxberesi lix cꞌaꞌuxeb li rey.

Proverbios 16:7

Nak li Ka̱cuaꞌ nacuulac chiru li cꞌaꞌru nequeꞌxba̱nu li cristian, aꞌan ajcuiꞌ naqꞌuehoc reheb chixcꞌambaleb rib saꞌ usilal riqꞌuineb li xicꞌ nequeꞌiloc reheb.

Salmos 37:19

Incꞌaꞌ ra teꞌxcꞌul saꞌ xkꞌehil li raylal ut saꞌ xkꞌehil li cueꞌej junelic cua̱nk xtzacae̱mkeb.

Salmos 37:3

Cauhak taxak e̱chꞌo̱l riqꞌuin li Ka̱cuaꞌ ut cheba̱nuhak li us. Chexcua̱nk saꞌ ti̱quilal saꞌ li naꞌajej cuanquex cuiꞌ.

Jeremías 33:1

Nak toj cuan chi pre̱xil laj Jeremías saꞌ li neba̱l re li cab li nequeꞌcuan cuiꞌ li nequeꞌcꞌacꞌalen, li Ka̱cuaꞌ quia̱tinac riqꞌuin xcaꞌ sut.

Jeremías 38:6

Joꞌcan nak queꞌxchap laj Jeremías ut riqꞌuin cꞌa̱m queꞌxcubsi saꞌ xjulel lix haꞌ laj Malquías li ralal laj Hamelec. Li jul aꞌan cuan saꞌ li neba̱l re li tzꞌalam. Ma̱cꞌaꞌ haꞌ chi saꞌ. Junes sulul xsaꞌ. Ut laj Jeremías quisubun saꞌ li sulul.

Jeremías 20:2

quixtakla xsacꞌbal ut quixtakla xnatꞌbal li rok saꞌ cheꞌ cuan cuiꞌ li oqueba̱l re laj Benjamín li cuan chixcꞌatk li templo.