Jeremías 37:18 - Li Santil hu

¹⁸ Ut laj Jeremías quixye ajcuiꞌ re laj Sedequías: —¿Cꞌaꞌru inma̱c cha̱cuu la̱at, malaj ut chiruheb li nequeꞌtenkꞌan a̱cue, malaj ut chiruheb li tenamit? ¿Cꞌaꞌut nak xine̱qꞌue saꞌ tzꞌalam?

Q'eqchi Bible

¹⁸ Tikto laj Jeremías kixpatz' re laj Sedesías, li awab'ej: “K'aru xinmaakon chawu laa'at, chiruheb' laj k'anjel chawu malaj ut chiru li tenamit a'in naq xinaatz'ap sa' tz'alam?

Jeremías 37:18 ပူးပေါင်းရင်းမြစ်များ

Hechos 25:8

Ut laj Pablo qui-oc cuiꞌchic chi a̱tinac re xcolbal rib chiruheb ut quixye: —Chi moco lix chakꞌrabeb laj judío chi moco lix templo li Ka̱cuaꞌ quinsach xcuanquil. Chi moco cuan ta junak ma̱c xinba̱nu chiru li acuabej César, chan.

San Juan 10:32

Li Jesús quixye reheb: —Nabal li cha̱bilal xinba̱nu che̱ru joꞌ quicꞌutbesi̱c chicuu xban lin Yucuaꞌ. ¿Bar cuan reheb li cha̱bil cꞌanjel aꞌin li xinba̱nu tine̱cuti cuiꞌ chi pec? chan.

Hechos 25:25

Abanan nak xin-oc chi rakoc a̱tin saꞌ xbe̱n xinqꞌue retal nak ma̱cꞌaꞌ xma̱c re ta̱camsi̱k. Aꞌan xtzꞌa̱ma nak li acuabej César ta̱rakok a̱tin saꞌ xbe̱n. Joꞌcan nak xinye nak tento ta̱xic Roma riqꞌuin li acuabej.

Hechos 25:11

Cui ut cuan junak ma̱c xinba̱nu re nak tento tineꞌxcamsi, chineꞌxcamsihak. La̱in incꞌaꞌ ninxucua li ca̱mc. Abanan cui incꞌaꞌ ya̱l li yo̱queb chixyebal chicuix, ma̱ ani ta̱ru̱k ta̱kꞌaxtesi̱nk cue saꞌ rukꞌeb aꞌan. La̱in tintzꞌa̱ma nak li acuabej César li kꞌaxal nim xcuanquil ta̱rakok a̱tin saꞌ inbe̱n, chan laj Pablo.

Daniel 6:22

Lin Dios quixtakla chak lix ángel ut aꞌan quitzꞌapoc re lix tzꞌu̱mal reheb li cakcoj re nak incꞌaꞌ tineꞌxcamsi xban nak chiru li Dios ma̱cꞌaꞌ inma̱c chi moco cha̱cuu la̱at xinba̱nu li incꞌaꞌ us, chan re li rey.

Gálatas 4:16

¿Ma xicꞌ chic niquine̱ril anakcuan yal xban nak xinye e̱re lix ya̱lal chi joꞌcanan?

Hechos 26:31

Ut nak yo̱queb chi e̱lc saꞌ li naꞌajej aꞌan, queꞌxye chi ribileb rib: —Li cui̱nk aꞌin ma̱cꞌaꞌ xma̱c. Ma̱cꞌaꞌ junak ma̱c xba̱nu re ta̱camsi̱k chi moco re cua̱nk saꞌ tzꞌalam, chanqueb.

Hechos 24:16

Joꞌcan nak ninqꞌue inchꞌo̱l chixba̱nunquil li us re nak ma̱cꞌaꞌak inma̱c chiru li Dios chi moco chiruheb li cuas cui̱tzꞌin.

Hechos 23:1

Laj Pablo quixcaꞌyaheb li nequeꞌtaklan saꞌ xbe̱neb laj judío ut quixye reheb: —Ex cuech tenamitil, la̱in cꞌojcꞌo inchꞌo̱l riqꞌuin li xinba̱nu chiru li Dios chalen toj saꞌ li cutan anakcuan, chan.

Jeremías 26:19

¿Ma quicamsi̱c ta biꞌ laj Miqueas xban li rey? ¿Ma quicamsi̱c ta biꞌ xbaneb laj Judá? Quixxucua ban ru li Ka̱cuaꞌ laj Ezequías ut quixtzꞌa̱ma chiru li Dios nak ta̱ruxta̱na ruheb li tenamit. Ut li Ka̱cuaꞌ quixjal xcꞌaꞌux ut incꞌaꞌ quixtakla li raylal saꞌ xbe̱neb. ¿Ma takabok ta biꞌ raylal saꞌ kabe̱n la̱o riqꞌuin xcamsinquil li cui̱nk aꞌin? chanqueb.

Proverbios 17:26

Relic chi ya̱l nak incꞌaꞌ us nak teꞌxye nak cuan xma̱c li ma̱cꞌaꞌ xma̱c. Ut incꞌaꞌ ajcuiꞌ us nak teꞌxqꞌue saꞌ raylal li nequeꞌtaklan saꞌ xya̱lal.

Proverbios 17:13

Junelic cua̱nk li ma̱usilal saꞌ lix jun cablal li ani naxba̱nu ma̱usilal re li naba̱nun usilal re.

Génesis 31:36

Laj Jacob quijoskꞌoꞌ chiru laj Labán ut quixye re: —¿Cꞌaꞌut nak xina̱ta̱ke chak toj arin? ¿Cꞌaꞌru inma̱c cha̱cuu?