Jeremías 37:13 - Li Santil hu

¹³ Abanan nak quicuulac saꞌ li oqueba̱l re laj Benjamín, li nataklan saꞌ xbe̱neb li soldados quixchap ut quixye re: —La̱at xic a̱cue chixkꞌaxtesinquil a̱cuib saꞌ xya̱nkeb laj Babilonia, chan. Li cui̱nk aꞌan, aꞌan laj Irías li ralal laj Selemías ut ri laj Hananías.

Q'eqchi Bible

¹³ Ab'an naq kiwulak sa' Rokeb'aal laj Benjamín, kichape'k xb'aan jun aj k'aak'alenel, aj Irías xk'ab'a', ralal laj Selemías ut ri laj Ananías: “Laa'at taawaj q'axonk sa' xyanqeb' laj Kaldeha”, chu'uxk re.

Jeremías 37:13 ပူးပေါင်းရင်းမြစ်များ

Zacarías 14:10

Junaj ru ta̱cana̱k li ru takꞌa. Ta̱ticla̱k chak Geba ut ta̱cuulak toj saꞌ li tenamit Rimón li cuan jun pacꞌal Jerusalén saꞌ li sur. Li tenamit Jerusalén cua̱nk saꞌ li tzu̱l ut cua̱nk ajcuiꞌ xlokꞌal. Kꞌaxal nabal cuiꞌchic li cristian teꞌcua̱nk aran. Ta̱ticla̱k chak cuan cuiꞌ li oqueba̱l re laj Benjamín ut ta̱cuulak toj cuan cuiꞌ li xbe̱n oqueba̱l, ut toj cuan cuiꞌ li oqueba̱l li cuan saꞌ xuc. Ut ta̱cuulak ajcuiꞌ toj cuan cuiꞌ li torre re laj Hananeel ut toj cuan cuiꞌ li nayatzꞌeꞌ cuiꞌ x-uva li rey.

Jeremías 38:7

Quicuan jun li cui̱nk aj Etiopía, aj Ebed-melec xcꞌabaꞌ. Aꞌan li eunuco li nacꞌanjelac saꞌ rochoch li rey. Quirabi resil nak laj Jeremías quiqꞌueheꞌ saꞌ jul. Nak li rey chunchu chire li oqueba̱l re laj Benjamín,

Hechos 24:13

Ut eb laj jitol cue incꞌaꞌ naru nequeꞌxye nak ya̱l li cꞌaꞌru yo̱queb chixyebal xban nak ma̱cꞌaꞌ junak retalil naru naxcꞌut nak ya̱l.

Hechos 6:11

Aban cuanqueb li queꞌtumina̱c ru re teꞌxye ticꞌtiꞌ chirix laj Esteban. Ut queꞌxye: —La̱o xkabi nak yo̱ chixmajecuanquil li Dios ut laj Moisés, chanqueb.

San Lucas 23:2

Queꞌoc chixjitbal ut queꞌxye: —Xkaqꞌue retal nak li cui̱nk aꞌin yo̱ chixpoꞌbal xchꞌo̱leb li katenamit. Nocoxkꞌus riqꞌuin xqꞌuebal li katoj re li acuabej. Ut naxye nak aꞌan li Cristo laj Colonel li yechiꞌinbil xban li Dios. Naxye nak aꞌan rey, chanqueb.

Jeremías 38:1

Cuanqueb cui̱nk li queꞌrabi cꞌaꞌru yo̱ chixyebal reheb li tenamit laj Jeremías. Aꞌaneb aꞌin: laj Sefatías li ralal laj Matán, laj Gedalías li ralal laj Pasur, laj Jucal li ralal laj Selemías ut laj Pasur li ralal laj Malquías.

Jeremías 21:9

Li ani ta̱raj cana̱c saꞌ li tenamit aꞌin, aꞌan ta̱camsi̱k chi chꞌi̱chꞌ malaj ut xban cueꞌej malaj ut xban li caki yajel. Abanan li ani tixkꞌaxtesi rib rubel xcuanquileb laj Babilonia li yo̱queb chi sutuc re le̱ tenamit, aꞌan incꞌaꞌ ta̱camsi̱k. Ta̱cana̱k chi yoꞌyo.

Jeremías 20:10

Nacuabi nak nequeꞌa̱tinac chicuix saꞌ has. Kꞌaxal xiu xiu cuanquin nak ninxic yalak bar. Eb li cuami̱g nak queꞌcuan chak, yo̱queb chiroybeninquil nak tinba̱nu cꞌaꞌak re ru incꞌaꞌ us cha̱cuu. Nequeꞌxye, “Ma̱re tixba̱nu li incꞌaꞌ us re nak naru takajit ut takaqꞌue re̱kaj li yo̱ chixyebal ke,” chanqueb.

Jeremías 18:18

Ut eb li tenamit queꞌxye: —Takacꞌu̱b ru cꞌaꞌru takaba̱nu riqꞌuin laj Jeremías. Moco palta tixba̱nu chiku. Eb laj tij junelic teꞌxcꞌut chiku li cꞌaꞌru naxye li chakꞌrab. Eb li cuanqueb xnaꞌleb junelic teꞌxqꞌue kanaꞌleb ut eb li profeta junelic teꞌxye ke li ra̱tin li Dios. Takajit laj Jeremías ut incꞌaꞌ takabi li cꞌaꞌru tixye, chanqueb.

2 Corintios 6:8

Cuan li nequeꞌxqꞌue kalokꞌal ut cuan ajcuiꞌ li nequeꞌxsach kacuanquil. Cuan li nequeꞌhoboc ke ut cuan ajcuiꞌ li nequeꞌoxlokꞌin ke. Ut cuan ajcuiꞌ li nequeꞌyehoc re nak la̱o aj balakꞌ. Abanan la̱o junelic nocoa̱tinac saꞌ xya̱lal.

Amós 7:10

Ut laj Amasías laj tij li nacuan aran Bet-el, quixtakla resil riqꞌuin laj Jeroboam lix reyeb laj Israel ut quixye re li rey Jeroboam chi joꞌcaꞌin: —Cꞌajoꞌ yo̱ chixyebal cha̱cuix laj Amós reheb li tenamit Israel. Li tenamit incꞌaꞌ chic nequeꞌxcuy rabinquil li naxye.

Jeremías 38:4

Ut eb li cuanqueb xcuanquil queꞌxye re li rey: —Tento ta̱ca̱mk li cui̱nk aꞌin xban li ra̱tin naxye. Yo̱ chi chꞌina̱nc xchꞌo̱leb li soldado li joꞌ qꞌuial toj cuanqueb saꞌ li tenamit. Ut yo̱ ajcuiꞌ chi chꞌina̱nc xchꞌo̱leb li tenamit xban. Li cui̱nk aꞌin incꞌaꞌ naxsicꞌ li us chokꞌ re li tenamit. Naxsicꞌ ban li incꞌaꞌ us chokꞌ reheb.—

Jeremías 36:12

Nak quirabi li cꞌaꞌru quixye laj Baruc, laj Micaías co̱ saꞌ rochoch li rey saꞌ li naꞌajej li nequeꞌcuan cuiꞌ laj tzꞌi̱b. Nabaleb li cuanqueb xcuanquil chꞌutchꞌu̱queb aran. Cuanqueb laj Elisama laj tzꞌi̱b, laj Delaía li ralal laj Semaías, laj Elnatán li ralal laj Acbor, laj Gemarías li ralal laj Safán, laj Sedequías li ralal laj Ananías, ut cuanqueb chic nabaleb li cuanqueb xcuanquil.

Jeremías 28:14

La̱in li Ka̱cuaꞌ li nimajcual Dios, lix Dioseb laj Israel, ninye chi joꞌcaꞌin: La̱in tinqꞌueheb chixjunileb li tenamit chi cꞌanjelac chokꞌ xmo̱s laj Nabucodonosor lix reyeb laj Babilonia. Chanchan nak xinqꞌue jun yugo chꞌi̱chꞌ chirix xcuxeb. Chixjunileb li cristian joꞌ eb ajcuiꞌ li xul xinqꞌue rubel xcuanquil laj Nabucodonosor, chan li Ka̱cuaꞌ.

Jeremías 27:6

La̱in xinqꞌuehoc re chixjunil li naꞌajej aꞌin rubel xcuanquil laj Nabucodonosor lix reyeb laj Babilonia, li ta̱cꞌanjelak chicuu. Ut tinqꞌueheb ajcuiꞌ li xul li cuanqueb saꞌ qꞌuicheꞌ rubel xcuanquil.

Jeremías 20:2

quixtakla xsacꞌbal ut quixtakla xnatꞌbal li rok saꞌ cheꞌ cuan cuiꞌ li oqueba̱l re laj Benjamín li cuan chixcꞌatk li templo.

Lamentaciones 4:18

Eb li xicꞌ nequeꞌiloc ke yo̱queb chixqꞌuebal ketal. Incꞌaꞌ naru noco-el saꞌ be. Xcuulac xkꞌehil li kacamic. Osocꞌ ke.