Jeremías 37:1 - Li Santil hu

¹ Laj Nabucodonosor, lix reyeb laj Babilonia, quixxakab laj Sedequías li ralal laj Josías chokꞌ xreyeb laj Judá chokꞌ re̱kaj laj Jeconías li ralal laj Joacim.

Q'eqchi Bible

¹ Laj Nabukodonosor, li awab'ej re Babilonia, kixxaqab' laj Sedesías, ralal laj Josías, chi x'awab'ejinkil Judá, cho'q reeqaj laj Jekonías, ralal laj Johakín.

Jeremías 37:1 ပူးပေါင်းရင်းမြစ်များ

Jeremías 22:24

Li Ka̱cuaꞌ quixye re laj Jeconías li ralal laj Joacim lix reyeb laj Judá: —Saꞌ incꞌabaꞌ la̱in li yoꞌyo̱quil Dios, la̱in ninye a̱cue nak usta la̱at kꞌaxal lokꞌ chicuu joꞌ jun li matkꞌab li cuan saꞌ ruꞌuj cuukꞌ saꞌ lin nim, tatcuisi saꞌ cuukꞌ ut tatintzꞌekta̱na.

2 Reyes 24:17

Ut li rey Nabucodonosor quixxakab chokꞌ rey chokꞌ re̱kaj laj Joaquín laj Matanías li rican. Quixjal xcꞌabaꞌ laj Matanías. Aj Sedequías chic quixqꞌue chokꞌ xcꞌabaꞌ.

2 Reyes 24:12

Li rey Joaquín quixkꞌaxtesi rib rubel xcuanquil li rey Nabucodonosor rochben lix naꞌ ut eb li ralal, joꞌ eb ajcuiꞌ li nequeꞌiloc re laj Joaquín ut eb li nequeꞌtenkꞌan re chi takla̱nc. Laj Nabucodonosor quixchapeb ut quixcꞌameb chi pre̱xil. Aꞌin quicꞌulman nak ac yo̱ cuakxakib chihab roquic chokꞌ xreyeb laj Babilonia laj Nabucodonosor.

Jeremías 52:31

Nak yo̱ cuuklaju xcaꞌcꞌa̱l (37) chihab roquic chi pre̱xil aran Babilonia laj Joaquín lix reyeb laj Judá, laj Evil-merodac qui-oc chokꞌ xreyeb laj Babilonia. Saꞌ li o̱b xcaꞌcꞌa̱l xbe lix cablaju po re li chihab aꞌan laj Evil-merodac quirisi laj Joaquín saꞌ tzꞌalam.

Jeremías 24:1

Li Ka̱cuaꞌ quixcꞌut chicuu cuib li chacach nujenak chi higo cuan chiru li templo. Aꞌin quicꞌulman nak ac xcꞌameꞌ aran Babilonia laj Jeconías ralal laj Joacim lix reyeb laj Judá. Quichapeꞌ Jerusalén xban laj Nabucodonosor, lix reyeb laj Babilonia ut queꞌcꞌameꞌ ajcuiꞌ chixjunileb laj cꞌamol be saꞌ xya̱nkeb laj Judá, joꞌ eb ajcuiꞌ laj tenol chꞌi̱chꞌ ut eb laj pechꞌ.

Jeremías 22:28

Laj Jeremías quixye: —Laj Jeconías chanchan jun li cuc jorol, li ma̱cꞌaꞌ na-oc cuiꞌ ut ma̱ ani na-ajoc re. Joꞌcan nak queꞌcꞌameꞌ aꞌan rochbeneb li ralal xcꞌajol saꞌ jalan naꞌajej li incꞌaꞌ queꞌxnau.

Jeremías 21:1

Laj Sedequías lix reyeb laj Judá quixtakla laj Pasur li ralal laj Malquías riqꞌuin laj Jeremías. Ut quixtakla ajcuiꞌ laj Sofonías laj tij ralal laj Maasías re teꞌxye re laj Jeremías chi joꞌcaꞌin:

Jeremías 34:2

—La̱in li Ka̱cuaꞌ lix Dioseb laj Israel ninye a̱cue nak tatxic chixyebal re laj Sedequías lix reyeb laj Judá chi joꞌcaꞌin: La̱in li Ka̱cuaꞌ tinkꞌaxtesi li tenamit aꞌin saꞌ rukꞌ lix reyeb laj Babilonia ut aꞌan tixcꞌat li tenamit.