Jeremías 36:7 - Li Santil hu

⁷ Ma̱re teꞌtijok chiru li Dios ut teꞌxtzꞌa̱ma xcuybal xma̱c chiru ut teꞌxcanab xba̱nunquil li ma̱usilal xban nak li Ka̱cuaꞌ cꞌajoꞌ lix joskꞌil saꞌ xbe̱neb ut xye nak kꞌaxal ra tixba̱nu reheb li tenamit, chan laj Jeremías.

Q'eqchi Bible

⁷ Mare chan naq te'xtz'aama xkuyb'al li xmaakeb' chiru li Qaawa' ut li junjunq tixkanab' xb'aanunkil li maa'usilal, xb'aan naq k'ajo' xjosq'il li Qaawa' sa' xb'een li tenamit a'in”.

Jeremías 36:7 ပူးပေါင်းရင်းမြစ်များ

Jeremías 36:3

Ma̱re teꞌxcanab xba̱nunquil li ma̱usilal eb laj Judá nak teꞌrabi nak ta̱cha̱lk raylal saꞌ xbe̱neb, li nincꞌoxla xtaklanquil. Cui teꞌxjal xcꞌaꞌuxeb ut teꞌxcanab xba̱nunquil li ma̱usilal, la̱in tincuy tinsach lix ma̱queb ut lix ma̱usilal, chan li Ka̱cuaꞌ.

Oseas 5:15

Tintzꞌekta̱naheb ut tincanabeb xjuneseb toj teꞌxqꞌue retal lix ma̱queb ut teꞌoc chinsicꞌbal. Toj cuanqueb saꞌ raylal, tojoꞌnak teꞌxqꞌue retal lix ma̱usilaleb ut teꞌsukꞌi̱k cuiqꞌuin, chan li Ka̱cuaꞌ.

Lamentaciones 4:11

Quirisi xjoskꞌil li Ka̱cuaꞌ saꞌ xbe̱neb li cuanqueb Jerusalén. Quixtakla xam saꞌ li tenamit ut quilajeꞌsacheꞌ chixjunil. Joꞌ ajcuiꞌ lix cimiento li cab, queꞌosoꞌ xban xam.

Jeremías 21:5

La̱in tinpletik e̱riqꞌuin riqꞌuin lin cuanquil ut riqꞌuin lin metzꞌe̱u xban nak xeqꞌue injoskꞌil. Cau tinpletik e̱riqꞌuin xban nak xnumta lin joskꞌil saꞌ e̱be̱n.

Jeremías 4:4

La̱ex aj Judá ut la̱ex aj Jerusalén, isihomak li yibru naꞌleb li cuan saꞌ le̱ chꞌo̱l ut kꞌaxtesihomak e̱rib chi tzꞌakal saꞌ cuukꞌ la̱in li Ka̱cuaꞌ le̱ Dios. Chanchan nak na-uxman li circuncisión. Cui incꞌaꞌ te̱ba̱nu li cꞌaꞌru ninye, la̱in tinjoskꞌokꞌ e̱riqꞌuin xban li ma̱usilal li nequeba̱nu. Ut incꞌaꞌ ta̱numekꞌ lin joskꞌil saꞌ e̱be̱n. Chanchanak li xam li incꞌaꞌ nachup, chan li Ka̱cuaꞌ.

2 Reyes 22:17

Xinteneb li raylal aꞌin saꞌ xbe̱neb xban nak xineꞌxtzꞌekta̱na ut xeꞌxcꞌat li incienso chiruheb li jalanil dios. Xeꞌxchikꞌ injoskꞌil nak xeꞌxyi̱b riqꞌuin rukꞌeb li jalanil dios ut xeꞌxlokꞌoni. Yo̱ injoskꞌil saꞌ xbe̱neb laj Jerusalén. Incꞌaꞌ ta̱numekꞌ lin joskꞌil cui incꞌaꞌ tinba̱nu li cꞌaꞌru xinye,” chan li Dios.

2 Reyes 22:13

Quixye reheb: —Ayukex ut patzꞌomak re li Ka̱cuaꞌ chicuix la̱in ut chirixeb li tenamit ut chirixeb laj Judá. Patzꞌomak cꞌaꞌru takaba̱nu riqꞌuin li cꞌaꞌru tzꞌi̱banbil saꞌ li hu aꞌin. Li Ka̱cuaꞌ yo̱ xjoskꞌil saꞌ kabe̱n xban nak eb li kaxeꞌto̱nil yucuaꞌ incꞌaꞌ queꞌxba̱nu li cꞌaꞌru tzꞌi̱banbil saꞌ li hu aꞌin, chan li rey Josías.

Zacarías 1:4

Me̱ba̱nu joꞌ queꞌxba̱nu le̱ xeꞌto̱nil yucuaꞌ. Eb li profeta li queꞌcꞌanjelac chak junxil queꞌa̱tinac chak riqꞌuineb ut queꞌxye reheb, “Joꞌcaꞌin xye li Ka̱cuaꞌ Dios. Jalomak e̱cꞌaꞌux ut canabomak xba̱nunquil li ma̱usilal,” chanqueb. Abanan eb aꞌan incꞌaꞌ queꞌraj rabinquil li cꞌaꞌru quinye reheb, chan li Ka̱cuaꞌ.

Jonás 3:8

Cheꞌxqꞌuehak ban li kꞌes ru tꞌicr chirixeb chixjunileb li cuanqueb Nínive, joꞌqueb ajcuiꞌ li xul. Ut cau cheꞌxya̱ba̱k li Dios. Xjalakeb xcꞌaꞌux ut xcanabakeb xba̱nunquil li yibru naꞌleb li yo̱queb chixba̱nunquil.

Daniel 9:13

Chixjunil li raylal aꞌin xaqꞌue saꞌ kabe̱n joꞌ tzꞌi̱banbil saꞌ li chakꞌrab li caqꞌue re laj Moisés. Ut la̱o incꞌaꞌ ajcuiꞌ xkatzꞌa̱ma kacuybal cha̱cuu, at Ka̱cuaꞌ, at kaDios, chi moco xkacanab xba̱nunquil li ma̱usilal chi moco xkaj xtaubal ru lix ya̱lal.

Ezequiel 22:20

Xban nak yo̱ injoskꞌil saꞌ e̱be̱n, joꞌcan nak la̱in texinchꞌutub ut tinrakok a̱tin saꞌ e̱be̱n. Chanchan nak nequeꞌxchꞌutub li plata, li cobre, li hierro ut li plomo joꞌ ajcuiꞌ li kꞌan chꞌi̱chꞌ ut nequeꞌxqꞌue saꞌ li tikcual xam re nak ta̱haꞌokꞌ.

Ezequiel 20:33

La̱in li yoꞌyo̱quil Dios ninye e̱re nak relic chi ya̱l la̱in tintakla̱nk chi cau saꞌ e̱be̱n la̱ex ut saꞌ joskꞌil.

Ezequiel 13:13

Joꞌcaꞌin xye li Ka̱cuaꞌ li nimajcual Dios: —Xban nak cꞌajoꞌ lin joskꞌil saꞌ xbe̱neb, la̱in tintakla li cacuil ikꞌ ut li cacuil hab, joꞌ ajcuiꞌ li sakbach. Ut ta̱sachekꞌ li tzꞌac li xeꞌxyi̱b.

Ezequiel 8:18

Xban nak cꞌajoꞌ lin joskꞌil saꞌ xbe̱neb, la̱in tinqꞌueheb chixtojbal lix ma̱queb. La̱in incꞌaꞌ tintokꞌoba ruheb chi moco tincuuxta̱naheb ru. Usta nequeꞌxjap reheb chixya̱banquil lin cꞌabaꞌ, abanan la̱in incꞌaꞌ chic tincuabi lix tijeb.

Ezequiel 5:13

Nak acak xinba̱nu li cꞌaꞌru xinye, ta̱e̱lk lin joskꞌil ut ta̱cꞌojla̱k inchꞌo̱l. Nak xcuisi lin joskꞌil saꞌ e̱be̱n, te̱qꞌue retal nak la̱in li Ka̱cuaꞌ quinyehoc re aꞌin nak yo̱ injoskꞌil.

Jeremías 26:3

Ma̱re teꞌabi̱nk cha̱cuu ut teꞌxcanab xba̱nunquil li ma̱usilal. Cui teꞌxcanab xba̱nunquil, la̱in incꞌaꞌ tinqꞌue li raylal saꞌ xbe̱neb li yo̱quin chixcꞌoxlanquil.

Jeremías 25:5

Eb li profetas queꞌxye e̱re, “Canabomak xba̱nunquil li ma̱usilal. Me̱ba̱nu chic li incꞌaꞌ us re nak naru texcua̱nk saꞌ li naꞌajej li quiqꞌueheꞌ e̱re la̱ex ut reheb ajcuiꞌ le̱ xeꞌto̱nil yucuaꞌ chi junelic xban li Ka̱cuaꞌ.

Jeremías 19:15

—Joꞌcaꞌin xye li nimajcual Dios, lix Dioseb laj Israel, “La̱in tinqꞌue chak li raylal saꞌ xbe̱n li tenamit Jerusalén, joꞌ ajcuiꞌ saꞌ xbe̱neb li tenamit li cuanqueb chi xjun sutam. Li raylal aꞌin ac tenebanbil saꞌ xbe̱neb inban la̱in xban nak xeꞌxcacuubresi lix chꞌo̱leb ut incꞌaꞌ queꞌraj rabinquil li cua̱tin,” chan li Ka̱cuaꞌ.—

Jeremías 16:10

Nak ta̱ye reheb li tenamit li cꞌaꞌru xinye, eb aꞌan teꞌxye a̱cue, “¿Cꞌaꞌut nak li Ka̱cuaꞌ tixqꞌue chak li nimla raylal aꞌin saꞌ kabe̱n? ¿Cꞌaꞌru li incꞌaꞌ us xkaba̱nu la̱o? ¿Ma cuan ta biꞌ kama̱c chiru li Ka̱cuaꞌ li kaDios?” chaꞌakeb.

Jeremías 1:3

Quia̱tinac cuiꞌchic li Ka̱cuaꞌ riqꞌuin laj Jeremías nak laj Joacim ralal laj Josías quicuan chokꞌ xreyeb laj Judá. Ut quia̱tinac ajcuiꞌ riqꞌuin nabal sut chalen toj saꞌ li junlaju chihab roquic chokꞌ xreyeb laj Judá laj Sedequías ralal laj Josías. Saꞌ roꞌ li po saꞌ ajcuiꞌ li chihab aꞌan, eb laj Jerusalén queꞌchapeꞌ xbaneb laj Babilonia ut queꞌcꞌameꞌ chi pre̱xil.

2 Crónicas 34:21

Quixye reheb: —Ayukex. Patzꞌomak chak re li Dios cꞌaꞌru tinba̱nu la̱in ut cꞌaꞌru teꞌxba̱nu li joꞌ qꞌuial chic queꞌcana Israel ut Judá riqꞌuin li cꞌaꞌru tzꞌi̱banbil saꞌ li hu aꞌin, li xeꞌxtau saꞌ li templo. Cꞌajoꞌ xjoskꞌil li Dios saꞌ kabe̱n xban nak eb li kaxeꞌto̱nil yucuaꞌ queꞌxkꞌet li ra̱tin li Dios ut incꞌaꞌ queꞌxba̱nu li cꞌaꞌru tzꞌi̱banbil saꞌ li hu aꞌin, chan li rey reheb.

Deuteronomio 31:17

Saꞌ li cutan aꞌan la̱in tinjoskꞌokꞌ saꞌ xbe̱neb ut tintzꞌekta̱naheb. Tincanabeb xjuneseb ut teꞌsachekꞌ ruheb. Nabal li raylal ut li chꞌaꞌajquilal ta̱cha̱lk saꞌ xbe̱neb. Ut eb aꞌan teꞌxye: —Yo̱co chixcꞌulbal li raylal aꞌin xban nak li Ka̱cuaꞌ li kaDios xoxcanab kajunes, chaꞌkeb.

Deuteronomio 31:16

Ut li Ka̱cuaꞌ quixye re laj Moisés: —La̱at tatxic chi hila̱nc a̱cuochbeneb la̱ xeꞌto̱nil yucuaꞌ. Chi se̱b li tenamit aꞌin teꞌxtiquib xlokꞌoninquileb li jalanil dios saꞌ li naꞌajej li teꞌxic cuiꞌ. Chanchanakeb chic li ixk li nequeꞌxcꞌayi ribeb. Tineꞌxtzꞌekta̱na ut teꞌxkꞌet li contrato li quinba̱nu riqꞌuineb.

Jeremías 37:20

Anakcuan ut china̱cuabi, at rey. Chaba̱nu taxak li tintzꞌa̱ma cha̱cuu. Mina̱takla chic saꞌ li rochoch laj Jonatán laj tzꞌi̱b. Ma̱re anchal tinca̱mk aran, chan laj Jeremías.

Jeremías 42:2

Queꞌxye re laj Jeremías: —Ba̱nu usilal, chacuabi li cꞌaꞌru nakatzꞌa̱ma cha̱cuu. Chattijok chikix chiru li Ka̱cuaꞌ la̱ Dios. Tattijok chikix li joꞌ qꞌuial chic incꞌaꞌ xsacheꞌ ku. Junxil nabalo, abanan anakcuan coꞌxib aj chic xocana, joꞌ yo̱cat chirilbal.

Ezequiel 12:3

Joꞌcan ut, at ralal cui̱nk, cauresi li cꞌaꞌru a̱cue re tatxic. Chi cutan ut chiruheb chixjunileb tat-e̱lk saꞌ la̱ naꞌaj li cuancat cuiꞌ ut tatxic saꞌ jalan naꞌajej. Ma̱re chi joꞌcan teꞌxtau xya̱lal, usta kꞌaxal kꞌetkꞌeteb.

Daniel 9:18

Chacuabi taxak lin tij, at Ka̱cuaꞌ Dios, ut chacuil taxak xtokꞌoba̱l ku, at inDios. Chacuil taxak li raylal li yo̱co chixcꞌulbal. Chacuil taxak la̱ tenamit Jerusalén li sachbil ru. Nakaya̱ba la̱ cꞌabaꞌ saꞌ xbe̱n li tenamit aꞌan. Moco xban ta nak ti̱c li kachꞌo̱l nak nocotijoc cha̱cuu. Nocotijoc ban cha̱cuu xban nak nim la̱ cuuxta̱n.

Joel 2:12

—Anakcuan yotꞌomak e̱chꞌo̱l, chan li Ka̱cuaꞌ. Chexya̱bak ut cheba̱nu e̱-ayu̱n. Sukꞌinkex cuiꞌchic cuiqꞌuin chi anchal e̱chꞌo̱l, chan.

Joel 2:13

Cheyotꞌ e̱chꞌo̱l chiru li Dios ut me̱pej chic le̱ rakꞌ. Jalomak ban e̱cꞌaꞌux ut patzꞌomak e̱cuybal chiru li Ka̱cuaꞌ le̱ Dios xban nak aꞌan na-uxta̱nan u ut nequexra. Aꞌan incꞌaꞌ najoskꞌoꞌ saꞌ junpa̱t. Kꞌaxal nim ban xcuyum ut narahoꞌ saꞌ xchꞌo̱l nak naxqꞌue li tojbal ma̱c saꞌ e̱be̱n.