Jeremías 36:6 - Li Santil hu

⁶ Ayu la̱at saꞌ li templo saꞌ li cutan nak tex-ayunik ut ta̱cuil xsaꞌ li hu aꞌin re nak chixjunileb li tenamit teꞌrabi li cꞌaꞌru quixye li Ka̱cuaꞌ. Ut ta̱cuil ajcuiꞌ xsaꞌ chiruheb chixjunileb li cristian li nequeꞌchal chak saꞌ eb li tenamit li cuanqueb Judá.

Q'eqchi Bible

⁶ Jo'kan utan ohat laa'at sa' xkutankil li ayuunik ut yaab'asi chi kaw xyaab' laakux chixjunil li raatin li Qaawa' li xink'e chatz'iib'a sa' li b'otb'ookil hu. Yaab'asi sa' xxikeb' li poyanam ut sa' xxikeb' ajwi' chixjunileb' laj Judá li xe'chalje'k chaq sa' li xtenamiteb'.

Jeremías 36:6 ပူးပေါင်းရင်းမြစ်များ

Jeremías 26:2

Quixye re: —Xaklin saꞌ li neba̱l chiru li oqueba̱l re lin templo ut a̱tinan riqꞌuineb chixjunileb li nequeꞌchal chi lokꞌoni̱nc. Ye reheb chixjunil li a̱tin li xinye a̱cue. Ma̱ jun li a̱tin li xinye incꞌaꞌ ta ta̱ye reheb.

Jeremías 22:2

“At rey, la̱at lix reyeb laj Judá. La̱at chunchu̱cat saꞌ xcꞌojariba̱l laj David. Chacuabihak li a̱tin aꞌin la̱at, joꞌ eb ajcuiꞌ li nequeꞌcꞌanjelac cha̱cuu ut chixjunileb la̱ tenamit li nequeꞌnumeꞌ saꞌ eb li oqueba̱l aꞌin.

Jeremías 7:2

—Xaklin chire lix puertil lin templo ut ta̱ye li a̱tin aꞌin reheb li cristian: Abihomak li cꞌaꞌru xye li Dios e̱re che̱junilex la̱ex aj Judá. Abihomak che̱junilex la̱ex li nequex-oc chixlokꞌoninquil li Ka̱cuaꞌ Dios.

Hechos 27:9

Nabal cutan cobay saꞌ li naꞌajej aꞌan ut xiu xiu chic li xic chiru haꞌ xban nak cuulac re li habalkꞌe. Joꞌcan nak laj Pablo qui-oc chixqꞌuebal xnaꞌlebeb laj chꞌeꞌol jucub.

Jeremías 19:14

Chirix chic aꞌan laj Jeremías qui-el Tofet ut co̱ cuiꞌchic Jerusalén, li quitakla̱c cuiꞌ xban li Ka̱cuaꞌ chixyebal reheb li tenamit cꞌaꞌru ta̱cꞌulma̱nk. Laj Jeremías quixakli saꞌ li neba̱l re li templo ut quixye reheb li tenamit chi joꞌcaꞌin:

Jeremías 18:11

Joꞌcan nak ta̱ye reheb li cuanqueb Judá ut reheb li cuanqueb Jerusalén nak joꞌcaꞌin naxye li Ka̱cuaꞌ: La̱in oc cue chixqꞌuebal li raylal saꞌ e̱be̱n. Yo̱quin chixcꞌu̱banquil ru cꞌaꞌru tinba̱nu re e̱sachbal. Joꞌcan nak canabomak le̱ ma̱usilal. Jalomak e̱cꞌaꞌux ut yi̱bomak le̱ yuꞌam.

Jeremías 36:2

—Sicꞌ jun botolak li hu ut ta̱tzꞌi̱ba chiru chixjunil li xinye a̱cue chirixeb laj Israel ut chirixeb laj Judá ut tzꞌi̱ba ajcuiꞌ li xinye chirixeb ajcuiꞌ chixjunileb li tenamit jun chꞌol chic. Toj cua̱nk chokꞌ rey laj Josías nak quintiquib a̱tinac a̱cuiqꞌuin ut toj chalen anakcuan.

Jeremías 36:4

Ut laj Jeremías quixbok laj Baruc, li ralal laj Nerías ut quixye re chixjunil li quiyeheꞌ re xban li Ka̱cuaꞌ Dios. Ut laj Baruc quixtzꞌi̱ba chixjunil saꞌ li hu joꞌ quiyeheꞌ re xban laj Jeremías.

Zacarías 8:19

—Li ayu̱n li nequeba̱nu rajlal chihab saꞌ xca̱ li po, saꞌ roꞌ li po, saꞌ xcuuk li po ut saꞌ xlaje li po ta̱sukꞌisi̱k chokꞌ ninkꞌe re sahil chꞌo̱lejil chokꞌ e̱re la̱ex li ralal xcꞌajol laj Judá. Joꞌcan nak qꞌuehomak e̱chꞌo̱l chi cua̱nc saꞌ xya̱lal ut saꞌ tuktu̱quil usilal, chan li Ka̱cuaꞌ.