Jeremías 36:4 - Li Santil hu

⁴ Ut laj Jeremías quixbok laj Baruc, li ralal laj Nerías ut quixye re chixjunil li quiyeheꞌ re xban li Ka̱cuaꞌ Dios. Ut laj Baruc quixtzꞌi̱ba chixjunil saꞌ li hu joꞌ quiyeheꞌ re xban laj Jeremías.

Q'eqchi Bible

⁴ Toja' naq laj Jeremías kixb'oq laj Baruk, ralal laj Nerías, ut kixk'e chixtz'iib'a sa' li b'otb'ookil hu chixjunil li kiyehe'k re xb'aan li Qaawa'.

Jeremías 36:4 ပူးပေါင်းရင်းမြစ်များ

Jeremías 32:12

Ut xinqꞌue li hu aꞌin re laj Baruc, li ralal laj Nerías, li ri laj Maasías, chiru laj Hanameel li ralal li cuican, ut chiruheb li testigo li queꞌxtzꞌi̱ba xcꞌabaꞌeb saꞌ lix huhul li chꞌochꞌ ut chiruheb ajcuiꞌ chixjunileb laj judío li cuanqueb saꞌ li neba̱l re li cab li cuanquin cuiꞌ chi pre̱xil.

Ezequiel 2:9

Ut quicuil jun li ukꞌej yo̱ chixqꞌuebal cue jun li botbil hu.

Jeremías 36:32

Ut laj Jeremías quixchap jun chic li botbil hu ut quixqꞌue re laj Baruc laj tzꞌi̱b, li ralal laj Nerías. Laj Baruc quixtzꞌi̱ba saꞌ li hu chixjunil li a̱tin li quiyeheꞌ re xban laj Jeremías. Quixtzꞌi̱ba chixjunil li quicuan saꞌ li hu li quixcꞌat laj Joacim lix reyeb laj Judá. Ut toj cuan chic nabal xcomon li a̱tin li quixtzꞌi̱ba saꞌ li hu.

Jeremías 43:3

Laj Baruc li ralal laj Nerías yo̱ chi tacchiꞌi̱nc a̱cue re nak toa̱kꞌaxtesi saꞌ rukꞌeb laj Babilonia re nak toeꞌxcamsi malaj ut toeꞌxcꞌam chi pre̱xil aran Babilonia, chanqueb.

Romanos 16:22

La̱in laj Tercio. Yo̱quin chixtzꞌi̱banquil li hu aꞌin li tixtakla e̱re laj Pablo. Ut nintakla ajcuiꞌ xsahil e̱chꞌo̱l saꞌ xcꞌabaꞌ li Cristo.

Zacarías 5:1

Quicꞌutbesi̱c cuiꞌchic chicuu jun li visión. Quicuil nak yo̱ chi xic saꞌ ikꞌ jun li botbil hu tzꞌi̱banbil ru.

Jeremías 36:28

Ut quixye re: —Ta̱chap jun chic li botbil hu ut ta̱tzꞌi̱ba cuiꞌchic li a̱tin chi saꞌ, li tzꞌi̱banbil saꞌ li botbil hu li quetzꞌi̱ba xbe̱n cua, li quixcꞌat laj Joacim lix reyeb laj Judá.

Jeremías 36:26

Li rey quixtaklaheb laj Jerameel li ralal laj Hamelec, ut laj Seraías li ralal laj Azriel, ut laj Selemías li ralal laj Abdeel chixchapbaleb laj Baruc laj tzꞌi̱b ut li profeta Jeremías re nak teꞌxqꞌue chi pre̱xil. Abanan li Ka̱cuaꞌ quixtenkꞌaheb re teꞌxmuk rib chiruheb.

Jeremías 36:23

Nak yo̱ chirilbal xsaꞌ li hu laj Jehudí, li rey quixchap li ac xril ut quixset chi chꞌi̱chꞌ ut quixcut saꞌ xam. Quixba̱nu chi joꞌcan toj retal quixchoy xcꞌatbal chixjunil li hu nak ac xeꞌrabi li cꞌaꞌru naxye.

Jeremías 36:21

Ut li rey quixtakla laj Jehudí chixcꞌambal li botbil hu. Laj Jehudí quixxoc chak li botbil hu saꞌ xnaꞌaj laj Elisama laj tzꞌi̱b. Quiril xsaꞌ li hu laj Jehudí chiru li rey ut chiruheb ajcuiꞌ chixjunileb li cuanqueb xcuanquil, li chꞌutchꞌu̱queb rochben li rey.

Isaías 8:1

Li Ka̱cuaꞌ quixye cue: —Chap jun pere̱lak li tzꞌalam cheꞌ nim ru ut chiru aꞌan ta̱tzꞌi̱ba chi tzꞌakal re ru li a̱tin aꞌin: Maher-salal-hasbaz.

Jeremías 25:13

La̱in tinqꞌueheb chixcꞌulbal chixjunil li raylal li xinye. Teꞌxcꞌul chixjunil li raylal li tzꞌi̱banbil saꞌ li hu aꞌin joꞌ quixye li profeta Jeremías chirixeb chixjunileb li tenamit.

Jeremías 30:2

—Aꞌan aꞌin li a̱tin li quixye li Ka̱cuaꞌ, lix Dioseb laj Israel. Tzꞌi̱ba saꞌ jun li hu chixjunil li xinye a̱cue.

Jeremías 36:6

Ayu la̱at saꞌ li templo saꞌ li cutan nak tex-ayunik ut ta̱cuil xsaꞌ li hu aꞌin re nak chixjunileb li tenamit teꞌrabi li cꞌaꞌru quixye li Ka̱cuaꞌ. Ut ta̱cuil ajcuiꞌ xsaꞌ chiruheb chixjunileb li cristian li nequeꞌchal chak saꞌ eb li tenamit li cuanqueb Judá.

Jeremías 36:14

Eb li cuanqueb xcuanquil queꞌxbok laj Jehudí li ralal laj Netanías. Laj Netanías, aꞌan li ralal laj Selemías ut laj Selemías, aꞌan li ralal laj Cusi. Ut queꞌxtakla laj Jehudí chixyebal re laj Baruc nak tixcꞌam li botbil hu riqꞌuineb, li quiril xsaꞌ chiruheb li tenamit. Ut laj Baruc quixcꞌam li hu riqꞌuineb.

Jeremías 36:27

Li Dios quia̱tinac cuiꞌchic riqꞌuin laj Jeremías, nak ac xcꞌat li hu li rey, li tzꞌi̱banbil cuiꞌ li a̱tin li quixye laj Jeremías li quitzꞌi̱ba̱c xban laj Baruc.

Jeremías 51:59

Saꞌ li xca̱ chihab roquic chokꞌ xreyeb laj Israel laj Sedequías, nak li profeta Jeremías quia̱tinac riqꞌuin laj Seraías, li ralal laj Nerías, ut li ri laj Maasías. Laj Seraías quirochbeni li rey Sedequías nak co̱ Babilonia. Aꞌan li na-iloc re li rey.

Jeremías 51:60

Li profeta Jeremías quixtzꞌi̱ba saꞌ jun li botbil hu li raylal li tixcꞌul eb laj Babilonia, joꞌ ajcuiꞌ lix tenamiteb.

Daniel 7:1

Saꞌ li xbe̱n chihab nak laj Belsasar quicuan chokꞌ xreyeb laj Babilonia, laj Daniel yo̱ chi cua̱rc saꞌ lix chꞌa̱t nak quiril jun li visión li quicꞌutbesi̱c chiru saꞌ lix matcꞌ. Ut quixtzꞌi̱ba li cꞌaꞌru quiril.

Isaías 30:8

Li Ka̱cuaꞌ quixye cue nak tintzꞌi̱ba retalil saꞌ jun li hu chanru lix naꞌlebeb laj Israel. Li hu aꞌan cua̱nk junelic ut aꞌanak retalil chanru lix naꞌlebeb.