Jeremías 36:3 - Li Santil hu

³ Ma̱re teꞌxcanab xba̱nunquil li ma̱usilal eb laj Judá nak teꞌrabi nak ta̱cha̱lk raylal saꞌ xbe̱neb, li nincꞌoxla xtaklanquil. Cui teꞌxjal xcꞌaꞌuxeb ut teꞌxcanab xba̱nunquil li ma̱usilal, la̱in tincuy tinsach lix ma̱queb ut lix ma̱usilal, chan li Ka̱cuaꞌ.

Q'eqchi Bible

³ Mare anchal eb' laj Judá te'rab'i chixjunil li rahilal xink'oxla xb'aanunkil reheb', te'xyot' xch'ool te'xjal xk'a'uxl ut laa'in tinkuy tinsach li xmaakeb'”.

Jeremías 36:3 ပူးပေါင်းရင်းမြစ်များ

Jeremías 18:8

Abanan cui eb li tenamit aꞌin teꞌxjal xcꞌaꞌux ut teꞌxcanab xba̱nunquil li ma̱usilal, la̱in tincuil xtokꞌoba̱l ruheb ut incꞌaꞌ chic tinrahobtesiheb joꞌ xincꞌoxla xba̱nunquil reheb.

Hechos 3:19

Joꞌcan ut nak yotꞌomak e̱chꞌo̱l ut jalomak e̱cꞌaꞌux ut sicꞌomak li Ka̱cuaꞌ re nak aꞌan tixcuy tixsach le̱ ma̱c. Ut li Ka̱cuaꞌ tixqꞌue xcacuilal ut xsaylal e̱chꞌo̱l.

Ezequiel 12:3

Joꞌcan ut, at ralal cui̱nk, cauresi li cꞌaꞌru a̱cue re tatxic. Chi cutan ut chiruheb chixjunileb tat-e̱lk saꞌ la̱ naꞌaj li cuancat cuiꞌ ut tatxic saꞌ jalan naꞌajej. Ma̱re chi joꞌcan teꞌxtau xya̱lal, usta kꞌaxal kꞌetkꞌeteb.

Jeremías 26:3

Ma̱re teꞌabi̱nk cha̱cuu ut teꞌxcanab xba̱nunquil li ma̱usilal. Cui teꞌxcanab xba̱nunquil, la̱in incꞌaꞌ tinqꞌue li raylal saꞌ xbe̱neb li yo̱quin chixcꞌoxlanquil.

Deuteronomio 30:2

Nak la̱ex joꞌ eb ajcuiꞌ le̱ ralal e̱cꞌajol te̱jal e̱cꞌaꞌux ut texsukꞌi̱k riqꞌuin li Ka̱cuaꞌ le̱ Dios, chi anchal e̱chꞌo̱l ut chi anchal e̱metzꞌe̱u te̱ba̱nu li cꞌaꞌru naraj aꞌan joꞌ yo̱quin chixyebal e̱re anakcuan.

Jeremías 36:7

Ma̱re teꞌtijok chiru li Dios ut teꞌxtzꞌa̱ma xcuybal xma̱c chiru ut teꞌxcanab xba̱nunquil li ma̱usilal xban nak li Ka̱cuaꞌ cꞌajoꞌ lix joskꞌil saꞌ xbe̱neb ut xye nak kꞌaxal ra tixba̱nu reheb li tenamit, chan laj Jeremías.

2 Pedro 3:9

Cuan li nequeꞌxye nak li Ka̱cuaꞌ Jesucristo xbay chak chi cha̱lc. Incꞌaꞌ ajcuiꞌ xcꞌulun joꞌ quixye, chanqueb. Abanan incꞌaꞌ yo̱ chak chi ba̱yc. Toj ma̱jiꞌ nacꞌulun xban nak nim lix cuyum e̱riqꞌuin la̱ex. Incꞌaꞌ naraj nak ta̱sachk junak. Naraj ban nak teꞌyotꞌekꞌ xchꞌo̱l ut teꞌxjal xcꞌaꞌux.

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

San Marcos 4:12

Usta yo̱queb chi iloc, abanan incꞌaꞌ teꞌxqꞌue retal. Usta yo̱queb chi abi̱nc, abanan incꞌaꞌ teꞌxtau xya̱lal. Ta̱uxma̱nk chi joꞌcan re nak incꞌaꞌ teꞌxyotꞌ xchꞌo̱leb ut incꞌaꞌ teꞌxjal xcꞌaꞌuxeb ut incꞌaꞌ ta̱cuyekꞌ xma̱queb.—

Jeremías 35:15

Nabal sut quintakla lin profetas e̱riqꞌuin. Queꞌxye e̱re nak che̱junilex te̱jal le̱ cꞌaꞌux ut te̱canab xba̱nunquil li ma̱usilal. Queꞌxye e̱re nak incꞌaꞌ te̱lokꞌoniheb li jalanil dios, chi moco texcꞌanjelak chiruheb. Cui te̱ba̱nu chi joꞌcan texcua̱nk saꞌ li naꞌajej li quinqꞌue reheb le̱ xeꞌto̱nil yucuaꞌ ut e̱re ajcuiꞌ la̱ex, chanqueb. Abanan, la̱ex incꞌaꞌ xex-abin chicuu.

Jeremías 24:7

Tintenkꞌaheb re nak teꞌxnau nak la̱in li Ka̱cuaꞌ. Aꞌanakeb lin tenamit ut la̱inak lix Dioseb xban nak teꞌsukꞌi̱k cuiꞌchic cuiqꞌuin ut tineꞌxpa̱b chi anchaleb xchꞌo̱l.

Jeremías 18:11

Joꞌcan nak ta̱ye reheb li cuanqueb Judá ut reheb li cuanqueb Jerusalén nak joꞌcaꞌin naxye li Ka̱cuaꞌ: La̱in oc cue chixqꞌuebal li raylal saꞌ e̱be̱n. Yo̱quin chixcꞌu̱banquil ru cꞌaꞌru tinba̱nu re e̱sachbal. Joꞌcan nak canabomak le̱ ma̱usilal. Jalomak e̱cꞌaꞌux ut yi̱bomak le̱ yuꞌam.

1 Samuel 7:3

Ut laj Samuel quixye reheb laj Israel: —Cui la̱ex texsukꞌi̱k cuiꞌchic riqꞌuin li Ka̱cuaꞌ chi anchal e̱chꞌo̱l, tento nak te̱tzꞌekta̱na chi junaj cua chixjunileb li jalanil dios li cuanqueb saꞌ e̱ya̱nk joꞌ ajcuiꞌ li yi̱banbil dios xAstarot ut kꞌaxtesihomak e̱rib re li Ka̱cuaꞌ. Junes aꞌan chic te̱lokꞌoni. Ut li Ka̱cuaꞌ ta̱colok e̱re saꞌ rukꞌeb laj filisteo, chan.

Deuteronomio 30:8

Te̱ba̱nu cuiꞌchic li cꞌaꞌru naraj li Ka̱cuaꞌ le̱ Dios ut te̱ba̱nu chixjunil li chakꞌrab li yo̱quin chixqꞌuebal e̱re saꞌ li cutan aꞌin.

Hechos 28:27

Xban nak cacuubresinbil lix chꞌo̱leb li tenamit aꞌin, joꞌcan nak incꞌaꞌ teꞌxtau xya̱lal. Incꞌaꞌ saken teꞌabi̱nk ut incꞌaꞌ saken teꞌilok re nak incꞌaꞌ teꞌxtau xya̱lal li cꞌaꞌru teꞌril ut incꞌaꞌ teꞌxtau xya̱lal li teꞌrabi. Incꞌaꞌ teꞌxtau xya̱lal, chi moco teꞌxjal xcꞌaꞌux, chi moco tebinqꞌuirtesi, chan li Dios. (Isa. 6:9-10)

Hechos 26:20

Ut xbe̱n cua quinchꞌolob xya̱lal chiruheb li cuanqueb Damasco ut Jerusalén. Chirix aꞌan quinchꞌolob xya̱lal chiruheb laj judío li cuanqueb Judea, joꞌ ajcuiꞌ chiruheb li ma̱cuaꞌeb aj judío. Quinye reheb nak tento teꞌyotꞌekꞌ xchꞌo̱leb teꞌxjal xcꞌaꞌuxeb ut teꞌxkꞌaxtesi ribeb re li Dios ut teꞌxba̱nu li us joꞌ xcꞌulubeb li ac xeꞌpa̱ban.

San Lucas 20:13

Tojoꞌnak laj e̱chal re li chꞌochꞌ quixye: “¿Cꞌaꞌru tinba̱nu anakcuan? Tintakla li cualal li kꞌaxal raro inban. Nak teꞌril li cualal, ma̱re teꞌxcꞌul saꞌ xya̱lal,” chan saꞌ xchꞌo̱l.

San Mateo 13:15

Li tenamit aꞌin xeꞌa̱loꞌ lix chꞌo̱leb ut chanchan tzꞌaptzꞌo lix xiqueb ut chanchaneb li mutzꞌ. Joꞌcan nak incꞌaꞌ nequeꞌxnau lix ya̱lal. Cui ta ma̱cuaꞌ joꞌcan, teꞌilok raj ut teꞌxqꞌue raj retal li teꞌril ut teꞌabi̱nk raj ut teꞌxtau raj ru li nequeꞌrabi ut teꞌyotꞌekꞌ raj xchꞌo̱l ut teꞌxjal raj xcꞌaꞌuxeb ut la̱in tebinqꞌuirtesi raj. (Isa. 6:9-10)

Sofonías 2:3

Sicꞌomak li Ka̱cuaꞌ che̱junilex la̱ex li tu̱lanex saꞌ ruchichꞌochꞌ. Sicꞌomak li Ka̱cuaꞌ la̱ex li nequeba̱nu li cꞌaꞌru naraj li Ka̱cuaꞌ. Ti̱cak le̱ chꞌo̱l ut cheba̱nu li cha̱bilal. Ma̱re chan nak texcolekꞌ chiru lix joskꞌil li Dios saꞌ eb li cutan aꞌan.

Ezequiel 18:23

Li nimajcual Dios quixye: —¿Ma nasahoꞌ ta biꞌ inchꞌo̱l nak junak ta̱ca̱mk xban li ma̱usilal li quixba̱nu? Incꞌaꞌ. Nasahoꞌ ban saꞌ inchꞌo̱l nak naxjal xcꞌaꞌux ut naxcanab xba̱nunquil li ma̱usilal ut ta̱cua̱nk xyuꞌam.

Jeremías 23:14

Joꞌcaneb ajcuiꞌ li profetas li cuanqueb Jerusalén. Kꞌaxal cuiꞌchic yibru nequeꞌxba̱nu. Nequeꞌxmux ru lix sumlajiqueb ut nequeꞌticꞌtiꞌic. Eb aꞌan nequeꞌoquen chirixeb li incꞌaꞌ useb xnaꞌleb. Ut incꞌaꞌ nequeꞌxcanab xba̱nunquil li ma̱usilal. Chicuu la̱in eb aꞌan juntakꞌe̱teb riqꞌuineb laj Sodoma ut eb laj Gomorra.

Isaías 6:10

Ut quixye cuiꞌchic cue li Ka̱cuaꞌ: —A̱lobresi lix chꞌo̱leb li tenamit aꞌin re nak incꞌaꞌ teꞌxtau xya̱lal. Incꞌaꞌ saken cheꞌabi̱nk ut incꞌaꞌ saken cheꞌilok re nak incꞌaꞌ cheꞌilok riqꞌuin li ruheb ut incꞌaꞌ saken cheꞌabi̱nk riqꞌuin lix xiqꞌueb, chi moco lix chꞌo̱leb chixtau xya̱lal, chi moco teꞌsukꞌi̱k cuiqꞌuin re tebinqꞌuirtesi, chan.

Nehemías 1:9

Abanan caye ajcuiꞌ nak cui tosukꞌi̱k cuiꞌchic a̱cuiqꞌuin ut cui takaba̱nu li cꞌaꞌru caye saꞌ la̱ chakꞌrab, toa̱cꞌam cuiꞌchic saꞌ li tenamit li casicꞌ ru chokꞌ a̱naꞌaj, usta ac chaꞌchaꞌinbil ku saꞌ eb li najtil tenamit.

Deuteronomio 5:29

Us raj nak eb li cualal incꞌajol incꞌaꞌ teꞌxjal xcꞌaꞌuxeb. Junelic raj teꞌxxucua cuu. Junelic raj teꞌxba̱nu li cꞌaꞌru naxye saꞌ lin chakꞌrab re nak junelic us teꞌe̱lk joꞌ eb ajcuiꞌ li ralal xcꞌajoleb.

Salmos 139:24

Chaqꞌue taxak retal ma cuan li ma̱usilal yo̱quin chixba̱nunquil. China̱beresi re nak toxintau li junelic yuꞌam.