Jeremías 36:2 - Li Santil hu

² —Sicꞌ jun botolak li hu ut ta̱tzꞌi̱ba chiru chixjunil li xinye a̱cue chirixeb laj Israel ut chirixeb laj Judá ut tzꞌi̱ba ajcuiꞌ li xinye chirixeb ajcuiꞌ chixjunileb li tenamit jun chꞌol chic. Toj cua̱nk chokꞌ rey laj Josías nak quintiquib a̱tinac a̱cuiqꞌuin ut toj chalen anakcuan.

Q'eqchi Bible

² “Sik' junaq b'otb'ookil hu ut tz'iib'a chisa' chixjunileb' li aatin inyehom aawe chirix li tixk'ul laj Israel, laj Judá ut chirix chixjunileb' li tenamit chalen chaq xb'enwa toj anaqwan.

Jeremías 36:2 ပူးပေါင်းရင်းမြစ်များ

Jeremías 30:2

—Aꞌan aꞌin li a̱tin li quixye li Ka̱cuaꞌ, lix Dioseb laj Israel. Tzꞌi̱ba saꞌ jun li hu chixjunil li xinye a̱cue.

Jeremías 25:3

Ut quixye reheb: —Chalen nak yo̱ oxlaju chihab roquic chokꞌ xreyeb laj Judá laj Josías li ralal laj Amón ut toj anakcuan li Ka̱cuaꞌ yo̱ chi a̱tinac cuiqꞌuin. Ut chiru oxib xcaꞌcꞌa̱l (23) chihab la̱in rajlal yo̱quin chixyebal e̱re li cꞌaꞌru quixye li Ka̱cuaꞌ. Abanan la̱ex incꞌaꞌ xex-abin.

Jeremías 1:10

Abi li tinye a̱cue. Anakcuan xinqꞌue a̱cuanquil saꞌ xbe̱neb li xni̱nkal ru tenamit ut saꞌ xbe̱neb li cuanqueb xcuanquil. Cua̱nk a̱cuanquil chixpoꞌbaleb li tenamit ut chixsachbaleb, chirisinquileb ut chi numta̱c saꞌ xbe̱neb. Ut cua̱nk ajcuiꞌ a̱cuanquil re xcuaclesinquileb cuiꞌchic ut re xqꞌuebal xcacuilal xchꞌo̱leb, chan li Dios cue.

Éxodo 17:14

Ut li Dios quixye re laj Moisés: —Ta̱tzꞌi̱ba retalil aꞌin saꞌ junak hu re nak junelic cua̱nk saꞌ xchꞌo̱leb. Ta̱ye re laj Josué nak la̱in tinrakok a̱tin saꞌ xbe̱neb laj Amalec ut teꞌosokꞌ chixjunileb, chan.

Ezequiel 2:9

Ut quicuil jun li ukꞌej yo̱ chixqꞌuebal cue jun li botbil hu.

Jeremías 51:60

Li profeta Jeremías quixtzꞌi̱ba saꞌ jun li botbil hu li raylal li tixcꞌul eb laj Babilonia, joꞌ ajcuiꞌ lix tenamiteb.

Jeremías 36:23

Nak yo̱ chirilbal xsaꞌ li hu laj Jehudí, li rey quixchap li ac xril ut quixset chi chꞌi̱chꞌ ut quixcut saꞌ xam. Quixba̱nu chi joꞌcan toj retal quixchoy xcꞌatbal chixjunil li hu nak ac xeꞌrabi li cꞌaꞌru naxye.

Jeremías 36:6

Ayu la̱at saꞌ li templo saꞌ li cutan nak tex-ayunik ut ta̱cuil xsaꞌ li hu aꞌin re nak chixjunileb li tenamit teꞌrabi li cꞌaꞌru quixye li Ka̱cuaꞌ. Ut ta̱cuil ajcuiꞌ xsaꞌ chiruheb chixjunileb li cristian li nequeꞌchal chak saꞌ eb li tenamit li cuanqueb Judá.

Isaías 8:1

Li Ka̱cuaꞌ quixye cue: —Chap jun pere̱lak li tzꞌalam cheꞌ nim ru ut chiru aꞌan ta̱tzꞌi̱ba chi tzꞌakal re ru li a̱tin aꞌin: Maher-salal-hasbaz.

Salmos 40:7

Joꞌcan nak xinye, cueꞌquin, at Ka̱cuaꞌ, joꞌ tzꞌi̱banbil retalil saꞌ li Santil Hu chicuix.

Esdras 6:2

Quitauman jun li botbil hu aran Acmeta saꞌ li palacio li cuan Media. Aꞌan aꞌin li tzꞌi̱banbil chiru li hu. Chijultica̱k aꞌin:

Oseas 8:12

Quintzꞌi̱ba chokꞌ reheb lix nimal xcuanquil lin chakꞌrab, abanan ma̱cꞌaꞌ qui-oc cuiꞌ chiruheb.

Jeremías 45:1

Saꞌ li xca̱ chihab nak laj Joacim li ralal laj Josías cuan chokꞌ xreyeb laj Judá, laj Baruc li ralal laj Nerías quixtzꞌi̱ba saꞌ li botbil hu li cꞌaꞌru quiyeheꞌ re xban li profeta Jeremías. Laj Jeremías quia̱tinac cuiꞌchic riqꞌuin laj Baruc ut quixye re:

Jeremías 36:29

Ut ta̱ye re laj Joacim lix reyeb laj Judá: Joꞌcaꞌin xye a̱cue li Ka̱cuaꞌ Dios. La̱at xacꞌat li hu ut xaye: ¿cꞌaꞌut nak quixtzꞌi̱ba nak relic chi ya̱l lix reyeb laj Babilonia ta̱cha̱lk ut tixsach li tenamit aꞌin ut tixcamsiheb li cristian joꞌqueb ajcuiꞌ li xul?

Jeremías 2:4

La̱ex aj Israel, li ralal xcꞌajol laj Jacob, cherabihak li cꞌaꞌru yo̱ chixyebal e̱re li Ka̱cuaꞌ.

Jeremías 1:5

Nak toj ma̱jiꞌ nacana chi yaj aj ixk la̱ naꞌ, la̱in ac ninnau nak tatyoꞌla̱k. Ut toj ma̱jiꞌ nacatyoꞌla nak xatinsantobresi re tatcꞌanjelak chokꞌ inprofeta saꞌ xya̱nkeb chixjunileb li tenamit, chan li Dios.

Li xHu LAJ JOB 31:35

Us raj nak cuan ta ani ta̱abi̱nk re li cꞌaꞌru yo̱quin chixyebal. Cꞌojcꞌo inchꞌo̱l riqꞌuin li nimajcual Dios. Ninnau nak aꞌan tixye nak ma̱cꞌaꞌ inma̱c, usta eb li xicꞌ nequeꞌiloc cue teꞌxye nak cuan inma̱c.

Deuteronomio 31:24

Ut laj Moisés quixchoy xtzꞌi̱banquil li chakꞌrab saꞌ xticlajic toj saꞌ rosoꞌjic.

Hebreos 10:7

Ut quinye: Cueꞌquin, at Ka̱cuaꞌ, tinba̱nu li nacacuaj joꞌ tzꞌi̱banbil saꞌ li Santil Hu chicuix. (Sal. 40:6-8)

Jeremías 1:9

Ut li Ka̱cuaꞌ Dios quixqꞌue li rukꞌ saꞌ xtzꞌu̱mal cue ut quixye cue: —Anakcuan ac xinqꞌue li cua̱tin saꞌ xtzꞌu̱mal a̱cue.

Jeremías 36:14

Eb li cuanqueb xcuanquil queꞌxbok laj Jehudí li ralal laj Netanías. Laj Netanías, aꞌan li ralal laj Selemías ut laj Selemías, aꞌan li ralal laj Cusi. Ut queꞌxtakla laj Jehudí chixyebal re laj Baruc nak tixcꞌam li botbil hu riqꞌuineb, li quiril xsaꞌ chiruheb li tenamit. Ut laj Baruc quixcꞌam li hu riqꞌuineb.

Jeremías 36:18

Laj Baruc quixye reheb: —Laj Jeremías quiyehoc cue chixjunil li a̱tin aꞌin ut la̱in xintzꞌi̱ba saꞌ li hu riqꞌuin tinta, chan.