Jeremías 36:14 - Li Santil hu

¹⁴ Eb li cuanqueb xcuanquil queꞌxbok laj Jehudí li ralal laj Netanías. Laj Netanías, aꞌan li ralal laj Selemías ut laj Selemías, aꞌan li ralal laj Cusi. Ut queꞌxtakla laj Jehudí chixyebal re laj Baruc nak tixcꞌam li botbil hu riqꞌuineb, li quiril xsaꞌ chiruheb li tenamit. Ut laj Baruc quixcꞌam li hu riqꞌuineb.

Q'eqchi Bible

¹⁴ Toja' naq chixjunileb' laj jolominel tenamit ke'xtaqla laj Jehudí, ralal laj Natanías ut ri laj Selemías, ralal laj Kusí, chi xyeeb'al re laj Baruk: “Xok li b'otb'ookil hu li xayaab'asi sa' xxikeb' li tenamit ut kim qik'in”. Laj Baruk, ralal laj Nerías, kixxok li hu ut koho b'arwi' wankeb' a'an.

Jeremías 36:14 ပူးပေါင်းရင်းမြစ်များ

Jeremías 36:2

—Sicꞌ jun botolak li hu ut ta̱tzꞌi̱ba chiru chixjunil li xinye a̱cue chirixeb laj Israel ut chirixeb laj Judá ut tzꞌi̱ba ajcuiꞌ li xinye chirixeb ajcuiꞌ chixjunileb li tenamit jun chꞌol chic. Toj cua̱nk chokꞌ rey laj Josías nak quintiquib a̱tinac a̱cuiqꞌuin ut toj chalen anakcuan.

San Mateo 10:28

Mexxucuac chiruheb laj camsinel xban nak li a̱mej incꞌaꞌ naru teꞌxcamsi. Aꞌ li te̱xucua ru, aꞌan li Ka̱cuaꞌ li cuan xcuanquil chixcamsinquil li tibelej ut chixtaklanquil li a̱mej saꞌ xbalba.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

Sofonías 1:1

Aꞌan aꞌin li a̱tin li quixye li Ka̱cuaꞌ re laj Sofonías saꞌ eb li cutan nak laj Josías li ralal laj Amón cuan chokꞌ rey aran Judá. Laj Sofonías aꞌan ralal laj Cusi. Ut laj Cusi, aꞌan ralal laj Gedalías. Ut laj Gedalías, aꞌan ralal laj Amarías. Ut laj Amarías, aꞌan ralal laj Ezequías.

Jeremías 41:18

Queꞌco̱eb chi najt xban nak queꞌraj e̱lelic chiruheb laj Babilonia. Queꞌxucuac chiruheb xban nak laj Ismael li ralal laj Netanías quixcamsi laj Gedalías li quixakaba̱c xban lix reyeb laj Babilonia chi takla̱nc saꞌ li naꞌajej Judá.

Jeremías 41:16

Chirix aꞌan laj Johanán, li ralal laj Carea, ut eb li nequeꞌtaklan saꞌ xbe̱neb li soldado queꞌxcꞌameb chak chixjunil li quixcꞌameb chi pre̱xil laj Ismael li ralal laj Netanías nak acak xcamsi laj Gedalías li ralal laj Ahicam. Cuanqueb soldados, cuanqueb ixk, ut cuanqueb cocꞌal, joꞌ eb ajcuiꞌ li eunucos li quixtauheb chak Gabaón.

Jeremías 40:8

Joꞌcan nak queꞌco̱eb Mizpa chirilbal laj Gedalías. Aꞌaneb aꞌin li queꞌco̱eb: laj Ismael li ralal laj Netanías; laj Johanán ut Jonatán, li cuib chi ralal laj Carea; laj Seraías li ralal laj Tanhumet; eb li ralal laj Efai li netofatita; ut Jezanías li ralal jun laj maacateo. Ut eb lix soldados cuanqueb rochbeneb.

Jeremías 36:21

Ut li rey quixtakla laj Jehudí chixcꞌambal li botbil hu. Laj Jehudí quixxoc chak li botbil hu saꞌ xnaꞌaj laj Elisama laj tzꞌi̱b. Quiril xsaꞌ li hu laj Jehudí chiru li rey ut chiruheb ajcuiꞌ chixjunileb li cuanqueb xcuanquil, li chꞌutchꞌu̱queb rochben li rey.

2 Reyes 25:23

Eb li cuanqueb xcuanquil saꞌ xbe̱neb li soldado aj Israel queꞌrabi resil nak laj Gedalías, aꞌan chic li gobernador ut co̱eb Mizpa chi a̱tinac riqꞌuin. Aꞌaneb laj Ismael li ralal laj Netanías; laj Johanán li ralal laj Carea; laj Seraías li ralal laj Tanhumet, Netofa xtenamit; ut laj Jaazanías li ralal jun li cui̱nk Maaca xtenamit. Ut co̱eb ajcuiꞌ li cui̱nk li cuanqueb rochbeneb.

Jeremías 36:4

Ut laj Jeremías quixbok laj Baruc, li ralal laj Nerías ut quixye re chixjunil li quiyeheꞌ re xban li Ka̱cuaꞌ Dios. Ut laj Baruc quixtzꞌi̱ba chixjunil saꞌ li hu joꞌ quiyeheꞌ re xban laj Jeremías.