Jeremías 36:10 - Li Santil hu

¹⁰ Laj Baruc co̱ saꞌ xmu li templo cuan cuiꞌ li puerta toj acꞌ. Qui-oc saꞌ lix naꞌaj laj Gemarías li ralal laj Safán laj tzꞌi̱b. Ut aran quiril chiruheb li tenamit li quixye laj Jeremías li tzꞌi̱banbil saꞌ li botbil hu.

Q'eqchi Bible

¹⁰ Laj Baruk koho chiru xneb'aalil li rochoch li Qaawa' li wank taqe'q, chi xk'atq li Ak' Okeb'aal; ut toj sa' li xna'aj laj Kemarías, ralal laj Safán laj tz'iib', kixyaab'asi sa' xxikeb' chixjunileb' li poyanam eb' li raatin laj Jeremías tz'iib'anb'il sa' li b'otb'ookil hu.

Jeremías 36:10 ပူးပေါင်းရင်းမြစ်များ

Jeremías 36:11

Ut laj Micaías li ralal laj Gemarías quirabi chixjunil li ra̱tin li Ka̱cuaꞌ li quiril saꞌ li botbil hu laj Baruc. Laj Micaías, aꞌan ri laj Safán.

Jeremías 52:25

Saꞌ xya̱nkeb li toj cuanqueb saꞌ li tenamit, laj Nabuzaradán quixcꞌam li nataklan saꞌ xbe̱neb lix soldado laj Israel. Ut quixcꞌameb ajcuiꞌ li cuukub chi cui̱nk li nequeꞌqꞌuehoc xnaꞌleb li rey. Ut quixcꞌam li cui̱nk li natzꞌi̱ban re lix cꞌabaꞌeb li tenamit. Ut quixcꞌameb oxcꞌa̱l (60) chic li cui̱nk li toj cuanqueb saꞌ li tenamit.

Jeremías 26:10

Nak eb li cuanqueb xcuanquil saꞌ xya̱nkeb laj Judá queꞌrabi li cꞌaꞌru quicꞌulman, queꞌel saꞌ li palacio ut queꞌco̱eb saꞌ junpa̱t saꞌ li templo ut queꞌchunla saꞌ xnaꞌajeb chiru li acꞌ oqueba̱l re lix templo li Ka̱cuaꞌ.

Jeremías 36:25

Laj Elnatán, laj Delaía ut laj Gemarías queꞌxtzꞌa̱ma chiru li rey nak incꞌaꞌ tixcꞌat li hu. Abanan li rey incꞌaꞌ quirabi li cꞌaꞌru queꞌxye.

2 Samuel 8:17

Laj Sadoc, ralal laj Ahitob, ut laj Ahimelec, ralal laj Abiatar, aꞌan eb laj tij. Ut laj Seraías, aꞌan laj tzꞌi̱b.

Jeremías 36:8

Laj Baruc, li ralal laj Nerías, quixba̱nu chixjunil li quiyeheꞌ re xban li profeta Jeremías. Co̱ saꞌ li templo re ta̱ril xsaꞌ li botbil hu chiruheb li tenamit.

Jeremías 36:6

Ayu la̱at saꞌ li templo saꞌ li cutan nak tex-ayunik ut ta̱cuil xsaꞌ li hu aꞌin re nak chixjunileb li tenamit teꞌrabi li cꞌaꞌru quixye li Ka̱cuaꞌ. Ut ta̱cuil ajcuiꞌ xsaꞌ chiruheb chixjunileb li cristian li nequeꞌchal chak saꞌ eb li tenamit li cuanqueb Judá.

Jeremías 35:4

Xincꞌameb saꞌ jun li naꞌajej li cuan chire li templo saꞌ lix naꞌajeb li ralal laj Hanán, li ralal li profeta Igdalías. Li naꞌajej aꞌan cuan chixcꞌatk lix naꞌajeb li cuanqueb xcuanquil saꞌ li templo ut cuan saꞌ xbe̱n lix naꞌaj laj Maasías, li ralal laj Salum, li nacꞌacꞌalen saꞌ li oqueba̱l.

Jeremías 29:3

Laj Sedequías, lix reyeb laj Judá, quixtaklaheb laj Elasa li ralal laj Safán ut laj Gemarías li ralal laj Hilcías chi a̱tinac riqꞌuin laj Nabucodonosor, lix reyeb laj Babilonia. Laj Jeremías quixtakla jun li hu chirixeb nak queꞌco̱eb Babilonia. Li hu li quixtakla naxye chi joꞌcaꞌin:

Jeremías 26:24

Laj Ahicam li ralal laj Safán qui-oquen chirix laj Jeremías. Joꞌcan nak incꞌaꞌ quikꞌaxtesi̱c saꞌ rukꞌeb li tenamit re teꞌxcamsi.

2 Reyes 18:37

Ut laj Eliaquim, li ralal laj Hilcías, li na-iloc re li palacio ut laj Sebna laj tzꞌi̱b joꞌ ajcuiꞌ laj Joa li ralal laj Asaf, li najolomin reheb li nequeꞌxococ re li hu, queꞌxpej li rakꞌeb ut queꞌco̱eb riqꞌuin laj Ezequías ut queꞌxye re chixjunil li quixye laj Rabsaces.

2 Reyes 15:35

Abanan li rey Jotam incꞌaꞌ quixjuqꞌueb li naꞌajej li najt xteram. Ut eb li cristian toj yo̱queb chixqꞌuebal li cꞌatbil mayej ut yo̱queb ajcuiꞌ chixcꞌatbal lix incienso re xlokꞌoninquil li jalanil dios. Li rey Jotam quixyi̱b cuiꞌchic li nimla oqueba̱l saꞌ li rochoch li Ka̱cuaꞌ Dios.

2 Samuel 20:25

Laj Seva, aꞌan laj tzꞌi̱b. Ut laj Sadoc ut laj Abiatar, aꞌaneb laj tij.

1 Reyes 6:36

Ut queꞌxyi̱b li neba̱l li cuan chiru li templo. Queꞌxyi̱b li tzꞌac riqꞌuin li pec ti̱cobresinbil ru chi us. Oxib tzol li pec ut jun tzol li cheꞌ chacalteꞌ queꞌxqꞌue saꞌ xbe̱n li pec.

Jeremías 43:3

Laj Baruc li ralal laj Nerías yo̱ chi tacchiꞌi̱nc a̱cue re nak toa̱kꞌaxtesi saꞌ rukꞌeb laj Babilonia re nak toeꞌxcamsi malaj ut toeꞌxcꞌam chi pre̱xil aran Babilonia, chanqueb.

Ezequiel 40:38

Ut cuan ajcuiꞌ jun li naꞌajej nachꞌ riqꞌuin li oqueba̱l li cuan saꞌ li norte, li naxic saꞌ li neba̱l li cuan toj chi saꞌ. Saꞌ li naꞌajej aꞌan queꞌxchꞌaj xtibeleb li xul li nequeꞌxqꞌue chokꞌ cꞌatbil mayej.

2 Reyes 22:3

Yo̱ cuakxaklaju chihab roquic chokꞌ rey laj Josías nak quixtakla laj Safán laj tzꞌi̱b saꞌ lix templo li Ka̱cuaꞌ. Laj Safán, aꞌan li ralal laj Azalía ut laj Azalía, aꞌan li ralal laj Mesulam. Li rey Josías quixye re laj Safán: