Jeremías 35:4 - Li Santil hu

⁴ Xincꞌameb saꞌ jun li naꞌajej li cuan chire li templo saꞌ lix naꞌajeb li ralal laj Hanán, li ralal li profeta Igdalías. Li naꞌajej aꞌan cuan chixcꞌatk lix naꞌajeb li cuanqueb xcuanquil saꞌ li templo ut cuan saꞌ xbe̱n lix naꞌaj laj Maasías, li ralal laj Salum, li nacꞌacꞌalen saꞌ li oqueba̱l.

Q'eqchi Bible

⁴ ut keb'ink'am sa' rochoch li Qaawa', sa' li xna'ajeb' li ralal xk'ajoleb' laj Janán, ralal laj Ikdalías, a'an xmoos li Yos. Li na'ajej a'an wank chi xk'atq li xna'ajeb' li neke' ilok re li rochoch li Yos, ut sa' li xkab' k'ojar nawank wi' laj Mahasías, ralal laj Salún, laj ilol re li neb'aal.

Jeremías 35:4 ပူးပေါင်းရင်းမြစ်များ

Deuteronomio 33:1

Laj Moisés, li sicꞌbil ru xban li Dios, quixtzꞌa̱ma li rosobtesinquileb laj Israel chiru li Dios nak toj ma̱jiꞌ nacam.

2 Crónicas 8:14

Laj Salomón quixqꞌueheb chi cꞌanjelac eb laj tij joꞌ quixye laj David. Joꞌcan eb ajcuiꞌ laj levita. Queꞌxba̱nu lix cꞌanjeleb. Queꞌbichan re xlokꞌoninquil li Ka̱cuaꞌ ut queꞌxtenkꞌaheb laj tij joꞌ tento xba̱nunquil rajlal cutan. Quixqꞌueheb ajcuiꞌ saꞌ lix cꞌanjeleb li queꞌcanaba̱c chi cꞌacꞌale̱nc saꞌ eb li oqueba̱l. Queꞌxba̱nu lix cꞌanjel joꞌ quixye laj David laj cꞌanjel chiru li Dios.

2 Reyes 12:9

Ut laj Joiada lix be̱nil aj tij quixsicꞌ jun li ca̱x. Quixhop saꞌ xbe̱n lix tzꞌapbal re. Ut quixqꞌue li ca̱x chixcꞌatk li artal saꞌ li nim li nequeꞌoc cuiꞌ saꞌ lix templo li Ka̱cuaꞌ. Ut eb laj tij li nequeꞌcꞌacꞌalen re li oqueba̱l re li templo queꞌxqꞌue chi saꞌ li ca̱x chixjunil li tumin li nequeꞌxqꞌue li tenamit.

2 Reyes 25:18

Ut laj Seraías li xbe̱nil aj tij quichapeꞌ ut quicꞌameꞌ xbaneb lix soldado laj Nabuzaradán. Ut quicꞌameꞌ ajcuiꞌ laj Sofonías li xcab aj tij. Ut queꞌcꞌameꞌ li oxib chi cui̱nk li queꞌcꞌacꞌalen re li oqueba̱l re li templo.

2 Reyes 1:9

Tojoꞌnak li rey quixtakla jun li nataklan saꞌ xbe̱neb lix soldado rochbeneb laje̱b roxcꞌa̱l chi soldado re teꞌxic chixcꞌambal chak laj Elías. Li nataklan saꞌ xbe̱neb li soldado quixtau laj Elías chunchu saꞌ xbe̱n bol. Li cui̱nk quixye re: —At xprofeta li Dios, li rey xtakla xyebal a̱cue nak tatcubek saꞌ li tzu̱l aꞌin ut tatxic riqꞌuin, chan.

1 Reyes 12:22

Abanan li Dios quia̱tinac riqꞌuin laj Semaías laj cꞌanjel chiru, ut quixye re:

Josué 14:6

Saꞌ jun li cutan queꞌcuulac Gilgal li ralal xcꞌajol laj Judá chi a̱tinac riqꞌuin laj Josué. Laj Caleb, li ralal laj Jefone, Cenaz xtenamit, quixye re laj Josué: —La̱at ac nacanau li cꞌaꞌru quixye li Ka̱cuaꞌ re laj Moisés, laj cꞌanjel chiru, nak quia̱tinac riqꞌuin saꞌ li naꞌajej Cades-barnea cha̱cuix la̱at ut chicuix ajcuiꞌ la̱in.

2 Timoteo 3:17

Li Santil Hu naxcꞌut chiru li nacꞌanjelac chiru li Dios chanru nak ta̱cua̱nk chi tzꞌakal re ru lix yuꞌam ut naxtenkꞌa aꞌan re nak cauresinbilak chi tzꞌakal re xba̱nunquil chixjunil li cha̱bil cꞌanjel.

1 Timoteo 6:11

Ut la̱at, at Timoteo, la̱at aj cꞌanjel chiru li Dios. Ma̱ba̱nu li ma̱usilal li nequeꞌxba̱nu eb aꞌan. Qꞌue ban a̱chꞌo̱l chi cua̱nc saꞌ ti̱quilal. Chara li Dios ut chatpa̱ba̱nk chiru. Charaheb la̱ cuas a̱cui̱tzꞌin. Chacuy li raylal ut chatcua̱nk saꞌ tu̱lanil.

Ezequiel 43:8

Eb li rey queꞌxyi̱b li rochocheb chixcꞌatk lin templo. Ut lix puertil cuan saꞌ xcaꞌyaba̱l lix puertil lin templo. Jun tasal ajcuiꞌ li tzꞌac naramoc re lin templo riqꞌuin li rochocheb aꞌan. Ut queꞌxmux ru lin santil cꞌabaꞌ nak queꞌxba̱nu li ma̱usilal li xicꞌ nacuil. Riqꞌuin aꞌan queꞌxchikꞌ lin joskꞌil. Joꞌcan nak quinsach ruheb.

Jeremías 52:24

Laj Nabuzaradán li nataklan saꞌ xbe̱neb li soldados li nequeꞌcꞌacꞌalen re li rey quixchap laj Seraías li xbe̱nil aj tij. Ut quixchap ajcuiꞌ laj Sofonías li xcab aj tij joꞌ eb ajcuiꞌ li oxib chi cui̱nk li queꞌcꞌacꞌalen re li oqueba̱l re li templo.

Jeremías 26:10

Nak eb li cuanqueb xcuanquil saꞌ xya̱nkeb laj Judá queꞌrabi li cꞌaꞌru quicꞌulman, queꞌel saꞌ li palacio ut queꞌco̱eb saꞌ junpa̱t saꞌ li templo ut queꞌchunla saꞌ xnaꞌajeb chiru li acꞌ oqueba̱l re lix templo li Ka̱cuaꞌ.

Salmos 84:10

Kꞌaxal lokꞌ li cua̱nc saꞌ la̱ templo usta jun cutan ajcuiꞌ chiru li cua̱nc jun mil cutan saꞌ jalan naꞌajej. Kꞌaxal us chokꞌ cue la̱in cua̱nc saꞌ la̱ cuochoch, usta caꞌaj cuiꞌ rilbal li oqueba̱l tinba̱nu, chiru li cua̱nc saꞌ jun cha̱bil naꞌajej li nequeꞌxba̱nu cuiꞌ li ma̱usilal.

1 Crónicas 9:27

Eb aꞌan cuanqueb xnaꞌaj saꞌ xjun sutam lix templo li Dios, xban nak tento nak eb aꞌan teꞌcꞌacꞌale̱nk re li templo. Ut tento nak teꞌxte li oqueba̱l rajlal ekꞌela.

2 Reyes 7:17

Lix reyeb laj Israel quixqꞌue li soldado li natenkꞌan re chi cꞌacꞌale̱nc saꞌ li oqueba̱l re li tenamit. Eb li tenamit queꞌnumeꞌ saꞌ xbe̱n ut queꞌxpitzꞌ xsaꞌ ut quicam. Quicꞌulman joꞌ quixye lix profeta li Ka̱cuaꞌ nak quicuulac li rey riqꞌuin.

2 Reyes 7:2

Li cui̱nk li natenkꞌan re li rey quixye re laj Eliseo: —Usta li Ka̱cuaꞌ Dios naxtakla chak saꞌ choxa li cebada chi nabal, ma̱ jaruj ta̱cꞌulma̱nk joꞌ xaye, chan. Ut laj Eliseo quixye re: —La̱at ta̱cuil nak ta̱cꞌulma̱nk joꞌ xinye. Abanan la̱at incꞌaꞌ ta̱tzaca li tzacae̱mk aꞌan, chan.

2 Reyes 6:10

Li rey re Israel quixtaklaheb lix takl saꞌ li naꞌajej li quixye li profeta li cuanqueb cuiꞌ chi ramoc laj Siria. Quixye reheb nak teꞌxba̱nu cue̱nt. Joꞌcaꞌin nak queꞌxcol ribeb nabal sut chiruheb li soldado aj Siria.

2 Reyes 5:20

nak laj Giezi lix mo̱s li profeta Eliseo quixye saꞌ xchꞌo̱l: —Lin patrón xcanab chi xic laj Naamán laj Siria chi ma̱cꞌaꞌ xcꞌul. Incꞌaꞌ xcꞌul li cꞌaꞌru xcꞌam chak re tixsi re. Saꞌ xcꞌabaꞌ li Ka̱cuaꞌ Dios, tinxic chi junpa̱t re nak tixsi bayak cue, chan.

2 Reyes 5:14

Joꞌcan nak laj Naamán co̱ saꞌ li nimaꞌ Jordán ut quixsub rib cuukub sut saꞌ li nimaꞌ joꞌ quiyeheꞌ re xban lix profeta li Dios. Ut quiqꞌuira. Lix tibel kꞌun kꞌun quicana joꞌ xtibel junak sa̱j al.

1 Reyes 20:28

Jun xprofeta li Ka̱cuaꞌ Dios quicuulac riqꞌuin li rey Acab ut quixye re: —Joꞌcaꞌin xye li Ka̱cuaꞌ. “Xban nak eb laj Siria xeꞌxye nak caꞌaj cuiꞌ saꞌ eb li tzu̱l cuan incuanquil ut xeꞌxye nak ma̱cꞌaꞌ incuanquil saꞌ li ru takꞌa, joꞌcan nak la̱in tinkꞌaxtesiheb laj Siria saꞌ a̱cuukꞌ, usta kꞌaxal nabaleb. La̱at ta̱nau nak la̱in li Ka̱cuaꞌ,” chan.

1 Reyes 17:24

Ut li xma̱lcaꞌan quixye re: —Riqꞌuin aꞌin ninqꞌue retal nak la̱at xprofeta li Dios ut chixjunil li nacaye, aꞌan ya̱l xban nak li Ka̱cuaꞌ naxcꞌut cha̱cuu, chan.

1 Reyes 17:18

Li naꞌbej quixye re laj Elías: —¿Cꞌaꞌru inma̱c cha̱cuu, at xprofeta li Dios? ¿Ma xatchal cuiqꞌuin chixjulticanquil lin ma̱c ut chixcamsinquil lin chꞌina yum? chan.

1 Reyes 13:26

Nak quirabi li profeta li cuan Bet-el li cꞌaꞌru quixcꞌul li profeta li quicuaꞌac rochben saꞌ rochoch, quixye: —Aꞌan li profeta li xkꞌet ra̱tin li Dios. Li Ka̱cuaꞌ xkꞌaxtesin re li cakcoj. Li cakcoj quixchap ut quixcamsi joꞌ quiyeheꞌ re xban li Ka̱cuaꞌ, chan.

1 Reyes 13:1

Nak laj Jeroboam yo̱ chixcꞌatbal lix incienso saꞌ li artal li quixyi̱b aran Bet-el, jun li profeta quichal chak Judá taklanbil xban li Dios.

1 Samuel 2:27

Jun lix profeta li Dios quicuulac riqꞌuin laj Elí ut quixye re: —Joꞌcaꞌin xye li Ka̱cuaꞌ: “La̱in quincꞌutbesi cuib chiru laj Aarón, la̱ xeꞌto̱nil yucuaꞌ, nak aꞌan joꞌ eb ajcuiꞌ lix comon cuanqueb chak chokꞌ rahobtesinbil mo̱s aran Egipto.

Jeremías 35:3

Ut la̱in co̱in chixcꞌambal chak laj Jaazanías li ralal laj Jeremías jun chic ut ri laj Habasinías, joꞌ eb ajcuiꞌ li ralal ut eb li ras. Ut quincꞌameb chixjunileb li ralal xcꞌajol laj Recab.

Ezequiel 40:38

Ut cuan ajcuiꞌ jun li naꞌajej nachꞌ riqꞌuin li oqueba̱l li cuan saꞌ li norte, li naxic saꞌ li neba̱l li cuan toj chi saꞌ. Saꞌ li naꞌajej aꞌan queꞌxchꞌaj xtibeleb li xul li nequeꞌxqꞌue chokꞌ cꞌatbil mayej.

Jeremías 21:1

Laj Sedequías lix reyeb laj Judá quixtakla laj Pasur li ralal laj Malquías riqꞌuin laj Jeremías. Ut quixtakla ajcuiꞌ laj Sofonías laj tij ralal laj Maasías re teꞌxye re laj Jeremías chi joꞌcaꞌin: