Jeremías 35:2 - Li Santil hu

² —Tatxic riqꞌuineb li ralal xcꞌajol laj Recab ut ta̱bokeb saꞌ lin templo. Ta̱cuocsiheb saꞌ junak li naꞌajej li cuan saꞌ lin templo ut ta̱qꞌue li vino re teꞌrucꞌ, chan.

Q'eqchi Bible

² “Ayu rik'ineb' li ralal xk'ajoleb' laj Rekab ut aatinaheb'. Taak'ameb' sa' junaq na'ajej li wank sa' rochoch li Yos ut k'eheb' chi uk'ak b'iin”, chan li Qaawa'.

Jeremías 35:2 ပူးပေါင်းရင်းမြစ်များ

1 Crónicas 2:55

Laj Salma, aꞌan ajcuiꞌ lix xeꞌto̱nil yucuaꞌ eb laj tzꞌi̱b li queꞌcuan aran Jabes. Aꞌaneb laj tirateo, eb laj simeateo ut eb laj sucateo. Aꞌaneb laj quenitas li ralal xcꞌajol laj Hamat lix yucuaꞌ laj Bet-recab.

1 Crónicas 9:26

Abanan li ca̱hib chi cui̱nk li queꞌcꞌamoc be chi cꞌacꞌale̱nc re li oqueba̱l, aꞌaneb queꞌcuan junelic. Aꞌaneb ajcuiꞌ li queꞌiloc reheb li cocꞌ naꞌajej li cuan saꞌ li templo, ut queꞌiloc ajcuiꞌ reheb li naꞌajej li queꞌxoqueꞌ cuiꞌ li cꞌaꞌak re ru terto xtzꞌak re li templo.

Ezequiel 40:16

Cuanqueb ventana cocꞌ ru saꞌ eb li junju̱nk chi naꞌajej. Cuanqueb ajcuiꞌ saꞌ li xmu cab. Ut cuanqueb ajcuiꞌ ventana saꞌ li naꞌajej li nequeꞌnumeꞌ cuiꞌ nak nequeꞌxic saꞌ li neba̱l. Ut lix sahob ru juchꞌbileb chiruheb li okech, aꞌan retalileb li cheꞌ palmera.

Jeremías 35:8

Yo̱co xba̱nunquil chixjunil li quixye ke laj Jonadab li ralal laj Recab, li kaxeꞌto̱nil yucuaꞌ. La̱o incꞌaꞌ noco-ucꞌac vino, chi moco eb li kixakil chi moco eb li kalal kacꞌajol.

Jeremías 35:4

Xincꞌameb saꞌ jun li naꞌajej li cuan chire li templo saꞌ lix naꞌajeb li ralal laj Hanán, li ralal li profeta Igdalías. Li naꞌajej aꞌan cuan chixcꞌatk lix naꞌajeb li cuanqueb xcuanquil saꞌ li templo ut cuan saꞌ xbe̱n lix naꞌaj laj Maasías, li ralal laj Salum, li nacꞌacꞌalen saꞌ li oqueba̱l.

Nehemías 13:5

Ut laj Eliasib quixqꞌue ajcuiꞌ chokꞌ xnaꞌaj laj Tobías li nimla cuarto li cuan saꞌ li templo li nequeꞌxxoc cuiꞌ li mayej, li incienso, li secꞌ, li trigo li junju̱nk saꞌ xlaje̱tkil, joꞌ ajcuiꞌ li vino ut li aceite, li tento xqꞌuebal reheb laj levita, reheb laj bichanel, ut reheb li nequeꞌcꞌacꞌalen re li oqueba̱l. Ut nequeꞌxxoc ajcuiꞌ saꞌ li cuarto aꞌan li mayej li tento xqꞌuebal reheb laj tij.

Esdras 8:29

Te̱ril ut te̱xoc chi us re nak ma̱cꞌaꞌ teꞌxcꞌul chalen toj te̱bis chiruheb li nequeꞌtaklan saꞌ xbe̱neb laj judío ut chiruheb laj tij. Ut te̱bis chiruheb laj levita ut chiruheb li nequeꞌjolomin re li junju̱nk cabal li cuanqueb Jerusalén. Te̱bis aran saꞌ lix templo li Ka̱cuaꞌ, chanquin reheb.

2 Crónicas 31:11

Laj Ezequías quixye reheb nak teꞌxyi̱b eb li naꞌajej saꞌ li templo li ta̱xocma̱nk cuiꞌ li mayej li nequeꞌxqꞌue li tenamit. Ut joꞌcan qui-uxman.

2 Crónicas 3:9

Li claux yi̱banbil riqꞌuin oro ut numenak jun libra ra̱lal li junju̱nk. Quixletz ajcuiꞌ li oro chiruheb li cocꞌ cab li cuanqueb saꞌ xcaꞌ tasalil li templo.

1 Crónicas 23:28

Eb li ralal xcꞌajol laj Leví queꞌcanaba̱c saꞌ xcue̱nteb li ralal xcꞌajol laj Aarón chi cꞌanjelac saꞌ lix templo li Ka̱cuaꞌ. Cuan queꞌcanaba̱c chi cꞌanjelac saꞌ li neba̱l ut cuanqueb ajcuiꞌ li queꞌxakaba̱c chi cꞌanjelac saꞌ eb li naꞌajej li cuan cuiꞌ li cꞌaꞌak re ru li nacꞌanjelac saꞌ li templo. Ut teꞌcꞌanjelak ajcuiꞌ re xsantobresinquil li cꞌaꞌru nacꞌanjelac saꞌ li templo. Teꞌxba̱nu chixjunil li cꞌanjel saꞌ lix templo li Dios.

1 Crónicas 9:33

Cuanqueb ajcuiꞌ laj bichanel. Li queꞌtaklan saꞌ xbe̱n li junju̱nk xte̱paleb li tenamit queꞌcuan saꞌ li naꞌajej li cuan saꞌ li templo. Ma̱cꞌaꞌ chic lix cꞌanjeleb xban nak queꞌcꞌanjelac saꞌ li templo chi kꞌek chi cutan.

1 Reyes 6:10

Ut li cocꞌ cab li queꞌxyi̱b chirix li templo cuib metro riqꞌuin o̱b xcaꞌcꞌa̱l centímetro xteram. Ut lix tzꞌambahil li cocꞌ cab yi̱banbil riqꞌuin li cheꞌ chacalteꞌ ut nequeꞌhilan saꞌ xbe̱n li tzꞌac re li templo.

1 Reyes 6:8

Lix puertil li cocꞌ cab re li xbe̱n tasal nacana saꞌ li nim re li templo. Ut li takleba̱l li naxic saꞌ li xcab ut li rox tasal li cab, aꞌan naxkꞌoti rib.

Jeremías 35:3

Ut la̱in co̱in chixcꞌambal chak laj Jaazanías li ralal laj Jeremías jun chic ut ri laj Habasinías, joꞌ eb ajcuiꞌ li ralal ut eb li ras. Ut quincꞌameb chixjunileb li ralal xcꞌajol laj Recab.

1 Crónicas 28:12

Quixqꞌue re li retalil chixjunil li quixcꞌoxla xyi̱banquil. Quixqꞌue re li retalil li neba̱l ut eb li naꞌajej li cuan chire li neba̱l. Quixqꞌue ajcuiꞌ li retalileb li naꞌajej li xocxo̱k cuiꞌ li nacꞌanjelac saꞌ lix templo li Dios, joꞌ ajcuiꞌ li mayej li santobresinbil.